TÜRKCƏ_ŞEİRLƏR
رفتن به کانال در Telegram
238
مشترکین
اطلاعاتی وجود ندارد24 ساعت
اطلاعاتی وجود ندارد7 روز
اطلاعاتی وجود ندارد30 روز
در حال بارگیری داده...
کانالهای مشابه
هیچ دادهای
مشکلی وجود دارد؟ لطفاً صفحه را تازه کنید یا با مدیر پشتیبانی ما تماس بگیرید.
ابر برچسبها
هیچ دادهای
مشکلی وجود دارد؟ لطفاً صفحه را تازه کنید یا با مدیر پشتیبانی ما تماس بگیرید.
اشارات ورودی و خروجی
---
---
---
---
---
---
جذب مشترکین
ژوئیه '24
ژوئیه '24
+5
در 1 کانالها
ژوئن '24
+16
در 1 کانالها
Get PRO
مه '24
+15
در 1 کانالها
Get PRO
آوریل '24
+10
در 1 کانالها
Get PRO
مارس '24
+31
در 2 کانالها
Get PRO
فوریه '240
در 1 کانالها
Get PRO
ژانویه '24
+30
در 2 کانالها
Get PRO
دسامبر '230
در 1 کانالها
Get PRO
نوامبر '230
در 2 کانالها
Get PRO
اکتبر '230
در 1 کانالها
Get PRO
سپتامبر '230
در 0 کانالها
Get PRO
اوت '230
در 0 کانالها
Get PRO
ژوئیه '230
در 0 کانالها
Get PRO
ژوئن '230
در 0 کانالها
Get PRO
مه '230
در 0 کانالها
Get PRO
آوریل '230
در 0 کانالها
Get PRO
مارس '230
در 0 کانالها
Get PRO
فوریه '230
در 0 کانالها
Get PRO
ژانویه '230
در 0 کانالها
Get PRO
دسامبر '220
در 0 کانالها
Get PRO
نوامبر '220
در 0 کانالها
Get PRO
اکتبر '220
در 0 کانالها
Get PRO
سپتامبر '220
در 0 کانالها
Get PRO
اوت '220
در 0 کانالها
Get PRO
ژوئیه '220
در 0 کانالها
Get PRO
ژوئن '220
در 0 کانالها
Get PRO
مه '220
در 0 کانالها
Get PRO
آوریل '220
در 0 کانالها
Get PRO
مارس '220
در 0 کانالها
Get PRO
فوریه '220
در 0 کانالها
Get PRO
ژانویه '220
در 0 کانالها
Get PRO
دسامبر '210
در 0 کانالها
Get PRO
نوامبر '210
در 0 کانالها
Get PRO
اکتبر '210
در 0 کانالها
Get PRO
سپتامبر '210
در 0 کانالها
Get PRO
اوت '210
در 0 کانالها
Get PRO
ژوئیه '210
در 0 کانالها
Get PRO
ژوئن '210
در 0 کانالها
Get PRO
مه '21
+180
در 0 کانالها
| تاریخ | رشد مشترکین | اشارات | کانالها | |
| 21 ژوئیه | 0 | |||
| 20 ژوئیه | 0 | |||
| 19 ژوئیه | 0 | |||
| 18 ژوئیه | +1 | |||
| 17 ژوئیه | 0 | |||
| 16 ژوئیه | 0 | |||
| 15 ژوئیه | 0 | |||
| 14 ژوئیه | 0 | |||
| 13 ژوئیه | 0 | |||
| 12 ژوئیه | 0 | |||
| 11 ژوئیه | 0 | |||
| 10 ژوئیه | +1 | |||
| 09 ژوئیه | 0 | |||
| 08 ژوئیه | 0 | |||
| 07 ژوئیه | 0 | |||
| 06 ژوئیه | +1 | |||
| 05 ژوئیه | 0 | |||
| 04 ژوئیه | 0 | |||
| 03 ژوئیه | 0 | |||
| 02 ژوئیه | +2 | |||
| 01 ژوئیه | 0 |
پستهای کانال
🎀 #تورکجه_شعرلر
🦋🌼 @TURKJA_SHERLAR 🌼🦋
بئينيمده ساوالان گؤزۆمده آراز
يوْل آليب گئديرم دوماندا-چنده
