BERUNIY_XABAR24 | SENZURASIZ JURNALISTIKA

Э Ъ Л О Н ҲУРМАТЛИ ОЗИК-ОВҚАТ МАҲСУЛОТЛАРИНИ ИШЛАБ ЧИҚАРУВЧИ ИШБИЛАРМОНЛАР! Қорақалпоғистон Республикаси Жўқорғи Кенгеси Раиси томонидан тасдиқланган «Қорақалпоғистон Республикасини ижтимоий-иқтисодий ривожлантириш борасида амалга оширилган ишларнинг натижалари ҳамда ишланиши лозим чоралар ҳақида»ги мажлис баёнлари топшириқларига мувофик, деҳқон бозори ҳудудидан Қорақалпоғистон Республикасида тасдиқловчи ҳужжатлари бор бўлган озиқ-овқат маҳсулотлари ишлаб чиқарувчи ишбилармонлар учун бепул 5 та турғун савдо шаҳобчаси, 10 та савдо растаси ажратилишини маълум қилиб билдирамиз. Мурожаат учун телефон: 94-198-07-72 ДЕҲҚОН БОЗОРИ МАЪМУРИЯТИ

# Баспасɵз _ бетлеринде # Еркин _ Қарақалпақстан _ газетасы ⚡️ Газетаның 04.07.2024 жыл №79 санында Халық депутатлары Беруний районлық Кеңеси депутаты Рахима Юлдашева өзи сайланған аймақ сайлаўшылары менен ушырасыўы ҳаққында 👉👉👉https://t.me/uzlidepqr

– Биласизми нега инсонларнинг армони кўп? – Чунки инсонлар тушунишдан кўра, айиблашни, кечиришдан кўра ғурурни, боришдан кўра кутишни, курашишдан кўра, воз кечишни маъқул кўрадилар.

#Педагог минбари Yuksak ma’naviyatli yoshlarni tarbiyalashda pedagoglarning roli Har bir millatning gullab-yashnashi, undagi yashovchi halqlarning farog’ati ta’lim va tarbiya tufaylidir. Hayotimizda tarbiya singari insoniyatga ta’sirli narsa yo’q. Ma’naviy tarbiya kishilar ongi, tafakkuri, turmush tarziga ta’sir etishi bilan o’zga tarbiya turlaridan farqlanadi. Chunki ma’naviy tarbiya-insonning ruhiy va aqliy olamiga ta’sir etuvchi jihat bo’lib, jamiyatning, millatning, yoki ayrim bir kishining ichki hayoti, aqliy qobiliyatini, ruhiy kechinmalarini mujassamlashtiruvchi negizdir. Yoshlarda ma’naviy tarbiyani shakllantirish,ularni ilmli, bilimli, kasb-hunarli, har tamonlama yetuk qilib voyaga yetkazish barcha zamonlarda muhum vazifa hisoblangan. Bu mutaffakirlarimizning yozib qoldirgan nodir asarlarida yorqin ifodalangan. Asarlar o’sib kelayotgan yosh avlodni salbiy illatlardan asrab, ahloqan pok, haqiqiy inson bo’lib yetishishlariga undaydi. Xitoy donishmandi Syu Szi “Chaqoloqlar hamma yerda bir hil yig’lashadi. Katta bo’lganlarida esa turli qiliqlar qilishadi. Bu tarbiyaning oqibati”,-deb yozgan. Sharq mutafakkirlarining ilmiy merosida ta’lim-tarbiya masalalari muhum o’rin egallaydi. Ayniqsa, ular oila va oilada farzand tarbiyasiga katta e’tibor berganlar. Ze’ro, yosh avlod tarbiyasi insoniyatning kelajak taqdirini belgilaydi. Abdurauf Fitrat “Xalqning harakat qilishi, davlatmand bo’lishi, baxtli bo’lib izzat-hurmat topishi, jahongir bo’lishi, zaif bo’lib horlikka tushushi, baxtsislik yukini tortib e’tibordan qolishi, o’zgalarga tobe va qul, asir bo’lishi bolalikdan o’z ota-onalaridan olgan tarbiyalariga bog’liq. Bolalar ahloqiy tarbiyani muhitdan oladilar. Boshqacha qilib aytganda, bolalar suvga o’xshaydi, suv idishning shakliga olganidek, bolalar ham muhitning odob-ahloqini qabul qiladilar”, deydi. Tarbiyada butun ish nafaqat oata-onalarga, balki go’zal ahloq va ilmiy salohiyatga ega bo’lgan biz ustoz-muallimlarning say-harakatimizga ham bevosita bog’liq. Ma’naviy-ahloqiy tarbiya murakkab jarayon bo’lib, bu jarayonda oila, ta’lim-muassasa, mahalla va jamoat tashkilotlarining birgalikdagi faoliyati samara beradi. Nemis pedagogi A.V.Disterverg shunday degan “Yaxshi o’qita bilgan o’qituvchi yaxshi tarbiyalaydi ham”. Shunday ekan biz o’qituvchilar o’quvchilarga nafaqat ta’lim berib, kasb-hunar o’rgatish balki, tarbiya berish, ularda ma’naviy tarbiyani shakllantirish bizning eng asosiy vazifamiz bo’lishi darkor. Chunki ma’naviy tarbiyasi yuksak avlodning kelajagi ham porloq bo’ladi. Farobiy “Fazilatli shaharlarda ilm-fan, falsafa, axloq-ma’rifat birinchi o’rinda bo’lmog’I lozim. Shunda jamiyat yetuklikka erishadi”-deydi va insonning kamolotiga to’sqinlik qiluvchi dangasalik, bekorchilik kabi nuqsonlarni yomonlik deb, kishilarni undan ogohlantiradi. Bunday tarbiyaviy iboralarni biz har bir buyuk allomalarimizning boy ma’naviy merosida uchratamiz. Yoshlarda ma’naviyatni shakllantiradigan muhum omil bu ta’lim tarbiya tizimidir. Albatta biz pedagoglarning bosh maqsadimiz yosh avlod ongiga Vatanga sodiqlik va uning taqdiri uchun daxldorlik hissini singdirishga, ularda yot g’oya va qarashlarning salbiy ta’siriga nisbatan mafkuraviy immunitetni shakllantirish, mustaqil dunyoqarashini kengaytirish, haqiqiy vatanparvar inson qilib tarbiyalashdir. Va bu borada biz pedagoglar kasb-hunar maktabimizda o’qib, ta’lim olayotgan o’quvchilarga ta’lim va tarbiyani birgalikda olib bormoqdamiz, darslarni sifatli va mazmunli tashkil qilingan, ularning bo’sh vaqtlarini mazmunli o’tkazish uchun fan, sport va kasbiy to’garaklar tashkil qililingan, ma’naviy-ma’rifiy tadbirlar, badiiy kechalar, musobaqalar, jamoat tashkilotlari bilan hamkorlikda uchrashuvlar tashkil qilinib kelinmoqda. Kelajagimiz bo’lgan yoshlarning ma’naviy kamolotini ya’nada yuksaltirish, ma’rifatli jamiyat qurishda o’z hissamizni qo’shish bu- har birimizning vazifamiz.

