Nikodimos Christian center

የነነዌ ሰዎች ገንዘብን በማከማቸት እንደሚፀኑ አስበው ነበረ ነገር ግን ሀብት በአንድ ቀን የሚጠፋና የህይወት ዋስትና መሆን እንደማይችል በዚህ ክፍል የምናየው ነገር ነው በአሶር መንግስት ላይ የተነሳው ባቢሎን ሳይሆን እግዚአብሔር ነው እግዚአብሔር የሚያስጨንቀንን ያጠፋል! ትንቢተ ናሆም ምዕራፍ 3 ከቁጥር 1-3 የነነዌን ሀጢአት በግልፅ የሚያሳይ ክፍል ነው በዚያ ሀገር የሚሰማው ድምጽ የጅራፍ ጩኸት ነው የተማረኩ ሰዎችን የሚገርፉበት ማለት ነው የአሶር ነገስታት አንድን አገር ሄደው ከማረኩ በኋላ አንገት እየቀሉ በየቦታው ያንጠለጥሉ ነበረ። አንድ የጀግንነት ምልክት ተደርጎ ይታሰብ ነበረ። “4. ይህ ሁሉ የሆነው ቅጥ ባጣች፣አሳሳችና መተተኛ በሆነች ዘማዊት ምክንያት ነው፤እርሷም በዝሙቷ አሕዛብን፣በጥንቈላዋም ሕዝቦችን ባሪያ ያደረገች ናት።”(አ.መ.ት) ይሄ ሁሉ ጥፋት የመጣባቸው ምክንያት የሚያመልኳት ጣኦት ክፉ ስለነበረች ነው ስለዚህ በሚያመልኳት ህዝቦች ላይ ማንነቷ ይገለጣል ማንነቷን ጭካኔ ነው ብዙ ጊዜ ደም መፋሰስ የሚበዛው ከኋላው ሌላ አጀንዳ ያለው መንፈስ ስላለ በመሆኑ ክርስቲያኖች በዚህ ርዕስ ላይ ነቅተን ልንፀልይ ይገባል ህዝብ የሚያመልከውን አምላክ ነው የሚመስለው ባህሪያችን ማንን እያመለክን እንደሆነ በግልፅ ያሳያል ከቁጥር 5-6 እግዚአብሔር ይህቺን ከተማ እንዴት እንደሚያዋርዳት ይናገራል “5. የሰራዊት ጌታ እግዚአብሔር እንዲህ ይላል፤“እኔ በጠላትነት ተነሥቼብሻለሁ፤ቀሚስሽን እስከ ፊትሽ እገልበዋለሁ፤ዕርቃንሽን ለአሕዛብ፣ኀፍረትሽንም ለነገሥታት አሳያለሁ።”(አ.መ.ት) ከ 7-10 ስለ ኖአሞን የምትባል ከተማ ይናገራል “8. አንቺ በዐባይ ወንዝ አጠገብ ካለችው፣በውሃ ከተከበበችው፣ከኖእ አሞን ትበልጫለሽን?ወንዙ መከላከያዋ፣ውሃውም ቅጥሯ ነው።(አ.መ.ት) ኖአሞን የምትባለው ከተማ በጣም ትልቅ ከተማ ነበረች 100 መግቢያ በሮች የነበሯትና በጣም ትልቅ የአምልኮ ስፍራም የነበራት ሀገር ነች ነገር ግን ሙሉ በሙሉ ጠፍታለች እግዚአብሔር ከዚህ ሀገር ትበልጭያለሽ ወይ ይላታል ነነዌን መኖር(መሰንበት) በሀይል አይደለም! የመኖር ዋስትና ያለው እግዚአብሔር አብሮን ካለ ብቻ ነው የትኛውም ነገር የመኖር ዋስትና ሊሰጠን አይችልም ኖአሞን ሀያል ሀገር ነበረች ሀያልነት ግን አያፀናም ኖአሞን ብዙ ወዳጆች ነበሯት እርሱም ግን ላለመጥፋት ዋስትና ሆነው ሊያኖሯት አልቻሉም “11. አንቺ ደግሞ ትሰክሪያለሽ፤ትደበቂያለሽ፣ከጠላትም መሸሸጊያ ትፈልጊያለሽ።(አ.መ.ት) ነነዌ ከኖአሞን ስላልተማረች የእግዚአብሔርን የፍርድ ጽዋ እንደምትጠጣ ይናገራል ከ 12-15 የነነዌ መንግስት እንዴት እንደሚወድቅ ያሳየናል “12. ምሽጎችሽ ሁሉ ሊበሉ እንደ ደረሱየመጀመሪያ በለስ ፍሬ ናቸው፤በሚወዛወዙበት ጊዜ፣ፍሬዎቹ በበላተኛው አፍ ውስጥ ይወድቃሉ።