درديمی سيزلايێر بير صدفلی ساز
نسيگيله بوْيانێر ماهنێدا منده
ساغێمدا يارادێر سوْلومدا يارا
باغلانێب آياغێم كؤچه بيلميرم
سنه كؤرپۆلَنن قوْلومدا يارا
بو سێنێق كؤرپۆدن كئچه بيلميرم
اۆزۆمۆ دؤندريب خزره سارێ
سێنێرام ايچيمده آيلی بير گئجه
گؤزۆمده سۆرگۆندۆ دورنا قاطارێ
يايێلێملێ بير گئجه، يايلێ بير گئجه
حسرتله دايانێب بير آه چكيرم
آرزێمێ گؤزۆمده سئله دؤندهرير
ساحيلدن-ساحيله گۆناه چكيرم
باغرێمێ ياندێرێب كۆله دؤندرير
بير قوْشما يازيرام يارێسێ سۇدا
يارێسێ توْپراقدا اوْد دۇتۇب يانێر
بارماغێم آز قالێر سنی اۇنودا
بلكه ده وئرديگی ايلقارێن دانێر
بلكه ده يازێمێز يازێلمێش بئله
بلكه ده ساوالان سێغمايێر منده
اۆرهییم توْخونور تیکانلی تئله
دۇماندا یاغێشدا بوْراندا چنده
✍ #اوزان_بابا
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋
| 2 | 🎀 #تورکجه_شعرلر
🦋🌼 @TURKJA_SHERLAR 🌼🦋
بو نه تهر داریخماقدی
آخی، بئله کیم داریخیر؟!
جیبیمده الیم داریخیر
آغزیمدا دیلیم داریخیر
داریخیر قابیم – قاشیغیم
داریخیر یورغان – دؤشهییم،
ائوه گلسم، ائو ائشیییم
یول گئتسم، یولوم داریخیر
یولوما قیزلار چیخسالار
گولوب اوزومه باخسالار
یاخاما بیر گول تاخسالار
یاخامدا گولوم داریخیر
هارا آتیم بو کدری،
یوخ حسابی یوخ قدری
گؤرونور، مندن اؤته ری
هارداسا اؤلوم داریخیر...
✍ #رامیز_روشن
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 3 | 🎀 #تورکجه_شعرلر
🦋🌼 @TURKJA_SHERLAR 🌼🦋
سحـرین آخشامی وار دوز هله آخشام اولاجاق
گونگئدر آخشاماولار اولدوزونان آی دوغاجاق
دؤز داریخمــا بو قــرا چولــده ایه مانقـوردوار
بو قـرا گون گدجاق گون دوغاجاق آی باتاجاق
دوره دونیـا دولانیـر هـی آیـا گون گون دن آیـا
بیـزه هر یتـدی گونه بیر سحر آخشام اولاجاق
گون باتانـدا ایری گـون آیـدینین آخشامـی گلر
آیدیـن اولسـا بو گوزم بیر نفر آیدین گورهجاق
او گــوزل گلسـه اگر آیــدین ائهلــر گوزلــریمی
آیـدا گونلــر سایــارام بلکـه گئـدن یار گلهجـاق
مـن دوعــا ایلیــهرم تا کـی باشـی ساغــدا قالا
بولمـورم هـاردا قالیـب تئـز اولاکـی او گلهجاق
گینـه آیدیـن گلهجاق بـو جانیمـا جـان گلهجاق
هرگونآغشاماولاجاقهرگئجه اولدوزدوغاجاق
آیبیر هر گون گئدیسن سن باخیسان یوللارینا
گورسـن بیر گـون اولار آی بیـر اوله یا گلهجاق
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 4 | 🎀 #تورکجه_شعرلر
🦋🌼 @TURKJA_SHERLAR 🌼🦋
او ســـر زلفـــوہ مشاطــہ، پــرے شانــہ ويــرار
چـوخ ستمگــردے پريشــانے پريشــانہ ويـــرار
گـــؤرورم قتليـــمہ آمـــادهدے جـــلاد گــؤزون
تـرڪ بـد مسـت تـڪ، ال خنــجر بــرانہ ويرار
حلقـہی زلـف گـره گيريـدہ باغـلانــدے كـؤنول
