VAYO FM NEWS

អភិបាលខេត្ត៖«ទុយោបាញ់ទឹកនៅក្រៅរូបសំណាកបង្កងគ្រាន់តែដាក់បណ្តោះអាសន្នឱ្យទាន់ពិធីប្រណាំងទូកប៉ុណ្ណោះ» ============= រូបសំណាក«បង្កងតាកែវ» នៅសួនច្បារមាត់បឹងតាកែវ ក្រុងដូនកែវ ដែលតំណាងឱ្យនិមិត្តរូប និងសក្តានុពលដ៏ល្បីល្បាញរបស់ខេត្ត ត្រូវបានបើកសម្ពោធដាក់ឱ្យប្រើប្រាស់ជាផ្លូវការកាលពីថ្ងៃទី៣០ ខែតុលា ឆ្នាំ២០២៦។ បន្ទាប់ពីត្រូវបានសម្ពោធ រូបសំណាកនេះក៏ទទួលបាននូវមតិអបអរ និងកោតសរសើរដល់ស្នាដៃកសាង ដែលធ្វើរូបសំណាកបានស្អាត។ ជាការកត់សម្គាល់ ទន្ទឹមនឹងទទួលបាននូវការអបអរ ក៏មានមហាជនជាអ្នកលេងបណ្តាញសង្គមមួយចំនួន បានរិះគន់ទៅលើការដាក់ទុយោបាញ់ទឹកនៅខាងក្រៅបរិវេណរូបសំណាកបង្កង ដែលហាក់ធ្វើឱ្យបាត់​សោភណភាពរូបសំណាកបង្កងដ៏ស្រស់ស្អាតនេះ។បន្ទាប់ពីទទួលបានមតិបែបនេះ លោក វ៉ី សំណាង អភិបាលខេត្តតាកែវ ក៏បានបញ្ជាក់តាមរយៈ​គណនីហ្វេសប៊ុករបស់លោកថា៖ « នៅក្នុងដំណាក់​កាលសាងសង់ គឺភ្លៀងបានបន្តធ្លាក់យ៉ាងខ្លាំង ( នីវូទឹកកើនឡើងលើសការរំពឹងទុក ) ជាហេតុធ្វើឱ្យ​អ្នកបច្ចេកទេសបង្ខំចិត្តធ្វើបែបនេះជាបណ្តោះអាសន្នសិន ដើម្បីឱ្យទាន់ពិធីប្រណាំងទូកខេត្តតាកែវ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android