Korrupsiyaga qarshi kurashish agentligi

Agentlik va YXHT o‘rtasida hamkorlikning yangi yo‘nalishlari muhokama qilindi Bugun Korrupsiyaga qarshi kurashish agentligi direktori Akmal Burxanov Yevropada xavfsizlik va hamkorlik tashkiloti(YXHT)ning O‘zbekistondagi loyihalari koordinatori, missiya rahbari Antti Karttunenni qabul qildi. Uchrashuv avvalida Agentlik direktori janob elchini yangi lavozimga kirishishi bilan qutladi. Shuningdek, davlat idoralari faoliyatining ochiqligini baholash bo‘yicha “open.index” hamda ochiqlikka masʼul xodimlarning malakasini oshirishga qaratilgan “E-learning” platformalarini ishga tushirish, sohadagi normativ-huquqiy hujjatlarni takomillashtirishda YXHT ekspertlari tomonidan ko‘rsatilgan amaliy yordam uchun minnatdorlik bildirdi. O‘z navbatida, YXHT loyihalari koordinatori mamlakatning korrupsiyaga qarshi kurashish va ochiqlikni taʼminlash borasidagi islohotlarida hamkorlikni davom ettirish tashkilotning asosiy yo‘nalishlaridan biri ekanligini taʼkidladi. Muloqotda Agentlik va YXHT o‘rtasidagi hamkorlikning istiqbollari, xususan, “O‘zbekistonda korrupsiyaga qarshi kurashishga ko‘maklashish" loyihasi doirasida 2023-2024 yillarga mo‘ljallangan chora-tadbirlar dasturidagi vazifalar ijrosi masalalari muhokama qilindi. Shuningdek, kelgusida hamkorlik yo‘nalishlarini kengaytirish, jumladan, 2025-2026-yillarga mo‘ljallangan chora-tadbirlar rejasi loyihasini ishlab chiqishga kelishib olindi. Bu borada keng jamoatchilik o‘rtasida korrupsiyaga qarshi kurashish islohotlarning samaradorligini baholashga qaratilgan ijtimoiy so‘rovlar, korrupsiya va gender masalalarida tadqiqotlar o‘tkazish, yoshlarga halollik qadriyatlarini singdirishga qaratilgan animatsion filmlar ishlab chiqish bo‘yicha takliflar ko‘rib chiqildi. Facebook|Telegram |YouTube|Instagram|Twitter|Veb-sayt

