Gurage Zone Government Communication Affairs

ጠቅላይ ሚኒስትር ዐቢይ አሕመድ (ዶ/ር) ለሁለተኛ ጊዜ ጠቅላይ ሚኒስትር ሆነው ቃለ መሃላ ፈጸሙ ****************** በ7ኛው የሕዝብ ተወካዮች ም/ቤት 1ኛ ዓመት የሥራ ዘመን የምክር ቤቱ መመስረቻ 1ኛ መደበኛ ስብሰባ ላይ ጠቅላይ ሚኒስትር ዐቢይ አሕመድ (ዶ/ር) ለሁለተኛ ጊዜ የኢፌዴሪ ጠቅላይ ሚኒስትር ሆነው በመሰየም ቃለ መሃላ ፈጽመዋል። #ትልቅ_ሀገር! #ትልቅ_ሕዝብ! #ታላቅ_ርዕይ! #Ethiopia #EBC #Medemer

የኢፌዴሪ የህዝብ ተወካዬች ምክር ቤት አብይ አህመድ(ዶ/ር) የሀገሪቱ ጠቅላይ ሚኒሰትር አርጎ መረጠ። የኢፌዴሪ የህዝብ ተወካዬች ምክር ቤት 7ኛው የፓርላማ ዘመን፣ 1ኛ ዓመት የሥራ ጊዜ፣ 1ኛ መደበኛ ጉባኤውን እያካሄደ ይገኛል። ምክር ቤቱ እያካሄደ ባለው ጉባኤ አብይ አህመድ (ዶ/ር) ጠቅላይ ሚኒሰትር አርጎ መረጠ። #ትልቅ_ሀገር! #ትልቅ_ሕዝብ! #ታላቅ_ርዕይ!

ወ/ሮ አየለች እሸቴ የሕዝብ ተወካዮች ምክር ቤት ምክትል አፈ ጉባኤ ሆነው ተሰየሙ ********************* 7ኛው የሕዝብ ተወካዮች ምክር ቤት 1ኛ ዓመት የሥራ ዘመን የምክር ቤቱ መመሥረቻ 1ኛ መደበኛ ስብሰባ እየተካሄደ ነው። በዚህም ወ/ሮ አየለች እሸቴን የምክር ቤቱ ምክትል አፈ ጉባኤ አድርጎ ሰይሟል። #ትልቅ_ሀገር! #ትልቅ_ሕዝብ! #ታላቅ_ርዕይ! #Ethiopia #EBC #Medemer

አቶ አሕመድ ሽዴ የሕዝብ ተወካዮች ምክር ቤት አፈ ጉባኤ ሆነው ተሰየሙ *************************** 7ኛው የሕዝብ ተወካዮች ምክር ቤት 1ኛ ዓመት የሥራ ዘመን የምክር ቤቱ መመሥረቻ 1ኛ መደበኛ ስብሰባ እየተካሄደ ነው። በዚህም አቶ አሕመድ ሽዴን የምክር ቤቱ አፈ ጉባኤ አድርጎ ሰይሟል። #ትልቅ_ሀገር! #ትልቅ_ሕዝብ! #ታላቅ_ርዕይ! #Ethiopia #EBC #Medemer

የህዝብ ተወካዮች ምክር ቤት አባላት ቃላ መሃላ ፈጽመዋል ******************* በ7ኛው የሕዝብ ተወካዮች ም/ቤት 1ኛ ዓመት የሥራ ዘመን የምክር ቤቱ መመስረቻ 1ኛ መደበኛ ስብሰባ ላይ የምክር ቤቱ አባላት ቃለ መሃላ ፈጽመዋል።

ወ/ሮ ሙፈሪሃት ካሚል የፌዴሬሸን ምክር ቤት አፈ ጉባኤ እንደዚሁም አቶ ደስታ ሌዳሞ የፌዴሬሸን ምክር ቤት ምክትል አፈ ጉባኤ ሆነው ተሰየሙ *********************** የኢፌዴሪ ፌዴሬሽን ምክር ቤት የ7ኛው የፓርላማ ዘመን 1ኛ ዓመት የሥራ ጊዜ 1ኛ መደበኛ ጉባዔውን በዛሬው ዕለት ማካሄድ ጀምሯል። በዚህም ወ/ሮ ሙፈሪሃት ካሚልን የምክር ቤቱ አፈ ጉባኤ አድርጎ ሰይሟል። #ትልቅ_ሀገር! #ትልቅ_ሕዝብ! #ታላቅ_ርዕይ! #Ethiopia #EBC #Medemer

