Zakovat +

🏆 “Zakovat”, “Erudit-kvartet” va “Shaxsiy o‘yin” bo‘yicha professional jamoalar o‘rtasida o‘tkaziladigan O‘zbekiston chempionati bo‘yicha ma’lumot ℹ️Jamoalarning musobaqaga oldindan tayyorlanishini ta’minlash maqsadida 2026-yilgi O‘zbekiston chempionati bo‘yicha ayrim ma’lumotlarni berib o‘tishni lozim topdik. 🗓 Musobaqa shu yili Professional va Birinchi liga kuzgi mavsumi yakuniga yetganidan so‘ng (mavsumlar oralig‘ida) o‘tkazilishi rejalashtirilgan. 👥 O‘zbekiston chempionati professional jamoalar o‘rtasidagi musobaqa ekani inobatga olinib, o‘zaro raqobatni kuchaytirish va samarali natija ko‘rsatib kelayotgan jamoalar ishtirokini ta’minlash, shuningdek jamoalarning Professional ligada ishtirok etishiga qiziqishni oshirish maqsadida musobaqada: - Toshkent shahridagi Professional liga kuzgi mavsumida qatnashgan jamoalar va Birinchi liga kuzgi mavsumida yuqori 5 ta o‘rinni egallagan jamoalar; - hududlardagi Professional ligalar kuzgi mavsumi yakunida 1-, 2- va 3-oʻrinlarni qoʻlga kiritgan jamoalar ishtirok etishi belgilandi. 3️⃣ Turnirda ishtirok etuvchi jamoalar uchun 2026-yilgi kuzgi mavsumdagi tarkibi bazaviy tarkib hisoblanadi. Jamoalarga kuzgi mavsumda jamoa tarkibida oʻynamagan yangi 3 nafargacha bilimdonni tarkibga qoʻshish huquqi beriladi. Bunda, yangi jalb qilingan bilimdon 2026-yilgi qishki mavsumida liga oʻyinlarida shu jamoa tarkibida oʻynashi talab etiladi. Bu tartibga amal qilmagan jamoalarga Kodeksda nazarda tutilgan jazo choralari qoʻllaniladi. 🔄 Ligalar kuzgi mavsumida jamoa tarkibida oʻynagan bilimdon Turnirda ham shu jamoa tarkibida oʻynasa ham, Turnirdan soʻng qishki mavsumda jamoasini oʻzgartirish huquqini saqlab qoladi. Telegram I Facebook I Instagram I YouTube I TikTok