#hafta_dayjesti ▫️ Korrupsiyaga qarshi kurashish agentligining haftalik dayjesti (🗓3-7 iyun kunlari) ✅Qonunchilikdagi yangiliklar: ▫️5-iyun 📑“Manfaatlar to‘qnashuvi to‘g‘risida”gi qonun imzolandi. 📑 “Manfaatlar to‘qnashuvi to‘g‘risida”gi qonun ijrosini samarali tashkil etish chora-tadbirlari to‘g‘risida”gi Prezident qarori qabul qilindi. ✅O‘rganishlar: 🔎Davlat xaridlari va boshqa sohalarda o‘tkazilgan o‘rganishlar natijasi bo‘yicha vazirlik-idoralarga 1 ta taqdimnoma hamda huquqni muhofaza qiluvchi organlarga 1 ta so‘rovnoma yuborildi. 🔎Xorazm viloyatida 13 mlrd so‘mlik kompyuter texnikalarini xarid qilishda qonunchilik talablariga rioya qilinishi holati bo'yicha o‘rganish natijalari e'lon qilindi. ✅Korrupsiyaga qarshi ekspertiza: 📑Normativ-huquqiy hujjatlar loyihasini ishlab chiqish va kelishishning yagona elektron “project.gov.uz” tizimi orqali kelib tushgan 4 ta normativ-huquqiy hujjat loyihasi korrupsiyaga qarshi ekspertizadan o‘tkazildi. ✅Komplayens-nazorat: 📌 “Turonbank”, “Biznesni rivojlantirish banki” ATBlarda korrupsiyaga qarshi ichki nazorat tizimini joriy etish holati joyiga chiqib o‘rganildi. ▫️7-iyun 📌“Maktabga qabul qilishda korrupsiya xavfi va nohalollik omillar" mavzusida o‘tkazilgan tadqiqot natijalari bo‘yicha ishlab chiqilgan tavsiyalarni monitoring qilish” haqidagi tadqiqot doirasida ishchi guruhi yig‘ilishi bo‘lib o‘tdi. ✅Davlat organlari va tashkilotlari faoliyatining ochiqligini ta‘minlash bo‘yicha: ▫️6-iyun 📌Oliy Majlis Qonunchilik palatasi Korrupsiyaga qarshi kurashish va sud-huquq masalalari bo‘yicha qo‘mitasining Suv xo‘jaligi vazirligi tizimida korrupsiyaga qarshi kurashish bo‘yicha olib borilgan ishlar muhokamasiga bag‘ishlangan yig‘ilishida Agentlik masʼul xodimi ishtirok etdi. ✅Xalqaro hamkorlik doirasida:     ▫️4-iyun 📌Agentlik, Bosh prokuratura va Yevropa Kengashi vakillari o‘rtasida Yevropa Kengashi doirasidagi Korrupsiyaga qarshi kurashish bo‘yicha davlatlar guruhi (GRECO) ga O‘zbekistonning aʼzo bo‘lishi masalalari muhokamasiga oid onlayn uchrashuv bo‘lib o‘tdi. ▫️7-iyun 📌Agentlik hamda BMT GJB Markaziy Osiyodagi mintaqaviy  vakolatxonasi hamkorligida amalga oshiriladigan Chora-tadbirlar rejasi imzolandi. ✅Murojaatlar bilan ishlash yo‘nalishida: 📥Agentlikka jismoniy va yuridik shaxslar tomonidan 82 ta (shundan 78 tasi jismoniy shaxslardan, 4 tasi yuridik shaxslardan) murojaat kelib tushdi. 📞Agentlikning “Call-markazi” – 1253 ga  jismoniy va yuridik shaxslar tomonidan yo‘llangan 95 ta murojaatga huquqiy yo‘nalish va tushuntirishlar berildi. ✅Shuningdek, mazkur haftada: ▫️7-iyun 📌Manfaatlar to‘qnashuvi bilan bog‘liq munosabatlarni tartibga solishdagi yangiliklarga bag‘ishlangan matbuot anjumani o‘tkazildi. ————————— Agarda siz korrupsiyaga oid huquqbuzarlik holatlariga duch kelsangiz Korrupsiyaga qarshi kurashish agentligining “Call-markazi” – 1253 yoki eanticor.uz  elektron platformasi orqali murojaat qilishingizni so‘raymiz. Facebook|Telegram |YouTube|Instagram|Twitter|Veb-sayt

Korrupsiya xavf-xatarlari yuqori bo‘lgan sohalarda “Korrupsiyasiz soha ofisi” loyihalari amalga oshirilmoqda Korrupsiyaga qarshi kurashish agentligi tomonidan korrupsiya xavf-xatarlari yuqori bo‘lgan sohalarda muayyan muddatga mo‘ljallangan “Korrupsiyasiz soha ofisi” loyihalarini amalga oshirish ishlari boshlandi. Loyiha doirasida xalqaro tashkilotlar vakillari, soha ekspertlari va mutaxassislarini jalb etgan holda korrupsiya xavfi yuqori bo‘lgan sohalarni o‘rganish, korrupsiyaga imkon berayotgan holatlarni o‘rganish va xavflarni minimallashtirish choralarini ko‘rish nazarda tutilgan. 2024-yilda Agentlik tomonidan “Yuksalish” harakati, “Mintaqaviy muloqot” xalqaro tashkiloti bilan hamkorlikda “Korrupsiyasiz soha ofisi” loyihalari doirasida quyidagi mavzularda tadqiqotlar o’tkaziladi: ➖ “Ipoteka krediti bo‘yicha davlat subsidiyalarini berishdagi nohalollik xavflarini baholash” ➖“Maktabga qabul qilishda korrupsiya xavfi va nohalollik omillari mavzusida o‘tkazilgan tadqiqot natijalari bo‘yicha ishlab chiqilgan tavsiyalarni monitoring qilish” Ushbu tadqiqotlarni o‘tkazish va amaliy chora-tadbirlarni ishlab chiqish maqsadida milliy va xalqaro ekspertlardan iborat Ishchi guruhlar tarkibi shakllantirildi. Ishchi guruhlari tegishli ravishda Maktab va maktabgacha taʼlim, Raqamli texnologiyalari, Iqtisodiyot va moliya, Adliya, Sog‘liqni saqlash vazirliklari, Soliq qo‘mitasi, Kadastr agentligi, banklar va hokimliklar hamda boshqa mutaxassislarini qamrab olgan. Tadqiqotlar doirasida har bir Ishchi guruhi yig‘ilishlari o‘tkazib kelinmoqda. Tadqiqotlarga oid barcha jarayonlar Agentlik rasmiy veb-sayti va OAVda batafsil yoritib boriladi. Facebook|Telegram |YouTube|Instagram|Twitter|Veb-sayt

