APS Channel 氣功治療

📮#手足投稿 #自行判斷 📮 幾日前收到朋友通知，患抑鬱症嘅手足C自殺離開了。 好多手足都有抑鬱症，怕其他人擔心自己所以好少透露自己情況，有時候太辛苦情緒失控，仲會比人感覺喺佢個人性格差脾氣壞，始終認識抑鬱症嘅人少，冇乜人會明白患抑鬱症有幾可怕幾痛苦，仲有好多誤解。 網絡世界乜人都有，好多人會放肆地去辱罵同狙擊人，有時喺因為討論到發火，但更多時候喺純粹為屌而屌。我最後一次同手足C傾計，就係聽佢哭訴被黃絲同路人網絡欺凌及抑鬱發作，我知佢最近喺休息中，幾日前收到消息佢已經離開呢個世界，究竟佢喺死於抑鬱症定網絡欺凌？ 我都喺做cd-rom多，喺某大西北公海經常見到同一班人肆意辱罵其他手足，說話要幾難聽幾侮辱都有，以往有個別谷友亂屌人，其他人勸停都會收，可惜逐漸演變成勸停嘅人都比人屌，喺一班人圍攻式追住屌，好多舊谷友都已經走谷或者好似我咁轉做cd-rom，呢半年入面谷內都有患情緒病嘅手足被辱罵到情緒病發，要入院/提早覆診/加藥嘅都有。曾經有谷友喺呢個公海提出過，好多手足都有不同程度情緒病，希望大家自制d唔好進行言語暴力。呢班人d回應好可怕：“唔比人屌得就唔好上網”、“佢玻璃心 垃圾” 、“比人屌幾句就話要死學咩人抗爭呀 ”、“自殺死好過比狗打死”……仲有好多更難聽。有人向admin反映，admin回覆“佢有白卡真係有病”、“佢係真手足”、“包容吓”……大家都喺手足大家都有病，點解待遇差咁遠？係包容定縱容？ 新屋嶺果期我都試過想喺公海同手足講底最後幾句說話，喺手足S發現我有古怪pm我陪我傾計救翻我同幫我走出陰影，如果當日嘅我面對嘅喺呢班人，我應該會比佢哋圍屌之後跳樓死咗。 sor9ly，愈講愈亂唔知自己想講乜 ⭐️手足S⭐️，知你心太累休息緊，希望你快d好翻

https://www.abacusnews.com/games/resident-evil-3-angers-patriotic-chinese-gamers-passcode/article/3077257 我都知我有少少落後﹐但不得不提小粉紅嘅玻璃心😂😂😂 #JillSanwich

講既人可唔可以係我地?

呢期好多人share政治光譜 但願呢個唔會成為坐喺屋企嘅借口 如果你仲記得暫緩反送中嘅喺行動派 真正能爭取籌碼嘅喺 人最大嘅代價「生命」

唔知大家覺得反送中運動係唔係急速散退緊？書生知疫情嚴重，所以唔係指上街抗爭，而係指對運動既整體關注度。上街講時機，但關注係持久活動，一少左關注，就會消退得好快 書生做媒體，一直相當密切留意媒體數據。書生見到部分抗爭 page 同 tg channel 的數字一直跌緊。相反，藍絲 page 的 reach 數仍然相當驚人，例如港人講地可以一星期二三百萬 reach 。對家仍然熱情於宣傳黃絲係垃圾、曱甴，仍然要清算我地，咁我地呢？ 書生相信仍然有唔少手足關注抗爭媒體，但廣泛群眾的關注度係唔係開始逐漸減少？大家撫心自問，係唔係唔見有人被捕、流血，就開始減少讚好、支持和分享？ 再講大環境，民意調查顯示香港人對警察和林鄭的民望度都有明顯回升。唔通真係如林鄭當初盤算一樣，抗疫真的可以令其挽回聲望？ 運動未完。 如果你有留意TG，會發現每一日都有手足被人首捕、跟蹤、監控。 書生知好多手足、媒體、Channel一直落手落腳做實事，希望搞好立法會選舉、搞好國際戰線文宣、搞好黃色經濟圈、幫助被捕人士和小朋友等等，從未放棄，你又會唔會繼續好似過去九個月咁，繼續熱心支持、分享和關注？ 我們最可怕的敵人係「麻木」，亦係「習慣」。 書生知道有良知既大家唔會麻木，但人係會習慣。政府自實行抗疫措施，大家多留在家中，有無「習慣」左咁既安靜生活？如果一習慣左，好多野就唔會再主動做，又重新起步亦會更困難。 唔好習慣。 從最簡單開始做起。 而家被捕人士搜證部要片幫手足，幫幫手搵片。無片，就傳出去。求求大家幫手。 #書生百用 https://www.facebook.com/makeinterestingreading/posts/2628297364105908

