🌐Osh_Tv

КАТУУ ЫСЫКТАН САК БОЛУҢУЗ

ЭЛДИК ВИДЕО: ЭМНЕ МЫНЧА КАРАҢГЫБЫЗ…Мал десең арданышат. Анан мамлекет иштебейт, баары сынык, эски деп наалыйбыз. Бир жагынан жасаса, бир жагынан талкалашат. Жапайылар деген Таттыбү Назаркулова аттуу фейсбук колдонуучусу.

Ошто түнкү клубунун күзөтчүсү жана официанты баңгизат сатууга шектүү деп кармалды. Бул окуя кыргыз бийлиги баңгизатка каршы аёосуз күрөш жарыялап жаткан учурга туш келди. Соңку учурда дүйнөнүн баш оорусу болуп жаткан синтетикалык маңзаттын курамы Кыргызстанга кантип кирип жатат?

Кыргызстанга жумуртканы импорттоого жарым жылга чектөө киргизилди. Бул тууралуу министрлер кабинетинин тийиштүү токтому жарыяланды. Мындай чечим жергиликтүү ишкерлердин кайрылуусунан кийин кабыл алынган. Алар ички муктаждыкты толук камсыздай алышарын айтышкан. Максаты — азык-түлүк коопсуздугун камсыз кылуу, бааны турукташтыруу жана жергиликтүү өндүрүүчүлөрдү колдоо болуп саналат. Республикада канаттуулар чарбачылыгы кандай өнүгүүдө.

❗️Курман айт намазы быйыл Эски аянтта окулбайт Муфтият айт намаздар жер-жерлердеги жума мечиттерде окуларын билдирди. Мындай чечим тиешелүү органдар менен бирге коопсуздукту сактоо максатында кабыл алынган. Баяндар саат 06:15те башталып, айт намаздын өзү 07:30да окулат.

Медицина кызматкерлерине кол салып, оор жаракат келтирилсе 5 жылдан 8 жылга чейин эркинен ажыратылат. Мыйзам долбоору дарыгерлерге иш учурунда кол салгандардан коргоо жана алдын алуу максатында депутаттар тарабынан сунушталууда. Аталган мыйзам долбоору Жогорку Кеңештин Социалдык саясат комитетинде 1-окууда кабыл алынды. Дарыгерлер, бул мыйзам күчүнө кирип калса өмүрүбүз коопсуз болмок дешет. Ал эми укук коргоочулар болсо иш учурунда кол салгандарга мыйзам бар экендигин айтып, бул бири-бирин кайталаган мыйзамдардын катарында экени айтышууда.

Жалал-Абад облусунун төрт районунуда 26 миң гектардан ашуун аянтты кооптуу чегирткелер каптады. Аймакта жайытты тазалоо иштеринин 98% аяктап калганы айтылды. Чегирткелер айыл чарба талааларына жеткен эмес. Адистер чегирткени химиялык ууландыруу менен гана жок кылса болоорун айтышат. Акыркы жылдары облуста чегиртке баскан аймак кеңейип жатат.

Бойдокторго жөнөтүп кой 👌🏻😁

❗️ӨКМ бүгүн түштөн кийин күндүн көзү бузуларын айтып, 12-13-июнь нөшөрлөп жамгыр жаай турганын эскертти Мындан улам тоолуу аймактарда сел жүрүшү, дарыяларда суунун деңгээли көтөрүлүшү ыктымал. ӨКМ сел, суу каптоонун алдын алуу үчүн арыктарды, суу өткөрүү түтүктөрүн тазалоону сунуштады.

❗️Баткенде Коргоо министрлигинин аскери жол кырсыгына кабылып каза болгонун ишенимдүү адамдар кабарлады Авария 8-июнда Ош — Раззаков трассасында болгон. Жол кайгуул милициясы билдиргендей, Honda Civic машинасынын айдоочусу рулду башкара албай калып, унаа аласалып кеткен. 31 жаштагы кичи сержант мүрт кеткен. Ал эми айдоочу ар кандай жаракат менен ооруканага жаткырылган. Учурда тергөө иштери жүрүүдө.