Shunchaki so'zlar...
Allohni koʻrish uchun qalbga qaramoq lozim 🌙 Qurʼonni yotlash kam... Qurʼonda yashamoq lozim 🧕🏻... Murojat uchun: @shamsunK13
نمایش بیشتر94
مشترکین
اطلاعاتی وجود ندارد24 ساعت
اطلاعاتی وجود ندارد7 روز
اطلاعاتی وجود ندارد30 روز
- مشترکین
- پوشش پست
- ER - نسبت تعامل
در حال بارگیری داده...
معدل نمو المشتركين
در حال بارگیری داده...
Ассалом алайкум гурпадагилар Тошкентдаги Аква медлайнга Аксия буляпти экан. Tug'ma юрак нуксони (Юрак Пароги) билан тугилган болаларни 15 ёшгача булган болаларни бепул операция килиб беради.
Руза ойига 2 апрелдан 2чи майгача кимларнидир хожатини чикарсак ажабмас 1141 га тел килсинлар билганлариз булса айтинглар Савоб учун.
@yunuusemro
@qushlarilasayohatt
@zikr_naqshbandiya
@naqishbandiya
Qur’ondan 48 o‘git
1. Qo‘pol, qalbi qattiq bo‘lmang. (3:159)
2. Gʻazabni yuting. (3:134)
3. Boshqalarga yaxshilik qiling. (4:36)
4. Mutakkabir bo‘lmang. (7:13)
5. Kechirimli bo‘ling. (7:199)
6. Odamlarga yumshoq so‘z ayting. (20:44)
7. Ovozingizni pasaytiring. (31:19)
8. Boshqalarni masxara qilmang. (49:11)
9. Ota-onaga itoat qiling. (17:23)
10. Ularga “uff” demang. (17:23)
11. Ularning xonalariga ruxsat so‘ramasdan kirmang. (24:58)
12. Qarz oldi-berdi qilganda yozib qo‘ying. (2:282)
13. Hech kimga ko‘r-ko‘rona ergashib ketmang. (2:170)
14. Agar qarzdor tang ahvolda bo‘lsa, unga qo‘shimcha muddat bering. (2:280)
15. Ribo (sudxo‘rlik) qilmang! (2:275)
16. Pora bermang! (2:188)
17. Ahdingizni buzmang! (2:177)
18. Omonatni ado qiling! (2:283)
19. Haqni botilga aralashtirmang! (2:42)
20. Odamlar orasida adolat ila hukm qiling. (4:58)
21. Adolat uchun sobit turing. (4:135)
22. Vafot etgan insonning merosini haq ila taqsim qiling. (4:7)
23. Ayollarning ham merosdan haqqi bor. (4:7)
24. Yetimlarning molini yemang! (4:10)
25. Yetimlarni himoya qiling. (2:220)
26. Birovning mol-mulkini botil yo‘l bilan yemang. (4:29)
27. Odamlar orasini isloh qiling. (49:9)
28. Gumondan chetda bo‘ling. (49:12)
29. Josuslik va g‘iybat qilmang. (49:12)
30. Kim ALLOH nozil qilgan narsa ila hukm yuritmasa, o‘shalar zolimlardir. (5:45)
31. Molingizdan sadaqa qiling. (57:7)
32. Miskinlarga taom berishga boshqalarni qiziqtiring. (107:3)
33. Haqiqiy faqirlarni izlab topib, ularga yordam bering. (2:273)
34. Molingizni isrof qilmang. (17:29)
35. Sadaqani minnat va ozor bilan bekor ketkazmang. (2:264)
36. Mehmonni ikrom qiling. (51:26)
37. Odamlarni yaxshilikka buyurganda avval o‘zingiz amal qiling! (2:44)
38. Yer yuzida buzg‘unchilik qilmang. (2:60)
39. Odamlarni masjidga borishdan to‘smang. (2:114)
40. Sizga qarshi urush qilganlargagina siz ham urush qiling. (2:190)
41. Urush axloqlariga ham rioya qiling. (2:191)
42. Jangda ortga qarab qochmang! (8:15)
43. Dinga majbur qilish yo‘q. (2:256)
44. Barcha payg‘ambarlarga iymon keltiring. (2:285)
45. Zinoga yaqinlashmang! (17:32)
46. Hukmdorlarni fazilatiga qarab tanlang. (2:247)
47. Hech kimdan toqatidan tashqari narsani talab qilmang. (2:286)
48. Bo‘linib ketmang. (3:103)
РАМАЗОН ОЙИДА СОДИР БЎЛАДИГАН БАЪЗИ ХАТОЛАР:
1. Шомдан олдин ижобат бўладиган фурсатда дуони тарк қилиш.