(አ.መ.ት) እግዚአብሔር የአሶር መንግስት ለመጣል ለእርሱ ከባድ አይደለም ዛፍን እንዲወዛወዝ እንደማድረግ ያህል ቀላል ነው ታሪክም የሚናገረው ነነዌ በጎርፍ ሙሉ በሙሉ እንደተወሰደች ነው ስለዚህ በአጠቃላይ ከዚህ ክፍል የምንማረው ነገር የትኛውም አለን የምንለው ነገር ለመኖራችን ዋስትና ሊሆነን እንደማይችልና መጽናትም ሆነ መኖር የሚቻለው ከእግዚአብሔር ጋር በመሆን ብቻ እንደሆነ ይሄ የናሆም ትንቢት ያስተምረናል

ትንቢተ ናሆም መግቢያ ጸሀፊው ናሆም ነው ናሆም ማለት መጽናናት ማለት ነው ነህሚያ ከሚለው ስም ጋር ተመሳሳይ ትርጉም አለው መጽሐፉ የተፃፈው ከ 663-612 አ.አ ባለው ጊዜ ውስጥ ነው ተብሎ ይታመናል ዮናስ ነነዌ ላይ ካገለገለ ከ 150 አመት በኋላ ነው የናሆም መጽሐፍ የተፃፈው በዮናስ ትንቢት ላይ እግዚአብሔር ለነነዌ የንስሀ ጥሪ ሲያቀርብ አይተን ነበረ ህዝቡም ንስሀ ከገቡና እግዚአብሔር ከተቀበላቸው ከ 150 አመት በኋላ ግን በገቡበት ንስሀ ስላልፀኑና ክፋትን ስለጨመሩ እግዚአብሔር በፍርድ ሲመጣባቸው እናያለን የእግዚአብሔርን ምህረት መዘባበቻ ስላደረጋችሁ ጥፋት ይመጣባችኋል የሚልን መልዕክትን የያዘ መጽሐፍ ነው ናሆም ባገለገለበት ዘመን ሶፎንያስና ኤርምያስም ሲያገለግሉ የነበሩበት ጊዜ ነው መልዕክቱ የተፃፈላቸው ለነነዌና ለአሶር ህዝቦች ነው ነነዌ የእግዚአብሔር ህዝብ ጠላት ናቸው ስለዚህ የእግዚአብሔርም ጠላት ሆነዋል ናሆም የአሶር መንግስት ሙሉ በሙሉ እንደሚደመሰስ ተናግሮ ነበረ ትንቢቱም ተፈጽሟል የመጽሐፉ አላማ እግዚአብሔር የህዝቡን ጠላት የሚበቀል ሉአላዊ አምላክ መሆኑን ማስተማር ነው እግዚአብሔር ህዝቡን የሚያፅናና አምላክ መሆኑን ለይሁዳ ህዝብ ለማሳየት በመከራ ጊዜ ወደ እርሱ የሚመጡትን የሚሸሽግ ጌታ መሆኑን ለማስተማር እግዚአብሔር ፍትሀዊና ቅዱስ አምላክ ነው ስለዚህ ሀጢአትን ይቀጣል የመጽሐፉ ቁልፍ ጥቅስ ናሆም 1፡7 ነው ናሆም 1 7. እግዚአብሔር መልካም ነው፤በጭንቅ ጊዜም መሸሸጊያ ነው።ለሚታመኑበት ይጠነቀቅላቸዋል፤(አ.መ.ት) ምዕራፍ 1 ላይ የእግዚአብሔርን ማንነትና በነነዌ ላይ የመጣውን ፍርድ እንመለከታለን ምዕራፍ 2 ስለ ነነዌ መፍረስ የተነገረ ዝርዝር ማብራሪያን እናያለን ምዕራፍ 3 የነነዌን የውድቀት ምክንያት ያሳየናል ትንቢተ ናሆም ምዕራፍ 1 “1 ስለ ነነዌ የተነገረ ሸክም፤ የኤልቆሻዊው የናሆም የራእዩ መጽሐፍ ይህ ነው።” የነነዌ መጥፋትና የይሁዳን መጽናናት እንዲናገር ናሆም ሸክም ተሰጠው ነነዌ የአሶር ዋና ከተማ ናት የአሶር መንግስት በጣም ጨካኝ መንግስት ነበረ በጣም ክፉ መንግስት ከመሆኑ የተነሳ ሀይሉን የሚያሳየው ተማርከው በመጡ ህዝቦች ላይ ነው ዮናስ ከዚህ ክፋታቸው የተነሳ ነበር ምህረት አይገባቸውም ብሎ ያስብ የነበረው “2. እግዚአብሔር ቀናተኛና ተበቃይ አምላክ ነው፤ እግዚአብሔር የሚበቀል፣ በመዓትም የተሞላ ነው። እግዚአብሔር ባላጋራዎቹን ይበቀላል፤በጠላቶቹም ላይ ቍጣውን ያመጣል”(አ.