還記得大家要團結一致嗎？

【#上庭聲援 - 4 月 1 4 日 星期二】 ［其他和你寫團］ ［旁聽須知］［交通資訊］ ［疫症期間安排］ ［司法機構最新公告] ［旁聽分流投票機］ ［20200412 被捕個案跟進情況］ 🕤09:30 🏛東 區 裁 判 法 院（未知樓層） 👤35歲男手足 #新案件（#0914淘大 普通襲擊） 新聞 🏛高 等 法 院 3 樓 1 庭 👨🏻‍⚖️陳慶偉法官 🕤09:30 👤荷蘭藉手足🛑已還押逾40天（#20200229旺角 縱火） 🏛九 龍 城 裁 判 法 院 5 樓 1 庭 👩🏻‍⚖️嚴舜儀署理主任裁判官 🕤09:30 👤陳(32) #提堂（不誠實取用電腦、串謀披露個人資料:涉於網上公開警員親友的個人資料） 🏛東 區 裁 判 法 院 4 樓 7 庭 👨🏻‍⚖️何俊堯裁判官 🕙11:00 👤梁(26) #提訊日（#0616中環 誤殺:爭執間，被告涉推跌周鎮和(63)，周兩日後死亡） 🏛東 區 裁 判 法 院 6 樓 1 庭 👩🏻‍⚖️錢禮主任裁判官 🕝14:30 👥陳,鄺(33-39) #提堂（#1111馬鞍山 公眾地方作出擾亂秩序行為） 👤庾(33) #提堂（#0612金鐘 非法集結） 👤魏(29) #提堂（#1001灣仔 襲警:涉襲擊督察林泰金背部） 👤鍾(學生動源召集人) #提堂（#0513金鐘 刑事損壞:涉破壞國旗） 👤袁(36) #提堂（#0701金鐘 襲警、非法集結） 🕞15:30 👤麥(18) #提堂（#1120灣仔 管有攻擊性武器:刀） 👤岑(37) #提堂（#20200101灣仔 管有非法用途工具:自製弩、木棒） 👤陳(27) #提堂（#20200101中環 管有攻擊性武器:摺刀、槌） 👤陳(27) #提堂（#1208灣仔 管有攻擊性武器:涉螺絲批、鐵蓮花等） 🏛區 域 法 院 8 樓 2 7 庭 👨🏻‍⚖️郭偉健法官 🕝14:30 👤盧(23) #提訊（#0801天水圍 管有炸藥、管有攻擊性武器等） 👤吳(38)🛑已還押逾160天 #聆取對控罪的回答（#1102元朗 管有攻擊性武器、管有物品意圖摧毀或損壞財產） 👥鄭,楊,丘,莫,黃(19-24)🛑已還押逾160天 #聆取對控罪的回答 （#1102灣仔 串謀縱火） 🏛九 龍 城 裁 判 法 院 5 樓 1 庭 👩🏻‍⚖️嚴舜儀署理主任裁判官 🕝14:30 👤羅(23) #判刑 🛑已還押逾145天（#1117尖沙咀 管有違禁武器、管有攻擊性武器:伸縮棍、摺刀、鋸刀、彈叉） 🏛粉 嶺 裁 判 法 院 4 樓 1 庭 👨🏻‍⚖️蘇文隆署理主任裁判官 🕝14:30 👤黃(27) #提堂（#0921屯門 縱火:涉向火堆投擲橙色物件和倒入液體） 🕞15:30 👤黃(29) #提堂（#20200116上水 製造爆炸品:DNT炸藥） ＊＊＊＊＊ #不是聲援 12:00 高等法院1庭👤林子健誤導警員上訴案 新聞 （01:04更新）