Korrupsiyaga qarshi kurashda BMT GJB bilan hamkorlik yangi yo‘nalishlarda faol davom ettiriladi Bugun Korrupsiyaga qarshi kurashish agentligi hamda Birlashgan Millatlar Tashkilotining Giyohvand moddalar va jinoyatchilik bo‘yicha boshqarmasining (BMT GJB) Markaziy Osiyodagi mintaqaviy vakolatxonasi hamkorligida amalga oshiriladigan Chora-tadbirlar rejasini imzolash marosimi bo‘lib o‘tdi. Tadbirda Agentlik direktori Akmal Burxanov, BMT GJB Markaziy Osiyodagi mintaqaviy vakolatxonasi vakili Ashita Mittal va har ikki tashkilot masʼul xodimlari ishtirok etdi. Chora-tadbirlar rejasi quyidagi yo‘nalishlarni qamrab oladi: ➖ sohaga oid strategik hujjatlar ishlab chiqish va ularni samarali amalga oshirish mexanizmlarini joriy etishda hamkorlik; ➖ BMT Korrupsiyaga qarshi konvensiyasining Markaziy Osiyo bo‘yicha Mintaqaviy platformasi doirasida faoliyatni jadallashtirish; ➖ Korrupsiyaga qarshi qurashish bo'yicha xalqaro standartlarni milliy amaliyotga joriy etish; ➖ xususiy sektorda korrupsiyaning oldini olish mexanizmlari va choralarini kuchaytirish; ➖ BMTning Korrupsiyaga qarshi qurashishda yoshlarni faol jalb etishga qaratilgan GRACE loyihasi tashabbuslarini O'zbekistonda amalga oshirish. Tomonlar ushbu vazifalarni amalga oshirish O‘zbekistonda korrupsiyaga qarshi kurashish tizimini xalqaro standartlar va xorijiy ilg‘or amaliyot doirasida kuchaytirishga hamda xorijiy davlatlarning aksilkorrupsiya idoralari bilan professional aloqalar rivojiga hissa qo‘shishini alohida eʼtirof etishdi. Facebook|Telegram |YouTube|Instagram|Twitter|Veb-sayt

Manfaatlar to‘qnashuvi bilan bog‘liq munosabatlarni tartibga solishdagi yangiliklarga bag‘ishlangan matbuot anjumani o‘tkazildi Bugun Korrupsiyaga qarshi kurashish agentligi direktori Akmal Burxanov hamda Adliya vaziri o‘rinbosari Alisher Karimov ishtirokida “Manfaatlar to‘qnashuvi to‘g‘risida”gi qonunning mazmun-mohiyati, yangiliklari va ahamiyati yuzasidan matbuot anjumani bo‘lib o‘tdi. Anjumanda Akmal Burxanov qonunning zarurati, endilikdagi vazifa va maqsadlar xususida alohida to‘xtalib o‘tdi:

Mazkur qonunning qabul qilinishi davlatimiz rahbari boshchiligida amalga oshirilayotgan aksilkorrupsiya islohotlarining davomiyligini va qat'iy siyosiy irodani namoyon qildi. Chunki bu xorijiy amaliyotda ham prinsipial, eng dolzarb hujjatlardan sanaladi. O‘zbekistonda ushbu sohani huquqiy tartibga solish zarurligini hayot va amaliyotning o‘zi ko‘rsatdi.

