اکنون در دسترس! پژوهش تلگرام ۲۰۲۵ — مهمترین بینشهای سال 
ИБРАТЛЫ СӨЗЛЕР...
رفتن به کانال در Telegram
От жаққыштан дана шығар, Сөзге қулақ түре-түре. Аязий. Шөлкемлестириўши: Яссаўий Инстаграм каналымыз: Instagram.com/ibratli_sozler_ Ютуб каналымыз: https://www.youtube.com/channel/UCYp0lSkO4ACpBKxCKO-mvcw
نمایش بیشتر📈 تحلیل کانال تلگرام ИБРАТЛЫ СӨЗЛЕР...
کانال ИБРАТЛЫ СӨЗЛЕР... (@ibratli_sozler) در بخش زبانی قزاقی بازیگری فعال است. در حال حاضر جامعه شامل 18 840 مشترک است و جایگاه 4 310 را در دسته دین و مذهبی و رتبه 448 را در منطقه كازاخستان دارد.
📊 شاخصهای مخاطب و پویایی
از زمان ایجاد در невідомо، پروژه رشد سریعی داشته و 18 840 مشترک جذب کرده است.
بر اساس آخرین دادهها در تاریخ 02 ژوئیه, 2026، کانال فعالیت پایداری دارد. در ۳۰ روز گذشته تغییر اعضا برابر -281 و در ۲۴ ساعت گذشته برابر -12 بوده و همچنان دسترسی گستردهای حفظ شده است.
- وضعیت تأیید: تأیید نشده
- نرخ تعامل (ER): میانگین تعامل مخاطب 26.57% است و در ۲۴ ساعت نخست پس از انتشار، محتوا معمولاً 20.65% واکنش نسبت به کل مشترکان کسب میکند.
- دسترسی پستها: هر پست به طور میانگین 5 007 بازدید دریافت میکند. در اولین روز معمولاً 3 891 بازدید جمعآوری میشود.
- واکنشها و تعامل: مخاطبان بهطور فعال حمایت میکنند؛ میانگین واکنش به هر پست 44 است.
📝 توضیح و سیاست محتوایی
نویسنده این فضا را محل بیان دیدگاههای شخصی توصیف میکند:
“От жаққыштан дана шығар,
Сөзге қулақ түре-түре.
Аязий.
Шөлкемлестириўши: Яссаўий
Инстаграм каналымыз:
Instagram.com/ibratli_sozler_
Ютуб каналымыз:
https://www.youtube.com/channel/UCYp0lSkO4ACpBKxCKO-mvcw”
به لطف بهروزرسانیهای پرتکرار (آخرین داده در تاریخ 03 ژوئیه, 2026)، کانال همواره بهروز و دارای دسترسی بالاست. تحلیلها نشان میدهد مخاطبان بهطور فعال با محتوا تعامل دارند و آن را به نقطه اثرگذاری مهم در دسته دین و مذهبی تبدیل کردهاند.
18 840
مشترکین
-1224 ساعت
-757 روز
-28130 روز
آرشیو پست ها
18 837
<<ҚЫЗ УЗАТЫЎ>>
Белгиленген сәршемби күни, ямаса ара алыс болса оннан бир күн бурын қудалар ҳәм қызды алып кетиўши күйеў топары еки-үш жигит болып қыздың үйине келеди. Қудалар туўры босағаға келеди де, күйеўлер аўылдың туў сыртында турып қалады.
Аўылдың бала-шағалары жыйналып, күйеўден қәде алып ишке киргизиў ушын алдына шығады. Бундайда ҳеш бир үйден қатнаспаған қыз-келиншек қалмаўы керек. Сонлықтан, олардың бас-аяғы жыйналаман дегенше арадан бираз ўақыт өтип кетиўи мүмкин. Лекин, күйеўлер шыдамсызлық етип үйге жақынлап келсе ямаса диз бүгип отырса, бул қатты айып болады. Күйеўдиң ең бир сыналатуғын күни усы, қалыңлығын алып кететуғын күн.
Ҳаяллар жыйналып келип, қәде сорай баслайды. Күйеўдиң жигит ағасы да, гәпке шешен, тақыўа адамнан таңланады. Ол ҳаяллардың сораған қәделерин ҳәзил менен сынап-минеп қыз жеңгелерин бираз албыратыўы мүмкин. Сонда да ҳаяллар <<көпир қәде>>, <<мешит қәде>>, <<бақан керер қәде>> сыяқлы бир неше қәделердиң атын таўып алады. Үйдиң алдына келген жерде бир кемпир жигит ағасының алдыга келип, жортаға жығылады. Оның ушын ҳаяллар <<кемпир өлди>> қәде алады. Апаларының изине ерип жүрген кишкене балалар <<шабдырма қәде>> сорайды. Күйеўлер ең соңғы қәде--<<босаға қәде>>ни берип ишке киреди.