Credit: hkz.global on Instagram #fuckccp #fuckchina #fakenews

你班友都係唔見棺材唔流眼淚 今個星期每晚20:30 教練入場一齊做 星期一、三、五 《肌耐力訓練 - 核心肌+腿肌》 https://t.me/YLSTC/1067 星期二、四、六 《肌耐力訓練 - 上肢+核心肌》 https://t.me/YLSTC/1056 所有人教鬧鐘 20:30 坐定定等我！ (等唔切就自己做先！）

d字可以用殘體

內地來港由藍變黃 中六女生：光復香港前先光復自己思想 報導：https://bit.ly/2Vm324w 從前，Allen坦言「有啲鄙視香港人嘅身分」，覺得香港人「好乞人憎」、「好自私」，又會不問原由標籤和排斥她。但這場運動使她對香港人改觀，她感覺香港人「好有教養」、「好團結」、會互愛互助。如今，她毫無疑問地認為自己是香港人，也深信「就算喺大陸出世，接受香港嗰套就係香港人」。

#中大 #CUHK #1111 #1112 #1113 #NeverForgetNeverForgive

#毋忘 #手足 #香港人報仇 #報仇 #整合

雖然尼篇野重點講文宣，但其實適用係抗爭上 靈活變通唔正正就係be water 既核心價值所在？ 有關be water 我會遲少少打篇 #9up 出黎

【台灣泰國文宣示範】 #賽後檢討 呢幾日Twitter好似俾火燒咁旺，相信大家都好享受今個假期，但都係時候總結一下今次嘅經驗。 首先係早幾日台灣政府不斷向外國輸出口罩，然後俾五毛話台灣係支國一部份攞credit。台灣朋友好犀利即刻騎劫返#ThisAttackComesFromTaiwan呢個hashtag，仲順便貼返台灣美食同靚景嚟介紹自己國家。 另外當然係呢兩日由泰國hit到去全球嘅#nnevvy，Team Thailand洗版式得嚟又搞笑嘅攻擊實在令大家印象非常深刻，佢哋仲借用香港同台灣令五毛玻璃心爛到一地都係。 總結而言有啲咩係我哋可以參考嘅呢？其實都不外乎嗰幾點。 1. 靈活變通 好似台灣咁，其實可以參考佢哋將人哋嘅攻擊變成自己優勢呢種做法，既可以維護自己嘅價值，同時可以幫自己宣傳，適當咁騎劫咗人哋個hashtag。其實香港自己都有做眾籌輸岀口罩，雖然唔係政府做，但我哋喺適當嘅tweet都可以話俾外國人聽香港人願意幫忙。香港人執生好叻，就更應該表現喺文宣上面。 2. 認清目標 支國人因為屈人港獨台獨而攻擊人，泰國人就利用返佢哋嘅玻璃心弱點嚟攻擊返佢哋，完全了解佢哋嘅敵人。文宣唔只淨係俾外國議員睇，泰國人極速connect到支國人嘅敵人，直頭形成咗大東亞共榮圈同支國對立。當然，泰國人冇我哋嘅包袱，佢哋都玩得開放好多。而且佢哋多人，我哋情況唔一樣，所以要清楚知道每次想達到嘅目的，因為未必次次都一樣。同埋泰國人追得時事好貼，Gphone玩動森都俾佢哋攞哂做meme。 有見到啲post話平時嘅文宣過份認真同太重視美觀，搞笑嘅更有效。當然講傳播嘅速度同有趣方面，搞笑嘅meme係有優勢，但絕對唔可以discredit平時一啲認真嘅文宣。首先唔係樣樣嘢都適合搞笑，例如講疫症同WHO嘅嘢都好應該用有事實佐證嘅論點；反而泰國嗰種可以盡情玩。總之就唔好側重某一邊，資訊、幽默、澄清缺一不可，睇情況做人。 同埋見到有手足話驚騎劫咗泰國個tag，亂騎劫講香港嘢。其實感覺大家好識玩，搞笑就真係搞笑，笑五毛就笑五毛，冇特別覺得大家有太多過火嘢。我哋本身就俾人拉落水，借少少位講吓香港亦唔過份。都係嗰句，睇情況唔好做多咗。 文宣方向其實冇一個定案，最能夠喺台灣同泰國人學到嘅其實係齊心。人哋只係需要有一個共同目標就會一齊做，大家可以再思考吓。