ИБРАТЛЫ СӨЗЛЕР...

Биреуге пайдаң тиймесе , хеш болмаса зыяның тиймесин ! Биреуди қууандыра алмасаң , хеш болмаса қапа етпе ! Биреу хаққында жақсы сөз айталмасаң , хеш болмаса жаман сөз айтпаң ! Биреудиң жеңисинен қууанышлы болмасаң , хеш болмаса қызғанып күнлеме ! https://t.me/ibratli_sozler

Тынышлықтың шырағы.                                                                                                                                                                                                                                                                                                                                                                                                                                                                            Аспанымыз ашық болғай мудамы, Байрағымыз желбиресин бәлентте, Елдиң тынышлығы баслы ураны, Ел-журтым ыразы сизлердей мәртке. Журтым тынышлығын қорғайсыз сизлер, Ийниңизге пагоныңыз жарасып. Мәртликти тәрийплеп жырлаймыз бизлер, Ең сулыў сөзлерге сизлер мунәсип. Журтқа қалқан болып турасыз, Бизге жəбир жеткере алмас ғайры нийетлер. Ҳәр бириң тиллерде дәстансыз, Сизлерге жолдас болғай жақсы тилеклер. Әскер болыў ер жигиттиң мурады, Қәлбиңизде тасар ўатанға ҳурмет. Жанып турар тынышлықтың шырағы, Ҳәр күн, ҳәр түн исиңизден бийминнет. ✍: Ишки ислер ветераны Махмуджан Абдуллаев. https://t.me/ibratli_sozler

АЎЫЗ АШАР АЛДЫНАН ҲАЯЛ-ҚЫЗЛАР НЕ ИСЛЕЎИ КЕРЕК? Ҳәдиси шәрийфте Аллаҳ тааланың ораза тутқан адамға аўыз ашар ўақтында не сораса, соны беретуғыны айтылған. Жақсы, егер бир бенде сол ўақытта ҳеш нәрсе сорамаса, онда ол неге ериседи? Биздеги көпшилик аналарымыз бенен апа-қарындасларымыздың жағдайы тап усындай: аўыз ашарға нәрселерди таярлаў ҳәм дастурхан безеў менен соншелли бәнт болады, оларға: «Ҳәй, аўыз ашар ўақты болып қалды, сиз де аўызыңызды ашып алың», – деўге туўра келеди. Буның мәниси сол, ол мийнет еткен бир хызметкер, бирақ мийнет ҳақысын бериўши: «Қәлегениңше сора, қанша керек?» – деп турғанда, сораў ядына да келмейди. Буннан да үлкен ғәплет болыўы мүмкин бе? Ҳаял-қызлар аўыз ашарды ярым саат алдын таяр етип, дастурханға қойылғанын күйеўлерине түсиндириўи керек. «Соңғы ярым саатта биз асханада ошақ басында турыўдың орнына ямаса бир нәрселерди қуўырып, бир нәрселерди писириў менен бәнт болғаннан көре, усы соңғы ярым саат ямаса жигирма минутты жайнамаз үстинде отырып, Рәббимизге дуўа қылайық». Ҳаял-қызлар үйлериндеги барлық жас балаларды алдына отырғызып алсын ҳәм гүнадан пәк балаларға олар да қолларын көтерип дуўа қылыўын айтсын. Егер үлкенлер гүна қылған болса, жас балалар гүнадан пәк. Ким билсин, усы гүнадан пәк қоллар көтерилгенде, Аллаҳ таала рейим етип, сизиң дуўаларыңызды қабыл етер. Соның ушын ҳаял-қызлар аўыз ашар ўақытларын қәдирлеўи керек. Егер бир үйде тек ғана бир ҳаял болса ҳәм оның аўқат писириўи де зәрүр болса, онда дуўа қол менен емес, қәлб пенен қылынады. Соған бола, қолы жумыс пенен бәнт болса да, сиз бул жағдайда қәлбиңизде Аллаҳ таалаға дуўа қылып атырған болсаңыз, демек, сиз де бул ўақытта Аллаҳ тааладан сораған нәрсеңизге ерисе аласыз. Ҳәзирети Зулфиқар Аҳмад Нақшбандий Пазыйлет .уз. каналынан алынды https://t.me/ibratli_sozler

Рамазан айында тутқан оразаларыңыз қабыл болсын.... Оразада саўап көп. Солай екен,  ораза болып өткерген ҳәрбир күниңизде, сизиң шаңарағыңызға   Алланың  нуры жаўғай. Кеўил сандығыңызды жақсылыққа, бахытқа, саўапқа толтырғай.🤲 СӘҲӘРЛИК  -  06:24       АЎЫЗ ЖАБЫЎ ДУЎАСЫ       Нәўәйту ән әсуўмә соўмә шәҳри ромәдоонә минәл фәжри иләл мәғриби, холисол лилләәҳи таъааләә Аллооҳу Әкбар.       Мәниси: Рамазан айының бүгинги оразасын таң атқаннан қуяш батқанша тутыўды нийет еттим. Қалыс Аллаҳ ушын, Аллаҳ Уллы. НИЙЕТЛЕРИҢИЗДИ АЛЛАҲ ТААЛА ҚАБЫЛ ЕТСИН! https://t.me/ibratli_sozler