🤍💜DIAMOND ENERGY 💜🤍

باذن الله كورس الوفرة المجاني باذن الله ح يبدا الاسبوع الجاي للتسجيل للتواصل مع الادمن من خلال معرف التليجرام 👇 @samar_medawe @alhanaa3 @NoonYSR الناس السجلت وملت الاستمارة ومادخلت القناة بتاعت الكورس تتواصل مع الادمن عشان تدخل القناة ، ما لم ترجعوا ليهم للتأكيد ما بيضيفوكم تلقائيا 🙏 دمتم في نور 💜🩵 #ابنة_النجوم#

للتسجيل في كورس الوفرة المالية المجاني التواصل مع الادمن التسجيل فقط عن طريق الادمن @Hnanmu @duaapharma @Dodiiii @SakeenaOsman @Doha_awa

يوم 14 سبتمبر ح يكون في حدث فلكي نادر ، ح يحصل احتجاب لكوكب الزهرة (كوكب العلاقات والمال) بيكون مرئي في غالبية الدرل العربية من ضمنها السودان ومصر ودول الخليج كلها ….الخ يحدث في تمام الساعة 5:20 دقيقة م بتوقيت السودان 6:20 دقيقة بتوقيت مصر . الاحتجاب دا بيحصل نتيجة لان القمر بيغطي كوكب الزهرة ح يختفي كوكب الزهرة لفترة وبعدين يظهر تاني ، الحاجة دي زي ظاهرة الكسوف بس بيحصل للزهرة ما للشمس . في الثقافات القديمة كانوا بيهتموا بالحدث دا لان بعده بتحدث تحولات كبيرة زي تغيير ملوك ، أزمات في المحاصيل ، بداية معارك كبري فالمهم هو نذير تغيير سياسي كبير . بصورة عامة ممكن تحدث تغييرات اقتصادية عالميا وتغييرات علي مستوي البنوك ، تغيير علي مستوي العلاقات بين البشر . الحدث دا بيحصل في برج العقرب الدرجة 2 . طبعا فيه تغييرات برضو علي الصعيد الشخصي حسب تواجد برج العقرب في اي بيت في خريطتك الفلكية ، وخصوصا إذا عندكم كواكب من الدرجة صفر الي الدرجة 10 من برج العقرب هنا بيكون التأثير بصورة اكبر . مرحلة جديدة في المنطقة دي في حياتكم . #ابنة_النجوم#

الفلك دا سبحان الله أنا متاكدة انو أسرار كتيرة لسة غايبة عننا كبني ادمين لانو علم ربنا دا وااااسع . قلت اشوف خريطة مايكل جاكسون التقدمية وليه في الفترة دي تحديدا اتعمل فيلم عنه في ابريل ، وبالرغم من انه ما عايش في البعد المادي ، لكن خريطته شغالة . هو طالع برج الحوت يحكمه كوكب المشتري ، طبعا عنده كواكب كتيرة في الاسد ودي كتير بتكون دلالة شهرة عن أصحابها ليه أتعرض فيلمه في ابريل السنة دي ؟؟؟ وحصلت شهرة الفترة دي تحديدا ؟؟ لان في خريطته التقدمية اقترنت الشمس مع المشتري ودي دلالة شهرة طبعا فسيرته اتجددت او أتعرف لناس مابيعرفوه …الخ كمان عطارد التقدمي غير البرج الي هو فيه وهو بيته العاشر برضو بيت الشهرة وممكن نعتبر الفيلم تبع التواصل . المهم هو كان حابب يوصل رسالة من خلال الفيلم اكيد كروح . وطبعا دا بيورينا انو الحياة في الكرة الأرضية محطة من المحطات والخروج منها ما آخر محطة ولكن انتقال لمرحلة اخري فقط . وبيورينا عظمة الخالق في تسيير الكون بدقة خرافية سبحان الله . #ابنة_النجوم#

بذور النجوم هم أرواح جاية من عوالم أو أنظمة نجمية تانية ،زي الثريا (Pleiades)، أركتورس (Arcturus)، سيريوس (Sirius)، أو أندروميدا (Andromeda) — اختارت تتجسد في الأرض عشان تساعد في رفع وعي البشرية ونشر النور والمحبة. هم أرواح قديمة جدًا، عندهم ذاكرة روحية ما من الأرض، وجايين برسالة معينة. 🌟رسالتهم في الأرض شنو ؟ الهدف الأساسي لبذور النجوم هو المساعدة في صعود وعي الكوكب. هم بيشتغلوا على مستويات مختلفة: • نشر السلام والطاقة العالية في الأرض. • دعم الناس في التشافي والوعي الذاتي. • كسر أنماط الخوف والسيطرة القديمة. • تذكير البشرية بنورها الإلهي الحقيقي. ⭐️ما بالضرورة يكونوا واعين برسالتهم من البداية، لكن حياتهم بتقودهم تدريجيًا لاكتشافها من خلال الألم،عبر البحث، والتنوير. يتبع،،، #ابنة_النجوم#

