Doniyor MIRZO ijodi

#Kun_yangiliklari Bugun O'zDSMI rektori, professor Nodirbek Sayfullayev tomonidan barcha prorektorlar, fakultetlar dekanlari hamda boʻlim boshliqlari ishtirokida yigʻilish oʻtkazildi. Yigʻilishda asosiy eʼtibor yangi 2024-2025-oʻquv yiliga tayyorgarlik hamda qabul jarayonlari masalalariga qaratildi. Xususan, qabul jarayonlarini yuqori saviyada oʻtkazish, bu borada ochiqlik va shaffoflik ta'minlash borasida amalga oshirilayotgan ishlar tahlil qilinib, yangi o'quv yiliga puxta tayyorgarlik ko'rish bo'yicha barcha mas'ullarga tegishli topshiriqlar berib o'tildi. Shuningdek, kafedralarning bugungi holati, 2024-2025 o‘quv yilida professor-o‘qituvchilarga o‘quv yuklamalarini adolatli taqsimlash hamda o‘quv rejalarini o‘z vaqtida tasdiqlatish masalasi muhokama etildi. Shuningdek yangi lavozimga tayinlangan Yoshlar masalalari va ma'naviy-ma'rifiy ishlar bo'yicha birinchi prorektor Eldor Shermanov hamda ovoz rejissyorligi va operatorlik mahorati kafedrasi mudiri Iqbol Meliqo'ziyevlarning ham keyingi faoliyatiga muvafaqqiyat tilanib, ularga institutning esdalik sovg'alari topshirildi. Yigʻilish so'nggida kun tartibidagi asosiy masalalar yuzasidan rahbar xodimlarning fikr-mulohazalari, takliflari tinglandi. 🌐Ijtimoiy tarmoqdagi sahifalarimiz

#ОЖИЗ БАНДА Ҳамма ақл ургатар, лекин, Ҳеч ким ёрдам бермас, текинга! Шому саҳар ишлатар текин, Шоштиради, кўнмас секинга! Беш панжасин оғзига урар, Ишинг тушса алдамчиларга. Чўнтагингни титкилаб кўрар, Ишонмайди арғамчиларга. Дунёда кўп: ношуд, нотовон, Виждон, дину имондан кечган. Гўё улар туғилмасидан, Она сутин пишириб ичган. Уй эшиги очиғу, лекин, Юрагига йўл топиш қийин. Сенга шундай қарайди улар, Ёш болага қарагандайин... Худо урган бандаи ожиз, Ер кўтарар нонкўрларни ҳам. Лекин улар кетмагай изсиз, Тарқалади ундан муттаҳам! Дониёр Мирзо эс-ҳушингни йиғ, Сен улардан эҳтиёт бўлгин! Еттиётни тоға, дейди у, Уйқунгни оч, ўзингга келгин! Афсус, дунё барчага бирдек, Бир кўз билан қарамас, илло. Ҳақ банданинг кўзини ўйган, Мусулмонмиз, алҳамдулилло! 13 июл 2019 йил Дониёр МИРЗО

ТАВАЛЛУД КУН Сиз бу элнинг азиз ўғлонидирсиз, Бугун ўн еттига тўлғонидирсиз, Бахту омади ҳам кулғонидирсиз, Соф дилингиз доим шодликка тўлсин, Таваллуд кунингиз муборак бўлсин. Ёши ўн еттига етиб, етилган, Кўнгли муҳаббатга мағлуб этилган, Ҳар йил қайта-қайта, табрик этилган, Соф дилингиз доим шодликка тўлсин, Таваллуд кунингиз муборак бўлсин. Дастурхон кўркидир майизу ёнғоқ, Сиз элнинг кўркисиз, юрагингиз оқ, Бугун ўн еттига тўлган ”чақалоқ,” Соф дилингиз доим шодликка тўлсин, Таваллуд кунингиз муборак бўлсин. Кўзингиз чақмоғу, сўзингиз чақин, Сиз танти йигитсиз юракка яқин, Бобонгиздан мерос белингизда қин, Соф дилингиз доим шодликка тўлсин, Таваллуд кунингиз муборак бўлсин. Тилайман, сиз юзга тўлишингизни, Юз йиллик юбилей қилишингизни, Элнинг оқсоқоли бўлишингизни, Соф дилингиз доим шодликка тўлсин, Таваллуд кунингиз муборак бўлсин. Қучоқ очаверар келинчак баҳор, Бир ёшга улғайиб, қилинг ифтихор, Сизга илинаман, кўнгилда не бор, Соф дилингиз доим қувончга тўлсин, Туғилган кунингиз муборак бўлсин. Вақт келиб, юз билан – юзлашиб юринг, Кампирга калишин излашиб юринг, Дониёр Мирзо билан “сиз”лашиб юринг, Соф дилингиз доим шодликка тўлсин, Таваллуд кунингиз муборак бўлсин. Дониёр МИРЗО

ЗАМОН ШОИРЛАРИ Не наф бордир замонани абламоқдан, Ажратолмай қора рангни бугун оқдан, Шоир чиқмас, кўча кезган, гул, саёқдан, Китоб уқмай, китоб ёзар шоирлари. Андишанинг оти қурғур қўрқоқ эмиш, Оқилларга нодон гўё чироқ эмиш, Яхшиликку, ёмонликка бўлди емиш... Ақлсиздир, қай замоннинг ғойирлари? Уриб бўпсан, ўқимаса, эл боласин, Дилга санчар ота-она дил ноласин, Шикиятда шўрва қилар кўз жоласин, Бул замоннинг ким узарга бойирлари... Навоий ким, нима ёзган унга нима, Кўз-кўз учун унга керак намоз жума, Бошинг эмас, қалбинг ўзи ҳижоблима? Савоби йўқ, жавоби йўқ шоирлари. Дониёр Мирзо камтарлигинг фойда бермас, Йўриғингга йўрғалаган бўри шермас, Шу замонда яшамаган тирик эрмас, Шоҳ олдида ёлғон ёзар шоирлари... 10 июль 2024 йил Дониёр МИРЗО

ЎЗИНГДАН КЕТМА Томиринг сувларга етган бўлса ҳам, Отанг дунёни кашф этган бўлса ҳам, Давруғинг жаҳонга кетган бўлса ҳам, Ўзингдан кетмагин, ўзингдан кетма. Ер юзи кафтингда капалак эмас, Пойингда парилар жон ҳалак эмас, Хўранда бўлсанг ҳам ёки нон емас, Ўзингдан кетмагин, ўзингдан кетма. Маърифат, муҳаббат илдизинг бўлсин, Бахт сенинг чароғон юлдузинг бўлсин, Ёғдудан ёруғроқ чин сўзинг бўлсин, Ўзлигинг унутма, ўзингдан кетма. Мозийдан милтираб янграр садоси, Ким бойлик гадоси, қисмат гадоси, Ким Ватан гадоси, кўнгил адоси, Ўзлигинг унутма, ўзингдан кетма. Дониёр МИРЗО Каналга қўшилинг Telegram | Instagram | Facebook | Youtube

1