ሀበሻ መዝናኛ

​​😏መመፅወት ብርቁ ረጂ አጥቼ መንገድ ተደፍቼ ያጣው ለት ሰግቼ ሳገኝም በልቼ ጎዳናው መንገዴ ጎዳናው ነው ቤቴ ምስኪን ፆም አዳሪ መፅዋች ነው ናፍቆቴ በውጭ አዳሪ ነኝ ቡቱቱ ለብሼ ሁል ጊዜ የምታይ ከሠው ሁሉ አንሼ ማድያት ሞልቶታል መልኬም ተበላሽቶ ፊቴም ጭሱን መስሏል ወዝ ጠፍቶት ገርጥቶ ሳለው በጎዳና አንድ ሰው ነበረ በዝና ና በሀብት እጅግ የከበረ በመመገብ ብዛት ቦርጩን የከመረ እሱ ግን ድሀ ነው ማካፈልም ብርቁ ለራሱ በልቶ ነው ሲጠግብ መሳቁ ግን.... ግን ሠላም የለውም ሁሌ ይረበሻል ሲጠግብም ህመም ነው ረሀብ ይሻለዋል ከለታት ባንድ ቀን በዚያው በጎዳና ተደፍቼ ሳለው ጎስቋላን ለቃሚ እጅግ ደግ የሆነ አንድ ሠው አገኘው ግን ምንም የለውም ግን ደግሞ ሀብታም ነው ያለውን አካፍሎ ማደር ልማዱ ነው ሠዉ ለቃሉ እንኳን አይጠነቀቅም ሰው ለመርዳት ገንዘብ ሀብት አያስፈልግም ብሎ አፋን ሞልቶ ደሞ ይናገራል ግን ደግሞ እንደገና ሀብትን ይጠብቃል እና ግን አስተውል ሠዎችን ለመርዳት እስኪኖረኝ ብለህ እድሜህን አትመፅውት ባለህ አቅም አድርግ በምትችለው እርዳ እንዳትሆን ኋላ የድሆች ባለ'ዳ ከገጣሚ - ሜሮን ገነነ

ሁለቱ ሕመሞች በሕይወታችን የሚያጋጥሙን ሁለት አይነት ህመሞች አሉ፡፡ አንደኛው ራስን ቆንጠጥ አድርጎ ስርአት ያለው ሕይወት ለመኖር ከመሞከር (ከዲሲፕሊን) የሚመጣ ህመም ሲሆን፣ ሌላኛው ህመም ግን ከጸጸት የሚመጣ ህመም ነው፡፡ ዛሬ ዲሲፕሊን ያለው ሕይወትን ለመኖር ራሳችንን ቆንጠጥ ስናደርገው የሚሰማንን ህመም ካልፈለግነውና ግድ የለሽ ሕይወት ከኖርን፣ ይህ አይነቱ ሕይወት ከሚያስከትለው ችግር የተነሳ ነገ የጸጸት ህመም ይጠብቀናል፡፡ ምርጫው የእኛው ነው፡፡ መልካም እንቅልፍ ተመኘሁላችሁ!

✍✍የመመረቂያ_ጽሁፍ_ሪሰርች_ለሚሰሩ_ለተመራቂ_ተማሪዎች # ጥሩ_የጥናት_አቀራሪብ_መረጃ Good research presentation (Defense) ጥሩ አቀራረብ እንዲያደርጉ የሚረዱዋችሁን አንዳንድ ነጥቦች። ጥናታዊ ጽሑፍን በጥሩ ሁኔታ ለማቅረብ (good presentation) ከሚረዱ ቁልፍ ነገሮች አንዱ በጥሩ ሁኔታ የተዘጋጀ ኃይል ሰጪ ማብራሪያ ነጥብ (PowerPoint) ነው። እርስዎ # ጥሩ ማብራሪያ ነጥብ (power point) እንዲኖርዎ ደግሞ እነዚህን ይጠቀሙ፦ . # 1ኛ . ኃይል ሰጪ ማብራሪያ ነጥብ (Powerpoint) ብዙ ስላይድ አይኑረው። በ15 ደቂቃ ለማቅረብ እስከ 15 በዛ ከተባለ ከ20 እስከ 25 ማሳያ (slide) እጅግ በቂ ነው። «Oral presentation is visual as well as an auditory medium» በቃልዎት የሚያብራሩት ቢሆን የተሻለ ዋጋ ያለው መሆኑን እና የጥናቱ ባለቤት መሆንዎን የሚያረጋህጥ መሆኑን