Oʻzbekiston Yozuvchilar uyushmasi Surxondaryo viloyat boʻlimi

#Adabiy_suhbat Qutlugʻxontoʻra Sogʻuniy bilan suhbat. Ushbu havola jadid.uz youtube sahifasidan olindi. Rukn uchun masʼul Muzaffar Qurbonov https://youtu.be/lq87S0AO1tw?si=skwSFUFqx02aXWZq https://t.me/Surxonadabiyoti

#Долзарб_90_кун #Ижодкорлар_болажонларга Шеърият нафаси уфурган маскан         Юракларга Ватан муҳаббатини, кўнгилларга эзгулик уруғини қадайдиган энг буюк куч – бу сўздир. Сўз шеърга айланса, у қалбларни уйғотади, орзуларни қанотлантиради, ёш дилларни юксак марралар сари етаклайди. Президентимиз ташаббуси ҳамда тегишли қарорлари асосида амалга оширилаётган “Долзарб 90 кун” дастури ана шундай эзгу мақсадларга хизмат қилмоқда. Дастур доирасида Сурхондарё воҳасида ҳам ёшларнинг бўш вақтини мазмунли ташкил этиш, уларнинг маънавий оламини бойитиш ва китобхонлик маданиятини юксалтиришга қаратилган маърифий учрашувлар изчил давом этмоқда.      Термиз шаҳридаги “Амударё” болалар оромгоҳида Ўзбекистон Ёзувчилар уюшмаси Сурхондарё вилояти бўлими ташаббуси билан ташкил этилган ижодий учрашув  бўлиб ўтди. Оромгоҳ ҳудудида янграган шеърлар, болалар кулгуси ва самимий суҳбатлар адабиётнинг инсон қалбига нечоғли яқин эканини яна бир бор намоён этди. Учрашув меҳмонлари — Ўзбекистон Ёзувчилар уюшмаси аъзоси, шоир Донхол Жумаев, шунингдек, вилоят бўлими қошидаги “Жайхун” адабий клубининг истеъдодли ижодкорлари Назира Абдуназарова ҳамда Жасмина Саидахматова ўзларининг Ватан, истиқлол, тинчлик, ҳаёт ва инсон қадри улуғланган шеърларини ўқиб бердилар.      “Ягона Ватан, ягона халқ бўлиб, янги ҳаёт ва келажак яратайлик” ғояси асосида ўтган ижодий мулоқотда мустақилликнинг 35 йиллиги шарофати билан олиб борилаётган ислоҳотлар, она юртга садоқат, халқ бирлиги ва тинчликнинг бебаҳо неъмати бадиий сўз орқали ёш авлод қалбига сингдирилди. Ҳар бир мисра болалар қалбида ифтихор уйғотди, ҳар бир шеър келажакка ишонч ва эзгуликка даъват бўлди.      Тадбир давомида болалар ўртасида ижодий викториналар, қизиқарли савол-жавоблар ва ижодий мулоқотлар ташкил этилди. Билимдон ва фаол иштирокчилар Ўзбекистон Ёзувчилар уюшмаси томонидан нашр этилган бадиий китоблар билан тақдирландилар. Китобни мукофот сифатида қўлга олган болаларнинг қувончи, кўзларидаги завқ ва ишонч тадбирнинг энг ёрқин лаҳзаларидан бири бўлди.      Бу учрашув яна бир ҳақиқатни тасдиқлади: болаларга берилган энг улуғ совға — китоб, уларга айтилган энг гўзал тилак эса Ватанини севиш, илм олиш ва комил инсон бўлиб вояга етиш ҳақидаги эзгу даъватдир.       Юртимизда амалга оширилаётган маънавий ислоҳотларнинг асл мақсади ҳам ана шунда — китобсевар, тафаккури теран, Ватан тақдирига дахлдорлик туйғуси билан яшайдиган баркамол авлодни тарбиялашдир. Термиздаги    “Амударё” болалар оромгоҳида бўлиб ўтган бу самимий ижодий учрашув ана шу эзгу мақсад йўлидаги яна бир ёрқин қадам бўлди.       Тадбир қизиқарли ва мазмунли ўтди.   Ўзбекистон Ёзувчилар уюшмаси Сурхондарё вилояти бўлими  https://t.me/Surxonadabiyoti/9267?single