Күйеўлер бир қатар шай ишип болғаннан кейин узатылатуғын қыздың дослары ямаса сиңлилери келип, күйеўдиң қалтасын қарайды. Күйеў орнынан түргелип турып, балдызларының <<қалта қарар>> қәдесин алыўына толық мүмкиншилик береди. Күйеўдиң ҳәмме қалтасы аз болсын, көп болсын бос болмаўы тийис.
Күйеўлерге кейинги қәде аўқат пенен бирге төс қойылады. Төстен күйеўлеп келген ҳәмме жигитлер аўыз тийип, қәдесин берип қайтарыўы керек.
Усындай қәде алыў қуда тәрепке де қолланылады. Оларға аўылдың жасы қайтыңқыраған ҳаяллары қуман менен ләген алып келип <<суў қуяр>> қәде сорайды. Гейде айырым қудалар қытымырлық етип, қәде бергиси келмесе, басынвн қуман менен суў қуйып жибереди. Суў жағасына сорғалап аққанын көрген басқа қудалар дәрҳал қалталарына қол суғыў менен болады.
Аўыл жасы үлкенлери қудалар менен бирге отырады. Аўқат жеп болынған соң, ямаса аўқаттвн алдын қыздың ата-анасын шақырып, баўызлаў қуда {жигиттиң әкеси} қалың мал ушын алып келген түйиншигин усынады. Қыздың әкеси түйиншикти алып, сол жерде отырған аўыл жасы үлкенлерине бир-еки сомнан <<қалта баў>> берип шығады.
Қудалар болажақ келин ушын алып келген <<бес кийим>>ди ортаға қояды. Ол төмендегилерден ибарат болыўы керек: бас кийим ушын--сәўкеле, жағалы камзол, жеңсиз бәшпент, көк көйлек ҳәм етик.
Сәўкеле менен көк көйлекке қурбы келмегенлер сәўкеле ушын--орамал, көк көйлек ушын--шайы көйлек әкелиўи мүмкин.
Қудалар аўыл ғаррылары ушын <<тақыя пай>> деп тоғыз тақыя әкеледи.
Қыз тәреп қызын жолға шығарар алдынан усы ўақытқа шекем жасап қойған жасаўын күйеў тәрептен келген көликке тийеп, қызды узатып салады.
Қыз босағадан шығып атырып, ата-анасының баўырынан узап кеткиси келмей, ойнап-өскен босағасын қыймай, <<ҳәўжар>> айтады. Ҳәўжар айтқан ўақытта тойханада көзине жас алмаған адам қалмайды. Соның ушында ата-бабамыз <<қыз бала бир елди қуўантып, бир елди суўалтады>> деген.
*Ҳ А Ў Ж А Р*
Қыз: Өз әкемниң есиги,
Жупар есик ҳаўжар,
Кирсем-шықсам шашымды,
Сыйпар есик ҳаўжар.
Қәйин атамның есиги,
Шеңгел есик ҳаўжар,
Кирсем-шықсам шашымды,
Жулар есик ҳаўжар.
Жеңгеси:
Алып келген базардан,
Ала қашар ҳаўжар,
Қара мақпал сәўкеле,
Шашың басар ҳаўжар.
Бунда әкем қалды деп,
Ғам жемегил ҳаўжар,
Жақсы болса қәйин атаң,
Орнын басар ҳаўжар.
Қыз:
Есик алды қара суў,
Майдан болсын ҳаўжар,
Ақ жүзимди көргенлер,
Айнам болсын ҳаўжар.
Қәйин атам өз әкемдей,
Қайдан болсын ҳаўжар.
Жеңгеси:
Пайғамбардың бир қызын,
Әлий алған ҳаўжар,
Қыз алып, қыз берисиў,
Соннан қалған ҳаўжар.
Қыз:
Сылдыр-сылдыр қамысқа,
Сырғам түсти ҳаўжар,
Сырын билмес жат елге,
Шегим түсти ҳаўжар.
Жеңгеси:
Жылама қыз, жылама,
Тойың болар ҳаўжар,
Жәнәўиттен жасалған,
Үйиң болар ҳаўжар.
Қәйин енең күн менен,
Айың болар ҳаўжар,
Ол иниңниң орнына,
Қәйин болар ҳаўжар,
<<Ақ қыз>> десең бийкешиң,
Тайын болар ҳаўжар.
18 837
ИБАДАТТЫҢ СЫЙЛЫҒЫ
Бир адамның үйинде уны қалмағанлығы себепли бийдайды ешегине артып, дигирман тәрепке қарай жолға шығады.
Жетип барғаннан кейин, бийдайды түсирип алыўы менен ешеги қашып кетипти.