አይርሱ። . # 2ኛ . ማሳያ (slide) በብዙ ጽሑፍ የተጠቀጠቀ መሆን የለበትም። ከጽሑፍ ይልቅ ፎቶዎችን፣ ግራፎችንና ሰንጠረዦችን በደምብ ይጠቀሙ። "አንድ ፎቶ ወይም ሰንጠረዥ ከ1000 ቃላት በላይ ገላጭ ነው" የሚለውን አባባል ልብ ይበሉ። . # 3ኛ . መብራራት የሚፈልጉ ቃላትን ብቻ በርዕስ መልክ ይጻፉ። ማብራሪያቸውን የግድ ማሳያ (slide) ላይ መፃፍ አይጠበቅብዎትም። «One of the most common fault or error commited by graduate student is to write every single words and detail full sentences on their slides» ነው የሚለው። Please never crowd each slide !!! . # 4ኛ . የሚቀርበው ጥናት እጅግ ሰፊ ይዘት ያለው ቢሆን ለመመጠን ሳይቸገሩ በማሳያ (slide) ላይ ለመዳሰስ ማሳያዎትን (slide) በክፍል በክፍል (part) ይክፈሉት። ....... Introduction (መግቢያ) ....... Main Body (ሃተታ) as Discussion ....... Conclusion ( መደምደሚያ) ያድርጉት። . # 5ኛ . ከአንዱ ማሳያ (slide) ወደ ሌላው ሲዘዋወሩ (ሲሸጋገሩ) ጊዜ እንዳይወስድብዎ (እንዳይንቀረፈፍ) Animation ባይጠበሙ ይመረጣል። . # 6ኛ . በማሳያዎ (slide) ላይ የሚሰፍሩ ጽሑፎች በትንሹ በ24 መጠን (Font Size) መሆን ይጠበቅባቸዋል። ከዚያ በታች ከሆኑ ላይታዩ ስለሚችሉ ታዳሚዎትን ያስከፋሉ፣ ሥራዎትን ይደብቃሉ ማለት ነው። . # 7ኛ . የጽሑፎቹ ቅርጽ አይነት (Font type) "Time new roman" ቢሆን የተሻለ ነው። ከዚህ ካለፉ ግን Nyala እና Countur ይጠቀሙ። በተለይ ግን script አይነት ቅርፅ ያለው ጽሑፍ አያድርጉት። የማሳያው ጀርባ ወይም መደብ (Background) ከፊደሎቹ ቀለም (font color) ፍጹም ተቃራኒ ቀለም ያለው መሆን አለበት። ብዙ ጊዜ በነጭ መደብ ላይ ጥቁር ቀለም ያላቸውን ፊደላት (ጽሑፎች) መጠቀም ቢችሉ ይመከራሉ። . # 8ኛ . ሙሉ ሃሳብዎን ለመግለፅ ትላልቅ ፊደላትን (Capital letter) ከመጠቀም ይቆጠቡ። ለማንበብና ለመረዳት ቀላሉ ትናንሽ ፊደላትን (Small letters) መጠቀም መሆኑ አይዘንጉ። . # 9ኛ . የማሳያ (slide) ጽሑፎች እጅግ ብዙ የቀለም (Font colour) ዝብርቅርቅ የበዛበት ከሆነ አትኩሮትን ግራ ስለሚያጋባ ብዙ ቀለም አይጠቀሙ። ከተቻለ በአንድ አይነት ቀለም ቢሆን ካልሆነ ግን ልዩ ገለጻ የሚፈልጉትን ለማቅለም ሁለት ቀለሞች በቂ ናቸው። . # 10ኛ . የ (Spelling of words, gramatical structure of