ኤፌሶን ሚዲያ

*[ታኅሣሥ 1 የተወለደው ነቢዩ ኤልያስ የነበረበት የቀርሜሎስ ዋሻ ይኽ ያለኹበት ነው።]* *✍️በመጋቤ ሐዲስ ዶክተር ሮዳስ ታደሰ* 💥 የቤተ ክርስቲያን መጻሕፍት እንደሚያስረዱት ነቢዩ ኤልያስ ትውልዱ ከነገደ ሌዊ ሲሆን የአባቱ ስም ኢያስንዩ የእናቱ ስም ቶና ይባላሉ፡፡ 💥 ታኅሣሥ 1 በተወለደ ጊዜ የቤተ ክርስቲያን መጻሕፍት እንደሚነግሩን “እስመ በዕለተ ተወልደ ርእየ አቡሁ አርባዕተ ዕደወ ብርሃናውያነ እንዘ ይሰግዱ ሎቱ ወጠብለልዎ በእሳት ህየንተ አጽርቅት ዘይጠበለሉ ቦቱ” ይላል በተወለደ ጊዜ ብርሃን የለበሱ 4 ሰዎች ሲሰግዱለትና ሕፃናት በሚጠቀልሉበት ጨርቅ ፈንታ በእሳት ሲጠቅልሉት አባቱ ተመልክቷል፡፡ ለዚህ ነው በትርጓሜ ወንጌል “ዘጥብሉል በአጽርቅተ እሳት” የሚለው፡፡ ✍️ነቢዩ ኤልያስ በመጽሐፍ ቅዱስ ላይ ወደ 100 ጊዜያት የሚደርስ ተጠቅሷል፡፡ ከሠራቸው ሥራዎች ውስጥ:- 💥 አክአብና ኤልዛቤል ጣዖት በማምለከታቸው ኤልያስ 3 ዓመት ከ6 ወር ዝናብን እንዳይዘንብ በጸሎቱ አቁሟል (1ኛ ነገ 17) 💥 የሰራጵታዋን መበለት የሞተ ልጇን አስነሥቷል (1ኛ ነገ 17:19) 💥 ያቀረበውን መሥዋዕት እሳት ከሰማይ ወርዶ በልቶለታል (1ኛ ነገ 18) 💥 ከ3 ዓመት ከ6 ወር በኋላ ቀርሜሎስ ወጥቶ በመጸለይ ዝናብ እንዲዘንብ አድርጓል (1ኛ ነገ 18) 💥 አካዝያስ የላካቸውን 50 አለቃዎች እሳት ከሰማይ አውርዶ አቃጥሏል (2ኛ ነገ 1) 💥 በመጐናጸፊያው የዮርዳኖስን ወንዝ ከፍሏል (2ኛ ነገ 2:14) 💥 በእሳት ሠረገላ በዐውሎ ነፋስ ወደ ሰማይ ወጥቷል (2ኛ ነገ 2:11) 💥 በደብረ ታቦር ጌታ ምስጢረ መንግሥቱን ሲገልጽ ከሙሴ ጋር ዐብሮ ተገኝቷል (ማቴ 17:4) 💥 ዳግመኛ በመምጣት በሐሳዌ መሲሕ ጊዜ መጥቶ ሰማዕትነትን ይቀበላል (ማቴ 17:11) 👉 ከኢትዮጵያ ሊቃውንት ውስጥ ሊቁ አባ ጊዮርጊስ ዘጋሥጫ በተአምኆ ቅዱሳን መጽሐፉ፦ “ሰላም ለኤልያስ ነቢይ ቴስብያዊ ኮሬባዊ ታቦራዊ ሰማየ ዘለጐመ ወከልአ ዝናመ፤ ቃለ ጸሎቱ ዘተሰምዐ ውስተ ዕዝኑ ለአዶናይ ወአውረደ እሳተ እምሰማይ እስከ በልዖ ለማይ፤ ዘዐደወ ብሔረ ተድላ ተጽኢኖ ዘእሳት ሠረገላ፡፡ (ቴስቢያዊ (የቴስቢያ ሰው)፤ ኮሬባዊ (ወደ ኮሬብ ተራራ የወጣ)፤ ታቦራዊ (በታቦር ተራራ የተገኘ)፤ ዝናብ እንዳይዘንብ ሰማይን የለጐመ ለኾነ፤ የጸሎቱ ቃልም በአዶናይ ዦሮ ውስጥ ለተሰማ፤ ውሃውን እስኪበላ ደርሶ እሳትን ከሰማይ ያወረደ ለኾነ፤ በእሳት ሠረገላ ተጭኖ ወደ ተድላ ደስታ ቦታ ለገባ ለነቢዩ ለኤልያስ ሰላምታ ይገባል)። 💥ሊቁ አርከ ሥሉስም በአርኬ መጽሐፉ ላይ፦ "ሰላም ለከ ዐራጌ ሰማያት ለአዕርፎ ሕይወተ ዓለም ምድራዊ በተናግፎ በእንተ ምግባሩ ምንንት ለአክአብ እንተ ትዘልፎ እንተ ነሠትከ ምሕራማተ ወቀጥቀጥከ ግልፎ በስብሐቲከ ኤልያስ ተሰባሕከ እፎ” (ምድራዊ የሆነ የዓም ሕይወትን አራግፈህ ለማረፍ ወደ ሰማያት ያረግህ ለሆንክ ለአንተ ለኤልያስ ሰላም እላለሁ፡፡ አክአብን ለተናቀ ሥራው እየዘለፍከው ጣዖታትን የቀጠቀጥክ ማምለኪያዎቹን ያፈረስክ በምስጋናህ ምንኛ ተመሰገንህ)። ✍️ “ምስለ ኤልያስ ሰማየ ዘለጐመ ከመ ኢያዝንም ዝናመ በሠረገላ በርህ ንዒ ከመ ትባርኪ ዓለመ ማርያም ጸጋዊት ለምእመናንኪ ሰላመ እለ ክህላ ከናፍርኪ አፈ ነደ እሳት ስዒመ ይረስያ ማሕሌተነ ኀቤሆን ጥዑመ” (ነዳዲ እሳትን መሳምን የቻሉ የቻሉ ከናፍሮችሽ በነርሱ ዘንድ ማሕሌችን የጣፈጡ ያደርጉ ዘንድ ለምእመናን ሰላምን የምትሰጪ ማርያም ዓለምን ትባርኪ ዘንድ ዝናብን እንዳይዘንብ ሰማይን ከለጐመው ከኤልያስ ጋር በብርሃን ሠረገላ ነዪ)። 💥 ከመልክኡ ውስጥም እንዲኽ ይላል፦ "ሰላም ለአዕዛኒከ እለ ሰምዐ ነገረ እምእግዚአብሔር በኮሬብ ቀዳሚ ወበታቦር ካዕበ ኤልያስ ነዓ ምስለ ማርያም ወትረ ኀበ ንገብር በዓላ ወበዓለከ ኅቡረ ከመ ተሀበኒ ተምኔትየ ኩሎ አሚረ" (አስቀድሞ በኮሬብ ዳግመኛ በታቦር ከእግዚአብሔር ቃልን ለሰማ ዦሮኽ ሰላምታ ይገባል። ኤልያስ ሆይ ምኞቴን ኹልጊዜ ትሰጠኝ ዘንድ በዓሏን ከበዓልኽ ጋር በምናደርግ ጊዜ ከማርያም ጋር ዘወትር ና) [የነቢዩ ኤልያስ በረከት ይደርብን] [በአስተያየት መስጫው ላይ ታኅሣሥ 1 ልደቱን የምናከብርለት ነቢየ እግዚአብሔር ኤልያስን ብቻ አመስግኑት፤ በጸሎቱ እንዲጠብቃችሁ በጎ መሻታችኹን ንገሩት]