በቸሀ ወረዳ በክላስተርና በኩታ ገጠም እርሻ የሚካሄደው የሰብል ልማት የጉራጌ ዞንን የግብርና ምርታማነት ለማሳደግ አቅም የሚፈጥር ነው፦አቶ አበራ ወንድሙ መስከረም 25/2019(ወልቂጤ) የጉራጌ ዞን ምክትል አስተዳዳሪና የግብርና መምሪያ ኃላፊ አቶ አበራ ወንድሙ ጨምሮ የቸሀ ወረዳ የሥራ ኃላፊዎች በወረዳው የሚከናወኑ የግብርና ልማት ሥራዎችን ላይ የመስክ ጉብኝት አካሂደዋል። የጉራጌ ዞን ምክትል አስተዳዳሪና የግብርና መምሪያ ኃላፊ አቶ አበራ ወንድሙ እንደገለፁት በጉራጌ ዞን በመኸር ወቅት 177 ሺ 800 በላይ ሄክታር መሬት በተለያዩ ሰብሎች ለምቷል። በዚህም በጉራጌ ዞን ከ11 ነጥብ 5 ሚሊየን በላይ ኩንታል ምርት ይጠበቃል። በዞኑ ያልታረሱ መሬቶችን ለማረስ በተሰራው ስራ ከ12 ሺ ሄክታር በላይ አዲስ መሬት ታርሶ በተለያዩ ሰብሎች ተሸፍኗል ሲሉ አስገንዝበዋል። በመኸር ወቅት በእርሻ ዘርፉ የገጠሙ ችግሮችን ወደ እድል በመቀየር የጉራጌ ዞን እርሻ ከቁጥ ቁጥ ወደ ክላስተር፣ ከክላስተር ወደ ሜጋ ክላስተር ተሸጋግሯል ብለዋል። በዞኑ 30 ሺ ሄክታር መሬት ጤፍ የተዘራ ሲሆን 25 ሺ ሄክታሩ በክላስተር ለምቷል ያሉት አቶ አበራ ከተዘራው 46 ሺ የበቆሎ ማሳ 44 ሺው በክላስተር የተሸፈነ መሆኑን ተናግረዋል። አቶ አበራ በቸሀ ወረዳ በኩታገጠም የለሙ የሰብል ስራዎች የዞኑን የግብርና ምርታማነትን ለማሳደግ አቅም የሚፈጥር ተግባር ነው ብለዋል። የቸሀ ወረዳ ዋና አስተዳዳሪ አቶ ደሱ ድንቁ የነዳጅና ሌሎች ተያያዥ ማነቆዎች ቢገጥሙም ቅድሚያ ለግብርና ትኩረት በመስጠት የተሻለ የምርትና ምርታማነት ውጤት መመዝገቡን አስታውቋል። አክለውም ከባለፈው ዓመት አንጻር የዘንድሮ የግብርና ሥራ በጥራትና በስፋት የተሻለ ሲሆን በቡና፣ ቅመማ ቅመምና በችግኝ ተከላ ላይም ሰፊ ሥራ ተከናውኗል ብለዋል። በቸሀ ወረዳ 3 ሺ 483 ሄክታር አዲስ መሬት መታረሱና ምርትና ምርታማነት እንዲያድግ መደረጉ ተናግረዋል። በተለይም በቆሎና ጤፍን በኩታ ገጠም እርሻ በማልማት ምርትና ምርታማነትን ከማሳደግ ባለፈ ወጣቶችን በግብርና ሥራ በማሳተፍ ኢኮኖሚያዊ ተጠቃሚ እንዲሆኑ መሰራቱ ገልጸዋል። ምርትና ምርታማነትን ለማሳደግም የግብርና ቴክኖሎጂ ተግባራዊ መደረጉን ጠቁመው በመንግሥትና በግል አርሶ አደሮች ከ8 በላይ ትራክተሮች የግብርና ሥራዎችን