sentences, punctuations… ) ስህተት እንዳይኖርብዎት ቢጠነቀቁ የተሻለ ውጠኣማ ይሆናሉ። # 11ኛ . አስተያየት (professional recommendation) በሚለው የጥናት ክፍልዎ ውስጥ ከተማሩበት አንጻር ለደረሱባቸው ችግሮች መንገዶችን ለመጠቆም ይሞክሩ ይንጅ "# ድርጅቱ_ይህንን_ችግር_ማስተካከል_አለበት " የሚል ደረቅ ትዕዛዝ ከማስገባት ይቆጠቡ። የሚያስተካክለው እንዴት ባለ ዘዴ፤ መቼ፣ በማን፣ የት፣ ለምን.. እንደሆነ ሙያዊ ድጋፍ መስጠትዎን አይርሱ። . # 11ኛ. ያዘጋጁትን ማሳያ (slide) ከማቅረብዎ በፊት ደጋግመው ያንብቡ። . አዘጋጁ ~ አለባበሱ ? ~ ከሰላምታ ጀምሮ እስከ ምስጋና ያለው አነጋገሩ ? ~ መጠቀም የሌለበት ቃላት ? ~ የቡድን ሥራ ሲሆንስ ? ~ ጥያቄና መልስ ምን መምሰል አለበት ? የሚሉትን በቀጣይ ክፍሎች ለመዳሰስ እሞክራለሁ። ለውድ የሀገሬ # የኢትዮጵያ ተመራቂ የኮሌጅና የዩኒቨርሲስቲ ተማሪዎች መልካም የጥናት ማጠቃለያ ጊዜ ይሁንላችሁ። ~ {Daniel Shewaatek - ዘጽዮን} ~ [Instructor at Ethiopia University] መልካም ዕድል!!!!! ምንጭ፦ Introduction to Research Methods - AAU

የአሮጌው ብር ኖት የቅያሬ ጊዜ #Ethiooia | የአሮጌው ብር ኖት የቅያሬ ጊዜ ታኅሣሥ 6 ቀን ይጠናቀቃል የአሮጌው ብር ኖት ቅያሬ ታኅሣሥ 6 ቀን 2013 ዓ.ም እንደሚጠናቀቅ የኢትዮጵያ ብሔራዊ ባንክ አስታወቀ። ከመስከረም 6 ቀን 2013 ዓ.ም አሮጌ የብር ኖቶች በአዲስ የብር ኖቶች እየተቀየሩ መሆኑ ይታወቃል። የብር ኖት ቅያሬው በሶስት ወራት ውስጥ እንደሚጠናቀቅ መወሰኑም ይታወሳል። በመሆኑም የአሮጌው የብር ኖት ቅያሬ ታኅሣሥ 6 ቀን 2013 ዓ.ም የሚጠናቀቅ መሆኑን የኢትዮጵያ ብሔራዊ አስታውቋል። ከዚህ ቀን በኋላ በባንኮች አሮጌ የብር ኖት እንደማይኖርም ገልጿል። በዚሁ መሰረት የተፈቀደው የብር መቀየሪያ የጊዜ ገደብ ሊጠናቀቅ 25 ቀናት ብቻ እንደቀሩት ይፋ ማድረጉን #ኢዜአ ዘግቧል። ***

ዛሬ በሕይወትህ ውስጥ ያሉትን ነገሮች ለማድነቅ ወስን.. ዓይኖችህን ክፈትና በሕይወት መቆየትህን አድንቅ.. ወደ መታጠቢያ ቤት ገብተህ ገላህን በመታጠብ ተደሰት.. የምትወደዉን ምግብ እየተመገብክ ጥፍጥናውን አጣጥም.. የምትወዳቸዉን ሰዎች አስታውስና ቢያንስ አንድ አስደሳች ምግባራቸውን አድንቅላቸው.. ለቀኑ ውበት ምስጋናን ለግስ... ውብ እሁድ ❤️

