هتفرٌج (رسايل فرحه)💥

البني آدم بجد ملوش اي فضل على نفسه: لو أتولدت في عيلة محترمة واهلك ربوك احسن تربية او طلعت شكلك حلو ومقبول، فده مش انجاز انت اللِّي عملته بنفسك ولو أتعلمت علام عالي أو طلعت ذكي وبتفهمها وهي طايرة، فانت ملكش يد في ده خالص، ولو ربنا كرمك بقرشين أو رزق واسع فده مش بشطارتك ولا فهلوتك، وحتى لو أجتهدت وتعبت وعرقت فده علشان ربنا هو اللِّي من عليك بالصحة والقدّرة اللِّي من غيرهم مكنتش هتعرف تتحرك خطوة واحدة وحتى الناس اللِّي حواليك اللِّي بيحبوك وبيسندوك في وقت شدتك، دول تيسير وتوفيق من عند ربنا مش أنت اللِّي لمتهم حواليك بذكائك! اكيد أنت عندك كل النعم دي وتطوعها بمزاجك في الخير او في الشرّ وده اللِّي هتتحاسب عليه، بس متنساش ان حتى قدرتك على الاختيار دي نعمة كبيرة وممكن تروح منك في ثانية أحمدوا ربنا كتير وأشكروه على نعمه العظيمة اللِّي ملهاش أول من أخر، واوعى حد فينا يتغر أو يفتكر نفسه جامد ومسيطر على كل حاجة..كله ماشي بفضل ربنا وستره الجميل علينا، ربنا يديمهم علينا جميعا ويستعملنا دايمًا في الخير وفي كّل حاجة بيحبها ويرضاها ﴿قُلْ إِنَّ الْفَضْلَ بِيَدِ اللَّهِ يُؤْتِيهِ مَن يَشَاءُ ۗ وَاللَّهُ وَاسِعٌ عَلِيمٌ﴾♥️🌸