صوره و كابشن

بواسي بلد بحالها، ولما بيجي دوري بطلع اتمشي لوحدي.

ولأول مرة منذ زمن بعيد، لمست قلبي امرأة، بلا رغبة ولا نوايا، وبلا ألاعيب، أحبها لأنها هي، ولم يخلُ ذلك من الحزن.

معرفش ليه الناس مبتصدقناش لما نقولهم ان اللبن ريحته جاموسه والعيش ريحته فريزر والفاكهه ريحتها تلاجه والبانيه ساعات بيبقي ريحته ريش فراخ او تحس انك بتاكل الراجل نفسه بتاع الفراخ والسمك ريحته بحر وعصايه الايس كريم ريحتها مله سرير والهدوم ريحتها شمس 🤣🤣 دي روايح بجد احنا بنشمها والله ..

أنا آسفه لنفسي الاول اني قللت منها وهنتها مع ناس مش شبهي اسفه ع كل مره سندت حد لغايه لما كبر وف الآخر كبر عليه اسفه اني قبلت عيوبكم وقولت اني هقدر أغيرها اسفه اني قبلت المعامله الوحشه بتاعتكم كلكم علشان حبي ليه اللي كان عميني اسفه ع كل مره وقفت فيها ف الهم ومدعتش ف الفرح وعدتها اسفه اني طبطبت واستحملت عصبيه وقله قيمه علشان أهون ضغوطات الحياه عن حد اسفه ع كل مره وقفت ف ظهر حد و مقاليش شكرا ف الآخر حتي اسفه ع حبي واخلاصي اللي اتاكفئت بيه بخيانه اسفه ع كل مره اتمسكت بحد قالي بحبك و حاولي علشاني وبعدين قال للكل اني بجري وراه اسفه ع كل مره اتخطيت حد وأول لما عرف اني كويسه منغيره وقبلت ارجع تاني علشان يثبت لنفسه اني مش هقدر أعيش منغيره اسفه ع مساعدتي ليكم واني كنت بنت باره واخت و صاحبه كويسه وحبيبه اسفه اني استحملت الكل اسفه ع كل مره اتخانقت فيها مع الناس علشان قالوا عنكم حقيقه وانا دافعت عنكم اسفه ف كل مره شوفت فيها مرضكم النفسي واستحملت علشان بحبكم اسفه ع كل مره عملت فيها خير

عزيزتي البنت.. ‏لما تختارى راجل إختاري الراجل اللي مش لازم تشرحيله إزاى الرجاله تتصرف ونقطة. ‏Its literally that simpl

اللهم قنا خصومة الفاجر، ومحبة المخادع، وغدر القريب.

قالت: جسمي بيقلق قبل مخي. #جلسات_الخميس

قالت: كفاية عليا دروس في الحياة لحد كده....أنا عايزة أعيش عالة على المجتمع خلاص. #جلسات_الخميس

ربنا يسامحها الدنيا حدفت علينا ناس ولا من مقامنا ولا شبهنا ولا ينفع يبقوا في حياتنا!!

"عند الله تجتمع الخصوم" جملة بتطمن قلبك، وتفكّرك إن حق المظلوم عمره ما بيضيع، وإن مش كل إساءة محتاجة رد، لأن ربنا أعدل من أي انتقام، وأعظم من أي مواجهة.

في ناس بتعدي علينا وتسيب جرح مش باين للعين بس كل ما بنضحك، بنحس بيه، وكل ما نسكت، بيوجع أكتر. وجع ساكت، بس عمره ما نسي.

‏إذا سألوك : كيف حالك؟ قل : الحمدلله! ‏قلها مستشعراً نِعم اللّٰه عليك من بين يديك ومن خلفك ، وعن يمينك وشمالك قلها مستحضراً حقيقة أن الألوف يتمنّون النعم التي تغمرك ، ردِّدها وأنت مُطمئن ، راغبًا في الزيادة ، مُمتلئًا بكثرة الشكر ، حامداً شاكراً مثنيّاً.. الحمد لله دائماً وأبداً وعلي اي حال كنت عليه🌸🦋