2. Шом азонини эшитганда қайтармай туриш.
3. Токи азон тугагунича оғизни очмай туриш.
4. Шом намозидан кейинги равотиб суннатни тарк қилиш.
5. Таровеҳ намозини имом билан бирга охиригача ўқимаслик.
6. Таровеҳни биринчи кечасида ўқимасдан бошқа ишга машғул бўлиш.
7. Фақат Рамазонда намоз ўқиш.
8. Овқат ва ичимликда исрофга йўл қўйиш.
9. Хатми қуръонни тафаккур билан эшитишдан ғафлатда қолиш.
10. Ифторга машғул бўлиб, шомни уйда ўқиш.
11. Шом билан хуфтон орасидаги вақтни беҳуда ўтказиш.
12. Саҳарликни тарк қилиш. (Чунки ҳадисда: Саҳарлик қилинглар, саҳарликда барака бор, деб айтилган).
13. Саҳарликда дуо ижобат пайтини зое қилиш.
14. Ёш болаларни рўза тутишга қизиқтирмаслик.
15. Ғийбат, чақимчилик, ёлғон ва алдов каби баъзи ҳаром нарсалардан тийилмаслик.
16. Ҳайитга кийиниш баҳонаси билан рамазоннинг энг охирги фазилатли кунларини бозорда ўтказиб юбориш.
17. Сериал ва филмлар томоша қилиш билан фазилатли кунни ўтказиб юбориш.
Photo unavailableShow in Telegram
Аллоҳ таолонинг қудратини кўринг!
Жанубий Африкада суратга олинган ноёб ари тури.
Буюк Холиқ яратган бир арининг кўриниши шу қадар гўзал бўлса, Жаннатдаги жонзотлар, нозу неъматлар, ҳуру ғилмонлар, қасрларнинг гўзаллиги қай даражада экан-а!
© Нозимжон Ҳошимжон
“Расулуллоҳ соллаллоҳу алайҳи васаллам вафот этганларида, У зот ювилган сув қаерга кетган?"
Бугун улуғ олим, шайх Муҳаммад Мутаваллий Шаъровий ҳақидаги ибратли бир қиссани эътиборингизга ҳавола қиламиз.
Кунлардан бир куни дин шайхлари ва уламоларидан бири бошчилигида бир ҳафталик исломий анжуман уюштирилди.
Бу конференцияга шайх Шаъровий ҳам таклиф қилиндилар. Шайх Шаъровий таклифга биноан анжуманга ташриф буюриб, унинг биринчи мажлисига ҳозир бўлдилар. Анжуман бошланди. Шайх Шаъровий мажлис ҳайъатидан жой олдилар. Анжуманга раислик қилаётган киши ўзини илму маърифатда барчадан устун даражада дея мағрурланар ва бу билан ҳузурланар эди.
Мажлис асносида бунга гувоҳ бўлган имом Шаъровий изн сўраб, минбарга чиқдилар ва «Сизларга бир савол бераман:
Расулуллоҳ соллаллоҳу алайҳи васаллам вафот этганларида У зот ювилган сув қаерга кетган?» дедилар.
Мажлис аҳли кутилмаган саволдан ҳангу манг бўлиб қолди. Ҳеч кимдан садо чиқмади. Барча жим, ҳеч ким гапирмайди.
Анжуман раиси ҳижолат ва саросимада қолди. «Наҳотки мен бу саволнинг жавобини билмайман?» ўйларди у. Ниҳоят, раис шайх Шаъровийга: «Бизга фурсат беринг, инша Аллоҳ, эртанги мажлисгача саволингизга жавоб топармиз» деб, бу ҳолатдан чиқди.
