جُرْعَات إِيجَابِيَّة🤍🌸

اللهم شفائك العاجل .

فى برنامج للمنح للمجالات التقنية ورياده الاعمال بيقدم منحه لكورسات قيمتها تتعدى ال 800 دولار هبعتلكم اللينك فى تعليقات الماسج دى بالتوفيق وفرصه جميله جدا🤍

الايام بتغير حاجات كتير جدا ...! الزمن كفيل يوصلك لمرحله خطيره من النضج لدرجه ان كل خطوه جايه فى حياتك بتفكر فيها مليون مره ! قرارات قبل كده كنت بتاخدها فى غمضه عين دلوقتي ممكن تقضى ليالى تفكر فيها ، النوع ده من النضج الشخصى حلو ووحش ، حلو علشان بيخليك توصل لقرار كويس لان انت بقيت تبنى قرار على منطق ومبتسبش العاطفه تأثر فيك ! ووحش علشان بيحصلك إنهاك فكرى بغباء وعفويتك اللى كانت ممكن تكون غالبه على قراراتك دلوقتي بقت شبه منعدمه . نعيم الجهل كان فى الغالب بيخليك مستمتع بحياتك ومببتتأثرش بحاجات كتير حواليك لانك تجهل حقيقتها . وللاسف لما الحقائق بتظهرلك وتبقا عارف وفاهم اللى بيحصل حواليك بتصيبك صدمه من افعال البشر وبتميل للعزله اللى ممكن تأثر على نفسيتك بشكل مباشر. فى النهايه انت حتما هتوصل للنضج ده فى مرحله معينه من عمرك ، والحقيقه معرفش هل توصلها في سن صغير افضل ولا لا ؟؟ لان الوصول ليها فى سن صغير بيفقدك متعه اشياء كتير وغالبا بتتعامل مع الامور بمنطقيه شديده ! ..stay Tuned

ممكن تروحى تاخدى هديه وتسلمى وتمشي .وبكده خرجتى نفسك من الذنب وفى نفس الوقت قدرتى صديقتك

وعليكم السلام ورحمه الله وبركاته اول حاجه طبعا صلاه الاستخاره ثانيا اذا هو شخص فعلا بنفس المواصفات دى وفيه قبول والعائق الوحيد انه مش شغال بكليته يبقى تشوفى شغله اللى جمب كليته هل هو ناجح فيه ؟ هل يقدر يعول اسره ؟ هل شغله ممكن يتطور ويكبر لو هو يقدر يتحمل مسؤولية اسره وانتى قابله مستواه المعيشى وهتعرفى تعيشى معاه توكلى على الله واهلك لو شافوكى مقتنعه مش هيرفضو. لكن لو انتى فيه عنده شك او رغبه فى شخص مستواه اعلى من كده فلأ اختارى المناسب ليكى وتذكرى حديث الرسول عليه الصلاه والسلام: من استطاع منكم الباءه فليتزوح وإن جائكم من ترضون دينه وخلقه فزوجوه يعنى يتحقق الشرطين ✅ الخلق والدين ✅الباءه:- توفير مكان المعيشه وتحمل مسؤلية الاسره .

معيار العلم والذكاء فى اختيار شريك الحياه معيار مهم بس لو ده فعلا نابع عن رغبه شخصيه مش علشان رأى المجتمع!! او علشان اولادك هيتسألو بعد كده باباهم كان فى كليه اي ؟! مش كل اللى دخل كليه مجموعها عالى " ذكى ومثقف". فيه ناس بتدخل وتسقط وناس بتدخل وتطلع بالعافيه بمقبول ولو هتتكلمى عن مصر فمعايير الاختيار الخاصه بالكليات اصلا غير متكافئة تكافؤ الفرص يكاد يكون منعدم . فالمبدا نفسه صح ان اختار حد ذكى بيفهم شاطر لكن تطبيقه على الكليات خاطئ ، ونقطه تانيه ممكن يكون واحد مدخلش كليه اصلا لكن ناجح فى حياته اكتر من اللى دخل كليه س ونجاحه فيها و شغله محدود ..... باختصار ما يحدد هويه الشخص دينه ثم اخلاقه ثم مقدار سعيه لتطوير نفسه وتركيزه على ما ينفعه وتركه لما يضيع عليه عمره .

