បណ្ណាល័យរាជបណ្ឌិត្យសភាកម្ពុជា

ឯកឧត្តមបណ្ឌិត ខែក វីរៈ បានប្រគល់ជូនបណ្ណាល័យរាជបណ្ឌិត្យសភាកម្ពុជា នូវស្នាដៃ ដែលមានចំណងជើងថា «ក្បួនវិភាគនយោបាយ ព្រឹត្តិការណ៍អន្តរជាតិ និងភូមិសាស្ត្រនយោបាយ» សរុបចំនួន០៥ក្បាល ដែលជាស្នាដៃដ៏មានតម្លៃ សម្រាប់តម្កល់ក្នុងបណ្ណាល័យរាជបណ្ឌិត្យសភាកម្ពុជា ដើម្បីជាប្រយោជន៍ជូនដល់អ្នកសិក្សាស្រាវជ្រាវទទួលបាននូវចំណេះដឹងបន្ថែមក្នុងវិស័យវិទ្យាសាស្ត្រនយោបាយ។ យើងខ្ញុំមានសេចក្តីរំពឹងយ៉ាងមុតមាំថា ឯកឧត្តមបណ្ឌិតនឹងបន្តសម្រេចបាននូវវណ្ណកម្មថ្មីៗបន្ថែមទៀតសម្រាប់ចែករំលែកនូវចំណេះដឹងបន្ថែមទៅដល់អ្នកសិក្សាស្រាវជ្រាវ។ បណ្ណាល័យរាជបណ្ឌិត្យសភាកម្ពុជា សូមគោរពថ្លែងអំណរគុណក្រៃលែងចំពោះសណ្តានចិត្តដ៏ថ្លៃថ្លារបស់ ឯកឧត្តមបណ្ឌិត ខែក វីរៈ ដែលបានផ្តល់នូវអំណោយដែលជាធនធានបន្ថែមសម្រាប់បណ្ណាល័យរាជបណ្ឌិត្យសភាកម្ពុជា និងសូមគោរពជូនពរ ឯកឧត្តមបណ្ឌិត ជួបប្រទះនូវពុទ្ធពរទាំង៤ប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ ដោយសេចក្តីគោរពនិងដឹងគុណអំពីបណ្ណាល័យនៃរាជបណ្ឌិត្យសភាកម្ពុជា 👉E-Book: https://elibrary.rac.gov.kh/ 👉Website: https://libraryrac.com/