Мажлисга раислик қилган киши тўғри уйига борди-ю, кутубхонасига кириб, бу мушкул саволга жавоб қидира кетди. Бироқ, ҳарчанд қидирмасин, китоб титмасин, ҳеч нарса топа олмади. Ҳамма китобларини бирма-бир варақлаб чиқди, лекин бу саволга жавоб топа олмади. Ниҳоят чарчаб, варақлаб ўтирган китобининг устида ухлаб қолди.
Бир пайт тушида Расулуллоҳ соллаллоҳу алайҳи васаллам унинг олдига келдилар. У зотнинг ёнларида фонус кўтарган бир киши бор эди.
Раис дарҳол Расулуллоҳ соллаллоҳу алайҳи васалламнинг ҳузурларига бориб: «Эй Аллоҳнинг Расули, сиз ювилган сув қаерга кетган?» деб сўради. У зот соллаллоҳу алайҳи васаллам ёнларида фонус кўтариб турган кишига ишора қилдилар. Фонус кўтарган киши шундай деди: «Расулуллоҳ соллаллоҳу алайҳи васаллам ювилган сув буғланиб, осмонга кўтарилган. Сўнг ёмғир бўлиб ерга ёққан. Бу ёмғирнинг ҳар бир қатраси ўрнида масжид бино қилинган». Маълум бўлишича, ер юзининг қаерида бўлмасин, Расулуллоҳ соллаллоҳу алайҳи васаллам ювилган сувнинг ҳар бир қатраси тушган жойда бир масжид бино қилинган экан.
Анжуман раиси уйқусидан бахтиёр ҳолда уйғонди. Энди у анжуманга ёруғ юз билан бора оладиган жавобни топган эди. У шоша-пиша анжуманга етиб бориб, шайх Шаъровийнинг оғзига термулиб, кечаги саволнинг жавобини сўрашларини кутди.
Лекин шайх ҳеч нарса бўлмагандек, мажлис ҳайъатида виқор билан ўтирардилар. Раиснинг ичи пишиб, бир амаллаб мажлиснинг охиригача чидади. Ниҳоят, тоқати тоқ бўлиб, имомга деди:
– Кеча бир савол сўраган эдингиз, жавобиини айтайми?
– Жавобини билдингми? – сўрадилар имом Шаъровий.
– Ҳа, – деди раис.
– Хўш, Расулуллоҳ соллаллоҳу алайҳи васаллам ювилган сув қаерга кетган экан?
– Расулуллоҳ соллаллоҳу алайҳи васаллам ювилган сув буғланиб, осмонга кўтарилган экан. Сўнг ерга ёмғир бўлиб ёққан экан. Ўша ёмғирнинг ҳар қатраси ўрнида бир масжид бино бўлган экан, – деди раис.
– Жавобни қандай қилиб билдинг? – сўрадилар имом.
– Тушимда Расулуллоҳ соллаллоҳу алайҳи васаллам олдимга келдилар, У зотдан сўрадим.
– Лекин жавобни сенга фонус кўтарган киши айтди-ку? – дедилар кулимсираб имом Шаъровий.
Раис саросима ва ҳайратдан бир зум ҳайкалдек қотиб қолди. Сўнг ўзига келиб, беихтиёр «Буни қандай билдингиз?» деди. Шунда Шаъровий ҳаммани чексиз ҳайратда қолдириб, «Фонус кўтарган мен эдим!» дедилар…
Бу қиссани ўша анжуман раисининг ўзи ҳикоя қилиб берган.
Роббим, гуноҳларим ҳар қанча улуғ бўлса ҳам, афвинг улуғроқ эканлигини билдим.
Allohim…
Bizga shunchalik qiymat berdingmi…
Qadrimizni shunchalik ko’tardingmi?
Haqqimiz ham emas edi, haddimiz ham emas edi…
Og’zimizdagi hidni mushkdan a’lo ko’rsang…
Ro’za bo’lganimiz uchun uyqularimizni ham namoz o’rnida ko’rsang…
Har nafasimizni zikr hisoblasang…
Bir amalimizni 1000 o’rnida ko’rsang…
Qur’on o’qiymiz desak farishtalaring qanotlarini yoyib turishsa…
Bizga shunchalik qiymat berdingmi..?
Shaytonlarni biz uchun bog’ladingmi?