እንዲያግዙ አገልግሎት ላይ መዋላቸውን አቶ ደሱ አስረድተዋል። የቸሀ ወረዳ ግብርና ጽ/ቤት ኃላፊ አቶ ጠቅልል አባድየ በወረዳው በመኸር ወቅት 18 ሺህ 957 ሄክታር መሬት በጤፍ፣ በበቆሎ ፣በስንዴ፣በገብስና በሌሎች ሰብሎች በመሸፈን 792 ሺህ 852 ኩንታል ምርት ለማግኘት እየተሰራ ነው። የቴክኖሎጂ፣ የምርጥ ዘር፣ ፣የክህሎትና የድጋፍ ክትትል ስራዎች ለስራው ውጤታማነት ጉልህ ሚና ተጫውቷል ብለዋል አቶ ጠቅልል። በወረዳው ጤፍ 8ሺ 41 ሄክታር መሬትና ቦቆሎ ደግሞ 2ሺ 122 ሄክታር መሬት በኩታገጠም እርሻ የታረሰ መሆኑን አስታውቀዋል። በመኸር፣ በበልግና በመስኖ ወቅት በልዩ ትኩረት በመስራት የአርሶ አደሩ ኢኮኖሚያዊ ተጠቃሚነት ማረጋገጥ መቻሉ የጠቀሱት አቶ ጠቅልል በተቀናጀ ግብርና ልማትና በኩታገጠም ስራ አበረታች ለውጦች መገኘታቸው አመላክተዋል። በቸሀ ወረዳ አግኝተን ያነጋገርናቸው አርሶ አደር አቶ አብድራህማን ሙክታር እና አርሶ አደር ውጅራ ሸፕት እንዳሉት እርሻ በግል እና በቁጥ ቁጥ ከመስራት በመውጣት ጤፍና በቆሎ በኩታ ገጠም አምርተዋል። የመንግስት ድጋፍ ፣የግብአት አጠቃቀምና የቤተሰባቸው ጉልበት በአግባቡ በመጠቀማቸው ውጤታማ መሆናቸው የገለጹ ሲሆን ምርታማነታቸው በመጨመር የተሻሻለ ኑሮ እንዲኖሩ እንዳስቻላቸው ተናግረዋል። ቦታው ለብዙ አመት ሳይታረስ የቆየ እንደነበር ገልጸው ጤፍ በሄክታር በአማካኝ 18 ኩንታ፣ በቆሎ ደግሞ በሄክታር 70 ኩንታል ምርት እንደሚያገኙ አስታውሰዋል።

የጉራጌ ዞን ምክትል አስተዳዳሪና የግብርና መምሪያ ኃላፊ አቶ አበራ ወንድሙ እና የቸሀ ወረዳ የሥራ ኃላፊዎች በወረዳው የሚከናወኑ የግብርና ልማት ሥራዎችን እየጎበኙ ይገኛል። መስከረም 25/2019(ወልቂጤ) በቸሀ ወረዳ የመኸር ሰብል ልማት ምርታማነትን በማሳደግ ለአርሶ አደሩና ለወጣቱ የተሻለ ኢኮኖሚያዊ ተጠቃሚነት ለመፍጠር በኩታ ገጠም እርሻ አሰራር በትኩረት እየተሰራ ነው። በወረዳው በመኸር ወቅት 18 ሺህ 957 ሄክታር መሬት በተለያዩ ሰብሎች ለምቷል። በተለይም ከቁጥቁጥ እርሻ በመውጣት የኩታ ገጠም አሰራርን ወደ ተግባር ማስገባት ለምርታማነት መጨመርና ለአርሶ አደሩ ገቢ መሻሻል የሚያግዝ ልምድ ሆኖ እየተስፋፋ ይገኛል። የሰብል ልማቱን በቂ እንክብካቤ በማድረግና ድጋፍ ክትትል በማጠናከር ምርቱ በጥሩ ቁመና ላይ እንደሚገኝ በመስክ ጉብኝቱ ተመላክቷል። በዚህም ጤፍ 8 ሺህ 46 ሄክታር፣ በቆሎ 2 ሺህ 122 ሄክታር ፣ስንዴ 1 ሺህ 350 ሄክታር ፣ ገብስም 1 ሺህ 197 ሄክታር መሬት