መ.ት) እግዚአብሔር መሀሪ ብቻ ሳይሆን ሀጢአትንም የሚቀጣ አምላክ ነው ብዙዎች እግዚአብሔር መሀሪ ነው ባለ ብዙ ምህረት ነው የሚለውን ቃል ለራሳቸው ጥፋት መሸፈኛ አድርገው ያቀርቡታል ነገር ግን እግዚአብሔር ባህሪው ቅዱስ ነው ያለ ቅጣት የሚተወው አንድም ሀጢአት የለም የእግዚአብሔር ቀናተኝነትና የሰው ቅናት በጣም የተለያዩ ነገሮች ናቸው እግዚአብሔር ቀናተኛ ነው ማለት ለራሱ ፍላጎት ያዳላል ማለት አይደለም ምክንያቱም እግዚአብሔር ያለ ህዝቡ መኖር ይችላል ህዝቡ ነው ያለ እርሱ መኖር የማይችለው እግዚአብሔር የሚቀናው ለህዝቡ ጥቅም ነው 2ኛ ወደ ቆሮንቶስ ሰዎች 11 1 በጥቂቱ ሞኝነቴ ብትታገሡኝ መልካም ይሆን ነበር፤ ቢሆንም በእርግጥ ታገሡኝ። 2 በእግዚአብሔር ቅንዓት እቀናላችኋለሁና፥ እንደ ንጽሕት ድንግል እናንተን ለክርስቶስ ላቀርብ ለአንድ ወንድ አጭቻችኋለሁና፤ 3 ነገር ግን እባብ በተንኮሉ ሔዋንን እንዳሳታት፥ አሳባችሁ ተበላሽቶ ለክርስቶስ ከሚሆን ቅንነትና ንጽሕና ምናልባት እንዳይለወጥ ብዬ እፈራለሁ። ይሄ መልዕክት የተጻፈው ለነነዌ ቢሆንም የሚያነቡት ግን አይሁዳውያን ናቸው ይሄም የሚያስተምረው እግዚአብሔር ለህዝቡ እንደሚበቀልና ህዝቡ ለራሱ መበቀል እንደሌለበት ነው ወደ ዕብራውያን 10 30 በቀል የእኔ ነው፥ እኔ ብድራትን እመልሳለሁ ያለውን እናውቃለንና፤ ደግሞም። ጌታ በሕዝቡ ይፈርዳል። በአዲስ ኪዳን የሰው ጠላት የለንም ውጊያችን መንፈሳዊ መሆኑን መጽሐፍ ቅዱስ ያስተምረናል “3. እግዚአብሔር ለቍጣ የዘገየ በኀይሉም ታላቅ ነው፤ እግዚአብሔር በደለኛውን ሳይቀጣ አያልፍም፤መንገዱ በዐውሎ ነፋስና በማዕበል ውስጥ ነው፤ደመናም የእግሩ ትቢያ ነው።”(አ.መ.ት) እግዚአብሔር ሳይቆጣ ከዘገየ እያታገሰ መሆኑን ማወቅ ያስፈልጋል እግዚአብሔር ዝም ሲል ከአመፃ ጋር ተስማምቶ አይደለም የንስሀ እድል እየሰጠ ነው እግዚአብሔር ሲታገስ ሀይል አንሶት አይደለም ይመለሳሉ ብሎ እየጠበቀን ነው መዝሙረ ዳዊት 50 16 ኃጢአተኛውን ግን እግዚአብሔር አለው። ለምን አንተ ሕጌን ትናገራለህ? ኪዳኔንም በአፍህ ለምን ትወስዳለህ? 17 አንተስ ተግሣጼን ጠላህ፥ ቃሎቼንም ወደ ኋላህ ጣልህ። 18 ሌባውን ባየህ ጊዜ ከእርሱ ጋር ትሮጥ ነበር እድል ፈንታህንም ከአመንዝሮች ጋር አደረግህ። 19 አፍህ ክፋትን አበዛ፥ አንደበትህም ሽንገላን ተበተበ። 20 ተቀምጠህ ወንድምህን አማኸው፥ ለእናትህም ልጅ ዕንቅፋት አኖርህ። 