Statistik ma'lumotlarga ko'ra, mamlakatimizda 2022-2023 yillarda davlat xaridlari bo‘yicha 4,5 mingta 573 mlrd so‘mlik shartnomalar manfaatlar to‘qnashuviga yo‘l qo‘yilgan holda tuzilgan. Shuningdek, vazirlik va idoralarning ichki audit xizmatlari tomonidan tizim tashkilotlarida 141 mlrd so‘mlik 2 720 ta shartnoma haqiqatda manfaatlar to‘qnashuvi mavjud holatda tuzilganligi, 9 ta shartnoma 3 mlrd so‘mga qimmat narxlarda imzolanganligi aniqlangan. 1,5 mingga yaqin hokimlar, ularning o‘rinbosarlari va hokim yordamchilari tadbirkorlik subyektlarining boshqaruv organlarida ishtirok etgan. Anjumanda “O‘zbekiston Respublikasining “Manfaatlar to‘qnashuvi to‘g‘risida”gi qonuni ijrosini samarali tashkil etish chora-tadbirlari to‘g‘risida”gi Prezident Qarori xususida ham batafsil maʼlumot berildi. Qarorga ko‘ra, 1-iyulga qadar “Manfaatlar to‘qnashuvi to‘g‘risida”gi qonun tatbiq etiladigan davlat organlari va tashkilotlarining aniq ro‘yxati shakllantiriladi. Dastlabki tahlillarga ko‘ra, jami 27 mingdan ortiq davlat tashkilotlari faoliyati o‘rganilib, ularda aniqlangan manfaatlar to‘qnashuvini tartibga solish choralari ko‘riladi. Davlat ulushi bo‘lgan 2000 dan ortiq yuridik shaxslarning davlat xaridlarini belgilangan tartibga rioya qilinishi taʼminlash yuzasidan amaliy ko‘mak beriladi. Mazkur hujjatlar ijrosi doirasida rejalashtirilayotgan shu kabi vazifalar, yangi mexanizmlar bo‘yicha OAV vakillari, bloger va jamoatchilik faollarining savollariga masʼullar tomonidan batafsil javob qaytarildi. Facebook|Telegram |YouTube|Instagram|Twitter|Veb-sayt

Davlat rahbari tomonidan “O‘zbekiston Respublikasining “Manfaatlar to‘qnashuvi to‘g‘risida”gi qonuni ijrosini samarali tashkil etish chora-tadbirlari to‘g‘risida”gi Qarori imzolandi. Qaror bilan “Manfaatlar to‘qnashuvi to‘g‘risida”gi qonuni ijrosini samarali tashkil etish, amalga kiritishga har tomonlama va puxta tayyorgarlik ko‘rish maqsadida bir qator muhim chora-tadbirlar belgilandi. Jumladan: - Davlat organlari va tashkilotlarining birinchi rahbarlari zimmasiga qonun bilan belgilangan talablar va mexanizmlarni davlat organlari va tashkilotlarida samarali joriy etish, bu jarayonda xodimlarning huquq va manfaatlari himoyasini ta’minlash hamda ularga zarur tushuntirish ishlarini olib borish vazifasi yuklatildi.

Qonun ijrosini tashkil etish ishlarini muvofiqlashtirish bo‘yicha O‘zbekiston Respublikasining Bosh vaziri raisligidagi Respublika idoralararo komissiyasi tarkibi tasdiqlandi.

Respublika idoralararo komissiyasi zimmasiga: a) 2024-yil 15-iyunga qadar qonun tatbiq etiladigan davlat organlari va tashkilotlarining aniq ro‘yxati shakllantirish; b) Qonun kuchga kirguniga qadar unda belgilangan talablar va mexanizmlarning amaliyotda ishlashi bilan bog‘liq masalalar ro‘yxatdagi davlat organlari va tashkilotlarida tegishli ishchi guruhlarni tuzgan holda o‘rganilishini tashkil etish vazifasi yuklatildi. Bunda, davlat organlari va tashkilotlarida: - manfaatlar to‘qnashuviga olib kelishi mumkin bo‘lgan holatlarni aniqlash hamda ularni bartaraf etish choralarini ko‘rish; - xodimlar tomonidan ularning faoliyatida manfaatlar to‘qnashuvining oldini olish bo‘yicha cheklovlarga rioya etilishini o‘rganish, jumladan o‘rindoshlik asosida ishlash, tadbirkorlik faoliyatida ishtirok etish kabi holatlarni aniqlash; - korrupsiyaga qarshi bo‘linmalar faoliyati yo‘lga qo‘yilganligini hamda ularning malakali kadrlar bilan to‘ldirilganligini o‘rganish; - korrupsiyaga qarshi kurashish ishlari samaradorligini baholash uchun joriy etilgan “E-anticor.uz” platformasidagi manfaatlar to‘qnashuvi bilan bog‘liq ma’lumotlarni tahlil qilish; - axborot tizimlari, savdo platformalari va boshqa dasturiy ta’minotlari Qonun talablariga muvofiqligini o‘rganish, ularni takomillashtirish choralarini ko‘rishga alohida e’tibor qaratilishi belgilandi. Manfaatlar to‘qnashuvi bilan bog‘liq holatlarni aniqlashda jamoatchilik ishtirokini ta’minlash maqsadida: - Davlat organlari va tashkilotlari xodimlari faoliyatida manfaatlar to‘qnashuvi holatlari bo‘yicha tegishli dalillarni ilova qilgan holda ularni aniqlashda faol yordam bergan shaxslarga undirilgan jarimaning 50% miqdorida mukofot puli berish; Respublika idoralararo komissiyasining ishchi organlari tomonidan har chorakda davlat organlari va tashkilotlarida manfaatlar to‘qnashuviga yo‘l qo‘yilgan holatlar, ularni bartaraf etish, shuningdek, bunday holatlarning oldini olish bo‘yicha ko‘rilgan choralar haqida jamoatchilikni xabardor qilib borish amaliyotini joriy etish belgilandi. Shuningdek, mazkur Qaror bilan “Manfaatlar to‘qnashuvi to‘g‘risida”gi qonuni ijrosi doirasida 2024-yilda amalga oshiriladigan ishlar yuzasidan “Yo‘l xaritasi” tasdiqlandi. Facebook|Telegram |YouTube|Instagram|Twitter|Veb-sayt

