XIVA TUMANI HOKIMLIGI AXBOROT XIZMATI

ХОТИРА БОР ЭКАН-МИЛЛАТ БАРҲАЁТ Хива туманида “9 май - Хотира ва қадрлаш куни” муносабати билан хотира тадбири бўлиб ўтди. Тадбирда туман ҳокими С.Палванов, сектор раҳбарлари, туман мудофаа ишлари бўлими, ҳарбийлар, нуронийлар ва ёшлар ҳамда бир қатор мутасадди ташкилотлар раҳбарлари иштирок этишди. Дастур аввалида туман ҳокимининг “Хотира ва қадрлаш куни” га бағишланган нутқи ўқиб эшиттирилди. Шундан сўнг барча йиғилганлар иштирокида хотира майдонидаги “Мотамсаро она” ҳайкали пойига гул қўйилиб, Иккинчи жаҳон урушида ҳалок бўлган уруш қатнашчилари ёд этилди.

9 май – Хотира ва қадрлаш куни Урганч шаҳридаги Хотира майдонида 9 май - Хотира ва қадрлаш куни ҳамда Иккинчи жаҳон урушида қозонилган ғалабанинг 79 йиллигига бағишланган тадбир бўлиб ўтди. Вилоят ҳокими Жўрабек Рахимов, давлат ва жамоат ташкилотлари, ҳуқуқни муҳофаза қилувчи органлар вакиллари, ҳарбийлар оркестр садолари остида Мотамсаро она ҳайкали пойига гулчамбарлар қўйдилар. Тадбир иштирокчилари жанг майдонларида қаҳрамонлик намуналарини кўрсатган ота-боболаримизнинг букилмас иродаси, жасорати ва матонатини ёд этиб, ҳурмат бажо келтирдилар. Хоразм вилояти ҳокимлиги матбуот хизмати Xorazm.uz | Facebook | Telegram | Instagram| Youtube

Хива тумани ҳокими профилактика инспекторлари билан очиқ мулоқот ўтказди Хива тумани ҳокими С.Палванов туманда фаолият олиб бораётган ички ишлар органлари маҳалла ҳуқуқ тартибот масканлари профилактика инспекторлари билан учрашиб, маҳаллаларда олиб борилаётган жиноят ва ҳуқуқбузарликларга қарши курашиш борасидаги профилактик тадбирлар самарадорлигини ошириш, Президент қарорларида белгилаб берилган профилактика инспекторларининг хизмат ва турмуш шароитларини яхшилаш, уларга етарли шарт-шароитларни яратиб бериш борасидаги вазифаларнинг ижросини муҳокама қилди. Учрашув давомида ҳоким ҳар бир профилактика инспектори билан суҳбатлашди ва уларни қийнаб келаётган тизимли муаммоларни бартараф этишга қаратилган таклиф ҳамда тавсияларни муҳокама қилиб, масъулларга муддатлари аниқ белгиланган манзилли топшириқлар берди. Шунингдек учрашувда кўриб чиқилган ҳар бир масала ва билдирилган таклифлар юзасидан тегишли қарорлар тайёрлаш ва ижрога қаратиш юзасидан келишиб олинди.

#Tayinlov ✅Sharipov Jaloladdin Alijonovich - O‘zbekiston Respublikasi yoshlar ishlari agentligi Xiva tumani bo‘limi boshlig‘i lavozimiga tayinlandi! Tayinlovga qadar Jaloladdin Sharipov Yoshlar ishlari agentligi Xorazm viloyati boshqarmasi Yoshlarni harbiy-vatanparvarlik ruhida tarbiyalash, ularning huquqiy savodxonligini oshirish bo‘yicha bosh mutaxassis lavozimida faoliyat yuritgan. 🤝 Yoshlar ishlari agentligi jamoasi va barcha yoshlar nomidan Jaloladdin Sharipovni ushbu masʼuliyatli lavozim bilan tabriklaymiz!

Бугун Хива туманидаги 19 сонли мактабда яқинлашиб келаётган Халқаро оила куни муносабати билан “ Қўша қариш саодати” мавзусида маданий-маърифий тадбир ташкил этилди. Унда туман ҳокими ўринбоарси Д.Раззоқова, “Нуроний” жамғармаси Хива тумани бўлими, туман маънаваият ва маърифат бўлими ходимлари, маҳалла фаоллари шунингдек бир гуруҳ ёшлар иштирок этишди. Тадбирда сўз олган иштирокчи нуронийлар ўзларининг жамиятда тутган ўрни, оила таркиби, ишлаган касб-кори, севимли машғулоти, ўзаро оилавий муносабатлар, оиладаги анъана ва қадриятлар ҳамда ҳаётий тажрибалари ҳақида гапириб бердилар. Мазкур тадбир узоқ йиллар биргаликда бахтиёр умр кечираётган оилаларнинг ибрат йўлини ёшларга тушунтириш, уларнинг оилавий қадриятларини мустаҳкамлашда яратган тажрибаларини оммалаштиришда муҳим аҳамият касб этади.

ХЕЧ КИМ МЕҲР ВА ЭЪТИБОРДАН ЧЕТДА ҚОЛМАЙДИ 9-май Хотира ва қадрлаш куни муносабати билан туман ҳокимлиги, ички ишлар бўлими ҳамда вилоят касаба уюшмалари ташкилотлари ходимлари Хива туман ички ишлар бўлимида хизмат қилиб бахтсиз ҳодиса туфайли вафот этган фуқаролар оиласидан хабар олишди. Ташриф чоғида сўз олганлар мард ўғлонларнинг ватан олдидаги кўрсатган хизматлари доимо эътиборда эканлигини таъкидлашиб, уларнинг оила аъзоларига байрамолди совға-саломлар улашилди ҳамда марҳумларнинг ҳаққига қуръон тиловат қилинди. Кўрсатилаётган бундай эътибор ва ғамхўрликлар учун хонадон эгаларининг кўнгиллари тоғдай кўтарилди.