Hazrati Kursdosh | X

#mavzugadoir Internetdagi dialogdan: — Yaxwi qiz, sz manga yoqp qoldiz, koriwsak boladim? — Soati 50 ming! — Nma? Sz anaqangi qizladanmi? — Yo'q, men ona tili o'qituvchisiman, sizga ona tilidan dars bermasa bo'lmaydi! @hazratikursdosh

Maqsadimni tushunmay turgan og‘aynilarga eslatib o‘tmoqchiman. Men til o‘rganishga mutlaq qarshi emasman. Dunyo tillarini o‘zlashtirgan, ko‘p tilda muloqotga kirisha oladigan yurtdoshlarimiz ko‘payishini xohlayman. Bundan faqat xursand bo‘laman. Faqat o'z Ona tilimiz, o‘zbek tilini qadrsizlantirmagan, unutib qo‘ymagan holda, marhamat! Qo‘shimchasiga uni targ‘ib qilsa, yanayam xursand bo‘laman. Chunki chet tilini bilgan odam o‘sha millat odamlariga o‘zbek tilini o‘rgatish yoxud bunga majbur qilishda bizdan ko‘ra yaxshiroq imkoniyatga ega bo‘ladi. Boshqa tomondan esa, o‘zbeksitonlik O‘zbekistonda turib o‘zbek tilida ishini bitirolmasligini oldini olish maqsadim. Vatandoshim (hech bo‘lmasa) o‘z vatanida chet tilini bilmaganidan uyalib, hijolat tortib turmasligini istayman. Davlat va nodavlat tashkilotlarida konstitutsiyamizga zid ravishda haliyam rus tilida hujjatlar yuritilayotgani, lotin alifbosiga batamom o‘tilmagani, qolaversa, o‘z kasbining yutuk mutaxassislari rus tilini bilmagani uchun ishga qabul qilish suhbatlaridan o‘tolmayotgani va hokazolarni hisobga olsak, bu borada hali qiladigan ishimiz ko‘p. Ko‘chalardagi reklama va turli bannerlar-ku, alohida mavzu bo‘ladi. Xullas, bu yo‘lda har qanday narsani qilaverish maqsadli. Eng muhimi to‘xtab qolmaslik va kimningdir boshlashini kutib o‘tirmaslik! @hazratikursdosh

Hazrati Kursdosh bugundan boshlab o‘zbek tili targ‘iboti va himoyasini yanada kuchaytiradi. Bu yo‘lda mayda ish yo‘q. Hatto jamoat joylarida mavjud hojatxonalardagi "Ж" va "М" harflarini "E" va "A" harflariga o‘zgartirish ham natija. @hazratikursdosh

Rus tilini yaxshi bilmagani uchun O‘zbekistonda yagona bo‘lgan o‘zbek uchuvchi mutaxasisi ishga olinmabdi. O‘lib ketlaring shu til bilan! @hazratikursdosh

— Hazrati Kursdosh, sarkazmlar yozmay qo‘ydingiz? — U senga suv emaski, qultillatib ichib yuborsang. Bundan tashqari, hayotimizning o‘zi sarkazib bo‘lib yotibdi, qo‘ysangchi, uka... @hazratikursdosh

Bugun Telegram yaratilgan kun ekan. Tugʻilgan kun munosabati bilan 1 mln qidiryapman. Bir muddatga berib turoladigan nomzod bormi? @hazratikursdosh

Taajjub. @hazratikursdosh

Uylanish, turmushga chiqish, umuman olganda oila qurish borasida bo‘ydoq uka-singillarimda savollar paydo bo‘lyapti ekan. Ayrimlari tanlov jarayonida qiynalayotgan bo‘lsa, boshqasi hali topolmay yuribdi emish. Qo‘ymadingiz-qo‘ymadingiz-da, vaqt topib yana bir katta post qilishga harakat qilaman. Ungacha shoshib to‘y qivorish yo‘q, desam. Bosinglar-ey, yor-yorlarga yetganga kelmaydi. Hozircha eskartish, qalblar bir-birini o'zlari topmasa, bittasini tanlab, shartta oila qurvorish juda qiyin masala. katta ehtimol bilan post mavzusi nima haqda bo‘lishini anglab oldingiz. Gaplashamiz! @hazratikursdosh

— Hazrati Kursdosh, hamma narsa bo‘lishi mumkin bo‘lgan joyni aytingchi? — Qizlarning sumkasi. P.s: Abbos, rozi bo‘lasan. @hazratikursdosh

Hatto Qovoqvoy dissertatsiya yozayapti. Sen bo‘lsang haliyam bitta sessiyani yopolmay, qiynalib yuribsan. Qovoqday bo‘lolmagan, uyat senga! 😂 @hazratikursdosh