مساء الخير وكُل الخير لقٌرّائي ومُتابعيني الكِرام. الحقيقة أنا بقالي سنين بعاني من موضوع الملكية الفكرية بشكل مش طبيعي وكُنت بتجاهل الأمر وأقول إن فُلان اللي بيسرق مجهودي وشُغلي دا مش قاصد، لكن للأسف الموضوع زاد عن حده بشكل رهيب وبدأ يضر باِسمي. يؤسفني أقول إن في ناس كونت قاعدة جماهيرية وبقى عندهُم قُراء على قفايا وبسبب كِتاباتي اللي بينسخوها ويقدموها للناس على إنها من إبداع عقليتهُم ومن أعمالهُم، وصدقوني لو قولت أسماء هتتصدمو وهتلاقو مُعظمكم متابعهُم وفاكر إنّهُم أصحاب محتوى ومُبدعين ولكن حقيقة الأمر إنُهم مُبدعين في السرقة والنسخ. مُعظم الكِتابات اللي بتتسرق مني بتكون جُزء من روحي ومن مجهودي وأيضًا من داخل رواياتي اللي بيحملو أسماء "ميلانوڤيا، ڤيلا العامري، المرأب" دي كتابات صدرت وحققت صدى واسع عند قُرائي فإنتَ كونك بتنسخ حاجات من تعبي وتنشرها على أساس إنها من إبداعاتك فإنتَ بتضُرني وإنتَ مش فاهم وبتصدرني بشكل مُباشر مع دور النشر اللي بتنتج أعمالي واللي ليهم وليا فقط حق نشر هذه الكِتابات. فأنا قررت إن أي شخص هينتهك حقوقي الأدبية وهيتعدى على ملكيتي الفكرية بنسخ كِتاباتي أو تصويرها هيتم عمل اللازم معاه بدايةً من الإبلاغ الإلكتروني اللي بيأدي لحذف المحتوى من عنده ولو تكرر الأمر ثلاث مرات بيتم غلق حسابه بشكل نهائي، إلى أنّه قد يتطور الموضوع من ناحيتي بإلزامه بتعويض مادي.. كلامي هنا أقصُد بيه الأشخاص اللي بتقدم نفسها للناس على إنّهُم كُتّاب ومُبدعين وأصحاب مُحتوى وأيضًا للصفحات التي تملك قاعدة جماهيرية. اللهم بلغت اللهم فأشهد.

‏أنا لما بتساب لوحدي ما بهداش. ‏ولو فاكر إنك لما تزعلني وتسيبني فترة، وترجع تلاقيني نسيت وبعاملك عادي، تبقى غلطان. ‏والله حتى لو غبت عنّي سنين، مُجرد ما عيني تيجي في عينك هفتكر كل حاجة. ‏أنا شخص سهل تراضيه في وقتها، ومتجاوب، وبقفل صفحة الزعل نهائيًا من غير لف ولا دوران. ‏لكن لو فات الأوان، صدقني هتلاقي شخص تاني خالص؛ ‏قلبه قفل، لا بسامح، ولا بصفّى، ‏ولا هدي فرصة تبرير، ولا حتى هسمع.

ما تبقاش شخص غشيم ومُفرِط في كل حاجة، سواء في مشاعرك أو أسرارك أو حتى في جدعنتك وطيبتك، خليك دايمًا حاطط لكل حاجة حدودها، عشان ما تخلّيش الناس تطمع فيك أو تستغلك. الوسطية حلوة في كل حاجة؛ حبّ بس بحذر، استجدع مع اللي يستاهل، وضحّي للي يقدّر، خلي دايمًا خطواتك محسوبة، ومش عيب إنك تفكر مرة واتنين قبل ما تاخد أي قرار. التفكير عمره ما بيقتل الشغف، بالعكس ده بيوزّن الأمور وبيخليك أهدى وأذكى في اختياراتك، سيب التهور والإندفاع للمراهقين، لكن إحنا لازم نحافظ على نفسنا ونحترم النُضج اللي وصلنالُه، لأننا ما وصلناش لهنا بالساهل.

‏مش شايف إن الجواز عن حُب حاجة واو! هو أه الموّضوع حلو لكن مش مُتكامل، يعني إنتَ كدا حققت رُكن واحد من ضمن أركان كتير، لسه في رُكن التفاهُم، المودَّة والرحمة، الحنيّة، الصبر والنُضج، الاحترام المُتبادل.. الحاجات دي اللي بتخلق الترابُط مش الحُب خالص، فلما تيجي تدخُل عِلاقة خلي الحُب ضمن أولياتك لكن ما ينفعش يبقى هو الأوّلوية الوحيدة.

‏لو عوّدت الست على غيابك، ما ترجعش تلومها. ‏ما ترجعش تسألها عن مشاعرها ناحيتك، ولا تستنّى منها نفس الشغف ولا نفس العطاء. ‏غيابك المُتكرر وإهمالك بيغيّروا فيها… بيحوّلوها لشخص غير اللي إنتَ عاشرته وعرفته. ‏الست لما بتتساب لوحدها، اليأس بيتملّك منها، وعقلها ما بيبطلش تفكير في كل صغيرة وكبيرة. ‏بتبدأ تقيّم العلاقة من أول يوم، لحد اللحظة اللي ‏بتدرك فيها إن عمرها بيضيع في الولا حاجة، ‏وإن وجودها عندك زي عدمه. ‏وفي اللحظة دي… هي هتمشي. ‏ولو الست وصلت لمرحلة الوعي والإدراك وقررت تمشي، مستحيل ترجع. ‏الست المُدركة لا تعود… حتى ولو روحها فيك.

‏تقيلة أوي على قلبي العلاقات اللي كلها سوء ظن وسوء فهم، واللي تخلّيك دايمًا مضطر تبرر كل كلمة بتقولها. علاقات مُرهِقة، مطلوب منك فيها تحسّب كلامك، وتفكّر في الكلمة ألف مرة قبل ما تنطقها، وتقعد تحلل أي جملة قبل ما تتقال: ‏يا ترى هتتفهم صح؟ ولا هتتقلب عليك وتبقى مُذنب ومطالب تشرح وتفصّص الكلام حرف حرف عشان اللي قدامك ما يزعلش؟ ‏والحقيقة إن النوع ده من العلاقات بيضغط على الواحد، وبيستنزف طاقته حرفيًا.