عذّبَه*.

في حياة الناس ماعندي فضول ‏الخلايق يستر الله حالها ‏ادري ان الناس عاقل ومهبول ‏وافصل العقّال عن جهّالها ‏يرجح الميزان في حجم العقول ‏ماهو بهندامها وأموالها ‏والطيور تطير و تحوم و تجول ‏ولا توقّع غير فوق اشكالها .

أنت صعب أنك تناساني و أنا غيدًا لعوب ‏عندي قلوب الأوادم مثل خاتم يدي ‏و أنت لو أنك تبي تسج عني أو تتوب ‏ما عاد فالثنتين حيله! ما يمدي تهتدي ‏لا استمالت يم قلبك ذعاذيع الهبوّب ‏ بتذكّر حسن وجهي على وردٍ ندي ‏ثم عاد الله يعينك على قطع الدروب ‏لا أشتحن صدرك من الشوق يا وين تغدي ؟

صبح وجهك كل ماطل واشرق في سّماي ‏مابقى للشمس طاري ولا للصبح نــور .

بدونك تمر أيام عمري " بلا تاريخ " ‏ومعك حافظ التاريخ باليوم والساعه *.

‏شريط الحياه يعود لا ذعذع النسناس ‏ونرجع على ذكرى الذّهيب ومداويره ‏مضى مامضى واحلامي عروقها يبّاس ‏ترجّى مْـزون الوصـل و تربّـع الديره ‏ظروف المحبـه ما تهيّـا لكل الناس ‏و ليـال السعد ما بين لفّـه وتدويره.

يالطيف الروح في داركم صرت معروف ‏استحي ياناعس الطرف من كثر المجي ‏َ ‏المحبة ثابته والمجي حسب الظروف ‏ان حصل لي جيت وان ماحصل لي كيف اجي.

على كثر ما شافت عيوني ما عاد اشوف ‏مابه حاجةٍ تحمل الدّ النظر فيها ‏تجي نسمه وذعذاع ولا تجي عاصوف ‏ما تصفي لك العالم لو انك تصافيها ‏تعالف قلوب الناس في جوع ولا خوف ‏واذا زادت الشده رجع شرها فيها.

العمر بين التغافل و التغاضي ‏ينذبل وسنينه الدنيا محتها ‏تركض الايام .. والسبع الاراضي ‏تاخذ اللي فوقها لـ اللي تحتها.

الغزال الي يسمّونه البدو اللعوب ‏الله يسمّح دروبه .. ويمحى سيّته ‏ ‏من تولع في عيونه وهو ناوي يتوب ؟ ‏والله ان يومي به الموت ما اخلص نيّته.

على وجه الصبا سال المشيب وذابو العمرين ‏يمرّ العين ليلٍ ما يمر عيون .. خلق الله ‏. ‏مثل هذا المسا ما له شبه في اخوانه الباقين ‏من اول ما بدا ماغير اردد حي .. هالطلّه ‏. ‏دريت ان العمر دمعة مشاعر وابتسامة عين ‏وجيتك مثل .. جيّات الكلام اللي على حلّه.

تغبّيني المنافي في الوطن والذاكرة والليل ‏و أعوّد من نعاس الذكريات لخدر الأحلامي ‏انا اللي طاح من عين انتظاري نص عمر وجيل ‏كثر ما طاح من عين اعتباري وجه واسامي .

‏أي والله انك يا ملاذ القلب والدرع الحصين ‏أغلى من اغليت واصخيّت له المشاعر كلها.

شوفتك ياملح الايام يالوجه الصبوح ‏تجبر الخاطر وتحيي العظام الميته ‏ㅤ ‏السرور اللي يجي والسرور اللي يروح ‏أنت سبة روحته .. وأنت سبة جيته .