ኢትዮ መፅሀፍት እና ትረካ

ማን ናት...?? ፡ ፡ ነጭ ኩታ የለበሱ ፥ ክንፋም መላዕክት ይዘውላት መልዕክት በህልሟ ቀጠሯት የምስራች አበሰሯት እሷን ግን ፥ ሰበሯት። : : ወጌሻው እግዜሩ ለሞት እንደዳረሽ ፥ ልክ ሲነገርሽ ተፋተጉ አይደል ፥ እግርና እግርሽ ተናገርሽ በቅዠቱ ፥ አልፈልግም ብለሽ ሞከርሽ ከሠርጉ ፥ ለመምጣቱ ጥለሽ ፡? ፡? ምናለ በገነት ፥ እንደ ድሮ በሆነ ድባቡ ባትክልቱ ስፍራ ፥ በኖረ መሰሪው እባቡ ምናለ በገነት የተከለከለ ፍሬ ፥ በኖረና ብትገምጪ ይኼኔ በዚህ ጊዜ ፥ ነበረ ምትመጪ ፡ ፡ ሀይ ሎጋ ሀይ ሎጋ..........በሰማይ አንጋጥጬ አንቺን አንቺን....የማይ ዋይ ዋይታ ዋይ ዋይታ....በምድር ከከበሮ ድለቃ ፥ ከበገናው ድርድር ላንዲት አፍታ፥ አቀርቅሪ ወደ ምድር ፡ ፡ አላየሽም ወይ! እዬዬው ሲበዛ ፥ ደረቱም ሲደቃ የራሳቸው አሮ ፥ የሚገቡ ጣልቃ እኔን ብለሽ እንዳትመጪ በግብታው እንዳት--ወጪ ከመቃብርሽ ላይ ዐፈር ተቆልሎ ፥ ስጠብቅሽ እያነባው ተቀባብለው ደመደሙት ፥ አካፋና ጃንባው ይገርምሻል! መካሪ... ዘመድ ወዳጅ አጥተው መዛግ መበስበሱን ፥ መጣሉን ዘንግተው። ፡ ፡ የሚገባው የሚወጣው ተቀበል የሚሉኝ ፥ እግዜሩ እንዳመጣው አይዞን ወንድሜ.........ሲሉኝ በርታ ጠንከር በል.......ሲሉኝ እንደ ውሻ ቁስል፥ ህመሜን አስጣሉኝ ሀይሎጋውን ረሳው ከለቅሶሽ ተነሳው። ፡ ፡ የፈጣሪን የጥል-ድግስ አምኜ ዳግም ተራምጄ ወደድኩ ዳግም አንክሼ አኮረፍኩ ዳግም እሮጬ አፈቀርኩ። ፡ ፡ የደስታው አዝዕርት የሀዘኑ አዝዕርት በልቤ አዝመራ ፥ ለምልሞ ሰርጉን ለጎተራ ፥ ሲጠብቁት ከርሞ እንደ ታህሳስ ወር ያልጠበቁት ዝናብ ፥ እንደሚበላ መኸሩን እግዜር ድግሱን ትቶት ፥ ተጣላኝ የምሩን ያልጠበኩት ሞትሽ መቃብር ሲከትሽ እየገፉኝ........................ገፊ ሲሉኝ እያሟረቱ..........ሟርተኛ ሲሉኝ ባፅናኑኝ አፋቸው ፥ ፀፀቱ ላይ ጣሉኝ። ፡ ፡ ቆዳዬ ወይቦ ፥ ልቤም ቢቆሳስል እንደ እዮብ አልሳደብም ፥ ለነገው ተስፋ ስል ግን...ግን...ደሞ ማን ናት ፍሙን እኔን የምትዞር ተለብላቢ የእሳት-ራት ማን ናት እንደ ጠዋት ጤዛ ፥ መርገፍ ያማራት ማን ናት... ፡ ፡ ሳሙL አለሙ(ሳሚ) @Samuelalemu5 @ethioterkaa @ethioterkaa @ethioterkaa