Mitti Farishta 🖇 || blogi

Севсанг, суйсанг эди менчалик, мендек, Жонимни садқалар этмас эдимми. Сенингли кунларнинг оромбаҳшида, Ишққа қасидалар битмасмидимми?! Кўнглимнинг алвон ранг гиламларини, Тупроқдек тепкилаб юрмасмидингми. Бошимдан баландроқ, осмондан баланд, Худога яқинроқ турмасмидингми?! Севсанг, суйсанг эди девоналардек, Тегрангда чарх уриб толиқмасмидим. Сен дучор бўлмасанг қисматгинамда, Ҳудонинг қаҳрига йўлиқмасмидим! Йўллар тўла тиғлар, тиканлар, тошлар, Юрсанг, юрагимдан юр демасмидим. Кунларинг оз бўлса, кунларим ол деб Дунё тургунгача тур демасмидим! Севсанг, оҳ, севолсанг чиндан,рост ила, Дуолар бошида бўлмасмидинг айт. Ол, дея жонимни тутқизмасмидим, Жонинга ҳаридор келар бўлган пайт! Малика Салимова