Muhtaram prezidentimiz ta’kidlaganidek “Eng katta boylik bu- aql zakovat va ilm, eng katta meros bu- yaxshi tarbiya, eng katta qashshoqlik bu- bilimsizlikdir. Taraqqiyotning tamal toshi ham, mamlakatni qudratli, millatni buyuk qiladigan kuch ham bu ilm-fan, ta’lim tarbiyadir”. Kurbanbayeva Xalida Yerkebayevna, Beruniy tumani 2-sonli kasb-hunar maktabi tarbiya,  davlat va huquq asoslari fanlari o’qituvchisi.

2024-2025 йил ўқув йилидан мактабларда хорижий тиллардан фақат B2 даражага эга ўқитувчилар дарс бериши мумкин, Вазирлар Маҳкамасининг 19.05.2021 йилдаги 312-сонли "Хорижий тилларни ўрганишни оммалаштиришни самарали ташкил этиш чора-тадбирлари тўғрисида" қарорининг 9-бандига 2024/2025 ўқув йилига қадар умумий ўрта, ўрта махсус ва профессионал таълим муассасаларида фаолият юритаётган барча хорижий тиллар ўқитувчилари камида B2 даражадаги миллий ёки унга тенглаштирилган мос даражадаги халқаро сертификатга эга бўлиши лозимлиги белгиланган. https://t.me/Beruniy_XABAR24

