Peace🎀

بعد وقت طويل بديت متأكدة كليًا أنه من أهم أسباب التوفيق في الحياة؛ النية الطيبة، مهما حاولو يوقفوا في طريقك ويعبوها عثرات، مهما دارو باش يخلوك توقف، مهما تسكرت، مهما تعسرت، مهما حسيتها النهاية.. طول ما أنت ماشي بلا ما تشيل في قلبك على حد، وبلا ما تنوي في خاطرك أذى لحد، وبلا ما تتمنى شر لحد وبلا ما تشيل هم حد.. حتتوسع وتنفتح، ومن الباب الضيق حيخش الرزق الوفير، حظك حينور، وملامحك حتحلو، وأمورك حتتساوى، وطريقك حتتسهل، وكل صعب حيلين، بلا جهد منك حتغلب كل من حط روحه في مقارنة من طرف واحد معاك، وحتقعد فارق، بالبصمة والوجود والحضور وكل حاجة تحط فيها يدك.. السعي ما يعنيش المنافسة، ما يعنيش التقليد، ما يعنيش الجري باش تتبث أنك أحسن من أحدهم، السعي يعني المحاولة في التحسين، يعني التوكل.. يعني راحة البال مع قناعة إنه في النهاية حتربح كفة الكويس الي بأصح طريقة ( عارف قيمة روحه ) صفي النية، كل شيء حيعرف طريقه ليك 🩶

ساعات الواحد محتاج يقول شكرًا حتى للناس الي علموه إنه الشر موجود، لكل شخص قاسي شاء القدر أنه يحطه في طريقه، وكل صاحب مِش أهل للكلمة، شكرًا للأشخاص المش كويسين، والقصص الهِشة والمواقف الجارحة والعلاقات المش صحية.. شكرًا للأوجاع وللحيرة ولكل ليلة صعبة صاحبها كان يتوقع إنه بعدها ما فيش صبح.. شكرًا مِن القلب لأن بفضل كل ما فات أكتسبنا البصيرة والوعي والنضج السادين ويلي مخليينا اليوم نعرفو بدقة شن الخطوة الجاية، وفاهمين كويسين قيمة أرواحنا مِن غير ما نرضولها الأقل.. ولا نرضوه فيها 🤍

‏"إذا كنت تقرأ هذا، إدع لي ولا تخبرني، لا تخبرني أبداً، أحتاج أن تحدث معي معجزة في حياتي بسبب دعَواتٍ لا أعرف من أين أو من صاحبها🩶

الواحد أحيانًا بسبب كلمة حلوة ممكن يصدّق إن الدنيا فعلاً حلوة، بسبب تقعميزة رايقة مع حَد يحبّه ممكن ينسى المشاكل اللي غارق فيها، بسبب نظرة حب ممكن يوثق في نفسه من جديد، الأفعال اللي معبية حنية من ناس تشبهنا تورد داخلنا🩶..

تخيلوا أن ينعاد علينا رمضان القادم ونحنُ نلمس الدعوات والأماني التي دعوناها هذا العام! يا ربّ اجمع بيننا وبين دعواتنا .

‏هذا اليَوم يجتمعُ فيه شرفُ الزَّمانَيْن:جمعةٌ ورمضَان وشرفُ القوليْن: الصّلاة علىٰ النبيِّ ﷺ والقرآن وشرفُ الدَّعوتين: عندَ الإفطار وآخر سَاعةٍ مِنَ الجُمعَة. ﴿ فَاسْتَبِقُوا الْخَيْرَاتِ ﴾

عسى ان نرى فيه أحلامنا واقع، وأن نحصل على ما تمنّيناه وتُجاب دعواتنا.

كتاب ممتع وماتع لِأدهم شرقاوي ، انصح به