21 ይህን አድርገህ ዝም አልሁህ፤ እኔ እንደ አንተ እሆን ዘንድ ጠረጠርህ፤ እዘልፍሃለሁ በፊትህም እቆማለሁ። የእግዚአብሔር ሀይል የሚገደበው በፍቅሩና በመልካምነቱ ነው ከቁጥር 3-6 እግዚአብሔር በፍጥረት ላይ ያለውን ስልጣን ያሳያል “6. ቊጣውን ማን ሊቋቋም ይችላል?ጽኑ ቊጣውንስ ማን ሊሸከም ይችላል?መዓቱ እንደ እሳት ፈሶአል፤ዐለቶችም በፊቱ ተሰነጣጥቀዋል።”(አ.መ.ት) የእግዚአብሔርን ቁጣ መቋቋም የሚችል አንድም ፍጥረት የለም “7. እግዚአብሔር መልካም ነው፤በጭንቅ ጊዜም መሸሸጊያ ነው።ለሚታመኑበት ይጠነቀቅላቸዋል፤”(አ.መ.ት) በምንም አይነት ሁኔታ ውስጥ ብንሆን እግዚአብሔር ግን መልካም ነው ከቁጥር 12-16 የይሑዳን ነጻ መውጣት እናያለን ትንቢተ ናሆም ምዕራፍ 2 የነነዌ አወዳደቅ “1. ነነዌ ሆይ፤ አጥቂ መጥቶብሻል፤ምሽግሽን ጠብቂ፤መንገድሽን ሰልዪ፤ወገብሽን ታጠቂ፤ኀይልሽን ሁሉ አሰባስቢ።”(አ.መ.ት) ሊቋቋሙት የማይችሉት ሀይል እንደመጣባቸው ይናገራል ለብዙ ዘመን መሸነፍን የማያውቀው የአሶር መንግስት መጨረሻው እንደደረሰ ያሳየናል እግዚአብሔር ህዝቡን የሚያጽናናው አስጨንቆ የገዛውን መንግስት በመጣል እንደሆነ በዚህ ክፍል እናያለን “2. አጥፊዎች ባድማ ቢያደርጓቸውም፣የወይን ተክል ቦታቸውን ቢያጠፉባቸውም፣እንደ እስራኤል ክብር ሁሉ፣ እግዚአብሔር የያዕቆብንም ክብር ይመልሳል።”(አ.መ.ት) የአሶር መንግስት ባድማ አድርጎት የነበረውን ቦታ እግዚአብሔር መልሶ እንደሚያድሰውና ክብሩን እንደሚመልስ ይናገራል ከቁጥር 3-7 ናሆም በራዕይ የተመለከተው የነነዌን ጥፋት ይናገራል “5. ምርጥ ተዋጊዎቹን ይጠራል፤ዳሩ ግን መንገድ ላይ ይሰናከላሉ፤ወደ ከተማዪቱ ቅጥር ይሮጣሉ፤መከላከያ ጋሻውም በቦታው አለ።”(አ.መ.ት) ለጦርነት በወጡበት እርስ በእርሳቸው እንደሚጣሉ ያሳያል “6. የወንዙ በር ወለል ብሎ ተከፈተ፤ቤተ መንግሥቱም ወደቀ።”(አ.መ.ት) የነነዌ ከተማ በውሃ ዳር የተመሰረተች ሀገር ስለ ነበረች ታሪክ የሚያሳየው በጎርፍ እንደተወሰደች ነው በዚህም የናሆም ትንቢት ፍፃሜውን አግኝቷል ከቁጥር 8-12 ነነዌ እንደ ኩሬ ትሆናለች ይላል ሀብታቸውን ማጣታቸው ከመጣባቸው ፍርድ ውስጥ አንዱ ነው

#13ኛ_ቀን በኢትዮጵያ ሰዓት አቆጣጠር ዘወትር ከምሽቱ 3:00 ሰዓት ቲክቶክ live እና ቴሌግራም ላይ  ኑ የእግዚአብሔርን ቃል እናጥና:: ዛሬ የምናነበው ክፍል ዘፍጥረት ምዕራፍ  37 - 39 የዩቱብ  የቲክቶክ እና የቴሌግራም ሊንኮችን ከታች  ታገኛላችሁ👇 YOUTUBE#1:- www.youtube.com/NikodimosShow YOUTUBE#2:- www.youtube.com/@thewordwithtg316 TIKTOK#1:- tiktok.com/tigistejiguwondmu TIKTOK#2:-  tiktok.com/nikodimoschrstiancenter TELEGRAM:- https://t.me/nikodimosshow