Adabiyot va ma'rifat — yoshlar tarbiyasining mustahkam poydevori      O‘zbekiston Respublikasi Prezidenti tashabbusi bilan yoshlarning yozgi ta'til davrini mazmunli tashkil etish, ularning bo‘sh vaqtini samarali o‘tkazish, ma'naviy-ma'rifiy dunyoqarashini yuksaltirish maqsadida amalga oshirilayotgan "Dolzarb 90 kun" dasturi doirasida yurtimizning barcha hududlarida turli madaniy-ma'rifiy tadbirlar tashkil etilmoqda.     Mazkur dastur ijrosi yuzasidan Surxondaryo viloyati Sariosiyo tumanidagi "Xonjiza" bolalar sog‘lomlashtirish oromgohida O‘zbekiston Yozuvchilar uyushmasi Surxondaryo viloyati bo‘limi hamkorligida navbatdagi ijodiy uchrashuv bo‘lib o‘tdi.     Uchrashuv mehmoni O‘zbekiston Yozuvchilar uyushmasi a'zosi, "Oltin qalam" milliy mukofoti sovrindori, taniqli shoira va yozuvchi Dilnoz Mushfiq bo‘ldi.     Adiba uchrashuv davomida yosh kitobxonlar bilan she'riyat va badiiy ijodning inson kamolotidagi o‘rni, kitob mutolaasining ahamiyati, Vatanga muhabbat, milliy qadriyatlar, ona tilimizning jozibasi hamda yurt ravnaqiga daxldorlik tuyg‘usi haqida samimiy suhbatlashdi. Shoiraning Vatan, ezgulik va insoniylikni madh etuvchi she'rlari bolajonlarda katta taassurot qoldirdi.     Tadbir davomida oromgoh ishtirokchilari o‘zlarini qiziqtirgan savollar bilan murojaat qilib, ijod sir-asrorlari, she'r yozish jarayoni va kitobxonlik madaniyati haqida qimmatli tavsiyalar oldilar. Samimiy muloqot, qizg‘in savol-javoblar va adabiy mushoiralar uchrashuvni yanada mazmunli va unutilmas qildi.    Bunday ma'naviy-ma'rifiy uchrashuvlar yosh avlod qalbida kitobga mehr, adabiyotga muhabbat, Vatanga sadoqat, milliy g‘urur va yuksak maqsadlar sari intilish tuyg‘ularini mustahkamlashga xizmat qiladi.     O‘zbekiston Yozuvchilar uyushmasi Surxondaryo viloyati bo‘limi tomonidan yoshlar bilan olib borilayotgan ana shunday ijodiy uchrashuvlar kelajak avlodning ma'naviy kamoloti, ijodiy salohiyati va vatanparvarlik ruhini yuksaltirish yo‘lidagi muhim qadamlardan biridir. Zero, ma'rifat va adabiyot bilan ulg‘aygan yoshlar — Yangi O‘zbekistonning eng katta boyligi va ertangi kun bunyodkorlaridir. Donoxol Jumayeva Oʻzbekiston Yozuvchilar uyushmasi Surxondaryo viloyati boʻlimi bosh mutaxassisi https://t.me/Surxonadabiyoti

🇺🇿 "Yagona Vatan, yagona xalq bo‘lib, yangi hayot va kelajak yaratamiz!" 📍 Surxondaryo viloyati Sariosiyo tumanidagi "Xonjiza" bolalar sog‘lomlashtirish oromgohi 4-navbat, 3-kun "Harbiy vatanparvarlik kuni" doirasida unutilmas ma'naviy uchrashuv bo‘lib o‘tdi. ✨ Tadbir mehmoni — O‘zbekiston Yozuvchilar uyushmasi a'zosi, "Oltin qalam" milliy mukofoti sohibasi, taniqli shoira va yozuvchi Dilnoz Mushfiq bo‘ldi. 💬 Uchrashuv davomida bolajonlar Vatanga muhabbat, milliy qadriyatlar, tinchlikning bebaho ne'mati va yoshlar zimmasidagi ulkan mas'uliyat haqida qimmatli fikrlarni tingladilar. Samimiy muloqot, qiziqarli savol-javoblar va ilhom baxsh etuvchi she'rlar uchrashuvga o‘zgacha ruh bag‘ishladi. 🌟 Har bir uchrashuv — bolalar qalbida Vatanga sadoqat, milliy g‘urur va ezgu orzular urug‘ini qadaydigan muhim qadamdir. 💙 "Xonjiza" oromgohi — ezgulik, ma'rifat va vatanparvarlik maskani!

“Шеърият”га келди шеърият “Шеърият” адабий клуби. Шеърият давраси. Қумқўрғон шеър билан тўлқинланди. Туман ўзи доимо шеър билан, адабиёт билан яшайди. Бу сафар давра кенграқ олинди. Ёшлар авжланди. Уларнинг шеърини эшитиб, диллар ҳайратланди. Ҳалим Малик  Навоийдан бошлади. Мақсуда Ғаниева мустақиллигимиз ҳақида шеър ўқиди. Зумрад Абраева ўқиган шеър даврани нурлантирди. Янги ижодкор қиз Бобурдан шундай ғазал ўқидики, барча офарин деб олқишлади. Шерали Жўраев яхши шоир. Шеърлари қалбдан. Сўзлари салмоқли. Даврани шоир Менгнор Олломурод олиб борди. Бошқачадан бошқача бўлгани шуки, ўн йил олдин адабий клубга раҳбарлик қилган Лобар Бердиеванинг келгани! Лобар катта ижодкор. У Тошкентда олий таълим олди. Бирров “Шеърият” клуби бўлаётганини эшитиб, қўнгли қўймаганидан келибди. Лобар зўр таклиф айтди. “Шеърият” клубига авваллари қатнашганлар, фурсат топиб келса, қанчаларга яхши. Мен шуни ташкил этаман, деди. Ҳамма хурсанд бўлди. Лобар мустақиллигимизнинг 35 йиллиги ҳақида гапирди. Ажойиб фикрлар билдирди.   “Шеърият” клуби аъзоси Нуриддин Рашидовнинг шеърият фото альбомини тайёрлаётгани ҳаммани мамнун қилди. Сўнгра мустақиллигимиз 35 йиллигига бағишланган мушоира қизигандан қизиди. Анжуман жуда завқли ўтди.   Донохол Жумаева Ўзбекистон Ёзувчилар уюшмаси Сурхондарё вилояти бўлими бош мутахассиси https://t.me/Surxonadabiyoti