Buta.Media

İşğaldan azad olunmuş ərazilərin yenidən qurulması və bərpası məqsədilə illik nəzərdə tutulmuş 3 milyard 825 milyon manat vəsaitin 51,1 faizi və ya 1 milyard 953,5 milyon manatı istifadə olunub

Altı ayda sifarişçi təşkilatlar tərəfindən müvafiq layihələr üzrə təqdim edilmiş kassa sifariş sənədləri əsasında dövlət büdcəsində dövlət əsaslı vəsait qoyuluşu üçün nəzərdə tutulan vəsaitin 42,9 faizi və ya 1 milyard 64,9 milyon manat ayrılıb.

☀️ Azərbaycanda anomal istilər gözlənilir Milli Hidrometeorologiya Xidmətinin rəisi Nazim Mahmudov

“Bu da daha çox havanın temperaturunun yüksəlməsi ilə özünü büruzə verir. Ölkəmizdə də iqlim dəyişikliyinin təsiri son illər ərzində daha qabarıq hiss olunmaqdadır. Bu ilin yay fəslində həm Abşeron yarımadasında, həm də bölgələrdə havanın temperaturunun iqlim normasından yüksək olacağı, ayrı-ayrı günlərdə isə anomal isti keçəcəyi ehtimal olunur”.

🇹🇷 Almaniyanın Bremen şəhərində bağçalarda səs-küy salan uşaqlara xəbərdarlıq etmək üçün istifadə edilən “səssiz tülkü” işarəsi “bozqurd” işarəsinə bənzədiyi üçün qadağan edilib

Xəzər daha bir can aldı 😢 Azərbaycan Dövlət İqtisad Universitetinin (UNEC) III kurs tələbəsi İmran Cəbrayılov dənizdə batıb

Azərin “bozqurd” işarəsi göstərdi, Ərdoğan alqışladı Xalq artisti Azərin Türkiyədə keçirilən 15 İyul - Demokratiya və Milli Birlik Gününə həsr olunmuş anım tədbirində səhnəyə çıxıb. Sənətçi Prezident iqamətgahında keçirilən tədbirdə “Çırpınırdı Qara dəniz” mahnısını oxuduqdan sonra milli futbolçu Merih Dəmiralın Avropa çempionatında cəzalandırılmasına səbəb olan “bozqurd” işarəsini göstərib.

“Özümü Allahın vasitəçisi kimi görürəm” - psixoloq Nizami Orucov

“Mən əvvəllər Allaha inanırdımsa və yaxud inancımı itirirdimsə, bu gün onu bilib, tanıyıram. Elmdə, insan beyninin, təbiətinin işləmə funksiyalarında, hər şeydə Allahı görürəm və hər kəsə möcüzə kimi baxıram. Amma deyə bilmərəm ki, hansısa dini inancın tərəfindəyəm. Çünki istənilən dini inancın arxasında insan psixologiyasının funksiyalarını görürəm. O qadağalarda, ölümə dəvətlərdə görürəm ki, çoxlu insan uydurması var. Mənim bildiyim Allah məndən bunları tələb etməz. Mənim bildiyim Allah ona baş əyməyimi tələb edə bilməz. Ona görə də mən özümə hər hansısa dinin nümayəndəsi deyə bilmərəm. Amma Allahın varlığına və mütləqliyinə tam qəlbimlə inanıram, özümü Allahın işığı və vasitəçisi kimi görürəm”.

Gediş haqqı növbəti dəfə qalxdı, amma ictimai nəqliyyatdan şikayətlər eynidir: köhnə, sınıq-salxaq, kondisionersiz avtobuslar, sərnişin sıxlığı, uzun intervallar. 1996-cı ildən bu günədək ölkədə gediş haqqı 10 dəfə artaraq 50 qəpiyə çatıb. Narazılıqları şərh edən nəqliyyat məsələləri üzrə ekspert Elməddin Muradlı son gediş haqqı artımını problemləri həll etmək iqtidarında olmadığını vurğulayıb.

"10 qəpik artım daşıyıcı şirkətlərə xidmətin keyfiyyəti ilə bağlı dəyişiklik etməyə imkan verməyəcək. Ona görə də, xidmətin keyfiyyətində ciddi dəyişiklik gözləmək düzgün deyil", - deyə ekspert Sputnik-ə deyib.