🇸🇩🇸🇩🇸🇩 توقعات للسودان مع اكتمال القمر يوم 29 يوليو عندنا اكتمال القمر في الدجة 6 من برج الدلو ، وآخر مرة حصل اكتمال القمر في الدرجة دي تحديدا كان قبل 19 سنة 2007 وقبلها كان برضو قبل 29 سنة 1988، وقبلها كان قبل 29 سنة 1969 كلهم بيكون اراوند29 و30 يوليو مع شوية فروقات بسيطة ، طبعا سنة 1969 كان قريبة للدرجة 6 مع فروقات بسيطة تقريبا 5"48 دقيقة فلكية . طيب شنو اهم الاحداث الحصلت في الفترات دي نبدأ لما كان في الدرجة 6 صميم سنة 2007 كان عندنا فيضان صعب دمر الآلاف المنازل في السودان . وكمان سنة 1988 كان في فيضان برضو صعب وحاليا السنة دي ح يكون برضو في نفس الدرجة 6 . اما سنة 1969 كان وفاة اول رئيس سوداني إسماعيل الأزهري وأعتقد كان في انقلاب نميري . لكن في السنة دي كان اكتمال القمر علي الدرجة 5"48 دقيقة فلكية . طبعا عارفين ان السودان طالعه الدلو والكواكب الموجودة قريبة للنقاط دي هي كوكب الزهرة في الدرجة 9 وكويكب كايرون عموما اي اتصالات مع كايرون غالبا بتكون مش ولابد . الزهرة تحكم الرابع الوطن البيوت ،، التاسع يحكم الاعلي سلطة . المهم الدورة دي في الفلك اسمها metonic cycle . فعليه ممكن نتوقع تغيير في سلطة ، فيضان ، تغيير في ترتيب البيت الداخلي . #ابنة_النجوم #

واحدة من الطرق بتاعت التشافي هي استعمال الاحجار وخصوصا حجر الكوارتز لانه طاقته وتردداته عاليه جدا جيب حجرين وياحبذا لو شكلهم بوينت ، امسك كل واحد في يد حتي لو عادي انت راقدين في اي وضعية او ممكن برضو جالسين في وضعية التامل افضل طبعا ، لكن ما مهم الوضعية ، خليكم ماسكينه ما اقل من نص ساعة يوميا . دايما افضل طريق للتشافي الحاجة الانت بتعملها بنفسك وتكون حاجة دائمة . #جراند_ماستر_مروة #

عطارد والمشتري مقترنين في برج السرطان ، الاتصال دا جميل وفيه حظوظ حلوة ،، لو شخص عايز يعمل توسع في عمله فترة ممتازة ،، وزيادة معدل النشر في وسائل التواصل الاجتماعي . #ابنة_النجوم#

ليه السودان ما راضي يستقر من خلال الفلك تعالوا نشوف الحاجة دي من خريطة السودان الفلكية طبعا القمر يمثل الشعب في الفلك . القمر موجود في بيت الاسد عشان كدة بنلقي اي زول شايف نفسه وشايف انه افهم زول 😂 ومافي زول بيفهم زيه والايقو عالي عند غالبية الشعب كلهم بيشوفوا نفسهم الرئيس عشان كدة طول عمرهم ما بيعجبهم اي زول يحكمهم ،، الأنا عالية جدا ، بس مسكه حاجة وبراكم عارفين 😂😂 المهم الشعب دا ليه عنده معاناة مستمرة وعدم استقرار ؟؟ لان القمر مقترن مع بلوتو وكوكب بلوتو دا كوكب الهدم والبناء فبيهدم كدة لما يجيب الزيت 😅 كارما صعبة النصيحة . برضو ح نلقي القمر ماخد اتصال سلبي من كوكب المريخ ودا بيفسر ليه دمنا حار 😂 ضرب طوالي مفيش شتيمة 😂😂 وماخد اتصال كمان سلبي من زحل برضو ودا سبب الجفاف العاطفي عندنا . المهم المريخ وزحل ديل ياهو الحكم العسكري ياجماعة الما عاجبكم . نجي للحاجة الصعبة القمر وبلوتو ديل موجودين في نطاق كوكبة هيدرا ودي خلوني اشرحها ليكم في جزء تاني عشان البوست ما يكون طويل . المهم بلوتو دا براه نجااااض .. يتبع ،،، الخريطة في اول تعليق .. #ابنة_النجوم#