#12ኛ_ቀን በኢትዮጵያ ሰዓት አቆጣጠር ዘወትር ከምሽቱ 3:00 ሰዓት ቲክቶክ live እና ቴሌግራም ላይ  ኑ የእግዚአብሔርን ቃል እናጥና:: ዛሬ የምናነበው ክፍል ዘፍጥረት ምዕራፍ  34 - 36 የዩቱብ  የቲክቶክ እና የቴሌግራም ሊንኮችን ከታች  ታገኛላችሁ👇 YOUTUBE#1:- www.youtube.com/NikodimosShow YOUTUBE#2:- www.youtube.com/@thewordwithtg316 TIKTOK#1:- tiktok.com/tigistejiguwondmu TIKTOK#2:-  tiktok.com/nikodimoschrstiancenter TELEGRAM:- https://t.me/nikodimosshow

#11ኛ_ቀን በኢትዮጵያ ሰዓት አቆጣጠር ዘወትር ከምሽቱ 3:00 ሰዓት ቲክቶክ live እና ቴሌግራም ላይ  ኑ የእግዚአብሔርን ቃል እናጥና:: ዛሬ የምናነበው ክፍል ዘፍጥረት ምዕራፍ  31 - 33 የዩቱብ  የቲክቶክ እና የቴሌግራም ሊንኮችን ከታች  ታገኛላችሁ👇 YOUTUBE#1:- www.youtube.com/NikodimosShow YOUTUBE#2:- www.youtube.com/@thewordwithtg316 TIKTOK#1:- tiktok.com/tigistejiguwondmu TIKTOK#2:-  tiktok.com/nikodimoschrstiancenter TELEGRAM:- https://t.me/nikodimosshow

 ስለዚህ ሌሊቱ ያለ ራእይ፣ጨለማውም ያለ ንግርት ይመጣባችኋል፤በነቢያት ላይ ፀሐይ ትጠልቅባቸዋለች፤ቀኑም ይጨልምባቸዋል።”(አ.መ.ት)   ገንዘብ ስለሚወዱ እነዚህ ሰዎች ለከፈላቸው ሰው መልካም መልካሙን ብቻ ይናገራሉ ተመለሱ የሚል መልዕክትን በፍፁም አይናገሩም   ገንዝብ ላልሰጧቸው ሰዎች ደግሞ ሰይፍ ይመጣባችኋል ይላሉ   ስለዚህ እግዚአብሔር በነዚህም ላይ ፍርድ እንደሚመጣ ይናገራል   “8. እኔ ግን፣ለያዕቆብ በደሉን፣ለእስራኤልም ኀጢአቱን እነግር ዘንድኀይልን፣ በእግዚአብሔር መንፈስ፣ፍትሕና ብርታት ተሞልቻለሁ።”(አ.መ.ት)   ሚክያስ ሀይል መሞላቱን ይናገራል ሀሰተኞቹ ግን ሀይል የላቸውም   ከቁጥር 9-12 መሪዎች ፡ ካህናትና ነቢያት ላይ የተላለፍን ፍርድ ያሳየናል   የሶስቱም ችግር ገንዘብ ነው   “11. መሪዎቿ በጒቦ ይፈርዳሉ፤ካህናቷ ለዋጋ ሲሉ ያስተምራሉ፤ነቢያቷም ለገንዘብ ሲሉ ይናገራሉ።ነገር ግን በእግዚአብሔር ላይ ተደግፈውም፣“እግዚአብሔር በመካከላችን አይደለምን?ምንም ዐይነት ክፉ ነገር አይደርስብንም” ይላሉ። 12. ስለዚህ በእናንተ ምክንያት፣ጽዮን እንደ እርሻ ትታረሳለች፣ኢየሩሳሌም የፍርስራሽ ክምር ትሆናለች፤የቤተ መቅደሱም ኰረብታ ዐረም የበቀለበት ጒብታ ይሆናል።”(አ.መ.ት)

