Tamshym🌊

осы орайда, өзім жиі шолып отыратын бірқатар арналармен бөлісе кетейін. негізі бұл тізімді ары қарай толтыра беруге болады. бірақ, осыларға жиі бас сұғамын. шылғау, бесін, экстаз, ессіздікиззэньюбләк, майнкайф, шексіздік, мейрханус

көп нәрсе жазғым да, айтқым да келеді. бірақ, менсіз де айтып, жазып жатқандар жетеді ғой деп тағы ойлаймын. бұл каналдағы жазбалар біреудің таңданысын тудырып, жүрегін елжіретті деп ойламаймын. әйтеуір, жазба жариялаған сайын, бірер адамнан азайып отырады:) өткен айдың төртінші жұлдызы канал 4 жасқа толды. осы уақыт ішінде үзбей оқып келе жатқан жандар бар екенін білемін. ішкі күйімді де жазбаларым арқылы дәл тауып қояды. әу баста тек өлең жариялаймын деп ойлаушы едім. кейін қияли ойларымды жариялап бастадым. біреу сол жазбалардан идея, ойтүрткі, қазіргіше айтқанда, инсайт* алған болса, тек қуанар едім. негізі өзім үшін ашып, жүргізіп келе жатырмын. ешқашан жарнамалап, адам жиған емеспін. оқи ма, оқымай ма, әйтеуір, алты жүзден астам адам бар. аз деп құнсыздандырмаймын. бар болғандарың үшін рахмет🤍 бәріңді құшақтадым. өлең жариялашы деп көрген жандар жиі айтады, тырысамын. қазір өлең жиі жазып жүргенім жоқ. #өлең хэштегі арқылы бұрынғыларын оқып шықсаңдар болады.

«барлығы үшін өзіңді кешіріп үйрен…»

жалғыздықпен, әдетте, оны сонша жақсы көргеннен емес, кішкентай әлеміңе кім көрінгенді кіргізгің келмейтінің үшін дос болады екенсің. мүмкін, достық, сүйіспеншілік, махаббат сынды ұғымдарға қояр талабыңның жоғары болғаны шығар. мүмкін, түсінбеу, түсінісе алмаудан қашу, қорқу шығар. әйтпесе, кім-кімге жолдас, таныс, серік болмай жатыр. бірақ, бәріне бірдей жаныңды ашып, сырыңды ақтара алмайсың ғой.

көріну үшін емес, көру* үшін көтеріл

кешеден бері қазақстандағы медицинаның ең жарқын хейтеріне айналдым. алдына барған адамды ана жаққа, мына жаққа жүгіртіп не арам өлтіреді, не қалтасындағы ақшасын түгел қағып алады да, аштан өлтіреді. екеуінің біреуі.

“түлкіден дін үйренсең, тауық ұрлауды да сауап деп білесің”

жүрекке зорлық жүрмейтіні қандай жақсы.

маған сары түсті қолшатыр сыйлаңдаршы😭