الفي الصورة دي وحدة من أقدم وأعقد الخرائط الفلكية الـعرفتها البشرية، وبيسموها "بلانيسفير نينوى". اللوحة دي لقوها زمان بين أنقاض مكتبة الملك آشوربانيبال في العراق. صحيح هي بتعود للعصر الآشوري، لكن المفاجأة في الكلام المكتوب جواها. العلماء لما قعدوا يترجموا في الخطوط المسمارية والرسمات الهندسية دي، لقوها مقسمة لـ 8 أجزاء بتشرح بدقة حركة النجوم والمجموعات النجمية (زي الثريا ومجموعة الجبار). لكن في باحثين طلعوا بنظرية عجيبة شديد ومثيرة للاهتمام: قالوا إن اللوحة دي ما مجرد خريطة عادية لانها بتوثق ليلة مرعبة جداً مرت على الأرض، وتحديداً ليلة 29 يونيو سنة 3123 قبل الميلاد! حسب دراستهم، الخطوط دي كانت بتابع في مسار "كويكب أو مذنب ضخم" مر في السماء وشافوه بالعين المجردة، لحد ما ضرب الأرض في منطقة جبال الألب، وعمل دمار وموجة غبار أثرت على المنطقة هنا كلها. طبعاً في علماء تانيين شايفينها مجرد أداة ذكية استعملوها ناس زمان لمعرفة الفصول وتنظيم التقويم، لكن في النهاية الحاجة دي بتأكد لينا إنو أجدادنا زمان ما كانوا بيعاينوا للنجوم ساي ولكنهم كانوا بيفهموا لغة السماء وبيربطوا حركتها بحياتهم على الأرض. #ابنة_النجوم #

نجمة فم الحوت Fomalhaut في السماء في نجوم كتير تعتبر نوعا ما ثابتة لكن هي حركتها بطيئة جدا جدا وعندها اثر كبير جدا جدا في حياتنا ، من ضمن النجوم دي نجمة فم الحوت النجمة دي أنا واقعة في غرامها 😍😍😍،، طبعا غالبية أسماء النجوم دي عربية وتمت ترجمتها زي ماهي لبقية اللغات وبتنطق باللغة العربية . النجمة دي هي واحدة من اربعة نجوم ملكية نجوم royal هههه ومرتبطة بالحراسة والروحانية والرؤية البعيدة . النجمة دي تبعد عن الارض حوالي 25 سنة ضوئية لونها ابيض مائل للزرقة . طبعا النجمة دي عندها دلالات علي خريطتنا الفلكية غير الكواكب العادية المعروفة ، بيكون عندها اثر علينا لما يكون في واحد من الكواكب موجود في نفس النقطة بتاعت النجمة دي . حاليا النجمة دي بتقعفي الدرجة 4 في برج الحوت ، فلو عندك كواكب في الدرجة دي اكيد عندها اثر عليك كبير جدا جدا جدا او في فرق درجتين قبل او بعد . مميزات الطاقة بتاعت النجمة دي شنوووو بتدي حدس عالي ورؤية روحية الأحلام والرؤي الشهرة والظهور المفاجئ الميل للعلوم الغامضة والروحية مرات بتخلي الشخص عنده مثالية بزيادة لكن طبعا اهم حاجة الواحد يكون نيته صافية وقلبه نظيف هنا الواحد بيستفيد من طاقة النجمة دي الاستفادة بتكون لما النجم دا يقترن بالكواكب الشخصية زي الشمس القمر الزهرة الطالع …الخ ودمتم في نور 🌸 #ابنة_النجوم#

البيت الثالث في الفلك من احد دلالاته الجيرة والجيران ، يعني مثلا إذا البيت الثالث الحمل ممكن جيرانك يكونوا في الشرطة او الجيش ، او حتي دكاترة جراحين ، او جزارين 😂 لكن الحي الانت بتكون ساكن في بيكونوا ظاهرين جدا ، وطبعا حسب موقع حاكم الحمل وين الي هو المريخ . لاحظوها في خرائطكم 😊 وشوفوا البيت الثالث اي برج الفلك دا مافيه اي مجال للصدفة . #ابنة_النجوم#

