Mr Freeman
رفتن به کانال در Telegram
Fayzbog.uz асосчиси Темур Маликнинг кичик канали. Бу ерда муаллиф ижоддан кўра кўпроқ ички дунёсидаги "мен"ига мурожаат қилади (Асосий ижодлар эса @fayzboguz каналида)
نمایش بیشتر2 554
مشترکین
-224 ساعت
-97 روز
+2130 روز
آرشیو پست ها
2 552
+1
Фаолларга қарши доимги кампанияга старт берилган шекл. Майли, бошга тушганни кўрамиз, охиригача бораман, йўлимдан қайтмайман барибир.
2 552
Ман отамни расмларини қўйганимни сабаби, одамларга унинг шифохонага борганидан аввалги ва кейинги ҳолатини кўрсатиш эди. Бу ишда охиригача бориш ва адолат тантана қилинишига эришиш учун муҳим қарор эди бу, гарчи ўзим учун оғир бўлган бўлса ҳам. Лекин шунда ҳам Файзбоғда расмни “блюр” қилиб қўйганман: яъни уни фақат кўришни хоҳлаган одамгина кўра олади, ҳамма эмас. Аммо баъзи матбуотчилар шунгаям ақллари етмай, отамни ўша кунги ҳолатини катта қилиб осиб қўйиб, ҳамма жойга тарқатиб ётишибди. Бир оғиз сўраш ҳам йўқ. Биргина “эффектуз” билан “давруз” сайтлари мақолани чиқаришдан аввал ўзим билан боғланишди. Этика қоидаси ишлаши керак-ку, ОАВ журналистларига бегона соҳа одами бўлсамам майлиди.
Шахсан менга шу сайтларнинг қўллови сира керакмас эди, ўзим ҳал қилардим муаммомни. Ҳатто ўзларига расмни ўзгартириб беринглар, деб қилган мурожаатларим ҳам самара бермаяпти. Энди бошқалар қолиб, шулар билан судлашиб юраман шекилли.
2 552
Сўнгги кунларда янги трендга эргашиб, ўз постларини “черновик” деб бошлаётган блогерларни маъмурий жавобгарликка тортиш масаласини кун тартибига олиб чиқишни таклиф қиламан🤬
2 552
Ираола қўл остидаги Борнмутга икки мавсумдан буён симпатиям юқори. Доимий юқори прессинг ва ҳужумкор ўйин фалсафасига асосланган ўйин услуби эвазига жамоа АПЛдаги исталган гранд жамоага қарши биринчи рақамли бўлиб ўйнайди, ҳеч қачон ҳимояга чекиниб, ўйин темпини бузишга ҳаракат қилмайди. Жамоа АПЛда сўнгги 12 ўйиндан бери мағлубият нималигини билмай келмоқда, бугун эса Арсенални меҳмонда 2:1 ҳисобида мағлуб этди.
Ўтган мавсумдаги ёрқин ўйинларидан кейин ярим таркиби топ клубларга сотилган бўлса-да (Кепа Арсеналга, Ҳейсен Реалга, Забарний ПСЖга, Керкез Ливерпулга, Семеньо Ситига), бу мавсумда ҳам худди ҳеч қандай йўқотишларга учрамагандек юқори натижаларни қайд этишда давом этмоқда. Ҳали мавсум сўнггида яна бир қатор лидерлари топ клубларга ўтиб кетса керак. Ираола ёш футболчиларни янги даражага олиб чиқа олиши билан танилди. У, шунингдек, ҳар қандай жамоага бош оғриқ бўла оладиган мустаҳкам тизим ярата олишини ҳам исботлади.
Бу йил ёзда ҳозирги жамоаси билан шартномаси якунига етар экан, бирон бир номдорроқ клубга ўтиб кетса яхши бўларди.
2 552
Repost from Файзбоғ (ТемурМалик)
+1
Биз билгандик, биз кутгандик
Шимолий Россиянинг бугунги репрессия машинасига старт берган “экстремист тузилмалар” ҳақидаги қонун эндиликда Ўзбекистонда ҳам амал қилиши мумкин.
Газетаузнинг ёзишича, Олий Мажлис Қонунчилик палатаси 7 апрель куни бўлиб ўтган йиғилишда Ўзбекистонда экстремизмга қарши курашиш тизимини такомиллаштиришга қаратилган қонун лойиҳасини биринчи ўқишда қабул қилган.