ተዘርቷል። በጤፍ በአማካይ 17 ኩንታል፣ በቆሎ ደግሞ 70 ኩንታል በሄክታር ምርት እንደሚገኝ የተገለጸ ሲሆን በአጠቃላይ 792 ሺህ 852 ኩንታል የመኸር ሰብል ምርት እንደሚገኝ ይጠበቃል። በመስክ ጉብኝቱ የጉራጌ ዞን ምክትል አስተዳዳሪና የግብርና መምሪያ ኃላፊ አቶ አበራ ወንድሙ ፣የቸሀ ወረዳ ዋና አስተዳዳሪ አቶ ደሱ ድንቁ፣የቸሀ ወረዳ ዋና የመንግስት ተጠሪ አቶ አንዳምላክ ይምጌ፣ የግብርና ጽ/ቤት ኃላፊ አቶ ጠቅልል አባድየ፣ እና የወረዳው የሥራ ኃላፊዎች ተገኝተዋል።

በዞኑ ዘላቂና አስተማማኝ ሰላም ለማስፈንና የተጀመሩ የልማት ስራዎችን አጠናክሮ ለማስቀጠል የሚሊሻ አባላትን አቅም ማጎልበት አስፈላጊ መሆኑን የጉራጌ ዞን አስተዳደር አስታወቀ። መስከረም 23/2019 ዓ.ም (ወልቂጤ) የጉራጌ ዞን ሚሊሻ ጽህፈት ቤት የ2018 በጀት ዓመት አፈፃፀምና የ2019 በጀት ዓመት እቅድ የትውውቅ መድረክ በወልቂጤ ከተማ አካሂዷል። የጉራጌ ዞን ረዳት የመንግስት ተጠሪ አቶ ደሳለኝ ፈቀደ እንደገለጹት የህብረተሰቡን ሰላምና ደህንነት በአስተማማኝ ሁኔታ ለማስጠበቅ የሚሊሻ መዋቅር አቅምን ይበልጥ ማጠናከር ይገባል። የሚሊሻ አባላቱ ከአካባቢ ሰላምና ጥበቃ ባሻገር የማህበረሰቡ አጠቃላይ እንቅስቃሴ ፍፁም ሰላማዊ እና ደህንነቱ የተጠበቀ እንዲሆን የማድረግ ትልቅ ሀላፊነት እንዳለባቸው ገልጸዋል። ለዚህም አባላቱ የሚኖሩበትን ማህበረሰብ በጥልቀት ማወቅና የተለየ ወይም አጠራጣሪ እንቅስቃሴ የሚያደርጉ አካላትን ለይተው ስርዓት ማስያዝ እንደሚጠበቅባቸው አሳስበዋል። አቶ ደሳለኝ አክለውም በዞኑ በርካታ ሰላም የማስከበር ተግባራት እየተከናወኑ መሆናቸውን ጠቁመው እነዚህን የፀጥታ ስጋቶችን በዘላቂነት ለመከላከልና ለማክሰም እንደሆነ አስገንዝበዋል። በዞኑ ዘላቂ ሰላምና የህብረተሰቡ ደህንነት በአስተማማኝ ሁኔታ ለማስጠበቅ የፀጥታ አካላት፣ ፖሊስና ሚሊሻ በቅንጅት መስራት እንዳለባቸውና ለአባላቱ አስፈላጊው ሎጀስቲክ መሟላት እንዳለበት አሳስበዋል። አክለውም አቶ ደሳለኝ አባላቱ መልካም ስነምግባር ተላብሰው ህዝብን በቅንነት፣ በታማኝነትና በትጋት ማገልገል እንዳለባቸውና ለሌሎች ዜጎች አርአያ መሆን እንደሚገባቸው አስገንዝበዋል። የጉራጌ ዞን ሰላምና ፀጥታ መምሪያ ኃላፊ አቶ ነጋ አስፋው በበኩላቸው የፀጥታ ጉዳይ ጊዜ የማይሰጠው አንገብጋቢ ጉዳይ መሆኑን ገልጸዋል። የሚሊሻ አባላት ንቁና ታታሪ በመሆን የአካባቢያቸውን ሰላም ለማስጠበቅ በቁርጠኝነት መስራት እንዳለባቸው የተናገሩት አቶ ነጋ፣ አባላቱ የፖሊስን ተግባር