Бийдайды дигирманшыға тапсырып ешегин излеп таба алмайды. Бул арада жума намазы ўақты жақынласқан еди: “Сен қайжерге барсаң барабер, мен Рәббимниң ҳүзирине бараман” деп, мешит тәрепке қарай жүрипти.
Жума намазын оқып болғанынан кейин, ойланыпты, дигирманшыдан унды алып кетейин десе, ешеги жоқ, иләжсыздан үйине қайтыпты.
Үйине жақынласа, ешегиниң даўысын еситип, ҳайран болып ҳаялынан сораса, ешектиң өзи үйге қайтып келгенин айтады.
Ҳаялы оған: “Ағасы, аш болған-да шығарсыз, жаңа дигирманға тартылған уннан нан жаўып едим, жеп алың” – дейди. Сонда ол, ун дигирманда қалды, үйде ун қалмаған болса, ҳаялым қайсы уннан нан жаўғанын ҳайран қалып сорайды.
Ҳаялы: “Қоңсымыз, ол да дигирманға барған екен, дигирманшы бизиң унымызды да қосып берип жиберипти.
Унымыз да, ешегимиз де өз аяғы менен кирип келди”, - дейди күлип.
Күйеўи болып өткен ислерди еситип: “Рәббим мен сениң бир әмириңди әззилик пенен орынладым, есесине сонша мүтәжлигимди питкердиң.
Саған қанша шүкир етсек те аз, Өзиңе есапсыз шүкирлер болсын!” – деп сүйинген екен.
Пост: alberuniyuz каналынан
https://t.me/ibratli_sozler
18 837
Бир данышпаннан сорапты:
«Сизиӊ неше достыӊыз бар?»
Ол былай деп жуўап берди:
«Ҳәзир билмеймен, себеби дүнья маған күлип тур ҳәм ҳәмме адамлар мениӊ достым.
Мен буны тек дүнья меннен жүз бурғанда ғана биле аламан.
Себеби, дослардыӊ еӊ жақсысы — заман сеннен жүз бурғанда саған қарай келгени!»
https://t.me/ibratli_sozler
18 837
Кеўлиң сүймеген адамға,
Көкиректи кең ашып болмас,
Кирген тикенди табанға,
Тағы қайттан басып болмас.
Той бар жерде — тамаша бар,
Жан бар жерде — жаназа бар,
Ким бар дәрттен арашалар,
Ҳеш ким оннан қашып болмас.
Ҳәр кимниң өз ақылы бар,
Ақылға сай нақылы бар,
Ҳәр нәрсениң ақыйры бар,
Бәрин хатқа жазып болмас.
Ҳәзир тал қарманар заман,
Азлық етер он бармақ ҳәм.
Дүнья деген дилбар оған,
Ҳеш ким мендей ашық болмас.
Көзинше жақлап, сыртынан,
Мақта оның ел-журтын ҳәм.
Айтқан сөзинде тур мудам,
Оннан артық дослық болмас.
Толыбай айтар, күйип-жанып,
Дос-яранды дурыс танып,
Жасамасаң ғурыжланып,
Қуры жаның — қосық болмас.
✍✍✍Толыбай Қабулов
https://t.me/ibratli_sozler
18 837
#Күн нақылы
Ҳадал қәсип аз емес,
Ықтыят бол ҳарамнан.
Жақсылықты үмит қыл,
Күлер жүзли адамнан.
https://t.me/ibratli_sozler
18 837
#Ассалаўма әлейкум, әзизлерим!
Көкте жарқырап атқан нурлы таң бәршемизге қайырлы болсын!
Бүгинги таң сизге бир дүнья қуўаныш алып келсин!
Шаңарағыңызға тынышлық, қәтержамлық, ырысқы-берекет инәм етсин!
Кеше орынланбаған тилеклериңиз бүгин әлбетте, әмелге асыўына тилеклеспиз!
ҚАЙЫРЛЫ КҮН!
https://t.me/ibratli_sozler
18 837
Ҳәмме өзин ҳақпан дейди өмирде,
Былғанып жатсада қара көмирге.
Тәўбе қыл, бийайып тек ғана Алла,
Кир болмаса болды мына кеўилде.
✍Аңсатбай Қаражанов
#Қайырлы түн Қәдирданлар.
Алла түн тынышын, уйқы пүтинлигин сыйласын.
Ерте таңда "Ибратлы сөзлер" арнасы арқалы аманласыў несип етсин бәршемизге.
https://t.me/ibratli_sozler
18 837
Ойлы жигит жақсы билимпаз келер,
Айтқан гәплериңе түсимпаз келер.
Кимниң қәлемине тийисли қатарлар?