МЕН НЕЧУН СЕВАМАН ЎЗБЕКИСТОННИ..47_n.jpg Мен нечун севаман Ўзбекистонни, Тупроғин кўзимга айлаб тўтиё. Нечун ватан, дея еру осмонин, Муқаддас атайман, атайман танҳо. Аслида дунёда танҳо нима бор? Пахта ўсмайдими ўзга элда ё? Ёки қуёшими севгимга сабаб? Ахир қуёшли-ку, бутун Осиё. Мен нечун севаман Ўзбекистонни, Боғларин жаннат, деб кўз-кўз этаман. Нечун ардоқларкан тупроғини мен, Ўпаман, тупроғинг бебаҳо, Ватан! Аслида тупроқни одил табиат, Тақсим айлаган-ку, ер юзига тенг Нечун бу тупроқ, деб йиғлади Фурқат, О, Қашқар тупроғи, қашшоқмидинг сен? Мен нечун севаман Ўзбекистонни? Сабабини айтгин, десалар менга. Шоирона, гўзал сўзлардан олдин, Мен таъзим қиламан она халқимга: Халқим, тарих ҳукми сени агарда, Мангу музликларга элтган бўлсайди, Қорликларни макон этган бўлсайдинг, Меҳрим бермасмидим ўша музларга? Ватанлар, Ватанлар, майли, гулласин, Боғ унсин мангулик музда ҳам, аммо, Юртим, сени фақат бойликларинг чун Севган фарзанд бўлса, кечирма асло!

Н. ТАЙБАГАРОВА, Беруний тумани СЭО ва ЖСБ олий тоифали врач – эпидемиологи: “ЮҚУМЛИ ОШҚОЗОН-ИЧАК КАСАЛЛИКЛАРИДАН САҚЛАНИНГ!” 👇👇👇

Юртимизда иссиқ кунлар бошланди. Бундай кунларда ўткир юқумли ошқозон -ичак касалликларининг кўпайиши ҳам кузатилади. Юқумли ошқозон - ичак хасталикларини турли микроорганизмлар келтириб чиқаради. Касаллик қўзғатувчи микробларнинг турига қараб, бу касалликлар ичбуруғ, сальмонеллёз, ичтерлама, эшерихиоз, иерсиниоз каби номлар билан юритилади. Ёз ойларида касаллик кўпроқ учрашига бир қанча омиллар сабаб бўлади. Аввало, ҳаво ҳароратининг юқори бўлиши, айниқса, ёш болалар организмида маълум иммунологик ўзгаришлар, ҳимоя воситалари кучсизланиши, овқат ҳазм бўлишининг сусайиши, қайнатилмаган сувни истеъмол қилиниши оқибатида ошқозон ширасидаги муҳим ҳимоя воситаси ҳисобланадиган хлорид кислота концентрацияси пасайиши бу касалликларга чалинишга замин ҳозирлайди. Касаллик қўзғатувчиси микробларнинг асосий манбаси, шу дард билан оғриб ўтган ёки оғриётган беморлар, шунингдек, ушбу касаллик бактерияларни ташувчилардир. Уларнинг нажаси билан микроорганизмлар ташқи муҳитга тарқалади, атроф-муҳит объектларини (сув, кийим-кечак, озиқ-овқатлар) ифлослантиради. Ёзнинг иссиқ шароитида озиқ-овқатларда, айниқса улар нотўғри жойда сақланган бўлса, микробларнинг кўпайиши учун қулай. Шунинг учун иссиқ жойда сақланган озиқ-овқат маҳсулотларида микроблар кўпайиб, овқатнинг бузилишига сабаб бўлади. Бундай овқатни истеъмол қилиш касалланишга олиб келади. Яна шу нарсага алоҳида тўхталиб ўтиш керакки, айрим эмизикли болаларни эмизиш, уларни овқатлантиришда озодаликка эътибор бермаса, овқат нотўғри сақланса, овқатга микроблар тушиши, унда тезгина кўпайиши мумкин. Қайси микроб қўзғатишидан қатъий назар, касалликнинг асосий белгилари тўсатдан ич бузилиши ва қусишдир. Кетма-кет қусиш ва ич ўтиши оқибатида киши организми қисқа муддатда кўп миқдорда сув ва минерал тузларни йўқотади. Натижада бемор ҳолсизланади, тери қуруқлашиб дағаллашади, оғиз қурийди. Бу ҳолат болаларда кўпроқ намоён бўлиб, ўйнаб-кулиб турган бола 3-4 соат ичида бутунлай мажолсиз ҳолга келади. Одатда одамлар ушбу касалликка бозорларда кўп меваларни таъмини татиб кўрган вақтида, яхши сақланмаган ва узоқ вақт туриб қолган овқатларни истеъмол қилинганда, ҳўл меваларни ювмасдан истеъмол қилганда, ушбу касаллик билан оғриган бемор билан мулоқотда бўлганда ҳамда беморни яхши тозаланмаган идиш-товоқларидан фойданилганда, шунингдек, болалар каналлар, ариқларда, анҳорларда чўмилган пайтларида сув билан микробларнинг организмга тушиши оқибатида касалликни юқтириши мумкин. Н. ТАЙБАГАРОВА, Беруний тумани СЭО ва ЖСБ олий тоифали врач – эпидемиологи.