🕊️ Mavlono Jaloliddin Rumiy 🕊️

📹 Baliqlar va chumolilar. →Youtubeda koʻrish uchun bosing. #Shams_media_TV → ©️ Asadulloh Muhammad @Shams_media_TV adabiy-ma'rifiy, diniy kanal

​​#Таълим_ва_тарбия_1 Мактабни 2002-йил тугатиб, коллежга киролмадим. Шу билан 9 йил илм даргоҳларида ўқолмадим. Лекин коллежларда ўқийдиган кўп дўстларим билан бирга эдим. Ўқишга киришдан бошлаб, то битиргунча пул сарфлашар эди. Кириш имтиҳони ва оралиқ имтиҳонлар учун. Шу имтиҳонлар арафасида ўзаро муҳокама қилишар эди – у домла мунча сўради, бу домла битта қилиб йиғиб беринглар, деди... 2011-йил Тошкендаги "Кўкалдош" мадрасасига қабул қилиндим. Бу Аллоҳнинг фазли билан бўлди. Мадрасада биринчи курсда табиий фанлар билан араб тили грамматикасига кўпроқ урғу берилади. Диний фанлар нисбатан енгилроқ ўтилади. Иккинчи курсдан бошлаб диний дарсларга куч берилади. У ҳам фақат назарий жиҳатдан эмас, амалий жиҳатдан ва устозлар ўзлари намуна бўлиб ўргатадилар. 4 йиллик мадраса ҳаётида бир умрга татигулик (амалий) дарслар олдим десам, муболаға бўлмаса керак. Шулардан ёдимга тушганини навбат билан ёзишга қарор қилдим. Шояд таълим ва тарбиянинг бир-бирига уйғун эканини, буни эса ҳеч бир даргоҳ ёки тузум Исломчалик намоён қилиб бера олмаслигини англаб етсак. Иккинчи курс. Тафсир фанидан биринчи дарс. Унда тафсир фанининг мавзуси, аҳамияти, мақсади, фазилати ва бошқа маълумотлар айтиб ўтилди ва шулар асосида уй вазифаси тайинланди. Бир ҳафтадан кейин келаси дарс бўлди. Устозимиз кириб, жойлашдилар. Журналларни ҳозирлаб, йўқлама қилдилар. Кейин уй вазифасини сўраш учун исм-шарифларни ўқий бошладилар: – Фалончиев?.. Талаба ўрнидан туриб: – Устоз, тайёр эмасдим, деди. Яна бошқани чақирдилар. – Устоз, дарс қилолмадим.. Шу зайлда 5-6 киши чақирилди лекин ҳеч ким дарсга тайёр эмасди. Устоз жиим бўлиб, бир муддат журналга тикилиб қолдилар. Кейин ўринларидан туриб, бўрни олдилар-да, лавҳга (доска) араб тилида икки қаторлик шеър ёздилар. (Хатлари ҳам чиройли эди): تعلم يا فتى فالجهل عار فلا يرضى به إلا حمار Шеърни ёзиб, стол устидаги журналларни попкаларига солдилар ва индамай чиқиб кетдилар. Биз эса аввал шеърнинг эъробларини ажратиб, талабалар билан биргалашиб, таржима қилдик ва амаллаб маъносини тушундик: «Эй йигит, ўқи-таълим ол, чунки жоҳиллик-илмсизлик ордир. Бунга эса фақат эшшак рози бўлади!» Бу шеър бизларга тарсакидан баттар бўлди. Мен тафсир дафтаримнинг орқа тарафига катта қилиб ёзиб қўйгандим. Ҳозиргача ўша манзарани – таълимни боягидек эслайман. Шу билан бу дарсни жиддий ўқийдиган бўлдик. Ҳа, аъло даражада ўқимагандирмиз, лекин дарсга ҳалигидек бепарво бўлмас эдик. Ўша йили – иккинчи курсда Тафсири Жалолайндан икки пора ўтганмиз. Ҳозиргача ўша дарсларда ўтганларимиз эсимга тушиб туради, ҳозиргача манфаати тегади. Албатта бунга устозимизнинг дарсни аъло даражада ўтиб берганлари сабаб. Лекин энг асосийси ўтган дарсларида оят ва ҳадисларга амал қилишда аввало ўзлари бизга ўрнак ва намуна бўлганларида эди ва айнан шу ҳар бир дарснинг руҳи эди. Бу давр шуниси билан зеҳниятимда қолиб кетган. Яна бир нарсани қасам ичиб айтаман, тўрт йиллик ўқув давомида қайсидир ўқитувчи бирор бир имтиҳонга пул ёки моддий нарса сўраганини ёки қайсидир талаба "ҳадия" деб бирор сўм бериб баҳо олганини кўрмаганман ва эшитмаганман. Ҳолбуки, ўша вақтда Тошкeнтда бир АЁҚШ (заправка) "пистолетчи"си 1500000 сўм (бир ярим миллион) маош олса, мадрасамиз ўқитувчиси энг кўпи 400000 (тўтр юз минг сўм) маош оларди. Аллоҳ таоло устозларимизга икки дунёда офият берсин, дини учун қилган ва қилаётган хизматларини Ўзи муносиб мукофотласин! ©Икром Шариф ┉┅━❀🍃💐🍃❀━┅┉ t.me/IkromSharif

Bizga ustoz emas, o'rnak bo'ladigan namuna kerak. Fatvo beradiganlar ko'p, taqvo bilan yashaydiganlar kam. ©Jaloliddin Rumiy @Mavlono_Jaloliddin_Rumiy_hikmat

Kutishning yomon joyi yo'q. Haqiqiy sabr nima? U gulni tikandan ko'proq, kunduzi esa kechadan ko'proq tasavvur qilishi mumkin. Allohning haqiqiy sevgilari sabrni o'zlari bilganidek shirin qabul qiladilar va osmondagi hilolning to'lin oyga aylanishiga vaqt kerakligini bilishadi. ©Shams Tabriziy @Mavlono_Jaloliddin_Rumiy_hikmat