غلاي

تبادل قنوات : @eeazmii1

تبادل قنوات : @eeazmii1

عز الله اني صبور وربي ادرى بيّ

حاجةٍ ما الله قسمها ولا فيها نصيب لو تجي في راحة الكف ما هي حاصلة

فالذاكره فلمّ قمت أطويه وأفله ‏والأدمي ذكرياته تلعبَ بـ جوه ‏تجينيّ أيام بسم الله ماشاء الله ‏وتجيني أيام لاحولٍ ولا قوه

لا عاش راسٍ على الدنيا .. يبكينا

قال لي لو جتك فرصه تفتّش بالقلوب قلت له لو جاتني صدق . . . ما فتّشتها . خلني مرتاح اصادق عدا واسمع كذوب إترك العالم تكذب . . . وراك أبلشتها ؟ . دامني لا جيت غالي مقدّر ، ومحسوب قيمتي ( خلف الكواليس ) ما نبّشتها

الاصحاب واجد كل واحد وراه علوم وعلى الفايت اللي فات ماعاد يمدينا . بعضهم نعلّمْه الرمايه ويرمي القوم وبعضهم نعلّمْه الرمايه و يرمينا

خذينا من ليالينا مواقيف ، وعبر ، ودروس تطيح ، وترتكي ، وتقوم .. ما ماتت عزايمنا

الا يالله تنصرني بنصر يعقبه تمكين ‏وأشوف أحلامي بعيني وأقول الله حققها ‏و أعيش بدنيتي راضي ومتفائل ووضعي زين ‏و أصلي فرضي بوقته وأقول الله يسرها ‏أنا صابر ومتفائل ورامي همي لبعدين ‏لأن أيامنا تمضي ولا نقدر نرجعها ‏وأنا موقن ومتأكد بأن أيامنا بتزين ‏وإن اللي كفل رزقي ورزق الناس خالقها

‏أنا مُسالم ما أحب العداوات ‏العمر فاني و الليالي قصيره ‏ترى السكوت أحيان مثل الاجابات ‏الصمت نعمه له معاني مثيره ‏اللي يعيش الوقت عنده قناعات ‏لا مات يبقى عند الأجيال سيره ‏ماهو ضروري تعيش عندك علاقات ‏" العزله أحياناً علاقه كبيره "

ما راح من ماضي الأيام .. مخلوفه ‏والمقبله جعل تاتي لي على شفيّ

وكّل أمرك للكريم و يسمح أمرك ‏كل ما دكت علـى بالك روابـع ‏ وافرد همومك على سجاد صدرك ‏لا تضيّقها و حلم الله .. واسع

من لا نفعني يوم صكات الليال ‏وقت الرخا ماني بحاجة نفعته

اسوي المعروف من طيب ذاتي حتى الردي لا حام حولي كرمته

صراحتك .. تحتاج منّك .. " سماحه " تجبر : خواطر ناس .. وبـ طيب خاطر جامل ، إذا حسّيت : بـ إنّ الصراحه : تجرح : مشاعرهم ، وتكسر : خواطر