The Master mind في كتاب فكر وازدد ثراء في فصل بيتكلم عن انه كيف ممكن يتم اندماج عقلين مع بعض عشان يكونوا عقل ثالث خارق عشان تحقيق هدف محدد معين واهم حاجة طبعا الانسجام والتناغم مابين الشخصين ديل . العقل الخارق دا طبعا غير مرئي ولكنه نتيجة اتحاد العقلين ديل العقل الثالث دا بيكون عنده قدرات تفوق كل عقل منفصل لوحده . وأفضل اتحاد عقلي بيكون بين الزوجين في مثال اعتقد كان عن فورد الانتج اول عربيات في العالم كان بيقعد مع زوجته عشان يلقي حلول ويكبر شغله ، الحب والانسجام العاطفي بترفع من ذبذبات العقل للإنسان ، واصلا عقل الانسان مرتبط بالعقل الكوني او عموما طاقة تربطه بالله مباشرة . يعني أتخيل ان عندك بطارية وجبت معاها بطارية تانية ح يدوك طاقة اعلي صح ومافي افضل من البطارية او الطاقة مابين الزوجين المنسجمين بيولدوا طاقة اعلي فكريا وروحيا . لو ماشفتوا قبل كدة اللايف العملته عن الطاقة بين الزوجين تقدروا تشوفوه في اليوتيوب . ممكن استخدام الطاقة دي في النجاح للزوج او الزوجة ، بحيث انهم يخصصوا وقت خاص ليهم كل يوم يتكلوا ويتناقشوا ويحسنوا حياتهم ويحسنوا مستوي دخلهم ، العلاقة الزوجية فيها طاقات اكبر من المفهوم السائد خصوصا في مجتمعاتنا ، ولكن للأسف البرمجة حصرت الزواج في قوالب مافيها اي إنتاجية او تطور للغالبية العظمي . المهم لما تعملوا كدة مع شركاءكم ح يزيد الإلهام ويتحفز الخيال وتجيكم افكار إبداعية وخلاقة لانها دي قوة روحية عظيمة . حبوا شركاءكم وماتفتشوا بس في عيوبهم أبدو شوفوا الحاجات الحلوة فيهم لانها كدة بتكتر ، وكل ما نكتوا العيوب ونفوسكم ماتكون طيبة تجاهم في طاقة بتاعت مشاكل بتتكون حتي لو احتفظت بالكلام السلبي في نفسك في الاخر هي طاقة والطاقة لازم تترجم في العالم المادي . دمتم في نور 🌸 #ابنة_النجوم#

دي خريطة شاكيرا طالعها الحمل ،، بيحكمه المريخ قاعد وين في العاشر يعني شنو الوضعية دي يعني شهرة عندها بلوتو في السابع البيت السابع دا بيت الزواج هي مواليد 77 فغالبية جيل بلوتو من 1970 لحد 1984 عندهم تحديات في العلاقات لان الميزان أصلا برج الشراكات والزواج . وهي عندها بلوتو في السابع معاه راهو وحاكم السابع متضرر في الحمل وفي الدرجة صفر طبعا أصلا هي رافضة المؤسسة بالكامل في بدايات حياتها . الزهرة في الحمل بتدينا صفات شريكها وبما ان الحمل يحكمه المريخ فشريكها كان لاعب كرة قدم والمجال دا يحكمه المريخ الي هو يحكم برج الحمل . دايما صفات الزوج وصفات الزوجة بنلقاها واضحة في الخريطة الفلكية والمريخ يحكم طالعها في العاشر مقترن مع عطارد في الجدي وهنا هي مشهورة بحركتها في المسرح وغناها في نفس اللحظة . #ابنة_النجوم#