Бош прокурорнинг биринчи ўринбосари Баҳриддин Валиев ушбу қонун мақсадларини шарҳлаб берар экан, «норасмий тузилмалар»ни экстремистик деб тан олиш механизми ва экстремистик жиноятлар рўйхати мавжуд эмаслигини таъкидлаган.
«Жиноят кодексида фақат диний экстремизм учун жавобгарлик назарда тутилган, бошқа шакллар — миллий, ирқий, сиёсий экстремизм эса жазоланмайди ва ҳуқуқий тартибга солинмайди», — деди у.
Бу ерда асосий калит сўз — “сиёсий экстремизм” иборасига эътиборингизни қаратмоқчиман. Бугунги кунда Шимолий Россияда ҳам айнан шу қонун сабаб, кўплаб мухолифат вакиллари, нодавлат тузилмалари, сиёсатчилар, депутат ва блогерлар таъқибга учрамоқда. Ва нафақат улар, балки уларни кузатиб борадиган, постларини шарҳлайдиган ёки бўлишадиган оддий фойдаланувчилар ҳам “жиноятчига” чиқарилмоқда. У ерда бу қонун шундай абсурд даражага етганки, ҳаттоки Мета компанияси (Фейсбук, Инстаграм) ва унга ўхшаш бошқа машҳур хорижий ижтимоий тармоқлар ҳам “экстремист” деб топилиб, улардан фойдаланаётган фуқаролар ҳам жазога тортиляпти.
Деменцияга чалинган қари параноик Путинни тушунса бўлар, Россияда азалдан мавжуд бўлган фаол сиёсий жамоатчилик қўрқинчли тушларига кириб, унга кечалари уйқу бермасди. У ерда мухолифат вакиллари мунтазам равишда давлат амалдорларининг турли коррупцион схемаларини фош қилиб, минглаб одамларни кўчаларга чиқариб туришарди. Лекин, биздек “сиёсий ҳушёрлар” мамлакатига нима жин урди экан, ҳайронман. Юқори элита учун ҳеч қандай хавф мавжуд бўлмаса…
Шимолий Россияни ўрта асрларга улоқтириб, дунё ҳамжамияти ва инвесторлар наздида қўрқинчли яккамоҳов давлатга айлантирган ушбу қонуннинг бизга кераги йўқ. Бу Ўзбекистон сиёсати учун бир эмас, нақ ўн ортга ташланган қадам ҳисобланади. Агар у қабул қилинадиган бўлса, ривожланиб бораётган мамлакатимиз барча хорижий кузатувчилар ва йирик инвесторлар учун ёпиқ маконга айланади. Йўқ жойдан ўзимиз учун чоғ қазимайлик.
🔥@fayzboguz
2 552
Бундай табиаткушликка қарши жариманинг ўзи камлик қилади. Бу ишни одатда соққаси кўплар қилади, улар барча рискларни ҳисоб-китоб қилиб чиқиб, шу жаримани тўлаб ҳам охирида барибир катта плюсда қолишини билишади. Ўзбекистон экологияси жиддий хавф остида қолаётган экан, дарахткушларга қарши жиноий жазо чораларини кўриш вақти келди.
2 552
Кун латифаси: Ўзбекистон АЭС лойиҳаси учун беларуслик мутахассисларни “нейтрал” маслаҳатчилар сифатида жалб қилиши мумкин экан
2 552
28 июндан ҳайвонларга нисбатан шафқатсиз муносабатда бўлишга оид ўзгартиришлар кучга киради. Ҳайвонларни ғаразли ёки бошқа паст ниятларда қийнаш ёки уларга азоб бериш учун жарима миқдори базавий ҳисоблаш миқдорининг 7 бараваридан 10 бараваригача этиб белгиланади.
Худди шундай ҳаракатлар жарима қўлланганидан кейин бир йил давомида такроран содир этилса, ёхуд вояга етмаган шахс ҳузурида амалга оширилса ёки ҳайвонлар ўлимига сабаб бўлса, БҲМнинг 15 бараваридан 25 бараваригача жарима ёки 15 суткагача маъмурий қамоқ жазоси қўлланиши мумкин.
Тузук, анча яхшиланибди ҳолат. Лекин, жазо бунданам қаттиқроқ бўлиши керак, деб ўйлайман. Айниқса, ҳайвонларни ўлдирадиган одамлар учун. Келажакда шунга ҳам етармиз.