Jinlarni biz uchun zanjirladingmi?
Jahannamni biz uchun so’ndirdingmi?
Jannat eshiklarini biz uchun ochdingmi?
Bir kun so’rasang:
“Sen uchun qildim…shaytonni bog’ladim, jahannamni yopdim, jannatni ochdim.
Bir amalingga 1000 hasanot yozdim…
Farishtalardan senga qo’rg’on qildim.
Nega bandam..?
Nega yana Men tomon kelmading?
Nega yana Menga isyon qilding..?
Nega yana Meni unutding..?” desang…
🌙РАМАЗОНДА ЭНГ КЎП СЎРАЛАДИГАН САВОЛЛАР ВА УЛАРГА ЖАВОБЛАР:
1⃣ РЎЗАДОР ОДАМ ТИШ ПАСТАСИ БИЛАН ТИШИНИ ТОЗАЛАСА БЎЛАДИМИ?
✅ Рўзадор ҳолатда тиш пастасини ишлатиш макруҳ. Лекин томоғидан ичкарига ўтиб кетмаса, рўза очилмайди. Бирор нарсани оғзига солиб, татиб кўриш макруҳ, лекин бунда рўза очилмайди (лекин татиб кўрган нарсасини ютиб юборса рўза очилади).
2⃣ УКОЛ (ИНЪЕКЦИЯ) ҚИЛИШ БИЛАН РЎЗА БУЗИЛАДИМИ?
✅ Уламолар мушаклар орасига, ёнбошга укол қилиш билан рўза бузилмаслигига иттифоқ қилишган. Тери орасидан ичкарига ёғ каби нарсаларнинг кириши рўзани очмайди.
Одатий йўллардан бошқа жойлар орқали терининг орасига нарса кириши, масалан, илон чақиб олиши (томирдан чақса ҳам), совуқ сувда ғусл қилиш натижасида бадан орасидан ичкарига сув ўтиши рўзани очмаслигига барча уламолар иттифоқ қилишган.
3⃣ ТИШ ОЛДИРСА РЎЗА ОЧИЛАДИМИ?
✅ Рўзанинг очилиш-очилмаслиги томоқдан бирор нарса ўтиш-ўтмаслигига боғлиқ. Тиш олдираётганда томоқдан бирор нарса ўтиб кетмаса, рўза очилмайди.
4⃣ ҒАРҒАРА ҚИЛИШ БИЛАН РЎЗА ОЧИЛАДИМИ?
✅ Рўзадор кишининг ғарғара қилиши макруҳ. Ичкарига сув кетиб қолса, рўза очилади.
5⃣ ЭСДАН ЧИҚАРИБ ЕБ-ИЧГАН ОДАМ ЭСИГА ТУШГАЧ ТАОМЛАНИБ ҚЎЙСА, РЎЗАСИ ОЧИЛАДИМИ?
✅ 1) эсдан чиқариб еб-ичиш билан рўза очилмайди.
2) Эсдан чиқариб еб-ичгандан кейин «Рўзам очилди» деб ўйлаб таомланиб қўйса, қазо лозим бўлади, каффорат вожиб бўлмайди.
3) Эсдан чиқариб еб-ичиб қўйса рўза очилмаслигини билатуриб таом еб қўйса қазо ҳам, каффорат ҳам вожиб бўлади. Қайт қилишнинг ҳукми ҳам шундай: қайт қилгач, «энди рўзам очилди» деб ўйлаб, таом еб юборса, қазо лозим бўлади, каффорат эмас. Лекин бу иш рўзани очмаслигини билатуриб таомланиб юборса, каффорат ҳам вожиб бўлади.
6⃣ ҒИЙБАТ ҚИЛСА, ЁЛҒОН ГАПИРСА РЎЗА ОЧИЛАДИ ДЕБ ЎЙЛАГАН КИШИ ҒИЙБАТ ҚИЛИБ ҚЎЙИБ, ҚАСДДАН ТАОМ ЕСА КАФФОРАТ ЛОЗИМ БЎЛАДИМИ?
✅ Шундай деб ўйлаб, қасддан еб-ичиб юборса, қазо ҳам, каффорат ҳам вожиб бўлади.