ትሁትነት ልክ እንደ ጥሩ ልብስ ነው። እኛ የወደድነው መልካሙን ልብስ ስንለብስ ነፃነትና ምቾት ተሰምቶን ሌሎችም ስለ እኛ ምቾትና ሰላም እንዲሰማቸው እንደምናደርገው ሁሉ እኛ የወደደነውን ቀናነትና ትህትና የተላበሰ ስብዕና ለሰዎችም ሰላምና መረጋጋትን ይሰጣል። ትሁትነት ማለት የባለንጀራን ጉድለት በተመለከቱ ግዜ እኔም በሌላ ጉድለት ውስጥ ነኝ ብሎ እስከ መረዳትና ከመንቀፍ ይልቅ ለለውጡ መጣር ነው። ትሁትነት ልብ በፈቀደው ፤ አቅም በቻለው እኔ በተሰጠኝ ልክ ሰጥቻለው ወይ? ሳልሰጥስ መቀበልስ እችላለው ወይ? ብሎ ማሰብ ነው። ትሁትነት መተናነስ ነው። ማነስ ውስጥ ያለን ከፍታ ማክበር ውስጥ የሚገኝን ክብር መረዳት።ትሁትነት ለሀገርም መግራት ነው። የሌሎችን መራብ እያሰብን ጥጋብን መጠየፍ። የአዳማጭነት የተረጂነት የአሳቢነት መገለጫ ነው። ትሁት ሰው ሰላም ይወዳል። የሌሎችን ድንበር አያልፍም። ሲሰጥም ሲቀበልም በትህትና ነው። ውስጡ ሰላም ነው። የሱ ሰላም ለሌሎችም የሚተርፍ ነው። ትህትናን አንነፈግ። እንኳን ለሰው ልጅ ለእንስሳና ለአእዋፉ የሚተርፍ ትህትና ይኑረን። ለስልጣን አጓብድዶ ለምስኪኑ የማይኮፈስ ትህትናን እንላበስ። ይህች አለም የእውነት ትሁት በሆኑ ጥቂት ሰዎች ምክንያት ብዙ መልካምነትን አይታለችና ትህትናን አይንፈገን 🙏 ቅን ፣ ምክንያታዊ ፣ ሀገር ወዳድ ዜጋ ለኢትዮጵያችን! @Habeshahood

"ሰብአዊነት ሊወለድ የሚችለው ከፍቅር ልብ ነው!" ❤️ ❤️ ❤️ ❤️በፍቅር በተሞላ ልብ መኖር እጅግ አስፈላጊ ነው።የፍቅር አመለካከት ሁላችንም ውስጥ ሊኖር ይገባል።ሰብአዊነት ሊወለድ የሚችለው ከፍቅር ልብ ነው፤በፍቅር ልብ ውስጥ ጥልቅ የደስታ ስሜት ይኖራል። 💎ትንሽ ፍቅር ለሰው ከለገሷችሁ በኃላ የሚሰማችሁ የሀሴት ስሜት አስተውላችሁ ታውቁታላችሁ? መስፈርት በሌለው ፍቅር(unconditional love) ወስጥ ሆናችሁ የሚኖረውን ሰላም አስተውላችሁ ታውቃላችሁ? ❤️ንፁህ ፍቅር ሊኖር የሚችለው በምክንያቶችና በመሥፈርቶች ካልታጀበ ብቻ ነው፤በሁኔታ የሚወሰን ፍቅር (conditional love) ፍቅር አይደለም የማታውቁትን ሰው መንገድ ላይ ፊት ለፊት ፈገግታውን ተመልክታችሁ የሚሰማችሁን ደስታ አስተውላችሁታል? 💎የወደቀን ስታነሱ የደከመን ስትረዱ የታመመን አበባ ስታበረክቱና ስጠይቁ የሚሰማችሁ የደስታ ስሜት ወሰን የለውም፤ ይህን የምታደርጉት አባታችሁ ወይም እናታችሁ ስለሆኑ አይደለም በሰውነት የምታበረክቱት ስጦታ ለእናንተ በተራው ታላቅ ደስታና እርካታና ስለሚያበረክት እንጂ።ለዚህም ነው ሰብአዊነት ሊወለድ የሚችለው ከፍቅር ልብ ነው የምላችሁ። @Habeshahood