Qonun bilan manfaatlar to‘qnashuvi haqida xabar berish, deklaratsiyalash va reyestrini yuritish tizimi yaratiladi. Xodim faoliyatida manfaatlar to‘qnashuvining oldini olish bo‘yicha quyidagi cheklovlar belgilandi: ✔️manfaatlar to‘qnashuvi haqidagi maʼlumotlarni yashirish yoxud bila turib yolg‘on yoki noto‘g‘ri axborot taqdim etish; ✔️bir-birining  bo‘ysuni yoki nazoratidagi tashkilotlarda o‘rindoshlik bo‘yicha ishlash; ✔️tijorat tashkilotlarining taʼsischisi (aksiyadori, ishtirokchisi) bo‘lish; ✔️o‘ziga yoki aloqador shaxslarga taalluqli bo‘lgan ishlarni ko‘rib chiqishda ishtirok etish; ✔️o‘zi mehnat faoliyatini amalga oshirayotgan tashkilotning mol-mulkini sotib olishda yoki ijaraga olishda ishtirok etish; ✔️ishdan bo‘shagan xodimning o‘z ish joyida bevosita nazoratida bo‘lgan tashkilotlarga 2 yil ichida ishga joylashishi avval ishlagan tashkilotning korrupsiyaga qarshi nazorat bo‘linmasi xulosasiga asosan amalga oshirish. Manfaatlar to‘qnashuvi yuzaga kelishi mumkin bo‘lgan holatda  tartibga solish uchun quyidagi choralardan biri ko‘riladi: ➖xodimni rahbarning bevosita bo‘ysunuvidan boshqa rahbarning bo‘ysunuviga o‘tkazish; ➖ixtiyoriy ravishda o‘zini o‘zi rad etishi orqali yoki majburan chetlashtirish; ➖lavozim majburiyatlari yoki xizmat vakolatlari doirasini qayta ko‘rib chiqish; ➖tegishli axborot va hujjatlardan foydalanishga cheklovlar belgilash; ➖qarorlar qabul qilishda kollegial nazoratni taʼminlash; ➖shaxsiy manfaatdorlikdan voz kechish; ➖shaxsiy manfaatdorligini bartaraf etish choralarini ko‘rish mumkin bo‘lmagan taqdirda, xodimning roziligi asosida uni avvalgi lavozimiga teng boshqa lavozimga o‘tkazish yoki mehnat shartnomasini bekor qilish. Manfaatlar to‘qnashuvini tartibga solish bo‘yicha choralardavlat organi yoki boshqa tashkilot xodimining roziligi bilan ko‘rilishi kerak. Maʼmuriy javobgarlik to‘g‘risidagi kodeksga manfaatlar to‘qnashuvi to‘g‘risidagi qonunchilik talablarini bajarmaslik holatlari uchun javobgarlik choralari kiritilib, BHMning 3 baravaridan 10 baravarigacha miqdorda; ➖bir yil davomida takroran sodir etilsa, BHMning 10 baravaridan 15 baravarigacha miqdorda;   ➖davlat xaridlari sohasida sodir etilgan bo‘lsa, BHMning 20 baravaridan 30 baravarigacha miqdorda jarima solishga sabab bo‘ladi. Facebook|Telegram |YouTube|Instagram|Twitter|Veb-sayt