لو اتعمقنا شوية ح نلقي في تسلسل غريب في احداث حياتنا وحياة الناس القريبة لينا اهلنا ، واكيد دا كله ما صدفة . لما نجي ندقق الطالع في معلومات وتواريخ معينة يطلبها وناس كثيرة بتتفاجأ بتسلسل الأرقام في حياتها ، الليلة في زولة لطيفة عندها حدث ولقت انو جدها أتوفي في نفس تاريخ ميلادها والموضوع دا استوقفها وسألتني ليه اشمعني . عموما الموضوع بتاع ال DNA ما منفصل أبدا من شكلنا من سلالتنا من طاقتنا والأرقام عبارة عن طاقة برضو . فاحنا ما منفصلين لا من اجدادنا ولا حتي من جدنا السبعين . استقصيت شوية أحداث أنا برضو وتاريخ ميلاد أجداد أنا أصلا ما لاقيتهم واحداث ثانية فلقيت انو جدي وحبوبتي تاريخ زواجهم هو تاريخ عيد ميلادي تقريبا وانا اول حفيدة ، ووالد حبوبتي مولود برضو فرقي منو 3 يوم . اما اول حفيدة لحبوبتي من بتها برضو عيد ميلادها زي تاريخ ميلاد حبوبتي مع نفس فارق الايام مع ابو حبوبتي الي هو 3 يوم ان شاء الله يكون واضح لكن الامور ماشية بتراتبية لاتحتمل الصدفة أبدا . فموضوع كارما الأجداد دا في تاريخ الميلاد بنلقاه . وحتي الأبراج الموضوع اعمق من مجرد حاجات سطحية ساي . And so interesting. فيا اعزائي صدقوني مهم جدا أنكم تعرفوا خريطتكم الفلكية وتقروا فلك وتتعمقوا فيه ، الفلك ما عبارة عن موضوع توقعات أبراج لا دا كلام فاضي ساي ولكن اعمق من كدة بكتييير . سبحان الخالق العظيم . #ابنة_النجوم#

تعالوا أعلمكم تعرفوا متين بتحصل ليكم حاجة قدرية من خلال خريطتكم في الخريطة في حاجة اسمها العقد راهو وكيتو ( راجعوا اول تعليق تلقوا الرموز ) وطبعا عارفين بلوتو صح ؟؟ برضو ح يكون مع الرموز في اول تعليق . العقد دي بتاخد لفة كاملة علي الخريطة كل 18 سنة ، لكن كل 9 بيعبر واحد فيهم علي بلوتو في خريطتك يا اما راهو او كيتو (العقدة الشمالية والعقدة الجنوبية ) . تشوف بلوتو عندك في البيت الكم تعد من الطالع اول بيت هنا دا الحتة الح يكون فيها تغيير جذري البيت الاول ولة الثاني ولة الثالث برضو ح أخت ليكم تفسيرات عن البيوت . نمشي موقع astroseek في خريطة اسمها transit chart دي خريطة العبور . تدخل البيانات كاملة وتشوف التواريخ البيكون فيها العبور دا وهنا تعرف انو عندك تغيير كبير في البيت دا . اها واضح كدة ولة ؟؟ #ابنة_النجوم# #الخريطة_الفلكية#

دي خريطة عبور للكواكب فوق خريطة السودان بتاريخ 1/7/2026 الطاقة قبل او بعد بأيام بتكون شغالة . الفلك عنده دورات وبيخلينا دايما نراجع تاريخ ، الطاقة تقريبا تشبه الطاقة بتاعت 2/7/1976 يعني قبل 50 سنة تقريبا والفلك دورات ( وتلك الايام نداولها بين الناس ) نشوف الطاقة الحالية عشان ما الخمكم باتصالات الكواكب بالمختصر المفيد ممكن عادي يكون في توترات عالية وبلبلة في البلد وإطلاق نار وعموما في خوف علي راس الدولة او قيادة الدولة العليا تحديدا البرهان مهم جدا يتم تأمينه كويس . المهم الناس العايزة شرح 👇 كويكب كايرون ح يدخل برج الثور ويقابل نبتون في العاشر اي كوكب بيدخل الثور في الدرجة صفر لازم يحصل توتر في البلد المشتري ح يقترن بأورانوس الميلاد في الاسد توسيع بلبلة وكيتو مقترن مع المشتري وأورانوس في الجوزاء مقترن مع المريخ مع cusp البيت الرابع بلبلة داخلية ما شوية عطارد عامل اتصال مقابلة مع عطارد الشمس عاملة اتصال مقابلة مع الشمس صراحة ممكن تكون مواجهات صعبة جدا ما حصل مرت علي البلد او المهم احداث صعبة لأول مرة تحصل . الوضع حقيقي ماساهل . هنا أنا أبدا ما بخوفكم ولاتكونوا في طاقة خوف بس حبيت أوضح ليكم الصورة من بدري عشان تكونوا علي بينة . ربنا يحفظ البلاد والعباد ، ويحفظكم ويحفظ أحبابكم قادر ياكريم 🤲 #ابنة_النجوم#