🗞 የ አቡጁነይድ መልዕክቶች Abujunaid posts

የሸህ አህመድ የህልም ደብዳቤ የመስጂደነበዊ ኻዲም ሸህ አህመድ ያስተላለፉት ደብዳቤ እየተባለ የሚሰራጨውን መልእክት ብዙዎቻችን ከልጅነት ጀምሮ እናውቀዋለን። ‘መልእክቱን ያሰራጨ ኸይር ያገኛል፤ ችላ ያለው መአት ያገኘዋል’ በሚሉ የሀሰት ምሳሌዎችና ማስፈራሪያዎች ስለታጨቀ መልእክቱ በየጊዜው በስፋት ተሰራጭቶ እናገኘዋለን። በተለይም ከማህበራዊ ሚዲያዎች መስፋፋት በኃላ የስርጭቱ ይዘት በእጅጉ ጨምሯል። አያሌ ስህተቶች ያሉበት ይህ ደብዳቤ ተጨባጭነት የሌለውና የሙስሊሞችን አቂዳ የሚሸረሽር በመሆኑ ከማሰራጨት ልንቆጠብ ይገባል። የኢስላም ሊቃውንትም በውስጡ ያሉትን ግድፈቶች እና ቅጥፈቶች በመግለፅ ውሸትነቱን አስረድተዋል። የኡለማዎቻችንን መልእክት ያዘሉ አያያዥ ሊንኮችን ከታች አስቀምጫለው። የአላህ ፈቃድ ከሆነ ሀሳባቸውን ጠቅለል አድርጌ በሌላ ፅሁፍ አካፍላችኃለው። ለግዜው ስለይዘቱ ከአንድ ወንድም ፅሁፍ ቀንጨብ አድርጌ ጥቂት ልበላችሁ። 1ኛ፦ ደብዳቤው እንደሚለው የነቢያችን ሸፋዐ ትርኪ ምርኪ ያዘለ ወረቀት በማባዛት አይገኝም፡፡ ሸፋዐህ ከሚገኝባቸው መንገዶች መካከል፡- ሀ. ከኡመታቸው ውስጥ በአላህ አምልኮ ላይ ምንንም ማንንም ሳያጋራ በተውሒዱ ላይ ጸንቶ የሞተ፡፡ ሙስሊም ከአቢ ሁረይራህ የዘገበው ሐዲሥ ቁ 338 ለ. ከልቡ በኢኽላስ "ላ ኢላሀ ኢለሏህ" ያለ ሰው፡፡ ቡኻሪይ ከአቢ ሁረይራህ የዘገበው ሐዲሥ ቁ 99 ሐ. ከአዛን በኋላ ያለውን ዱዓ ያደረገ ቡኻሪይ ከጃቢር ኢብኒ-ዐብዲላህ የዘገበው ሐዲሥ ቁ 614 اللَّهُمَّ رَبَّ هَذِهِ الدَّعْوَةِ التَّامَّةِ وَالصَّلَاةِ الْقَائِمَةِ آتِ مُحَمَّدًا الْوَسِيلَةَ وَالْفَضِيلَةَ وَابْعَثْهُ مَقَامًا مَحْمُودًا الَّذِي وَعَدْتَهُ መ. በሳቸው ሀገር በመዲና የኑሮም ይሁን ሌሎችን ችግሮችን በመቋቋም ጸንቶ የኖረና እዛው የሞተ ሙስሊም፡፡ ሙስሊም ከአቢ ሰዒድ አል-ኹድሪይ የዘገበው ሐዲሥ ቁ 477 ሠ. የሱንና ሶላቶችን ማብዛት፡፡ ሙስነድ ኢማሙ አሕመድ ሐዲሥ ቁ 16076 2ኛ፡- ወረቀቱን ያባዛ አንድ ሰው ብዙ ዕድሎች ገጠሙት ይላል፡፡ በመጀመሪያ ደረጃ በኢስላም ዕድል የሚባል ነገር የለም፡፡ በዚህ ዓለም ላይ የሚከናውኑ ክስተቶች ሁሉ፤ አላህ ዘንድ ቀድሞ በታወቀው ለውሐል መሕፉዝ ላይ የተጻፉ አላህ በሻውና በፈቀደው መልኩ የሚከሰቱ የቀዷ ወል-ቀደር ውጤት ናቸው። እድል እና አጋጣሚ የሚባል ነገር የለም፡፡ ለመልካም እድል ምክንያት (ሰበብ) የሚሆኑ ነገሮዕን ለመጠቆም ካስፈለገ፤ አላህን መፍራት፡ ዝምድና መቀጠል፡ ሐላል ሪዝቅን ብቻ መከጀል እንጂ ወረቀት ኮፒ ማድረግ ዕድልን አያሰፋም፡፡ 3ኛ፡- ወረቀቱን ከማባዛት ችላ ያለው ሰውዬ በዚህ ሰበብ በዘጠነኛው ቀን ሞተ ይላል፡፡ ማንኛይቱም ነፍስ የምትሞተው አላህ የወሰነላትን ምድራዊ ቆይታ ስትጨርስ ብቻ ነው (አሊ-ዒምራን 145) ሰዓቱ ሲደርስ ወደፊት ወደኋላ የለም!! ለመሆኑ ወረቀት ኮፒ አለማድረግ እንዴት ለሰውየው ሞት ምክንያት ይሆናል? ለመሆኑ ይሄ ወረቀት ደርሷችሁ ችላ ያላችሁት ወይንም ቀዳችሁ የጣላችሁ ወንድምና እህቶች የላችሁም? 4ኛ፡- ወረቁቱን ያሰራጨ ሰው ከዚህ በፊት አይቶት የማያውቀውን ነገር ያያል፡፡ ኸይር ነገር የሚገኘው በአላህ ችሮታ ብቻ ነው። ወረቀትን በማሰራጨት የሚገኝ ዕድል ወይም የሚመጣ መአት የለም!! ሀሰትን ከማሰራጨት እንቆጠብ!! External links ☞ ሸይኽ ኢብኑ ባዝ (ረሒመሁላህ) ምንጭ፡- አል-ኢስላሙ ሱአሉን ወጀዋብ ጥያቄ ቁ 31833 https://www.binbaz.org.sa/article/26 ☞ ሸይኽ ሷሊሕ አል-ፈውዛን http://www.alfawzan.af.org.sa/node/3736 ☞ ሸይኽ አብዱልአዚዝ አሰድሀን الوصية المكذوبة للشيخ عبد العزيز السدحان https://saaid.net/Minute/mm63.htm 🍂 Lies about a dream falsely attributed to the Watchman of the Prophet’s tomb https://islamqa.info/en/31833 ✍ አቡጁነይድ Aug 4, 2018 t.me/abujunaidpost