ትንቢተ ሚክያስ ምዕራፍ 1-3   የትንቢትን መጽሐፍ ስናይ ብዙ ጊዜ ፍርድና ተስፋን እንደያዙ ተመልክተናል   የሚክያስ መጽሐፍም ፍርድና ተስፋን አብሮ የያዘ መጽሐፍ ነው   ሚክያስ ማለት ትርጉሙ ማን እንደ እግዚአብሔር ! ማለት ነው   ይሄም ቃል በመጽሐፉ ውስጥ ዋና ርዕስ ሆኖ ተቀምጧል   ሚክያስ 7 18. የርስቱን ትሩፍ፣ኀጢአት ይቅር የሚል፣ የሚምርእንደ አንተ ያለ አምላክ ማነው?ለዘላለም አትቈጣም፤ነገር ግን ምሕረት በማድረግ ደስ ይልሃል።(አ.መ.ት)   ሚክያስ በእስራኤል ንጉስ በአክአብ ዘመን በሰማርያ የነበረ አንድ እውነተኛ ነቢይ ነበር   ትንቢቱ የተፃፈበት ዘመን ኢዮአታም ፡ አካዝና ህዝቅያስ በነበሩበት ዘመን ነበር   በዚህ ዘመን ኢሳያስ ፡ ኤርምያስ ፡ አሞፅም አንድ ጊዜ ላይ ነበሩ ያገለገሉት   ሚክያስ በሆሴዕ ዘመንም ያገለገለ ነቢይ ነው   በሚክያስ መጽሐፍ ውስጥ የምናገኘው ትልቅ ነገር የዳዊት መንግስት በሀጢአትና በስነምግባር ችግር ምክንያት እየደከመ መሄዱንና የመሲሁ መንግስት ደግሞ እያቆጠቆጠ እንደመጣ መጽሐፉ ያመለክተናል   ሚክያስ 5 2. “አንቺ ግን፣ ቤተ ልሔም ኤፍራታ ሆይ፤ከይሁዳ ነገዶች መካከል ትንሿ ብትሆኚም፣አመጣጡ ከጥንት፣ከቀድሞ ዘመን የሆነ፣የእስራኤል ገዥ፣ከአንቺ ይወጣልኛል።”(አ.መ.ት)   ማቴዎስ 2 5. እነርሱም፣ “በይሁዳ ቤተ ልሔም፤ ነቢዩ እንዲህ ብሎ ጽፎአልና አሉ፤ 6. “ ‘በይሁዳ ምድር የምትገኚው አንቺ ቤተ ልሔም፣ከሌሎቹ የይሁዳ ገዦች በምንም አታንሺም፤የሕዝቤ የእስራኤል ጠባቂ የሚሆን፣ከአንቺ ይወጣልና።’ ”(አ.መ.ት)   መጽሐፉ ምሳሌያዊ አነገጋርን ይጠቀማል ሰሜኑን ክፍል ሰማርያን በጋለሞታ ይመስላታል ፡ በሌላ በኩል ደግሞ በድንጋይ ክምር ይመስላታል ህዝቡን ደግሞ በበግ መንጋ ይመስለዋል:: የህዝቡን አለቆች ደግሞ በክፉ እረኛ ይመስላቸዋል   የመጽሐፉ ዋና መልዕክት “እግዚአብሔር ከእኛ ምን ይፈልጋል?” የሚል ነው   ሚክያስ 6 6. ምን ይዤበእግዚአብሔር ፊት ልቅረብ፣በልዑል አምላክ ፊት ልስገድ?የሚቃጠለውን መሥዋዕት፣ከአንድ ዓመት ጥጃ ጋር ይዤ በፊቱ ልቅረብን?7. በአንድ ሺህ አውራ በጎች፣በዐሥር ሺህ የዘይት ፈሳሽ እግዚአብሔር ደስ ይለዋልን?ስለ በደሌ የበኵር ልጄን፣ስለ ነፍሴም ኀጢአት የሆዴን ፍሬ ላቅርብለትን?8. ሰው ሆይ፤ መልካም የሆነውን አሳይቶሃል፤ እግዚአብሔር ከአንተ የሚፈልገው ምንድን ነው?ፍትሕን ታደርግ ዘንድ፣ ምሕረትንም ትወድድ ዘንድ፣በአምላክህም ፊት በትሕትና ትራመድ ዘንድ አይደለምን?(አ.መ.