7⃣ ҚЎЛИ БИЛАН ШАҲВАТИНИ ҚОНДИРСА, РЎЗА ОЧИЛАДИМИ?
✅ Бу иш ҳар ҳолатда ҳам гуноҳ ҳисобланади. Қўли билан шаҳватини қондирса, маънан яқинлик ҳолати топилиб, суратан топилмагани учун рўза очилади ва қазо лозим бўлиб, каффорат вожиб бўлмайди.
8⃣ РЎЗАДОР КУНДУЗИ УХЛАБ, ТУШИДА ЭҲТИЛОМ БЎЛИБ ҚОЛСА, РЎЗАСИ ОЧИЛАДИМИ?
✅ Тушида булғанса ёки қараш туфайли маний тўкилса, рўза очилмайди (қўли билан ушлаши натижасида ёки бирор нарсага ишқаланиш оқибатида маний тўкилса, қазо лозим бўлади).
9⃣ РЎЗАДОР КИШИ ИСИРИҚ, БУҒ ВА ШУНГА ЎХШАШ НАРСАЛАРНИ ҲИДЛАСА РЎЗАСИ ОЧИЛАДИМИ?
✅ Рўзадорлиги эсида туриб, қасддан тутун ютса, исириқ ҳидини ютса, доривор ўтларнинг буғини оғиз-бурни билан ичига ютса, рўзаси очилади.
🔟 СУРИЛАДИГАН ДОРИ (МАЗЬ) ВА ШУ КАБИ ВОСИТАЛАРНИ БАДАНГА СУРТСА РЎЗА ОЧИЛАДИМИ?
✅ Рўза очилмайди. Терининг орасидан ёғ каби нарсаларнинг ичкарига кириши рўзани очмайди.
1⃣1⃣ РЎЗАДОР ШЎР СУВДА ОҒЗИНИ ЧАЙСА БЎЛАДИМИ?
✅ Сув чучук бўлсин, шўр бўлсин, рўзадор у билан таҳорат олса ҳам, оғзини чайса ҳам бўлади.
1⃣2⃣ КАСАЛ ВА МУСОФИР РАМАЗОН ОЙИДА РЎЗА ТУТА ОЛМАСА-ДА, ЎЗИНИ ЕБ-ИЧИШДАН ТЎХТАТИБ ТУРИШИ КЕРАКМИ?
✅ Рамазон кунларида бемор бўлган ва сафарга чиққан кишилар рўзадорга ўхшаб ўзини еб-ичишдан тўхтатиб туришлари лозим бўлмайди. Лекин таомланмоқчи бўлсалар ошкора эмас, балки одамлардан холироқ жойда таомланишлари афзал.
1⃣3⃣ РЎЗАДОР СУВ БИЛАН МУБОЛАҒАЛИ ТАРЗДА ИСТИНЖО ҚИЛСА, БАВОСИЛ (ГЕМОРРОЙ) КАСАЛИГА ДУЧОР БЎЛГАНЛАР ЎША ЖОЙЛАРИГА ДОРИ ҚЎЙИШСА, РЎЗА ОЧИЛАДИМИ?
✅ Истинжода сув, бавосил касаллигида дорилар орқа аъзонинг ҳуқна (клизма) қилинадиган жойигача етиб борса, рўза очилади. Етиб бормай, ташқарида қолса, очилмайди. Агар истинжони муболаға тарзида қилсаю, клизма қилиш ўрнигача етиб борса, рўзаси очилади.
👤 Шайх Муҳаммад Содиқ Муҳаммад Юсуф раҳимаҳуллоҳ
#Биласизми?
Савол: иссиқ кунда рўзадорнинг бурни қонаб кетса, қонни тўхтатаман деб бошини тепага кўтаргани учун қон ичига кетиб қолса, рўзаси бузиладими?
Жавоб: Бузилади ва қазо лозим бўлади, каффорат вожиб бўлмайди. Рўзадорнинг бурнидан қон келиб қолса, қонни тўхтатишда рўзасини бузмасликка, қоннинг томоғига кетказмасликка ҳаракат қилиши керак.
Савол: Рўзадорлигини унутиб, қулоғига дори томизса, рўзаси очиладими?
Жавоб: Унутган бўлса очилмайди.