اؤز اؤزون گـؤر نئجـہ زنجيـرہ بو ديوانہ ويرار
لوح رخسـاريوے دوتمـوش او خطا كار خطون
قويمــا بيگانــہ اليـــن سيــب زنخــدانہ ويــرار
آلميســان يانــوہ گــؤردوم گئجــہ رؤيـادہ منی
اؤزوم اؤز بختيمـے بوللم، بو يوخے يا نہ ويرار
لبلــرون فكــرے منـہ قوت دل اولسـا نہ عجب
طعنــہ ياقــوت لبــون لعـــل بــدخشانــہ ويرار
شيخصنعان كيمی هركيمسہ سنےگؤردے دئدی
عاقبـت رخنــه بــو ترســا بچـہ ايمانــه ويـــرار
ناوڪ غمـــزون ايچــر قانيمـے اے قاشـے كمان
چشـم مستـون كيمـے مخمـوردے، پيمانہ ويرار
يانــارام آتــــش هجــرانـــوہ بـــاڪ ائيلهمهرم
شعلـہی شمعـہ اؤزون رسمیــدے پروانـہ ويرار
زاهـدون كفرينـہ عشقيـم وئرے فتواے صريـح
كافــر عشقــہ باخــون، طعنــہ مسلمـانـہ ويرار
وار اميــديم ســالا "صـراف" الـہ بيــر سرمايـه
سكــہی عشقـے ز بــس نقــد دل جانـــہ ويــرار
✍ #صراف_تبریزی
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 5 | 🎀 #تورکجه_شعرلر
🦋🌼 @TURKJA_SHERLAR 🌼🦋
باجارا بیلمیرم اؤزوم اؤزومله
سونسوز عذابینا دؤزمڪ چتیندی
عشقین بیر دریادے، اوزمڪ چتیندی
سنسیز بو دونیادا گزمڪ چتیندی
باجارا بیلمیرم اؤزوم اؤزومله
وئردیگین عذابے، دردے اودورام
سندن سئوگے دولو دونیا اومورام
هر گون یولون اوستہ گلیب دورورام
باجارا بیلمیرم اؤزوم اؤزومله
بیر واخت مورادیما چاتاجاغام من
بو سونسوز حسرتے آتاجاغام من
ووصال خولیاسییلا یاتاجاغام من
باجارا بیلمیرم اؤزوم اؤزومله
هارداسان، گؤزلیم؟! گل، دئییب - گولڪ!
تڪ سنین عشقینلہ دؤیونور اورڪ
واخت ایڪن سهو ائتدیڪ، باریشاق گرڪ
باجارا بیلمیرم اؤزوم اؤزومله
سنسن اوشاقلیغیم، سنسن گنجلیگیم
منیم نہ حدّیم وار ڪوسوب اینجیییم؟!
منیم سعادتیم، منیم دینجلیگیم!
باجارا بیلمیرم اؤزوم اؤزومله...
✍ #ظاهیر_عباس
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 6 | 🎀 #تورکجه_شعرلر
🦋🌼 @TURKJA_SHERLAR 🌼🦋
سنسیز نه یئسم، غصّه و غم، درد ایله قاندیـر
گلـگیل، دوداغیــن شربتینــه جانیمــی قاندیـر
وصلینــدن ایـراق ائیلهیهلـی جانیمــی، تقدیــر
ایشیـم دونــو گــون آه ایله فریـاد و فغــاندیر
ای سـرو روان، باشیمـا لطف ائیلـه، قــدم باس
گؤرکیم، نئجه عئینیمدن ایکی چشمه رواندیر
وصلیـن دیلهرم، جان و جهان اولماسا غم یوخ
عاشقلرینــه وصــل رخــون جــان و جهــاندير
برقـع گؤتـور، ائی شمس و قمر چهرهلی، خلقی
پروانــه کیمــی، شمــع رُخــون نارینــه یاندیـر
ای خرقــه گئیــن، یـولووروجو، زاهد سالوس
شرکینـدن آریـن، خرقهنـی گل، وحدتـه باندیـر
زلفونـلا رخـون هر نئجه کیم، مصحفه باخدیم
گؤردوم کـی، اونون سـورهلری نور و دخاندیر
تحـقیقــــه ایـرن طایفـهیــه هرگـــز اولاشمــاز
