Technology Az

Üçrəngli bayrağınla məsud yaşa! Müstəqillik günümüz mübarək! 🇦🇿

Əşyaların İnterneti (IoT) necə işləyir? Hər kəsə Salamlar. Bu gün sizlər üçün əşyaların interneti (IoT) ekosisteminin necə işlədiyini göstərən bir təsvir tapdım. İstərdim siz də fikirlərinizi bölüşəsiniz. Sizcə bu ekosistemin böyüməsində mühüm faktorlar nələrdir? © TECHNOLOGY AZ

Dələduzların cinayət metodu - saxta saytlar Salam Dəyərli Technology Az səhifəsinin izləyiciləri! Keçən dəfə qeyd etdiyim kimi bu gün qısa formada Sosial şəbəkələrdə son dövrlərdə istifade olunan kibercinayətkarlıq metodlarından bəhs etmək istəyirəm. Bugünkü hissədə son dövrlərdə ölkəmizdə ən məşhur metoddan bəhs etmək istəyirəm. Dövlət saytlarına bənzər saxta ödəniş saytları yaratmaqla Son dövrlərdə ən çox istifadə olunan metoddur. İstər Asan Xidmət, istər Azərpoçt adı ilə hazırlanan saxta saytlar vasitəsilə kart məlumatları ələ keçirilir. Amma saxta sayta məlumat daxil olunan mərhələyədək dələduzlar Sosial Mühəndislik-dən istifadə edirlər. Belə ki, nömrələrə istər mesaj göndərərək, istər bəzən zəng yolu ilə onlar hədəf şəxsi aldadırlar. Amma bundan qorunmaq metodu çox sadədir. Siz yönləndirildiyiniz saytın domen adına baxmaqla saxta olmasını təyin edə bilərsiniz. Məsələn : Azərpoçt saytının original adresi azerpost. az - dır. Azərpoçtla bağlı yönləndirildiyiniz saytın domen hissəsində bu saytdan fərqli ad gördükdə qətiyyən ora heç bir məlumatınızı daxil etməyin. Ümumiyyətlə isə tanımadığınız ünvandan gələn heç bir linkə, hətta tanıdığınız şəxslərdən gələn heç bir şübhəli linkə keçid etməyin. ©️TECHNOLOGY AZ

Kibertəhlükəsizlik və İnformasiya təhlükəsizliyinin fərqləri nələrdir? Hər kəsə Salamlar! Bu postumuzda sizlərə bəzən bir-biri ilə qarışdırılan bu anlayışlar arasındakı fərqi izah edəcəm. Əvvəlcə İnformasiya təhlükəsizliyi barədə qısa məlumat verim. İngiliscə qısa olaraq InfoSec kimi ifadə olunur. İnformasiya təhlükəsizliyi müxtəlif daşıyıcılarda - bulud yaddaşında, serverlərdə və adi çap kağızlarında saxlanıla bilən məlumatların qorunması üsullarını əhatə edir. Kibertəhlükəsizlik anlayışı isə rəqəmsal məlumatların internetdə təhlükəsizliyinin təmin edilməsini, oğurluqdan qorunmasını nəzərdə tutur. Yəni bu o deməkdir ki, İnformasiya təhlükəsizliyi həm fiziki, həm də rəqəmsal məlumatların təhlükəsizliyini əhatə edirsə, kibertəhlükəsizlik isə yalnız rəqəmsal məlumatların təhlükəsizliyini təmin edir. Postu bəyənərək dəstək ola bilərsiniz. Qeyd edim ki, bəyənmək üçün postun üzərinə 2 dəfə toxunmağınız kifayət edir. ©️TECHNOLOGY AZ