Савол: Сақич чайнаса рўза очиладими?
Жавоб: Рўзани фақат ҳалқумдан ичкарига ўтган нарса очади. Сақич чайнаганда ҳам ундан бирор нарса ажраб чиқиб, ичкарига кетса, рўза очилади. Ичкарига кетмаса, рўза очилмайди. Лекин рўзадор кишига сақич чайнаш макруҳ. Оқ, аввал чайналиб ажрайдиган нарсаси ажраб бўлган, титилиб кетмайдиган сақични чайнаса рўза очилмайди, лекин бу иш макруҳдир.
Савол: Ёш болани эркалаб-ўпиш билан рўза очиладими?
Жавоб: Йўқ. Ўпиб-эркалаш билан рўза очилмайди.
Савол: Рўзадор тутқаноқ ё шунга ўхшаш бирор сабаб туфайли ҳушидан кетса, рўзаси очиладими?
Жавоб: Йўқ, рўзаси очилмайди. Балоғатга етиш ва ҳушида бўлиш рўзанинг шартларидан эмас. Ёш бола рўзага ният қилгач, балоғатга етса, соғ одам мажнун бўлиб қолса ёки ҳушидан кетиб қолса, рўза очилмайди.
Савол: Рўзани очмайдиган ва макруҳ бўлмаган амаллар қайсилар?
Жавоб: Рўзани бузмайдиган ва макруҳ бўлмаган амаллар ушбулардир:
1. Сурма қўйиш. Расулуллоҳ соллаллоҳу алайҳи васаллам рўзадор ҳолларида сурма қўяр эдилар.
2. Мўйлаб ва соқолларга ёғ суртиш.
3. Баданга, бошга ёғ суртиш.
4. Рўзадорнинг таҳоратдан ташқари оғиз-бурнини чайиши, салқинлаш мақсадида ғусл қилиши, бошидан сув қуйиши, сувнинг ичига тушиб олиши, нам латтани баданига ёпиб олиши. Булар Абу Юсуф раҳматуллоҳи алайҳ наздларида макруҳ эмас, фатво ҳам шундай, чунки Набий соллаллоҳу алайҳи васаллам рўзадор ҳолларида жазирама иссиқ туфайли, ташналикни босиш учун бошларидан сув қуяр эдилар. Ибн Умар розияллоҳу анҳумо рўзадор ҳолатида латтани намлаб, баданига ўраб олар эди. Ибодатга кўмак бўлсин деб, фитрий бетоқатликни кетказиш учун бундай қилишнинг зарари йўқ.
Абу Ҳанифа раҳматуллоҳи алайҳ бу ишларни макруҳ санаганлар. Лекин уларнинг макруҳлиги рўзанинг бузилишига олиб келгани учун эмас, балки ибодатни адо қилишда сабрсизлик изҳор қилгани учундир.
5. Рўза ҳолатида, заволдан аввал ҳам, кейин ҳам мисвок ишлатиш макруҳ эмас. Имом Аҳмад, имом Молик, имом Шофеъийларнинг наздида эса заволдан кейин мисвок ишлатиш макруҳ.
6. Рўзадорнинг мушк, атир каби хушбўйликларни ҳидлаши макруҳ эмас.
7. Одамни заифлаштирмаса, қон олдириш мумкин.
8. Қасддан ейилмайдиган, лекин сақланиш қийин бўлган нарсалар халқумдан ўтса ҳам рўза очилмайди. Масалан, ҳавода учиб юрадиган майда ҳашаротлар, тутун, чанг кабилар.
9. Эркаклар пешобни тўхтатиш ёки даволаниш мақсадида жинсий аъзосига бирор нарса киргизиб олса, рўза очилмайди (лекин аёлларда очилади).
10. Рўзадорлигини унутиб, одатий ёки ғайриодатий ишларни қилиш, масалан, еб-ичиш, жимоъ қилиш ёхуд ҳуқна (клизма) қилдириш, қулоққа дори томизиш рўзани очмайди (лекин эсига тушиши билан бу амаллардан тўхташ зарур). Агар қари, заифҳол киши рўзасини унутиб, овқатланаётган бўлса, огоҳлантирилмайди. Ёш, бақувват киши бўлса, огоҳлантирилади. У эса огоҳлантиришни эшитган заҳоти оғзидаги нарсаларни ютмай, дарҳол ташқарига чиқариб ташлаши лозим бўлади. Ютиб юборса рўзаси очилади ва қазоси вожиб бўлади, каффорати хусусида эса уламолар турли фикрлар билдиришган.
