Ассаляму'алейкум

Аллааһу ләәә иләәһә илләә һуәл-хәййуль-қоййуум, Алла, Одан басқа құдай жоқ. Ол – Хай (мәңгі тірі), Қаййум (еш нәрсеге арқа сүйемей күллі болмысты бір Өзі тіреп, меңгеріп тұрушы). ләә тәъхузуһуу синәтуу-уә ләә нәуум, Ол әсте қалғымайды, Оны (ғапылдықта,) ұйқы да баспайды. ләһуу мәә фис-сәмәәуәәти уә мәә фил-әрд, Күллі аспан әлеміндегі һәм жердегі барлық нәрсе бір Өзіне тиесілі. мән зәл-ләзии яшфә‘у ‘индәһууу илләә биизниһ, Оның дәргейінде рұқсатынсыз біреу үшін шапағат етіп, ара түсе алатын кім бар? яʻләму мәә бәйнә әйдииһим уә мәә холфәһум, Ол күллі жаратылыстың алдындағы болашағын да, артындағы өткенін де толық әрі жақсы біледі. уә ләә йухиитуунә бишәйим-мин ‘илмиһиии илләә бимәә шәәәъ, Ал олар болса, Оның шексіз ілімінен еш нәрсені толық ұға да, меңгере де алмайды, тек Оның Өз қалауымен ұғындырып, үйреткен нәрсесі болса, оның жөні басқа. уәсиʻа курсиййуһус-сәмәәуәәти уәл-әрдо Оның (шексіз билігінің көрінісі болған) Күрсісі күллі аспан әлемі мен жерді толық қамтыған. уә ләә яуудуһуу хифзуһумәә, Күллі аспан әлемі мен жерді қызғыштай қорып, сақтап тұру Ол үшін бұйым емес, уә һуәл-’әлиййуль-'әзыйим. Ол – Али (бәрінен биік, асқақ), Азим (бәрінен ұлы).