18 837
АЛЫМ ҳәм ДАРҒА
Бир күнлери бир атақлы алым Əмиўдәрьядан өтиў ушын бир дарғаны жаллапты. Олар салға минип, дәрьяның ортасына келгенде алым бир мақтанғысы келип, дарғаға:
- Ҳәй, дарға, есап-китапты билесең бе?– деп сорапты.
- Есап-китапты билиў қайда, мен бир ғапыл дарға болсам,- депти ол.
- Онда ярым өмириң зая болған екен, - депти алым оның үстинен күлип.Арадан көп ўақыт өтпей дәрьяда даўыл басланып, толқынлардың пәтине төтепки бере алмаған сал суўға шөге баслапты.
- Жүзиўди билесең бе?– деп бақырыпты дарға алымға.
- Яқ, билмеймен,- депти алып.
- Онда өмириңниң бәри зая болды дей бер,- депти дарға Дарға сөзиниң мәниси – Кемеге жуўапкер адам. Пост: Ziya_nuri каналынан https://t.me/ibratli_sozler
18 837
#Пикир өзиңизден
Данышпан айтады:
“Жақсылық етип шаршасаң, шаршаў кетеди жақсылық қалады.
Ал, гүнә ис қылып ләззетленсең, ләззети кетеди гүнәсы қалады”.
https://t.me/ibratli_sozler
18 837
#Жыл мәўсимлери ҳәм тәбият көринислери ҳаққында нақыл-мақаллар.
Жазда жамылғышыңды таслама,
Қыста өзиң бил.
Дүнья шалқар көл,
Заман ескен жел.
Дүнья таўсылмайды – әлўан,
Адам-жол жүрген кәрўан.
Жылдың келиси наўрызда белли.
Ғаз келгени, жаз келгени .
✍ "Қарақалпақ фолклоры" нан алынды.
https://t.me/ibratli_sozler
18 837
Толыбай Қабулов 87 жаста.
✍ ✍ ✍ ✍
Еки келер заман жоқ,
Тозбайтуғын табан жоқ.
Өмир деген қамқа тон,
Оған болған саған жоқ,
Бул дүньяның жүзинде,
Мәңги жасар адам жоқ.
Жақсы ат қалса изинде,
Соннан ағла баҳаң жоқ.
Қулласы кәлам: түбинде
Айтылады ҳадал гәп...
✍Толыбай Қабулов
https://t.me/ibratli_sozler
18 837
#Ҳикмет
Ҳәмме нәрсениң елеги ўақыт.
Ол өтирик пенен расты, жасалма менен ҳасылды, жақсылық пенен жаманлықты, опа менен қыянетти бир күни әлбетте ажыратып береди.
https://t.me/ibratli_sozler
18 837
#Пикирлесейик
Ертеде бир келиншекти күйеўи урып азаплайды,енеси де қой деўдиң орнына қосылып сабап азап береди екен.
Әбден хорлық көрип жәбирленген ҳаял 4-5 жасар баласын алып үйинен шығып кетипти.
Аўылдың шетине жеткен ўақытта қарсы алдынан бир топ аламан шығыпты.
Олардың арасынан бир ақсақал шығып келиншектиң қасына келип жағдайын сорапты.
Келиншек жылап турып басынан өткен хорлықларды айтып берипти.
Сонда ақсақал - Балам,бир ашыўыңды маған бер,хожалығыңды бузба,сен мына хатты аўылыңның бийине апарып бер,деп қағазға бир аўыз сөз жазып келиншектиң қолына услатыпты.
Ким берди деп сораса,мына аўылдың бийи Алланазар деген бий берди деп айтарсаң депти.
Келиншек қанша ашыўлы болса да ақсақалдың гәпин жықпай изге қайтыпты..
Хатты аўыл ақсақалына апарып берипти.Хатты оқып аўыл ақсақалы -Тирилей өлдик деген усы шығар,дым уятқа қалдық ғой деп қыйналыпты.
Сонда Алланазар бийдиң жазып жиберген сөзи;
Қойдан қозы туўады шөп жейтуғын, Ийттен күшик туўады боқ жейтуғын, Усындай жөнсизликке аўылыңнан, Бир адам болмадыма қой дейтуғын?!деп жазылған екен. Мен усы аўылдың бийимен,усы аўылда не болып атырғанын неге билмеймен,неге сырттың адамы мениң аўылымдағы жөнсизликке сын айтады,биз ушын бул өлим ғой деп аўыл ақсақалы қатты қыйналған екен. Ал ҳәзир ше,бир аўыз гәп пенен бир хожалықты сақлап қалатуғын аўыл ақсақаллары барма?. Аўыл ақсақалының сөзин тыңлап изге қайтатуғын келинлер ше? ✍Перида Аллекеева. Интернет материалларынан алынды. https://t.me/ibratli_sozler