የሚያፋጥኑና የፖሊስን ጫና የሚቀንሱ በመሆናቸው የተቀናጀ አሰራርን ማጠናከር እንደሚገባ ጠቁመዋል። አባላቱ በተጠናቀቀው በጀት ዓመት ከፖሊስ ጋር በመቀናጀት በዞኑ አንፃራዊ ሰላም እንዲሰፍን ከፍተኛ አስተዋፅኦ ማበርከታቸውንም አክለው ገልጸዋል። አቶ ነጋ አያይዘውም የጉራጌ ማህበረሰብ በጸጥታና ደህንነት ተቋማት ያለውን ተሳትፎ ለማሳደግ አበረታች ተግባራት እየተከናወኑ እንደሚገኝና በአሁኑ ወቅት በሀገር መከላከያ ሰራዊትና በፖሊስ መዋቅር በርካታ ወጣቶች እየተሳተፉ መሆናቸውን አስረድተዋል። የጉራጌ ዞን ሚሊሻ ጽህፈት ቤት ኃላፊ አቶ ክፍሌ ኧትሟሪ በበኩላቸው፤ በየመዋቅሩ አዲስ የቀበሌ ሚሊሻ አባላትን ለመመልመል በተሰራው የግንዛቤ ፈጠራ ስራ ህብረተሰቡ በንቃት እየተሳተፈ ይገኛል ብለዋል። በዚህም በበጀት ዓመቱ 687 አዲስ የቀበሌ ሚሊሻ አባላትን መመልመል ተችሏል። በተጨማሪም አባላቱ በዞኑ በሁሉም መዋቅሮች ህገ-ወጥ ንግድን በመቆጣጠር ረገድ ከፍተኛ ሚና እየተጫወቱ እንደሚገኙ አስገንዝበዋል። በቀጣይም የሚሊሻና ከመከላከያ ተመላሽ አባላትን ቁጥር የማጥራት ስራ እንደሚሰራ ተናግረዋል። በመድረኩ ማጠቃለያ በ2018 በጀት ዓመት በስራቸው የላቀ አፈፃፀም ላስመዘገቡ ወረዳዎች እውቅና ተሰጥቷል። በዚህም መሰረት 1ኛ እኖር፣ 2ኛ ምሁር አክሊል፣ 3ኛ ቸሀ፣ 4ኛ እዣ፣ እና 5ኛ ጉመር ወረዳዎች ደረጃ በመያዝ የሰርተፊኬትና የዋንጫ ሽልማት ተበርክቶላቸዋል።

በወረዳው በክላስተር እየለማ ያለ ሰብልና በተቀናጀ የግብርና ልማት እየተመዘገቡ ያሉ ስኬቶች የግብርና ትራንስፎርሜሽን ተግባራዊነት ማሳያ ናቸው፦አቶ ካሱ ጁኋር መስከረም 21/2019(ወልቂጤ) በአበሽጌ ወረዳ በመኸር ወቅት ከለማው 50ሺ 919 ሄክታር መሬት 3 ሚሊየን 347 ሺ 471 ኩንታል ምርት ለማግኘት እየተሰራ መሆኑ ተገልጿል። የአበሽጌ ወረዳ የስራ ኃላፊዎች በወረዳው እየተከናወኑ ያሉ የግብርና ልማት ስራዎች የመስክ ጉብኝት አካሂደዋል። የአበሽጌ ወረዳ ዋና አስተዳዳሪ አቶ ካሱ ጅኋር በዚህ ወቅት እንዳሉት የመስክ ጉብኝቱ አመራሩና ባለሙያው በአንድ አካባቢ የታዩ ሞዴል ስራዎች በሁሉም ቀበሌዎች እንዲስፋፉ ለማድረግ ነው። አርሶአደሩ ከመንግስት ጎን በመሆን በወረዳው በአንድ አንድ ቀበሌዎች የተከሰተው የጸጥታ ችግር ሳይበግረው ሰላሙን በማስጠበቅ ልማቱን እየሰራ በመሆኑ ውጤት እንዲመጣ አስችሏል። ከዚህ በፊት በተለምዶ ብቻ ይመረቱ ከነበሩ ሰብሎች በተጨማሪ አዳዲስ ምርቶችን በማስለመድ ለአብነትም ሩዝን ጨምሮ የቅመማ ቅመም ሰብሎች፣አትክልትና