مهو دى فوائد فتره الخطوبه بتبين حقائق الأشخاص ، لا مش عادى اللى قالهولك او اللى بيحاول يوصل ليه ولو فعلا شخص خلوق ومتدين مش هتوصل بيه للدرجه دى من التعبير....اشرحى لاهلك الموقف وخصوصا والدتك واخوكى وقوليلهم كل شئ بشكل صريح . وسبب الرفض وضحيه ليه علشان يبقا عارف هو اترفض ليه لعل وعسى ربنا يهديه . مش شرط علشان دكتور او مهندس او طيار يبقا عنده اخلاق ، العلم الدنياوى لا يعلم الاخلاق الخلاق يعلمها الدين . ولما تختارى مره تانيه اول حاجه دورى عليها الدين والاخلاق الحقيقين مش المظاهر الزائفه .....

قال حسن البصري رحمه الله: لا أظن أن الله يعذب رجلاً استغفر.. فقيل لماذا !؟ قال : من الذي ألهمه الاستغفار؟ فقيل : الله .. فقال الحسن : كيف يلهمه الاستغفار ويريد به أذى ؟! "وما كان الله معذبهم وهم يستغفرون". 📚بُستانُ الوَاعِظَيْن لابن الجوزي👌

اولا صدق النيه فى التوبه وثانيا :- اداء جميع الفرائض فى وقتها الصيام قيام الليل قراءه القرآن وتدبر معانيه الصدقه البعد عن كل المحرمات صغيرها وكبيرها التقرب الى الله واللجوء إليه بالدعاء والاستغفار.

اولا لازم تتوبي وتستغفرى ربنا لانك اخطأتي وتعملى مثلا عمل بينك وبين تخصي بيه الخطأ ده واللى ممكن تعمليه هو انك تخرجى من حياه الشخص ده او اى حاجه تربطكم لان وجودك هيأثررعليه بشكل او بآخر ، ممكن تبعتى مسج توضحى فيها موقف وتعتذرى بدون م تنتظرى رد وتعملى بلوك وتطلعى من التيم وتختفي تماما من حياته . وتتقى الله فى الشخص اللى ربنا كتبه ليكى وتصونيه فى حضوره وغيابه لان العلاقات لا تبنى الا على الثقه .

وإن أصابك عُسرٌ فانتظر فرجًا ‏فالعُسرُ باليُسرِ مَقرونٌ ومُتصل!

ما في المَقامِ لِذي عَقلٍ وَذي أَدَبِ مِن راحَةٍ فَدَعِ الأَوطانَ وَاِغتَرِبِ💁‍♂🚶

ولي بحُبِّ رسُولِ اللَّهِ منزلةٌ أرجو بِهَا الصَّفح يوم الدِّين عن جُرُمي. ﷺ.♡🤍

اللهم انزل شفائك لمن مسه الضر وأجبر من انهكه الوجع ربي اشفي وعافي مرضانا ومرضى المسلمين انت الشافي لا شفاء إلا شفائك. اذكروني فى دعائكم بالشفاء فضلا...

ليس من المنطق ان تسمح لنفسك بالتواجد في حيز لا تشعر فيه بالطمأنينة او حتى بطيف من الامان ..اختيارك للبيئه التى تتناسب مع مبادئك وشخصيتك هو جزء لا يتجزأ من نجاحك ومستوى تطورك ، سواء كانت هذه البيئه، بيئه عمل ، بيئه دراسه او حتى علاقتك بالاشخاص من حولك فهي ايضا بيئه لها تأثيرها الخاص .

♥️🌸

استعن بالله ولا تعجز 🤍 هانت يا صاح ، اللى انت فيه ده عادى عقلك محتاج ياخد بريك بسيط من مجهودك فى مشروع التخرج ..نصيحتى ليك نظم وقتك علشان اول م تصحى بدرى تبقا عارف هتبدا ب اى ولما عقلك يحاول يشتتك ويوهمك ان عندك حاجات تانى اهم هتفتكر انك منظم وقتك وان ليها وقت تتلم فيه . نظم وقتك واعمل to do list وافتكر ان فيه ناس عندها نفس ضغطك ده وزود على كده شغل بياخد من وقتهم من 6 ل 8 ساعات وبردو بيعافروا وينظموا كل ده خلال اليوم . وشوف وقتك بيتسرق منك ازاى سواء فون او خروجات ...الخ قلل كل ده لغايه م تخلص والامور هتتظبط ان شاء الله. بالتوفيق ان شاء الله

وعليكم السلام ورحمه الله وبركاته التوفيق من اهم الاشياء وقد يحرم المرء التوفيق بالذنب الذى يصيبه ولكن هل جربتي قبل الامتحان انك تدرب نفسك على نوعيه الاسئله دى ، هل حطيتى نفسك فى مود الامتحان والتوتر استعدادا ل الامتحان الفعلي؟ جربي الطريقه دى قبل الامتحان وهتفرق معاكى جدا لانك كانك هتدخل الامتحان لتانى مره مش اول مره ..