Барака БОҚИЙ
313
مشترکین
اطلاعاتی وجود ندارد24 ساعت
اطلاعاتی وجود ندارد7 روز
-1030 روز
- مشترکین
- پوشش پست
- ER - نسبت تعامل
در حال بارگیری داده...
معدل نمو المشتركين
در حال بارگیری داده...
Photo unavailableShow in Telegram
БИР ФАРРОШГА
Жимгина юрасан доим бирдайин,
Худди тозаликни яхши кўргандек.
Менга туюлади боринг сирдайин,
Тўкин ҳосилингни биров ўргандек.
Инсон хатолари билан тирикдир,
Чизиқлар тортмагин кечган умрингга.
Аслида борлиқнинг ўзи йирикдир,
Озиқ тополмасанг гоҳо қумрингга.
12.07.2024 й.
© Барака БОҚИЙ
https://t.me/baraka_boqiy
Photo unavailableShow in Telegram
ДОВУЛ
Тонглар отганини нурлар билдирди,
Ўй сурдим кўнглимда елганингизни.
Худо борлигини ҳурлар билдирди,
Ҳеч ҳис этолмадим келганингизни.
Куйламоқ осонмас ортдаги изни,
Руҳимиз топишди, аввало бизни...
Қайтаман ўзимга, ўйласам сизни,
Ҳеч ҳис этолмадим келганингизни.
Бахт топинг қайгадир етганингизча,
Вақт ёниб куйласин нетганингизча...
Кўзимга бир тушиб кетганингизча,
Ҳеч ҳис этолмадим келганингизни.
Тонглар отганини нурлар билдирди,
Ҳеч ҳис этолмадим келганингизни.
11.07.2024 й.
© Барака БОҚИЙ
https://t.me/baraka_boqiy
👍 3
Photo unavailableShow in Telegram
БАДИИЯТ
Отам урганида ёшлик чоғимда,
Сўкиниб йиғлаган эдим, ютиниб.
Қуруқ қолганимда чиққан тоғимда,
Кетмадим, рўёга ошно тутиниб.
Ижодга тегишли саёз ҳисларга,
Тоқат тополмадим, негадир, лекин.
Жилолар берганинг билан мисларга,
Аслини кўрсатар барибир секин.
9.07.2024 й.
© Барака БОҚИЙ
https://t.me/baraka_boqiy
👍 2
ОНАМНИ МЕН ҚАРИТДИМ
Қисматдаги сир дунё,
Онамни мен қаритдим.
Орзулари бир дунё,
Онамни мен қаритдим.
Тўғри, жонзот қарийди,
Ғамлари ҳам арийди.
Шундай бўлса қанийди,
Онамни мен қаритдим.
Қоқилсам сесканди у,
Дахшатли азобдир бу.
Қоронғу чорбоғим шу,
Онамни мен қаритдим.
Ой чиройли тўлгунча,
Кўп ўртанди сўлгунча...
Шоир Боқий бўлгунча,
Онамни мен қаритдим.
Қисматдаги сир дунё,
Онамни мен қаритдим.
Орзулари бир дунё,
Онамни мен қаритдим.
2012-2024 йиллар
© Барака БОҚИЙ
https://t.me/baraka_boqiy
👍 6
Photo unavailableShow in Telegram
ИЛОН
Руҳимда малайи бўлганим билан,
Ташимда қаршиман шўрлик нафсимга.
Осон тўкилмадим, тўлганим билан,
Тўғри келаверди ғўрлик нафсимга.
Керилиб юрибман, қонимни ичиб,
Кутмаганда пандлар ейман гоҳида.
Худо тақдиримни хатарли бичиб,
Хато қилмагандир дейман, гоҳида.
Йигитлик ҳуснимни бузди хатолар,
Тоғнинг шамолидек гирдимдан кетмай.
Чалганимда синган эди сатолар,
Жоним олинмасин ўзингга етмай.
8.07.2024 й.
© Барака БОҚИЙ
https://t.me/baraka_boqiy
👍 2
Photo unavailableShow in Telegram
СУКУТ
Қуриган новдадек озғин эдингиз,
Қора меҳнатлардан чарчаган жондек.
Ҳисларим қувғинди одам дедингиз,
Ҳолдан тояяпман, қотяпман қондек.
Ҳаётга нисбатан кудурат дағал,
Кузда тўкилишдан изладим маъни.
Булутли кечада кезганман шағал,
Эсимдан шунчалар озяпман яъни.
Гоҳида тингладим ёлғонларни ҳам,
Сизга айтолмайман уларни асло.
Намиққан ҳаводек туюлади ғам,
Бежиз куйламадим буларни асло.
7.07.2024 й.
© Барака БОҚИЙ
https://t.me/baraka_boqiy
👍 3👏 1
Photo unavailableShow in Telegram
ҲОВУЧ
Замин билан фазодир,
Туғилмоқ ва қазодир.
Ҳислар олий жазодир,
Сизни севганим учун.
Одамлар менга элмас,
Кўнглимда насим елмас,
Кўчалар борса келмас,
Сизни севганим учун.
Қайгадир тош отяпман,
Шеърга оғир ботяпман.
Жуда совуқ қотяпман,
Сизни севганим учун!
Сизни севганим учун,
Бардошимда қалқди ашк.
Куйдириб ташлади рашк,
Сизни севганим учун.
6.07.2024 й.
© Барака БОҚИЙ
https://t.me/baraka_boqiy
❤🔥 2
یک طرح متفاوت انتخاب کنید
طرح فعلی شما تنها برای 5 کانال تجزیه و تحلیل را مجاز می کند. برای بیشتر، لطفا یک طرح دیگر انتخاب کنید.