#Мақола #Ихтилоф #Тарбия
#Мавзу: Оила бузилишини олдини олиш
Динимизда оила масаласига катта эътибор берилиб, уни қандай ташкил қилиш, унинг бошлиғи ким бўлиши, аъзоларининг ҳуқуқлари, фарзандлар тарбияси, аъзолари ўртасида чиқадиган келишмовчиликларни муолажа қилиш, хусусан оилавий ҳаётнинг барча масалаларига жавоб берилгандир.
Аёлларимиз, «Нечта қўй олдингиз?»-деб сўраган пайтда: «Битта қўзи» жавобга қўшниларига эшиттириб, «Ўнта қўй нима бўлади? (душманларим куйиб ўлсин)» – деб айтган Ойпошшаларга айланиб қолишяпти. Уларнинг бу ҳою ҳавасларини эркаклар кўтаришга уринади, натижада эркаклардан талаб қилинаётган нарсаларга уларнинг имкониятлари етмагач қарз кўтаришга мажбур бўлишади. У қарзни узгунча кишининг соғлиғи, асаби кетади. Баъзилар инфаркт, инсульт каби оғир касалликларни орттириб ҳам олишмоқда. Баъзи қайиноналар келинларини бойлик манбайи деб қарашади. Келинларининг сарполари Европа стилида, энг сўнги модада бўлиши шарт бўлиб қолди. Акс ҳолда тўйга бир кун қоладими, тўй куни бўладими, чиллали келин бўладими, уйига олиб қўйишади. Ёки энг камида келинини кўзини очирмайди. Арзимаган ишни эплай олишмаса ҳам, ўғилларига чақиб, жанжал чиқаришади. Келинлар ҳам бировнинг фарзанди, ўн саккиз, йигирма йил бошқа бир муҳитда тарбия олган қизни, бутунлай бошқа бир бегона муҳитга киришиб кетиш, уларнинг бирдай кўнглини олиш осон эмаслигини қайноналаримиз унутиб қўйишади. Ёки айрим келинлар қайноналарининг озгина танбеҳини кўтара олмай эрларига гиж-гижлашади. Она ва фарзандини, ака – укалар ўртасини бузилишига сабаб бўлишади. Уларга оиланинг аҳамияти йўқ.
Хаётий кузатишлар никохдарнинг бекор бўлишига асосан куйидагилар сабаб бўлаётганини аниқлади:
1) келин-куёвларнинг турмушига ота-оналарнинг ўринсиз аралашуви;
2) янги оиладаги шароит билан хисоблашмаслик;
3) умр йўлдошини маълум «максад»ни кўзлаб, яъни бўлажак қайнота-қайнонанинг мансаби, обруси, бойлигига кизикиб, кизнинг хусну-жамолига ёки йигитнинг мутахассислигига ва хоказоларга учиб танлаш;
4) оилада «тенглик қонуни»нинг бузилиши;
5) эр-хотин характерларининг келишмай қолиши;
6) ота-онанинг тарбияда йўл кўйган хатолари;
7) хотиннинг уй-рўзгор тута билмаслиги;
8) эр-хотиндан бирининг ичиши;
9) эр-хотиндан бирининг бевафолиги;
10) узок муддат фарзандсизлик.
Ажралишнинг кўнгилсиз оқитбатлари олдини олиш учун эр-хотин оилани сақлаб қолиш ва мустаҳкамлашга харакат килишлари зарур.
Чуст туман "Балиқчи" жоме
масжиди имом хатиби Масалиев Абдумуталиб
🌐 КАНАЛИМИЗ:
@SOFTALIMOTLAR