☮️በሚጮኸው ዓለም ውስጥ የራስ ሠላምን መፈለግ! (እ.ብ.ይ.) 🔵ዓለም አየሩ በጩኸት ተበክሏል፡፡ ሁሉም ተናጋሪ፣ ሁሉም ለፍላፊ በሆነባት በዚች ምድር ዝም ብሎ ራሱንና የራሱን ሰላም የሚፈልግ ሰው ማግኘት እየከበደ መጥቷል፡፡ ተናጋሪው፣ አድምጡኝ ባዩ በርክቷል፡፡ በቃላት ዋይዋይታ የታመመው እልፍ ሆኗል፡፡ 🔷ምላሱን ሌሎችን ለማሸማቀቅ የሚሞርድ የትየለሌ ነው፡፡ እርጋታ ጠፍቷል፣ ማስተዋል ርቋል፤ አስቦ መተግበር ድራሹ ጠፍቷል፡፡ መዋከብ ጠንቶ፣ መተረማመስ በዝቶ፣ ግርግር ልቆ፣ በማስረጃ አሳምኖና በምክንያት አምኖ ከመኖር ይልቅ ተደነጋግሮና ግራ ተጋብቶ፤ አደናግሮና አታልሎ፤ ሐቅን ረጋግጦና ምክንያታዊነትን ጥሎ ማለፍ የዘመኑ የዘመናዊነት ምልክት ሆኗል፡፡ ጤነኛው አንሶ መንፈሱ የተረበሸ፣ ስጋው ደልቦ ነፍሱ የታመመ ወገን ሐገራችንን አጨናንቋታል፡፡ ☯️ አዎ! በዓለሙ ጩኸት መንፈሱ ለሚሰቃይ ሰው መድሐኒቱ በዝምታ ውስጥ ራስን ማድመጥና ውስጣዊ ሰላምን መጎናጸፍ ነው፡፡ ክኒኑ ተረጋግቶ ራስን መፈለግ ነው፤ መርፌው በፀጥታ የጩኸቱን ዓለም መመርመር ነው፡፡ በጩኸቱ ዓለም ለታመመ ሰው መረጋጋት ዓይነተኛ መፍትሄ ነው፡፡ የዝምታን መፍትሄ መፈለግ የመረበሽ ሕመምን መገላገያ ፍቱን መድሐኒት ነው፡፡ የአዕምሮ ሰላምን ማግኘት የመድሐኒቶች ሁሉ ቁንጮ ነውና፡፡ 🔷ቡድሐ፡- ‹‹ሠላምን ከውጪው ዓለም አትፈልግ፡፡ ሠላም የሚገኘው ከውስጥህ ነው!›› ይላል፡፡ 🛑አዎ! ሰላም ምንጩ አዕምሮ ነው! ውስጠትን የሚያደምጠው ዝምታ ከጩኸቱ ዓለም ለጊዜው ተገልሎ መረጋጋትን የሚያስገኝ ነው፡፡ በሚጮኸው ዓለም ውስጥ ሆኖ የአእምሮ ሰላምን ማግኘት የሚቻለው በጥልቁ ዝምታ፣ በረቂቁ የምልከታ ጥበብ መመላለስ ሲቻል ነው፡፡ ብዙ ሰው ወደውጭ እንጂ ወደውስጡ አይመለከትም፡፡ የሌላ ሰውን ኢምንት ጉድፍ ለማግዘፍ ይሮጣል እንጂ የራሱን እንደተራራ የገዘፈውን ሐጢዓቱን አይመለከትም፡፡ ከራሱ ለመታረቅ ጊዜ ያጠረው ሰው እንዴት ከሌሎች ጋር በሠላም ሊኖር ይችላል፡፡ ♦️የራሱን ሠላም የተቀማ ሰው የሌሎችን ሰላም ለመንጠቅ ቢጣደፍ፣ ሴራ ቢነድፍ፣ ተንኮል ቢሸርብ አይፈረድበትም፡፡ ቀድሞውኑ የራሱን ሠላምና አዕምሮ ተቀምቷልና፡፡ እንደዚህ ዓይነት ሰው ሰላሙን የሚሻው ከውጪው ዓለም እንጂ ከሰላሙ መኖሪያ ከአዕምሮው ጓዳ አይደለም፡፡ አንዳንድ ሰው የሌሎችን ሰላም በመቀማት፣ መብትና ነፃነታቸውን በመድፈርና ሕይወታቸውን አደጋ ላይ በመጣል ሰላሙን የሚያረጋግጥ ይመስለዋል፡፡ ይልቁንስ ሰላሙን ዳግም ላያገኘው አርቆ ቀብሮታል፡፡ ☮️አብዛኛው ሰው የዝምታን ሲሳይ ለመቋደስ ከከተማው ወጣ ብሎ፤ ከጩኸቱ ርቆ በዛፎቹ ውዝዋዜ፣ በነፋሳቱ ልዩ ድምፅ መንፈሱን እያዝናና፣ በተፈጥሮው መዓዛ ውስጠቱን ይሞላል፡፡ ጥሩ ነው መንፈስን በተፈጥሮው ውበት ማደስ፡፡ ዋናውና ከባዱ ችሎታና ልዩ ጥበብ የሚጠይቀው ግን በሚጮኸው ዓለም ውስጥ ሆኖ ዝምታን ማግኘት ነው፡፡ 🛑በተረበሸው ዓለም ውስጥ የገዛ ራስን ሠላም ማረጋገጥ ጥልቅ የመንፈስ ተጋድሎ ይጠይቃል፡፡ በጎደለው ዓለም ውስጥ ሆኖ መንፈስን መሙላት እጅግ ከባድ ነው፡፡ ይሄ ነው ከራስ ጋር ትንቅንቅ የሚጠይቀው፡፡ በሁከቱ ዓለም ውስጥ ሆኖ የገዛ ስሜታችንን አሸንፎ መረጋጋትን ማግኘት የሚቻለው በበረታ ውስጣዊ ትግል ነው፡፡ 🔵አንዳንድ ዝምታ ህመምህን የምታሰላስልበትና መልሰህ መላልሰህ የምትብከነከንበት ስለሚሆን ከሚያረጋጋው ዝምታ ይለያል፡፡ የታመመ ሰው ዝም ሲል ህመሙን እያዳመጠ ወይም በቁስሉ እየተሰቃየ እንደሆነ ይገባሃል፡፡ ህመምተኛውን ከህመሙ ርዕስ ወጥተህ ስለሌላ ነገር ስታጫውተው ለጊዜውም ቢሆን ለጥቂት ጊዜ ከስቃዩ ትገላግለዋለህ፡፡ 🔴አንተም ከጩኸቱ ዓለም ስቃይ ራስህን የምትገላግለውና ነፃ የምትሆነው ከሚጮኸው ዓለም አስተሳሰብ ሃሳብህን አውጥተህ፣ ከዓለማዊ አጀንዳ የሕይወት ርዕስህን ቀይረህ ውስጠትህን በሠላማዊ አስተሳሰብ፣ በቀና አመለካከት መሙላት ስትችል ነው፡፡ ውስጠትህን ለሚጠቅም፣ አንጀትህን ለሚያረሰርስ መልካም ሃሳብ አዕምሮህን ስታስገዛ፣ ልብህን በብልሃት ስትገራ ያን ጊዜ የምትሰማውና የምታዳምጠውን ትለያለህ፡፡ ዓይንህ ባየው ነገር ሳይሆን በተመለከተው ነገር መታመን ይጀምራል፡፡ የነካኸው ሁሉ የዳሰስከው እንዳልሆነ ይገባሃል፡፡ በዝምታው ዓለም ውስጥ ከራስህ ጋር ንግግር ስትጀምር ከሁሉ በፊት ራስህን እንድትረዳ መንገድ ይጠርግልሃል፡፡ 🔵 የልቦናህን ልብ፣ የአዕምሮህን መሪ እንዳሻህ መዘወር የምትችለው ስሜትህን ስትቆጣጠር፣ ቀልብህን ስትገዛና ራስህን ፈልገህ ስታገኝ ነው፡፡ ራሱን ያገኘ ከራሱ ጋር ሠላም ይፈጥራል፤ በዝምታ ጥበብ ውስጥ መረጋጋትን የተጎናፀፈ አስቦ መተግበርን ይችልበታል፤ መልካምነትን መዝራት፤ በጎነትን ኮትኩቶ ማሳደግ ይካንበታል፡፡ ሌሎችን መጥላት ማለት ለራስ ጠላት መሆን ማለት አንደሆነ ይገባዋል፡፡ ቸር ሠላምን የተጎናፀፈ ዝምታ! በመረጋጋት የታሸ የአዕምሮ ሠላም ✍️እ.ብ.ይ መልካም ቀን❤️ 🔺ይ🀄️ላ🀄️ሉን🔺 👇👇👇👇👇👇👇 @Habeshahood

🌹🌿🌙✿...✍ ❝በራስህ እምነት ካለህ ከምታስበዉ በላይ ችሎታ..ከሚያስፈልግህ በላይ አቅም..ከምትገምተዉ በላይ ተሰጥኦ አለህ።❞ @Habeshahood

🆎 የNGO ክፍት የስራ ቦታ ማስታወቅያ 🆎 🔰የድርጅት ስም: የእንግሊዝ ኢምባሲ የስራ ቦታ ማስታወቅያ 🔰 ✅የስራ መደብ: Regional Engagement Coordinator 📌 ደመወዝ: 43,026.73 ብር 📌 የስራ ቦታ: አዲስ አበባ 📌 የትምህርት ደረጃ: የመጀመሪያ ዲግሪ እና ከዛ በላይ ከስራው ተዛማጅነት ያላቸው የትምህርት መስኮች ያለው/ላት 📌 የስራ ልምድ: 05 ዓመት እና ከዛ በላይ ብተመሳሳይ የኃላፊነት ቦታ በመንግስት እና አለማቀፍ ድርጅቶች የሰራ/ች፣ ከፍተኛ የእንግሊዝኛ ችሎታ ያለው/ላት ✳ ሰለ ሰራው ሙሉ መረጃ ለማየት እና ለማመልከት ይህንን ሊንክ ይጠቀሙ፡ 👉 https://ayerbayer.com/british-embassy-vacancy-announcement-ayerbayer-2/