ት)   በነዚህ ሶስት ምዕራፎች ውስጥ የምናየው በነገስታትና ፍትህን በሚያጓድሉት ላይ እግዚአብሔር እንደፈራጅ ይመጣል የሚልን ሀሳብ ነው   በምዕራፍ 1 ውስጥ የምናየው ነገር በሰማርያና በኢየሩሳሌም ላይ የተላለፈ ፍርድ የሚልን ሀሳብ ነው   ይሄ ትንቢት የተነገረበት ጊዜ የአሶር መንግስት እየጠነከረ የመጣበት ጊዜ ነበር   ከ 3-4 እግዚአብሔር ለፍርድ እንደሚወርድ ይናገራል   እግዚአብሔር በፍርድ ሲመጣ ተፈጥሮ ምላሽን ይሰጣል ይለናል   “4. ተራሮች ከሥሩ ይቀልጣሉ፤ሸለቆዎችም ይሰነጠቃሉ፤በእሳት ፊት እንዳለ ሰም፣በገደል ላይ እንደሚወርድ ፈሳሽ ይሆናሉ።(አ.መ.ት)   ከቁጥር 5-7 እግዚአብሔር በደላቸው ምን እንደሆነ በዝርዝር ይነግራቸዋል   “5. ይህ ሁሉ የሚሆነው ስለ ያዕቆብ በደል፣ስለ እስራኤልም ቤት ኀጢአት ነው።የያዕቆብ በደል ምንድን ነው?ሰማርያ አይደለችምን?የይሁዳስ የኰረብታ መስገጃ ምንድን ነው?ኢየሩሳሌም አይደለችምን?(አ.መ.ት)   በዚህ ምዕራፍ ላይ 2ቱን ዋና ዋና ከተሞች ይጠቅሳል ኢየሩሳሌምንና ሰማርያን ማለት ነው   ብዙ ጊዜ ጠላት ከገጠራማ አከባቢዎች በላይ የከተማው ህዝብ ላይ በስልጣኔ መልኩ ስለሚሰራ ነው ይሔን ሀሳብ ያነሳው   የቡድን ዝርፍያ ፡ ሱስ ፡ ሌብነት የሚበዛው በከተማው አከባቢ ላይ ነው ለዚህ ነው ሚክያስ ዋና ዋና ከተሞቹን የጠቀሰው   ከቁጥር 8-16 ነቢዩ እያዘነ ነበር ትንቢቱን የተናገረው   “8. በዚህ ምክንያት አለቅሳለሁ፤ ዋይ ዋይም እላለሁ፤ባዶ እግሬንና ዕርቃኔን እሄዳለሁ፤እንደ ቀበሮ አላዝናለሁ፤እንደ ጒጒትም አቃስታለሁ።(አ.መ.ት)   ሚክያስ ይሄን ትንቢት ሲናገር በኛ ዘመን እንዳሉ ነቢያት ይሄ ነገር ካልሆነ እኔ ነቢይ አይደለሁም እያለ በኩራት አልነበረም የሚናገረው በጣም በተሰበረ ልብ ሆኖ ነው የሚናገረው   እውነተኛ አገልጋዮች እግዚአብሔር ፍርድን ሲያመጣ ደሰተኛ የሚሆኑ አይደሉም ንስሀ የሚገቡና ስለህዝቡ ጥፋት የሚያዝኑ ናቸው እንጂ   ሚክያስ የእግዚአብሔርን ቁጣ ለእርሱ የነቢይነት ማረጋገጫ አድርጎ አያቀርብም   “16. ደስ ለምትሰኙባቸው ልጆቻችሁ፣በሐዘን ራሳችሁን ተላጩ፤ራሳችሁን እንደ አሞራ ራስ ተመለጡት፤ከእናንተ በምርኮ ይወሰዳሉና።(አ.መ.ት)   ምዕራፍ 2   የእግዚአብሔርና የሰው ዕቅድ   ይሄ ክፍል በማህበራዊ ፍትህ መጓደል ላይ የሚናገር ክፍል ነው   ማህበራዊ ፍትህ የለም መንፈሳዊ ውድቅትም ደግሞ አለ ይላል   ከቁጥር 1-5 ወዮላቸው ! የሚልን ቃል እናያለን   ‘1. ክፉ ለመሥራት ለሚያቅዱ፣በመኝታቸው ሳሉ ተንኰል ለሚያውጠነጥኑ ወዮላቸው!ሲነጋ በማለዳ ይፈጽሙታል፤የሚያደርጉበት ኀይል በእጃቸው ነውና።(አ.መ.ት)   በመኝታ ሰዓታቸው እንዴት አድርገው ክፋትን ማድረግ እንዳለባቸው ለሚያስቡ ሰዎች ወዮላቸው ይላል   “2. ዕርሻ ይመኛሉ፤ ይይዙታልም፤ቤት ይመኛሉ፤ ይወስዱታልም፤የሰውን ቤት፣የባልንጀራን ርስት አታልለው ይወስዳሉ።(አ.መ.