Sayyid Muxiddinxon jome masjidi

БАҲС Жаннат билан дўзах баҳслашди. "Золимлар билан такаббурлар менда", - деди дўзах. "Заифлар билан йўқсиллар менда", - деди жаннат. Аллоҳ таоло уларга шундай ҳукм қилди: "Сен эй жаннат, Менинг раҳматимсан. Хоҳлаганимни сен билан сийлаб ардоқлайман. Сен эй жаҳаннам, Менинг азобимсан. Хоҳлаганимни сен билан жазога гирифтор қиламан. Чунки иккингизни ҳам тўлдириш Менга тегишли". (Муслим. Жаннат. 34-35-бет) @Sayyid_Muhiddinxon

#қисқа_савол_жавоблар ❓CАВОЛ: Намозда имомга иқтидо қилдим деб тил билан айтиш керакми? 💬 ЖАВОБ: Бисмиллаҳир Роҳманир Роҳим. Аслида ният инсоннинг қалбида бўлиб ўтадиган жараён. Ҳақиқий ният қалбда бўлади. Қалбга қўшимча равишда тил билан талаффуз қилиш афзалроқ экани айтилган. Лекин тилнинг ўзида ниятни талаффуз қилиб, қалбда ният бўлмаса жоиз эмас. Имомга иқтидо қилган киши ҳам аввало қалбида мазкур имомга иқтидо қилаётганини ҳис қилиши лозим. Ана шу ниятини тил билан ҳам айтса янада яҳши бўлади. Валлоҳу аълам. Ўзбекистон мусулмонлари идораси Фатво ҳайъати. @Sayyid_Muhiddinxon

Ёдингда тут Луқмони Ҳаким айтадилар: 1. Намоз ўқиганингда қалбингни сақла. 2. Ўзганинг уйига кирганда кўзингни сақла. 3. Одамлар ичида тилингни сақла. 4. Икки нарсани ёдингда тут: - бири Аллоҳнинг Биру Борлиги, иккинчиси - ўлимнинг аниқлиги. 5. Икки нарсани эсингдан чиқар - бири - ўзгаларга қилган яхшилигинг, иккинчиси ўзгаларнинг сенга қилган ёмонлиги. (Ғаззолий. Мукошафат ул-қулуб. 379-бет). Каналга аъзо бўлиш👇 @Sayyid_Muhiddinxon

🌼 Истиғфор айтинг! 🌼 Ибн Масъуд розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Кимки: أَسْتَغْفِرُ اللهَ الَّذِي لاَ إِلَهَ إِلاَّ هُوَ الْحَيُّ القَيُّومُ وَأَتُوبُ إِلَيْهِ «Астағфируллоҳаллазий ла илаҳа илла ҳувал ҳаййул қаййум ва атубу илайҳи», деб айтса, (Аллоҳ ҳатто) урушдан қочгандаги гуноҳини ҳам кечириб юборади», дедилар. (Маъноси: Барҳаёт, тирик Аллоҳдан авф этишини сўрайман ва Унга тавба қиламан.) Абу Довуд ва Термизий ривоятлари. Жобир ибн Абдуллоҳ розияллоҳу анҳудан ривоят қилинади: Бир киши Расулуллоҳ соллаллоҳу алайҳи васаллам ҳузурларига келиб, «Вой гуноҳларим, вой гуноҳларим», деб икки ёки уч марта айтди. Расулуллоҳ соллаллоҳу алайҳи васаллам унга: اللَّهُمَّ مَغْفِرَتُكَ أَوْسَعُ مِنْ ذُنُوبِي وَرَحْمَتُكَ أَرْجَى عِنْدِي مِنْ عَمَلِي «Аллоҳумма мағфиратука авсаъу мин зунубий ва роҳматука аржа ъиндий мин ъамалий», деб айт», дедилар. У бу дуони ўқиди. Сўнгра Расулуллоҳ соллаллоҳу алайҳи васаллам такрорла, дедилар. Бас, у такрорлади. Сўнгра яна такрорла, дедилар. У яна такрорлади. Шунда Расулуллоҳ соллаллоҳу алайҳи васаллам: «Тур, батаҳқиқ мағфират қилиндинг», дедилар. (Маъноси: Аллоҳим, мағфиратинг гуноҳимдан кенгроқдир. Раҳматинг ҳузуримдаги амалимдан умидлироқдир.) Имом Ҳоким ривоятлари. Абу Умома розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Албатта يَا أَرْحَمَ الرَّاحِمِيْنَ «Йа арҳамар роҳимийн» («Эй раҳм қилувчиларнинг раҳмлиси»), деб айтадиган кишиларга Аллоҳ таолонинг вакил қилинган фаришталари бордир. Кимки буни уч марта айтса, фаришталар у учун «Раҳм қилувчиларнинг раҳмлиси (Аллоҳ), Сенга юзланди, бас, Сен ундан сўрагин, дейишади». Имом Ҳоким ривоятлари. @Sayyid_Muhiddinxon