O‘zbekiston Respublikasining “Manfaatlar to‘qnashuvi” to‘g‘risidagi qonuni Prezident tomonidan imzolandi. Qonun quyidagilarga tatbiq etiladi: ➖ davlat organlari va mahalliy davlat hokimiyati organlariga; ➖ davlat muassasalariga, davlat unitar korxonalariga, davlat maqsadli jamg‘armalariga; ➖ davlat ulushi 50 foiz miqdorda va undan ortiq bo‘lgan aksiyadorlik jamiyatlariga. Korrupsiyaga qarshi kurashish agentligi manfaatlar to‘qnashuvi bilan bog‘liq munosabatlarni tartibga solish sohasida maxsus vakolatli organ etib belgilandi.  Manfaatlar to‘qnashuvi bilan bog‘liq holatlar aniqlanganda Agentlik quyidagi vakolatlarni amalga oshiradi: bitimni bekor qilish, qarorni o‘zgartirish yoki bekor qilish to‘g‘risida davlat organlariga taqdimnoma yoxud ularni haqiqiy emas deb topish haqida sudga daʼvo kiritadi; manfaatlar to‘qnashuvi natijasida fuqarolar, tashkilotlar, jamiyat yoki davlat manfaatlariga yetkazilgan zararning o‘rni to‘liq qoplanishiga erishilishi ustidan nazorat qiladi; manfaatlar to‘qnashuvi to‘g‘risidagi qonunchilik talablariga rioya etmaganlik bilan bog‘liq maʼmuriy huquqbuzarlik haqida bayonnoma tuzadi va sudga kiritadi. Facebook|Telegram |YouTube|Instagram|Twitter|Veb-sayt

▫️Davlat xaridlari qonunchilikka zid tarzda o‘tkazilganligi aniqlandi Xorazm viloyatidagi maktabgacha va maktab ta’limi, oliy ta’lim va sog’liqni saqlash tizimlaridagi davlat buyurtmachilari tomonidan 2023-yilda “cooperation.uz” axborot portali orqali 75 ta holatda 13 mlrd so‘mlik 749 ta kompyuter texnikalarini xarid qilishda qonunchilik talablariga rioya qilinishi holati o‘rganildi. O‘rganish jarayonida mazkur davlat xaridlari “Davlat xaridlari to‘g‘risida”gi qonun hamda Vazirlar Mahkamasining 2019-yil 30-sentyabrdagi 833-qarori bilan tasdiqlangan Nizom talablariga zid ravishda o‘tkazilganligi hamda kompyuter texnikalari bozor narxlaridan 4,03 mlrd so‘mga qimmatroq xarid qilinganligi aniqlandi. O‘rganish yakunlari bo‘yicha to‘plangan hujjatlarga asosan Iqtisodiy jinoyatlarga qarshi kurashish departamentining Xorazm viloyat boshqarmasi tomonidan Jinoyat kodeksining tegishli moddalari bilan jinoyat ishi qo‘zg‘atilib, dastlabki tergov harakatlari olib borilmoqda. ————————— Agarda siz korrupsiyaga oid huquqbuzarlik holatlariga duch kelsangiz Korrupsiyaga qarshi kurashish agentligining “Call-markazi” – 1253 yoki eanticor.uz  elektron platformasi orqali murojaat qilishingizni so‘raymiz. Facebook|Telegram |YouTube|Instagram|Twitter|Veb-sayt

