🌹وتەی زانایان🌹

جۆر و جیاوازی کتێبەکانى فەرموودە 1. الجامع – الصحیح 2. السنن 3. المسند 4. المعجم 5. المستدرک 6. المستخرج ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ یەکەم : الجامع – الصحیح مەبەست لە (الجامع – الصحیح ) ئەو کتێبەى فەرموودەیە کە دانەرەکەی فەرموودەکانى لەبارەى هەموو لقەکانى دینەوە بە گشتى داناوە کە پێک دێن لە هەشت بابەت کە ئەمانەن : (العقیدة ، الأحکام ، التفسیر ، التأریخ والسیرة ، الزهد والرقائق ، المناقب والمثالب ، الآداب والأخلاق ، الفتن وأشراط الساعة) ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ دووەم : السنن مەبەست لە (السنن) ئەو کتێبەى فەرموودەیە کە دانەرەکەی تەنها فەرموودەکانى بوارى ئەحکامی فیقهی هێناوە و کتێبەکەى بەگوێرەى بابەتە فیقهیەکان ڕێکخستووە . ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ سێیەم : (المسند) مەبەست لە (المسند) ئەو کتێبەى فەرموودەیە کە دانەرەکەی فەرموودەکانى بەگوێرەى گێڕانەوەى هاوەڵان ڕەزای خوایان لێ بێ هێناوە بۆ نموونە ئیمامی ئەبو بەکر چەند فەرمودەى گێڕاوەتەوە هەمووی لە ژێر ناوی ئەبو بکر داناوە ، پاشان ئیمامی عمر پاشان ئیمامی عثمان .... بەم شێوەیە . ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ چوارەم : المعجم مەبەست لە (المعجم) ئەو کتێبەى فەرموودەیە کە دانەرەکەی فەرموودەکانى بەگوێرەى گێڕانەوەى شێخەکانى هێناوە ، واتە چەند فەرموودەى لە شێخی یەکەمیەوە گێڕاوەتەوە هەمووی داناوە لەژێر ناوی ئەو شێخە ، پاشان شێخی دووەم و بەم شێوەیە . ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ پێنجەم : المستدرک مەبەست لە (المستدرک) ئەو کتێبەى فەرموودەیە کە دانەرەکەی ئەو فەرموودانەى هێناوە کە لە صەحیحی بوخاری و مسلیمدا نین و بەڵام هەر بەسەنەدی بخاری یان موسلیم هێناوێتی . ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ شەشەم : المستخرج مەبەست لە (المستخرج) ئەو کتێبەى فەرموودەیە کە دانەرەکەی فەرموودەکانى بوخاری یان مسلیم ى هێناوە بە سەنەدی تری جگە لەوان .