تشکیـکله قالانیــن ایشـی تقلیــد و گمــاندیـر
یالانچــی منافقدیــر، اونــون یوخـدور ایمانی
ای غافـل، اویـان، کؤنلونـو غفلتــدن اویاندیــر
ای عاشقــه کافــر دئیــن، ایمانـــا گــل، اوتــان
کافـــر دئمــه عاشقلــره! نیچــون کی، یالاندیـر
عشقینــده «نسیمــی» اولالــی خلقـــه ملامـت
مشهـــور جهــان اولدوغـــو، عالمــده عیاندیـر
✍ #سید_عمادالدین_نسیمی
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 7 | 🎀 #تورکجه_شعرلر
🦋🌼 @TURKJA_SHERLAR 🌼🦋
گوزلیم عاشیقینی سالما نظردن
حسرتيندن اؤلورم، گل بيزه هردن
سنه چوخدان وورولوب بو دلی کؤنلوم
نئيلهييم کی خبرين يوخدو خبردن
گل منه ناز ائلهمه آی دلی جئيران
او قارا گؤزلرينه اولموشام حيران
بير دونوب باخماق ايله جانيمی آلدين
منی مجنون ائلهييب چؤللره سالدين
من اينانديم سنه، اؤز کؤنلومو وئرديم
منی آتدين گئديب اغيارايله قالدين
گل منه ناز ائلهمه آی دلی جئيران
او قارا گؤزلرينه اولموشام حيران
سن گزيرسن گؤزليم غير ايله منسيز
يوخو گئتمز گؤزومه بير گئجه سنسيز
اؤزون اينصاف ائله اي سئوگيلي دلبر
هانسیج بولبول ياشايار باغ و چمنسيز؟
گل منه ناز ائلهمه آی دلی جئيران
او قـارا گؤزلرينه اولموشام حيران
✍ #علی_آقا_واحید
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 8 | 🎀 #تورکجه_شعرلر
🦋🌼 @TURKJA_SHERLAR 🌼🦋
كئچن گونه گونلر چاتماز
گونو گونه جالاسان دا
دردلی آدام گجه ياتماز
شيرين لايلا چالاسان دا
اؤز دردينی اؤزون اويوت
آلما حئیوا وئرمز سؤيود
آنلامازلار آلماز اؤيود
شاهمار اولوب چالاسان دا
سفيل شئنلیک آغلار گولمهز
نانجيبلر دوسدو بيلمهز
فانی دونيا سنه قالماز
آلتون وئریب آلاسان دا
✍ #سفیل_شنلیک
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 9 | 🎀 #تورکجه_شعرلر
🦋🌼 @TURKJA_SHERLAR 🌼🦋
تیترهییر دوداغیم، تیترهییر دیلیم،
باغیشلا آللاهیم، سوچلار یاپمیشام!
دیلیمده بیر سؤز وار، دئیه بیلمیرم،
بیر کئفلی آغاجین اوزون اؤپموشم.
داغدا سرخوش آخان سرین بولاغلا،
یوز کره قویموشام دوداق دوداغا.
چمن مئحرابیندا بیر تر گول ایله،
دلیجه قویموشام یاناق یاناغا.
سحر، شفق آتیب گون یاییلاندا،
طبیعت قیزینا وورغون اولموشام.
آخشام قاش قارالیب شر قاریشاندا،
اورهییم سیخیلیب، پوزغون اولموشام.
گئجهلر تانرینین یالقیزلیغینا،
اورهییم سیخیلیب، قانیم قارالیب.
هر کیمین اوزونده کدر گؤرموشم،
کؤنلومون داغینی دومان-قار آلیب.
یوخودا گیرمیشم جنّت باغینا،
بیر تایسیز، سئومهلی ملک سئچمیشم.
قارنیم یاسدان چیخا، کوثره دوغرو-
وارمیشام، دویونجا شراب ایچمیشم.
جنّت شرابیندان سرخوش اولارکن،
کؤک سالیب کؤنلومده بیر دلی سئودا.
نه موتلویام دئیه، یوخودان دوروب
قالمیشام اود ایلا سو آراسیندا...