ት)   ባለስልጣናቱ ፡ የህዝቡ አለቆች ፡ ነገስታቱ በእጃው ስለሆኑ እነዚህ ሰዎች ተኝተው የተመኙትን ሁሉ የማድረግ ሀይል ነበራቸው   ለነዚህ ሰዎች ታድያ እግዚአብሔርም እቅድን ያወጣባቸዋል   “3. ስለዚህ እግዚአብሔር እንዲህ ይላል፤“እነሆ፤ በዚያ ሕዝብ ላይ ጥፋት ላመጣ ዐቅጃለሁ፤ከዚህም ለማምለጥ አትችሉም።ከእንግዲህ በትዕቢት አትመላለሱም፤የመከራ ጊዜ ይሆናልና።”(አ.መ.ት)   ከቁጥር 6-10 ከሐሰተኛ ነቢያት ጋር የተደረገውን ክርክር ያሳየናል “6. ነቢያቶቻቸው፣ “ትንቢት አትናገርብን፤ስለ እነዚህ ነገሮች ትንቢት አትናገር፤ውርደት አይደርስብንም” ይላሉ።”(አ.መ.ት)   ሚክያስ ተመለሱ እግዚአብሔር በፍርድ ሊመጣባችሁ ነው ብሎ ትንቢት ሲናገር ሀሰተኞቹ ነቢያት ደግሞ ዝም በል ይሉት ነበር   ሰው በባህሪው ተመለስ ፡ ንስሀ ግባ ፡ ፍርድ ይመጣል የሚልን መልዕክት መስማት አይወድም የሚያበረታታውን ብቻ ነው መስማት የሚፈልገው ይሔ ግን የእውነተኛ አገልጋዮች ምሳሌ አይደለም   “7. የያዕቆብ ቤት ሆይ፤ እንዲህ ሊባል ይገባልን?“የእግዚአብሔር መንፈስ የማይታገሥ ነውን?እንዲህ ያሉት ነገሮችንስ ያደርጋልን?”“መንገዱ ቀና ለሆነ፣ቃሌ መልካም አያደርግምን?”(አ.መ.ት)   መንገዳችን መልካም እንዲሆን ቀና ነገር ማድረግ ከኛ ይጠበቃል   ከ11-12 እግዚአብሔር በፍርድ ብቻ ደግሞ አያበቃም ተስፋን ይሰጣቸዋል   ምዕራፍ 3 መሪዎችና ነቢያት ተገሠጹ   ከቁጥር 1-4 በፖለቲካ መሪዎችና በዳኞች ላይ የቀረበውን ወቀሳ ያሳየናል   “2. መልካሙን ጠላችሁ፤ ክፉውንም ወደዳችሁ፤የሕዝቤን ቈዳ ገፈፋችሁ፤ሥጋቸውንም ከዐጥንቶቻቸው ለያችሁ፤”(አ.መ.ት)   ህጉን እያወቁ እነዚህ ሰዎች የእውነት ፍርድን አይሰጡም ነበር   ከቁጥር 5-8 ስለ ሀሰተኛ ነቢያት ይናገራል   “5. እግዚአብሔር እንዲህ ይላል፤“ሕዝቤን የሚያስቱ ነቢያት፣ሰው ሲያበላቸው፣ ‘ሰላም አለ’ ይላሉ፤ሳያበላቸው ሲቀር ግን፣ጦርነት ሊያውጁበት ይነሣሉ። 6.

#10ኛ_ቀን በኢትዮጵያ ሰዓት አቆጣጠር ዘወትር ከምሽቱ 3:00 ሰዓት ቲክቶክ live እና ቴሌግራም ላይ  ኑ የእግዚአብሔርን ቃል እናጥና:: ዛሬ የምናነበው ክፍል ዘፍጥረት ምዕራፍ  28 - 30 የዩቱብ  የቲክቶክ እና የቴሌግራም ሊንኮችን ከታች  ታገኛላችሁ👇 YOUTUBE#1:- www.youtube.com/NikodimosShow YOUTUBE#2:- www.youtube.com/@thewordwithtg316 TIKTOK#1:- tiktok.com/tigistejiguwondmu TIKTOK#2:-  tiktok.com/nikodimoschrstiancenter TELEGRAM:- https://t.me/nikodimosshow

ኢየሱስ በአይኔ ነው የገባው! | ከአገልጋይ ቃልአብ ካሳዬ ጋር | Nikodimos Show - Tigist Ejigu