GoldRacing資訊站

Ep. 88 - Chain Challenge (Ft. Kenson & Leo) 片中言論僅代表Tony立場，我哋絕對係呢位respect馬主嘅🙏不如一人講一個Tony認為佢唔係大馬主嘅原因？想知Tony講咗咩就要睇啦🤫 YT: https://youtube.com/shorts/t7WIPtDjggw

9月所有賽事跑完，睇吓知舍POG成績，Edward暫時以6420分放頭，領先南總大約800分，頭7名都超過4000分。

【安全車得手】Star Spot攻下芙蓉錦標 返嚟日本戰報，第一節先睇2歲組4場賽事。

【三顧香港】「遠飛標槍」跳過育馬者盃 準備再挑戰香港瓶 七歲賽駒 「遠飛標槍」（Giavellotto）今月初於巴登大賽跑獲殿軍後，就未有上陣。練馬師布銘球表示該駒下仗為 12 月嘅 2400 米一級賽香港瓶。

【留英作戰】「公路雄威」放棄墨爾本盃 改以英國冠軍長途盃為目標 「公路雄威」今個月喺奧璇璧胯下攻下一級賽英國聖烈治錦標，寫下三連勝同時造就對方成為首位奪得英國經典賽嘅女騎師。

【換人攻堅】杜滿樂秋季到日本客串 策「北十字星」攻秋季天皇賞 現時長駐法國嘅騎師杜滿樂今年將再次到日本客串，會由 10 月 31 號策騎至年底嘅有馬紀念賽馬日（12 月 27 號）。而春古馬三冠獲兩冠一亞嘅「北十字星」（Croix du Nord，クロワデュノール）亦會交由其操刀。

【查找不足】香港馬會調查季初投注額下跌之原因 馬季開始後，六個賽日中，有五個賽日比去季同期相比有所下跌。剛過去嘅周日賽日中，11 場賽事投注額合共約 13 億 5900 萬港元，比上季同期下跌 11.5%。據 SCMP 報導，應家柏表示其團隊正調查原因。

想玩競聯嘅朋友就嚟報名啦！今年嘅競聯正賽延續上年嘅全新賽制之餘，仲有新嘅網站同大家見面，外圍賽賽制維持不變，想同一眾馬評家鬥法證明自己就嚟啦！ 正賽玩法可以睇返上年呢條片：https://youtu.be/RFAexOweeeo 報名網站入面有齊晒賽程同埋玩法：https://game.goldracinghk.com/ 另外今年會有telegram自動提醒嘅系統，特別提返各位，如果你唔綁定telegram嘅話，就要自己記返啲參賽日期同截止時間啦！有咩唔明就直接dm我哋嘅tg channel問啦！

【天氣如何】隆尚周三或四有陣雨 無阻隆尚掛好地牌 歐洲頂級 2400 米一級賽凱旋門大賽將會喺星期日於隆尚馬場上演，每年場地如何都成為焦點。今年場地預計會係好地或好至快地。

【你來我往？】日本政府徵收 JRA 額外稅助本地農業 JRA 獲准加開賽日 日本首相高市早苗日前於其社交媒體談論日本農業政策，並提出政府將撥額外 1.3 兆日圓（約 497 億港元）推動多項農業改革。

【馬匹退出】 R5 14 精算奕然 退出 (發燒)，勝萬家 (霍宏聲) 補上。

【不復當年勇】九歲「樂觀派」日前落敗 退役與否今周內決定 澳洲九歲賽駒「樂觀派」（Mr Brightside）日前出戰 1600 米二級賽飛行錦標，雖然直路前一度逼近最終同為九歲嘅頭馬「珍蓮驕驥」（Pride Of Jenni），不過直路走勢平平，包尾而回。

【知舍排位 - 7】20261001 沙田日賽 11 場本地賽事 (草地 A 欄)，頭場開跑時間 13:00 ● 今季興遲收工喎，加咗場係無早開到。 ● 巴度復出到黃智弘停賽，在陣騎師維持 20 位。華將九月表現醒神，雖然未開齋五位都係華將，但騎師榜頭七位得潘頓同艾兆禮係公司騎師。今期周俊樂同艾兆禮都騎足 11 場，都係時候追落後。 ● 伍鵬志命中率之高係有啲似三季前嘅季初，而家暫時稍稍領先練馬師，今期出馬九匹。今次出馬最多係姚本輝，九場有馬上陣合共 11 匹。未開齋練馬師都係有五位。 ● R3 三級賽 1000 高班短途唔算多所以咪都係呢堆。上季 812 場次 (一班 1000) 三甲再對過：「顏色之皇」贏完唞到呢場復出孭輕兩磅，重配潘頓排 7 檔；亞軍「魔術控制」蝕九磅改配蔡明紹排 3 檔；巴度騎季軍「天天同樂」排 1 檔。「翠紅」重返直路賽排 8 檔配艾兆禮。「美麗第一」遠征大敗，返嚟排 6 檔配周俊樂。係得呢五匹贏過呢個路程。 ● R10 三班 1400 「友瑩仁」尋日贏完，今次到「友瑩亮」，都係配袁幸堯，仲要排 1 檔。「超寫意初增程排 8 檔續配周俊樂，會唔會徒弟快放益師傅？兩匹上季尾出道表現唔錯嘅PPG 新一季復出，目標相信都係四歲賽：「禾道豐」升班增程初配何澤堯排 3 檔；「巴閉精」續配潘頓排 4 檔。「非凡豪傑」評分著數，排 7 檔配班德禮。「八仟好運」開鑼快放僅敗，升班排 5 檔配艾兆禮。 ● 由中秋公眾假期計起九日裡面，田草跑三次加埋 33 場，海外賽三日加埋 30 場，咁都好難唔分薄投注額，邊有咁多錢輸……

科隆賽事結果 S3-1 一級賽 2400 歐洲大賽 2 歌利巨人 - 1 譽滿杜拜 - 3 頂峰群山 - 4 直接簡單

沙田賽事結果 R11 三班 1400 [056] 3 友瑩仁 - 6 綫路英雄 - 1 一生好彩 - 5 風火輪

沙田賽事結果 R10 二班 1200 [055] 7 維港智能 - 9 興馳千里 - 8 極上紗瓏 - 10 增強

沙田賽事結果 R9 三班 1600 [054] 8 包裝戰仕 - 1 活力拍檔 - 11 紫荊拼搏 - 2 英駿飛駒

沙田賽事結果 R8 三級賽 1400 慶典盃 [053] 3 白鷺金剛 - 1 錶之銀河 - 7 紫荊盛勢 - 2 合夥奔馳