✍ #میرحسین_دلدار_بناب
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 10 | 🎀 #تورکجه_شعرلر
🦋🌼 @TURKJA_SHERLAR 🌼🦋
قێزمار گۆنش آلتێندا
بیچینچیلر اوْت بیچَر
اوْتلارێن آراسێندا
دَریاز شوْتتۇیۇب گئچر
گلیب اوْت بیچه اوْختای
الینده وار بیر اوْراق
آتاسێندان اؤرگـنیب
اوْت بیچمَـڲی بو قوْچاق
آرزو ائدیر یئکهله
آلا الینه دَریاز
بیچینچیلر یانێندا
اؤزۆن گؤرسهده بیر آز
✍ #نیره_جاهد
ــــــــــــــــــــــــــــــــــــــــــــــــــــــــــــــــ
دَریاز: آیاق اۆستو اوْراق
شوْتتۇیوب: سرعتله بیچمک
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 11 | 🎀 #تورکجه_شعرلر
🦋🌼 @TURKJA_SHERLAR 🌼🦋
آشیق قارداش نه موددتدی قالمیشام
سازلی، سوزلی، بیر دیلغمه تامارزی
یارالی میضرابدی، قلبیم ائله بئل
بارماغا تامارزی، سیمه تامارزی
دونوبدو قلبیمده غم، سئله قارداش
بو غمی قلبیم دن، کیم سیله قارداش
کیم، بَمَه وورغوندو، کیم ذیله قارداش
من ذیله تامارزی غمه تامارزی
حسرت کونلوم، یولسوز ایزی بیر قالا
یاندیر منی کرمیده بیر قالا
عومور بویو گورمهدییم بیر قالا
یا غم ائله، یا دیلغمه، تامارزی
"ممدائلقار" مطلبینه توش گئدر
دیل غمیده، عاغیل گئدر هوش گئدر
اینصاف ائله تانری یادا خوش گئدر
قویما قالاخ بیر دیلغمه تامارزی
✍ #حسرت_معلیم
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 12 | 🎀 #تورکجه_شعرلر
🦋🌼 @TURKJA_SHERLAR 🌼🦋
یئنه قریب دۆشدوم سندن
باشی دومان اوجا داغلار
گؤز یاشلارین قورومادی
حسرتی بول قوجا داغلار
سنده گزیب قاچیشنده
یوردان یوردا کوچوشنده
ککلیک لرین اوچوشنده
عظمتلی هاچا داغلار
سال قایالار باخیر مغرور
اورک لری یاخیر مغرور
شمشکلرده چاخیر مغرور
گدیک بنزهر ساچا داغلار
مظاهر ده بئله گؤردو
ائلدن ائله کوچون سوردو
قلبینده بیر آرزو هوردو
سن لایقسن تاجا داغلار...
✍ #مظاهر
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 13 | 🎀 #تورکجه_شعرلر
🦋🌼 @TURKJA_SHERLAR 🌼🦋
قایدادیر دونیادا قیمتسیز اولان
چالیشار اوُزونه قیمت آختارار
اوُلومدن خبرسیز آج گوُز اولانلار
اوُلسه مزاردادا ثروت آختارار
آجیلی، شیرینلی، کئچیر زامانلار
گاه آغری یاغدیریر، گاه شیرین آنلار
آتادان، بابادان اینسان اولانلار
خاطرهباز اولار، حورمت آختارار
توُهمت، دوز اولانی یاندیریب، یاخار
وفاسیز دار گونده اوزاقدان باخار
بعضیلر ساغلیقدا هر ایشدن چیخار
پیس، پیس اوُلندهده رحمت آختارار
"اومودام" نه شاختا نه قار دلیسی
چیچک وورغونویام، باهار دلیسی
نه پول عاشیقییام، نه وار دلیسی
اورهییم ساز گزیب، صوُحبت آختارار
✍ #اومود_قاراداغلی
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 14 | 🎀 #تورکجه_شعرلر
