اقتباسات بدويه وشعر "

هلابك والعذر لاحل غلّ ولاقضى مصلوح ‏يكفّينا عن أعذار المودّه .. وجه راعيها

أدور على وصلك لو انك تحب تغيب ‏احامي عن الماضي وأحافظ على الباقي ‏اسولف معك في كل حاجه بلا ترتيب ‏كلامي حقيقي واشتياقي من أعماقي

‏يقول تركي بن جويعد : ‏حتى لو إن المواصل يعتبر مستحيل ‏أحس عادك بـ ترجع بس مدري متى ‏—" جرعة أمل "

صار اللي صار و أنتهينا على خير ‏وعيونا عاشت و شافت و دارت ‏مو كل شيء نبيه لازم يصير ‏أشياء وااااجد مانبيها و صارت

مثل ما يتّنومس الطيّب بطيبه ‏( الردي يفرح ليا منّه تردّى )

انفوسنا على أخويانا صبوره ‏نموت والشكه ماتلحق مدانا .

عليك باللي فالمواقف مجرّب ‏اللي جمع بين الأجر والغنيمه ‏وجنّب عن اللي بس ياكل ويشرب ‏اللي طبوعه مثل طبع البهيمه

جعل عيني ما تشوف إلا عيونك ‏وجعل حالي ما يضمه غير حالك ‏. ‏انت قل لي وش هالـــدنيا بدونك ‏والله ان مــــــــابه حياه إلا وصالك

ياصاحبي درس الزمان اعطى مناعه للضمير ‏والنفس من سود الليالي زاد فيها عزها ‏شامخ ولو هب الهوى والكل من حولي قصير ‏وضلوع صدري ثابته ، ميل الزمن ماهزها

جعل عزك يدوم وجعل عمرك طويل ‏" نوّر الله سنينك ،، واسعد ايامها " .

ارفع بالافعال راسي وامشي مدنق  ‏الله يحب التواضع ، وانا احـب الله .

بعض الرفاقة سيف عرضة و تلميع  ‏و بعض الرفاقة سيف حرب و غنايم .

توّنس بهالدنيا قبل تنتهي دنياك  ‏على ويـش نفـسك كل يـومٍ تـزعلها ‏ترى م انت مـكلوفٍ بهـذا ولا هذاك  ‏ماهي شغلتك غلطات غيرك تعدلها .

المرجله تشريف والطيب تكليف ‏والناس تسمع هرجة الناس وتشوف ‏واللي يناظر جاحدين المعاريف ‏ماهو مسوي بالرياجيل معروف .

من لا يودّك لا تبيّن لـه الـودّ ‏مودةٍ بالكـذب ماهي مـودّه ‏وحبل الريا والكذب لو كان يمتدّ ‏دايم قصير حبال مهما تمـدّه ‏وشيٍ بني بالكذب مبناه ينهـدّ ‏دورات الأشهر والليالي تهـدّه .

رفيقي اواصله وانشد عن علومه  ‏وإلى سبقني بها جعله على القوّه ‏على النقا والثقه ماهيب معدومه  ‏نعرف حقوق الخوي ونقدّر الخوّه .

كل عام وانتم بخير وصحه وسلامه