ፍራፍሬዎችና የእንሰት ፎንፎ በሰፊው እየተመረቱ መሆኑን ተናግረዋል። አቶ ካሱ አክለውም የተቀናጀ ግብርና እንደ ልምድድ በመውሰድ በትኩረት እየተሰራ ሲሆን ግብርናው በጥራት፣በስፋትና በአይነት በማሳደግ የአርሶ አደሩ ኑሮ እንዲሻሻል ተድርጓል። ለአብነትም በመሀመዴ ቀበሌ ከ14 ሚሊየን ብር በላይ ወጪ በማድረግ የችግኝና ፍራፍሬ ማፊያ ማእከል እንዲቋቋም ስለመደረጉ አንስተዋል። ከባህላዊ ወደ ዘመናዊ ግብርና በተደረገው ሽግግር ከ200 በላይ የአርሶ አደር ትራክተሮች ወደ ሥራ ገብተዋል ያሉት አቶ ካሱ በግብርና ስራው የአየር ሁኔታ፣የነዳጅና የጸጥታ ችግር የገጠሙ ቢሆንም በተቀናጀ ድጋፍና ክትትል የግብርና ሥራው ስኬታማ መሆኑን ገልጸዋል። ችግሮችን ወደ ውጤት በመቀየር በወረዳው ስኬታማ የግብርና ልማት ስራዎች እየተሰሩ ነው ብለዋል። በቀጣይም የወረዳው ልማትና ሰላም አጠናክሮ በማስቀጠል የጸደይ እና የመስኖ ወቅት ስራዎች እንደሚጀመሩ አቶ ካሱ አስታውቀዋል። የአበሽጌ ወረዳ ግብርና ጽ/ቤት ኃላፊ አቶ አብድል ከሪም ናስር በበኩላቸው በወረዳው የግብርና ኢኒሼቲቮችን ተግባራዊ በማድረግ የአርሶ አደሩን ምርትና ምርታማነት እየጨመረና ኢኮኖሚያዊ ተጠቃሚነት እያደገ መጥቷል ብለዋል። አርሶ አደሮች በትንሽ መሬት ብዙ እንዲያመርቱ ፣ አዳዲስ የግብርና ምርቶች ተግባራዊ እንዲያደርጉ፣ግብአት በወቅቱ እንዲያገኙ፣ድጋፍ ክትትል የማድረግ ስራ መሰራቱ አስታውቋል። የምግብ ዋስትና የሚያረጋግጡ ፣ኤክስፖርት የሚደረጉ፣ ለገቢ ምንጭነት የሚውሉ ምርቶች እየተመሩ እንደሚገኝ አቶ አብድል ከሪም አስገንዝበዋል። ለአብነትም በቆሎ በሄክታር በአማካኝ 85 ኩንታል፣ጤፍ በአማካኝ 18 ኩንታል የሚጠበቅ ሲሆን በአጠቃላይ በመኸር ከለማው 50ሺ ሄክታር መሬት 3 ሚሊየን 347 ሺ 471 ኩንታል ምርት ይገኛል ተብሎ እንደሚጠበቅ አቶ አብድልከሪም አመላክተዋል። አርሶ አደር ጅላሉ አብዶ የጣውላ ገፈርሳ ቀበሌ፣አርሶ አደር ዘሪሁን ቱሉ የአቡኮ ቀበሌ፣አርሶአደር ሞሳ ጀማል የጣጤሳ ቀበሌ ነዋሪዎች ናቸው። በተደረገላቸው የሙያና የግብአት ድጋፍ በግብርና ስራቸው ውጤታማ በመሆን የአኗኗር ዘይቤያቸው መቀየሩ ተናግረዋል። በማሳቸው የተቀናጀ ግብርናና በመስራትና አዳዲስ የግብርና ሰብሎችን በማምረት ከዚህ በፊት ልጆቻቸው ከተማ ብቻ ይሄዱ ከነበረበት አሁን ግን በይዞታቸው አምርተው ከስደት እንደታደገላቸው አብራርተዋል። ከመንግስት ጋር በመሆን የአካባቢያቸው ሰላም በመጠበቅ የግብርና ስራቸው ላይ በትኩረት እየሰሩ መሆኑን አርሶ አደሮቹ ገልጸዋል።