🦋🌼 @TURKJA_SHERLAR 🌼🦋
ائلـہ بیلدیـم بـو باهار، چاتدیـراجـاق یـارہ منی
نہپاییز واردے نہقیش،ڪیمدوشورَر دارہ منی
دولانیـب چرخے زمان، نازلے باهار اولدو خزان
نـہ بیلردیـم آتاجاق، بیــر گون او مہپـارہ منـی
عالمـے بیر توڪومہ، قوربان ائدن سئوگیلے یار
ییخیلینـجا ساتاجــاق، اوزگهیـہ، اغیــارہ منـی
سانمازیدیـم جانیمـا، آنـد ایچن اول نازلے نگار
اونـودوب عهـدے ساتا، باشقـا بیـر ایلقارہ منی
ییخیلینجــا نہ یامـان، اوزگـهلَشیر دوغمـا دیار
سانکی هئچ کس تانیمیر، اوشانلی شهزادہمنی
گزیـرم تڪ باشیـما، هـر خیاوان هر ڪوچهنی
بو سـویوق قیـش ائدهجـڪ، غربتہ آوارہ منی
یاراسیـن باغلادیغیم، دوستلارا آچدیم یارامی
ائتـدے بئل باغلادیغیـم، آخـر اوزوز قـارہ منی
هئچ گؤرونمورگؤزومہ،گئتمہ گؤزومدن دییَنیم
یاشـلے گؤزلـر ائدهجڪ، رسـوا بـو بیچارہ منی
هئچ سوروشمور کئفیمی ساغلیغیمابادہ ووران
آپاریـب زَهلمـے دوست، یار گتیـریب زارہ منی
بو سویـوق اللریمــے، توتدوغـوم اللـر تانیمـــاز
گوناوگوندور چکجک، توتدوغوم اَل دارہ منی
یـازاجاقــلار منـــے دہ، اؤزگــــور آدیلا غزلـــه
ماهنیلار پاے وئرهجڪ، ڪمانچایا، تارہ منی
✍ #علی_حق_نظری
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 15 | 🎀 #تورکجه_شعرلر
🦋🌼 @TURKJA_SHERLAR 🌼🦋
هر سحر واختینـدا کیم بولبـول فغانین باشلار
آهیـم آرتار، شؤیلـه کیم آخار گؤزومدن یاشلار
گـؤر نئجـه فریـاد ائدر ییچـاره بولبول دردایلن
کیــم اونــون فریادینــا افغانــا گلــدی داشـلار
بیلمـزم زولفـون مودور هر تارهسینی دام ائدن
یوخسا جانا قصدائدن گؤزونمودور یا قاشلار
کؤنلومـون شیشهسینـه پرِّ مگس دَیسه، سینار
ای حبیبیم، بس نهدندیر سن آتارسان داشلار؟
چونکی من مجنونا وئردیم حالِمجنوندانخبر
اول سببدن کیـم، اونونـلا اولموشوق آداشلار
هارداکیم لیلی اولورسا، اوردا بیرمجنون اولور
هـاردا کیـم بیر گنـج آچیلسا، اوردا ایتر باشلار
بـارک الله! دستِقدرت طُرفه یازمیش نقشینی
آفــرین اول نقشــه، کیـم عاجـز قالیـر نقّاشـلار
ترکِجان قیلدی نسیمی،کئچدی باشینداندخی
هـاردا قالــدی آتا-آنا، قـــوم ایلـــه قارداشـلار؟
✍ #سید_عمادالدین_نسیمی
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 16 | 🎀 #تورکجه_شعرلر
🦋🌼 @TURKJA_SHERLAR 🌼🦋
بير وفالى ڪونول اولسا دئیهرم
داریخما سؤيلهرم یئنہ درديمى
اوزاقدا قالسامدا، غمين چڪيرم
باغلاسان چڪمز هئچ فيله دردیمی
ائلہڪے عشقيندن سؤزلر يازیرام
سنے گؤرجڪ اود توتورام یانیرام
زولفون دام، لبلرین دانہ سانیرام
آى ائللر! دئيیرم ڪيمہ درديمی
من احمدم اليف قديم، دال اولدو
هانے بسلهدیگیم گولوم نئجہ اولدو
نهدن دؤندو وفاداریم نہ اولدو
سؤيلهرم وفاسیز يئلہ دردمی!
