Sufi Sartaaj🤲

Haazari lyrics (Released):- ਗਿੱਲੀ ਰੇਤ ਸਾਹਿਲ ਦੀ ਜਿਹੀ ਸੱਜਰੀ ਥਕਾਵਟ ਨੂੰ ਸੁਕਾ ਕੇ ਪੌਣ ਨਾਲ਼ ਪੈਰਾਂ ਤੋਂ ਰਾਤੀਂ ਝਾੜ ਕੇ ਸੌਨਾਂ, ਆਹ ਜਿਹੜੇ ਵਲਵਲੇ ਸੁਬਹਾ ਤੋਂ ਸ਼ਾਮਾਂ ਤੀਕ ਦੌੜੇ ਸੀ; ਉਨ੍ਹਾਂ ਨੂੰ ਆਸ ਵਾਲ਼ੇ ਅਸਤਬਲ ਵਿੱਚ ਵਾੜ ਕੇ ਸੌਨਾਂ। ਪੈਂਦੇ ਸਾਰ ਹੀ ਅੱਖਾਂ ਨਾ ਮੀਟਾਂ, ਹਾਜ਼ਰੀ ਲਾਵਾਂ, ਆਪਣੀ ਸੁਰਤ ਨਾਲ਼ ਹਸਤੀ ਨੂੰ ਮੁੜ ਵਾਕ਼ਿਫ਼ ਵੀ ਕਰਵਾਵਾਂ, ਦੁਆਲ਼ੇ ਚੁੱਪ ਹੈ ਏਨੀ; ਕਿ ਸਾਨੂੰ ਸੁਣ ਰਿਹਾ ਸਾਹ ਵੀ, ਤੇ ਚਾਨਣ ਚੌਦਵੀਂ ਦਾ ਵੀ ਚੁਬਾਰੇ ਚਾੜ੍ਹ ਕੇ ਸੌਨਾਂ, ਗਿੱਲੀ ਰੇਤ ਸਾਹਿਲ ਦੀ ਜਿਹੀ ਸੱਜਰੀ ਥਕਾਵਟ ਨੂੰ ਸੁਕਾ ਕੇ ਪੌਣ ਨਾਲ਼ ਪੈਰਾਂ ਤੋਂ ਰਾਤੀਂ ਝਾੜ ਕੇ ਸੌਨਾਂ। ਇਹ ਮੈਨੂੰ ਸੋਭਦੇ ਬਾਹਲ਼ੇ; ਮਿਰੇ ਆੜੀ ਜੋ ਰਾਤਾਂ ਦੇ, ਮਿਰੀ ਜਾਗੋ ’ਚ ਇਹ ਦੀਵੇ ਨੇ ਅਸਮਾਨੀ ਪਰਾਤਾਂ ਦੇ, ਦੁਆਲ਼ੇ ਵਿਗਸਦੇ ਆਲਮ ਦੀ ਛੋਟੀ ਬਾਤ ਜਿਹੀ ਪਾ ਕੇ; ਤੇ ਲੰਮੀ ਟਿਕ-ਟਿਕੀ ਲਾ ਕੇ ਮੈਂ ਤਾਰੇ ਤਾੜ ਕੇ ਸੌਨਾਂ, ਗਿੱਲੀ ਰੇਤ ਸਾਹਿਲ ਦੀ ਜਿਹੀ ਸੱਜਰੀ ਥਕਾਵਟ ਨੂੰ ਸੁਕਾ ਕੇ ਪੌਣ ਨਾਲ਼ ਪੈਰਾਂ ਤੋਂ ਰਾਤੀਂ ਝਾੜ ਕੇ ਸੌਨਾਂ। ਬੜੇ ਖ਼ੁਸ਼-ਖ਼ੁਲ੍ਕ਼ ਜੁਗਨੂੰ; ਜੋ ਮੇਰੇ ਖੇਤਾਂ ਤੋਂ ਆਏ ਨੇ; ਇਨ੍ਹਾਂ ਨੇ ਨਾਲ਼ ਮੇਰੇ ਕਣਕ ਨੂੰ ਪਾਣੀ ਲੁਆਏ ਨੇ, ਕਿ ਰਿਸ਼ਤੇਦਾਰੀਆਂ ਸੀ; ਮਿਲਣ ਆ ਗਏ ਸ਼ਹਿਰ ਨੂੰ; ਇੱਦਾਂ ਇਹ ਰੁੱਤਾਂ ਕਾਸ਼ਣੀ ਰੰਗ ਕੇ ਮੈਂ ਰਾਤਾਂ ਰਾੜ੍ਹ ਕੇ ਸੌਨਾਂ, ਗਿੱਲੀ ਰੇਤ ਸਾਹਿਲ ਦੀ ਜਿਹੀ ਸੱਜਰੀ ਥਕਾਵਟ ਨੂੰ ਸੁਕਾ ਕੇ ਪੌਣ ਨਾਲ਼ ਪੈਰਾਂ ਤੋਂ ਰਾਤੀਂ ਝਾੜ ਕੇ ਸੌਨਾਂ। ਇਹ ਹੁਜਰਾ ਸੋਚ ਦਾ, ਇਹ ਜ਼ਿਕਰ, ਇਹ ਤਾੜੀ ਖ਼ਿਆਲਾਂ ਦੀ, ਕਿ ਸਾਨੂੰ ਕ਼ੁਦਰਤਾਂ ਨੇ ਸ਼ੈਅ ਨਿਰੀ ਬਖ਼ਸ਼ੀ ਕਮਾਲਾਂ ਦੀ, ਜੀ ਫਿਰ ਮੈਂ ਬੇ-ਖ਼ੁਦੀ ’ਤੇ ਲਾਲ ਜਿਹੀ ਇੱਕ ਲੀਕ ਹਾਂ ਵਾਹੁੰਦਾ, ਤੇ ਜੋ ਨਹੀਂ ਦੇਖਣੇ ਚਾਹੁੰਦਾ; ਉਹ ਸੁਪਨੇ ਸਾੜ ਕੇ ਸੌਨਾਂ, ਗਿੱਲੀ ਰੇਤ ਸਾਹਿਲ ਦੀ ਜਿਹੀ ਸੱਜਰੀ ਥਕਾਵਟ ਨੂੰ ਸੁਕਾ ਕੇ ਪੌਣ ਨਾਲ਼ ਪੈਰਾਂ ਤੋਂ ਰਾਤੀਂ ਝਾੜ ਕੇ ਸੌਨਾਂ। ਜਦੋਂ ਇਸ ਜ਼ਹਿਨ ਨਾਲ਼ ਮਦਹੋਸ਼ੀਆਂ ਦਾ ਖੇਲ ਹੁੰਦਾ ਏ; ਕਿਸੇ ਬਾਹਰੀ ਖਿਡੌਣੇ ਤੋਂ ਉਹ ਕਿੱਥੋਂ ਮੇਲ਼ ਹੁੰਦਾ ਏ, ਨਿਆਰਾ ਤਬਸਰਾ ‘ਸਰਤਾਜ’ ਮੈਂ ਖ਼ੁਦ ਨਾਲ਼ ਕਰਦਾ ਹਾਂ, ਤੇ ਜੋ-ਜੋ ਗ਼ਲਤੀਆਂ ਹੋਈਆਂ; ਉਹ ਪੰਨੇ ਪਾੜ ਕੇ ਸੌਨਾਂ, ਗਿੱਲੀ ਰੇਤ ਸਾਹਿਲ ਦੀ ਜਿਹੀ ਸੱਜਰੀ ਥਕਾਵਟ ਨੂੰ ਸੁਕਾ ਕੇ ਪੌਣ ਨਾਲ਼ ਪੈਰਾਂ ਤੋਂ ਰਾਤੀਂ ਝਾੜ ਕੇ ਸੌਨਾਂ।