11. Эркагу аёлнинг тушда эҳтилом бўлиши ҳам рўзани очмайди.
12. Жунуб ҳолда субҳи содиқни қарши олиш рўзани очмайди.
“Мўминнинг қалқони” китобидан
Дўстларингизга ҳам улашинг!
Хурматли обуначилар диккат Билан укинг.Сувга шунгиса Руза очилади деган САВОЛГА шу постнинг ичида жавоб бор.
РАМАЗОНИЙ ФАТВОЛАР
Ибн Усаймин, Ибн Боз, Ибн Таймийя, Саьд ал Хаслон, Холид ал-Мушайқиҳ ва Фатволар Кенгашининг Рамазон ойи учун фатволари:
Қуйидагилар РЎЗАНИ БУЗМАЙДИ:
1. Свеча қўйиш- БУЗМАЙДИ.
2. Кўзга дори томизиш- БУЗМАЙДИ.
3. Сурма қўйиш- БУЗМАЙДИ.
4. Қулоққа дори томизиш- БУЗМАЙДИ.
5. Нафас қисишга қарши спрейдан қўлланиш- БУЗМАЙДИ.
6. Сунъий йўл билан оғиздан кислород ҳайдалиши- БУЗМАЙДИ.
7. Антибиотик укол олиш-БУЗМАЙДИ.
8. Инсулин укол олиш-БУЗМАЙДИ.
9. Тишни даволашдан олдин наркоз қилиниши, тишга пломба қўйиш ёки тозалатиш- БУЗМАЙДИ.
10. Атирдан фойдаланиш, ҳидлаш- БУЗМАЙДИ.
11. Юзга бўёқ суркаш (макияж)- БУЗМАЙДИ.
12. Таҳлил (анализ) учун қон топшириш- БУЗМАЙДИ.
13. Сузиш ва сувга шўнғиш- БУЗМАЙДИ.
14. Иҳтилом (уйқу асносида беихтиёр маний чиқиши)- БУЗМАЙДИ.
15. Хушбўйлантирувчи моддалар қўшилмаган тоза мисвок ишлатиш- БУЗМАЙДИ.
16. Тил тагига инфарктни даволаш учун қўлланиладиган таблетка қўйиб олиш- БУЗМАЙДИ.
17. Балғамни ютиб юборишлик- БУЗМАЙДИ.
18. Бурунга дори томизиш, агар ошқозонга етиб бормаса- БУЗМАЙДИ.
19. Лабларни намловчи, юмшатувчи нарсалардан фойдаланиш, агар ютиб юборилмаса- БУЗМАЙДИ.
20. Бурундан қон кетиши ва тиш олдирганда қон чиқиши- БУЗМАЙДИ.
21. Томоқни чайқаб ишлатиладиган дори, агар ичкарига ютиб юборилмаса- БУЗМАЙДИ.
22. Тиш пастаси, агар ошқозонга бирор нарса кетиб қолмаса- БУЗМАЙДИ.
23. Зарурат учун овқатни тузини тотиб кўриш, агар ютиб юборилмаса- БУЗМАЙДИ.
24. Беихтиёр қусиб юбориш- БУЗМАЙДИ.
25. Мускулга , томирга ва тери остига укол қилиш- БУЗМАЙДИ.
РЎЗАНИ БУЗАДИ:
26. Озуқалантирувчи укол-БУЗАДИ.
27. Ихтиёрий равишда қусишлик-БУЗАДИ.
28. Ихтиёрий равишда маний чиқариш- БУЗАДИ.
29. Никотин гели- БУЗАДИ.
30. Хушбўй ҳидларни билган ҳолда атайлаб чуқур нафас билан ҳидлаш- БУЗАДИ.
31. Атирни шунчаки ҳидлашни ўзи-БУЗМАЙДИ.
Шайх Муҳаммад Содиқ Муҳаммад Юсуф