✍ #یالقیز_احمد
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 17 | 🎀 #تورکجه_شعرلر
🦋🌼 @TURKJA_SHERLAR 🌼🦋
جوانليقين داها گئتدی، قاییتماز
باشین أسر ايلدن، ايله قوجاليق
يا قيسمتكی اصيل اولا اوغول، قيز
دوشمهيهسن ألدن، أله قوجاليق
اولوبدورسا خلقه سنين خيدمتين
انسان كيمی باها اولار قيمتين
جوانليقدا وارسا خاطير حورمتين
آغ ساققالسان إئلدن، إئله قوجالیق
هانی قافدان، قافا کؤچن گونلرين
آتان ووران، توتان، بيچن گونلرين
أله گلمز گئتدی، کئچن گونلرین
قاریشارسان کولدن، کوله قوجالیق
ألين چاتا يا چاتمايا بئشیه
اؤسكورنده گلين قووار إئشییه
سارساق اوغول، سوخار دلیک دئشییه
آتيلارسان چؤلدن، چؤله قوجاليق
أزل گوندن بئله یازیب او یازان
آخر گليب سنی تاپير يول آزان
ای آزافلی چوخ غم يئمه آد قازان
سؤزون دوشسون ديلدن، ديله قوجاليق
✍ #ميكاييل_آزافلی
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 18 | 🎀 #تورکجه_شعرلر
🦋🌼 @TURKJA_SHERLAR 🌼🦋
وفاسیز باجیدان، نااهل قارداشدان
یئر اوستونده اولان، داش یاخشی اولار
ایکی اوزلو یئزنه، یامان گلیننن
مزارلیقدا جانسیز، لاش یاخشی اولار
حایاتدا اولاندا، قیمتیمی بیل
محببتیمی گؤر، گل اولما بخیل
من اؤلنن سونرا، اولسان رود نیل
کوللری توکمگه، باش یاخشی اولار
تانریم یئر اوستونده، انسان یارادیب
یاخشینی خلیفه، یزدان یارادیب
قانمازی مثاله حیوان یارادیب
قانماز قورولاردان، یاش یاخشی اولار
صنم اورگینی بوشالدیر سیزه
سئوگینی آنالار بخش ائدر بیزه
قیزینی دؤیمهین، دؤیهجک دیزه
سئوگیسیز اینساننان، داش یاخشی اولار
✍ #صنم
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 19 | 🎀 #تورکجه_شعرلر
🦋🌼 @TURKJA_SHERLAR 🌼🦋
بوردا بیتدی ایلین سون حیکایهسی
نهلر نهلر سوودوق بلالی باشدان
یازیندان بللهنر ایلین یاخشیسی
اولموش فصیللرین اوریی داشدان
باهارخانیم گلیر یوخسا بایرام بی
یقین ائلچی گلیر بایرام، باهارا
بیاض گوللر سپیر، اونون باشینا
سون قویور سویوغا، بورانا، قارا
باهار اَتهییندن باری بیر نوغول
اکیب آغزیمیزی شیرین ائدهیدیک
ایلین سونونادک بو داد قالایدی
یازین سارایینا قوناق گئدهیدیک
حایاتیمیز قاردا، شاختادا کئچدی
نهدن یاشامیمیز، یازالمادی هئچ؟
بو گونون دردینه، رامیز دئمیشکن
بس نییه دردیمیز آزالمادی هئچ؟
دردلیلر دئیینگن اولور دئییرلر
سؤیلهدیکجه جانیم نیسگیلدن اسیر
قورتارسا شاختاسی، بو قارا قیشین
یازا قووشماغا کؤنلوم تلهسیر!
✍ #هایده_بلوکی_اؤزلم
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
| 20 | 🎀 #تورکجه_شعرلر
🦋🌼 @TURKJA_SHERLAR 🌼🦋
مین رنگه چالیر آیایشیقی بو گئجه
کیمیسینه ماوی
سنه بیاض
اونلارا قره قورخولو سیاه
منه یام یاشیل!
حیرته دالیب باخیشلار
حسرته دولوب گؤزلر
سن وارسان، هر یان یاشیل
سن وارسان دنیزلر ماوی
گؤیلر ماوی
سن وارسان بیاضلارا بویانیب دونیا
سن اولماسان
قره قورخولار آت اویناداجاق گئنهده
اولکی
قیزلاریمیز الوان گئیینسین
گلینلریمیز قیرمیزییا بورونسون
آنالار آغ کؤینکلرینه چؤهرایی گوللر اکسین
بالالاریمیز اتک-اتک گول درسین،
چیچک قوخلاسین
گونه باخانلاریمیز سحرین گونشینه اویانسین
تکی سن اول، یئتر دونیا منه!
✍ #یعقوب_نامی
☘
✨🌸
🌺🌾☘🍃
🍃🌹🌻🍂🌻🌹🍃
🦋🌼 @TURKJA_SHERLAR 🌼🦋 | 0 |
