د.عمرو صلاح الشيخ

اوعى خوفك وقلقك كولي أمر من الثانوية العامة يخليك تاخد قرار غلط .. مش عشان خايف من الثانوية تدخل ابنك اي مجال وخلاص. قبل ما تقرر تهرب من الثانوية العامة لازم تكون محدد الآتي .. ✍️ هل ابنك نفسه موافق ع القرار دة ولا لا ؟ 👌اياك تغصب ابنك على دراسة مش حاببها ، انت كدة بتجبره على الفشل. ✍️هل انت على علم بمميزات وعيوب المجال التاني اللي عايز تدخله ؟ 🤌عشان تعرف المميزات والعيوب بتروح بنفسك تقابل حد شغال الشغلانة دي وتعرف منه. 👌على سبيل المثال انت عايز تدخل ابنك مثلا مدرسة مياه وصرف صحي أو مدرسة we ، هاتدور على شاب اتخرج بالفعل ودخل سوق العمل وتعرف منه طبيعة الشغل والمرتبات ...الخ. 👌لكن تروح تدخل ابنك اي مجال لمجرد انه هروب من ثانوية عامة انت كدة بتظلمه. 👌ما تاخدش معلومات من أي حد عشان أقسم بالله أنا باسمع من الناس كمية كذب وتضليل وتحريف وهبد عن مجالي وشغلي تخوف وترعب .. 👌تخيل اقعد مع ولي أمر أكلمه عن شغلي ومهنتي الاقيه مش مصدقني ويرد بكل سذاجة يقولي الناس بتقول عكس كلامك.. 🤌طب مين الناس دي يا عم ؟ 🤌شغالين معايا في نفس المهنة ، درسوا نفس الدراسة ؟ يقولي لا .. 🤌طب بناءً على ايه بيتكلموا ويفتوا ؟🤔 👌أبوس ايدك يا ولي الأمر ، متدخلش ابنك مجال من غير ما تسأل عنه أهل الذكر و أهل التخصص. 👌أبوس ايدك كمان مرة ، ما تغصبش على ابنك في دراسة ولا شغل ، دي حياته هو و مستقبله هو ، ولو فشل ها يعلق فشله عليك انت.. 👌للمرة المليون اهو بقول اسال المتخصصين فقط ، واسال الناس الامينة اللي بتراعي ربنا في كل كلمة.. 👌اسال الناس الدوغري اللي ملهاش مصالح، متاخدش كلام يخص مستقبل ابنك من اي حد وخلاص. أخيراً أنا بذلت مجهود عشان افيدك بـمعلومـة صـحيـحـة ودقـيقـة اتمنى تدعم المحتوى بلايك وكومنت وشير. سلام 🤝