𝑷𝑨𝑹𝑻 𝑶𝑭 𝑯𝑶𝑷𝑬 🌍❤️‍🔥

طب اي يا دنيا بقيت تانيه جامعه والايس كريم لسه موقعش عليا

حوار اني ببقي عاوز الم الاطباق بعد الاكل وانا معزوم عند حد تبين قد اي انا شخص غلبان وطيب والله

محدش هيبقا فاهم إن وقتك على التليفون ‏ونومك المتلخبط وأكلك العشوائي وشغفك الي مات هو مجرد هروب من حاجات كتير مش عارف تحكيها

ياريت الدُنيا حلوه زي عيوُنك.

نتشاف زى مانتشاف ..! أهم حاجة هي شايفاني إزاى

الحاجه الوحيده الي انا شايل همها هو مين هياخدني واحده بورتاريه اول يوم جامعه

خايف من الضياع، وأنا مش عارف انا فين اصلا.

والله انا أقصى طموحاتي أن محدش يوجهلي أي كلام

يعم تعاتبني ايه بس اعملي بلوك ربنا يهديك

من ابشع العلاقات ان انت تكون مع حد مش عايز يخسرك بس في نفس الوقت هو مش بيختارك فتلاقيه الي هو راكنك ع جنب كدا هو مجرد عايزك تبقي موجود بس باقي الوقت هو مش فارقله ان هو يبين انه مهتم بيك او بيحبك هو حتي مش فارق معاه اذا بعتله وكلمته ولا لا

عاوز ابقي اشوفلي السنادي عيون جامعة انزل علشانها او اخصام انزل ازاولهم اي محتوي

مفيش حاجه مهونه عليا الدنيا غير اني عبيط والله

انا في الفتره دي في حياتي فهمت يعني اي الماضي المستمر

لي كل حاجه بقت صعبه لي لما ابقي عاوز حاجه مش بتحصل ولو حصلت بتحصل بعد ما افقد شغفي فيها لي مبقتش في علاقه مُريحه ولا حد وجوده يبقي مُريح نفسيها من غير تعب ولا تفكير لي مبقتش ف اي حاجه ساهله لي بنصعبها ع بعض ف كل حاجه كدا ؟؟؟

اكتر نسخه مني بقيت مبسوط بيها ان مبقاش يفرقلي اي حد ولا بقيت بستني اي حاجه من اي حد

الواحد لما يعدي في مكان معين ويفتكر لحظاته الحلوه الي خلاص مش هتتعوض بتصعب عليه نفسه بعيدا ع ان الحاجه دي انتهت او كانت نهايتها حلوه او لا بس انا بحن لحاجات كان نفسي تكون مكمله معايا لحد النهارده

غريب اوي والله إن قد ايه الواحد ممكن يمارس حياته بشكل طبيعي وقلبه مكسور، يبين أنه تمام وهو مهلك، ويتعامل عادي ويتجاهل مشاعر الحزن ولا كأنها موجودة عشان يعرف يعدي يومه واللي حواليه ميحسوش أنه مخبي حاجة, إحساس غريب وقاسي فوق القسوة قسوة والله

حاول متخليش وجود الناس الي في حياتك يكون هو الجزء الحزين في قصتك لو وصلت لمرحله انك مبقتش بتلاقي تقدير ف المكان الي انت فيه ولا حتي بتلاقي الحاجات الي مستنيها او نفس الحاجات الي بتقدمها ف هنا اختار راحتك افضل من انك تكمل في طريق كله تعب و وجع ف الحالتين هيكون في تعب اه بس اختار التعب الي يكون مؤقت مش الي يفضل مكمل معاك عمرك كله بلا هدف 🤝

اوقات الواحد بيندم انه اتعامل بقلبه مش عقله

عارف يعني اي اكتر شخص تكون مرتاح معاه هو نفس الشخص الي يعملك تروما من كل حاجه في حياتك !!