#hafta_dayjesti ▫️ Korrupsiyaga qarshi kurashish agentligining haftalik dayjesti (🗓27-31-may kunlari) ✅O‘rganishlar : 🔎Davlat xaridlari va boshqa sohalarda o‘tkazilgan o‘rganishlar natijasi bo‘yicha vazirlik-idoralarga 2 ta taqdimnoma hamda huquqni muhofaza qiluvchi organlarga 2 ta so‘rovnoma yuborildi. ✅Korrupsiyaga qarshi ekspertiza: 📑Normativ-huquqiy hujjatlar loyihasini ishlab chiqish va kelishishning yagona elektron “project.gov.uz” tizimi orqali kelib tushgan 4 ta normativ-huquqiy hujjat loyihasi korrupsiyaga qarshi ekspertizadan o‘tkazildi. ✅Komplayens-nazorat: ▫️27-28 may 📌 Farmatsevtika tarmog‘ini rivojlantirish agentligi hamda Sport vazirligi tizimida korrupsiyaga qarshi ichki nazorat tizimini joriy etish holati joyiga chiqib o‘rganildi. ✅Ochiq tanlov: ▫️27-may 📌 O‘zbekiston texnik jihatdan tartibga solish agentligi Korrupsiyaga qarshi kurashish va komplayens-nazorat bo‘limi boshlig‘i; ▫️29-may 📌 Qishloq xo‘jaligi vazirligi huzuridagi Ipakchilik va jun sanoatini rivojlantirish qo‘mitasi Ichki audit va komplayens nazorati bo‘yicha bosh mutaxassisi lavozimlariga ochiq tanlov o‘tkazildi. ✅O'quv-seminar, konferensiya va boshqa tadbirlar: ▫️29-30 may 📌Yevropa Ittifoqi, GIZ,  BMT TD,  “Mintaqaviy muloqot” hamkorligida komplayens-nazorat xodimlari uchun “Davlat organlari va tashkilotlarida korrupsiyaning oldini olish va “komplayens-nazorat” tizimini samarali joriy etish” mavzusida ikki kunlik o‘quv-seminar o‘tkazildi. ▫️31-may 📌Strategik tahlil va istiqbolni belgilash Oliy maktabida “Korrupsiyaga qarshi preventiv chora-tadbirlar tizimida axborot-tahliliy faoliyat yo‘nalishida idoralararo hamkorlik: muammolar va yechimlar” mavzusida o‘tkazilgan respublika ilmiy-amaliy konferensiyasida Agentlik masʼul xodimi maʼruza bilan ishtirok etdi. 📌 Agentlik tomonidan tayyorlangan “Korrupsiyaga qarshi ichki nazorat: 100 savolga 100 javob” nomli amaliy qo‘llanma jamoatchilik eʼtiboriga havola etildi. ✅ Jamoatchilik bilan aloqalar yo‘nalishida: ▫️28-may 📌Davlat boshqaruvi akademiyasida malaka oshirayotgan (67 nafar) NNT rahbarlari bilan korrupsiyaga qarshi kurashishda faollikni kuchaytirish masalalari yuzasidan muloqot tashkil etildi. ▫️ 29-may 📌Islom Karimov nomidagi Toshkent davlat texnika universitetida “Ombudsman maktabi” loyihasi doirasida talabalar bilan o‘tkazilgan ochiq muloqotda yoshlarning korrupsiyaga qarshi kurashish jarayonidagi ishtiroki muhokama qilindi. ✅Davlat organlari va tashkilotlari faoliyatining ochiqligini ta‘minlash bo‘yicha: ▫️29-may 📌Oliy Majlis Senati Axborot siyosati va davlat organlarida ochiqlikni taʼminlash masalalari qo‘mitasining Oliy taʼlim, fan va innovatsiyalar vazirligi tizimida raqamlashtirish va davlat xizmatlari ko‘rsatish holati muhokamasiga bag‘ishlangan yig‘ilishida Agentlik masʼul xodimi ishtirok etdi. ✅Murojaatlar bilan ishlash yo‘nalishida: 📥Agentlikka jismoniy va yuridik shaxslar tomonidan 79 ta (shundan 71 tasi jismoniy shaxslardan, 8 tasi yuridik shaxslardan) murojaat kelib tushdi. 📞Agentlikning “Call-markazi” – 1253 ga  jismoniy va yuridik shaxslar tomonidan yo‘llangan 49 ta murojaatga huquqiy yo‘nalish va tushuntirishlar berildi. ✅Shuningdek, mazkur haftada: ▫️31-may 📌Agentlik direktorining fuqarolar qabuli bo‘lib o‘tdi. ——————————————— Agarda siz korrupsiyaga oid huquqbuzarlik holatlariga duch kelsangiz Korrupsiyaga qarshi kurashish agentligining “Call-markazi” – 1253 yoki eanticor.uz  elektron platformasi orqali murojaat qilishingizni so‘raymiz. Facebook|Telegram |YouTube|Instagram|Twitter|Veb-sayt