مِستكةةةة 🪐🤎

⛔️الشفع خايفين وما فاهمين حاجة نتصرف معاهم كيف؟ الشفع لازم نلاحظ ليهم أثناء الأوضاع المأساويَّة دي، لابُد إنه نطمِّنهم ونظهر القوة قدامهم، مهما كان الوضع مُفجع؛ تفاديًا لنوبات الصدمة والخوف اللي ممكن تصيبهم لا قدر الله! ⛔️طيب لما يكون في أصوات ضرب نتصرف كيف؟ _نبعد الطفل من مصادر الصوت قدر الإمكان _نحضن الطفل، ونطمِّنه ونخفف عليه _إذا صوت الضرب والدانات قوي شديد نخلي الطفل تحت السرير، ونخُت ليو سمّاعات، ونشغل ليه للقرآن أو نحاول نلهيه ويخليه يلعب شوية عشان ما يفكر كتير ⛔️الطفل ما بقدر يعبِّر ويتكلم فممكن تظهر عليه أعراض خوف وصدمة: 1_ممكن ياكل أضافره ويكون بمص في أصبعه بدون كلام 2_ممكن للأسف يتبول على نفسه لأنه ما قادر يعبر 3_حيتوتر ويبقى عصبي وغضبان أو يبكي ويُصاب بتغير سلوك ما مفهوم 4_حيقول ليك ماشي الحمام كتير أو إنه جعان لأنه ما عارف نفسه عايز شنو 5_ ما حيقدر يركز وبكون متوتر وخايف عشانهم، خليك قوي وصامد، مهما حصل ما توريهم الأخبار وتشرح ليهم يعني شنو جيش ودعم سريع والكلمات الكبيرة عليه، لو بتحضروا الأخبار زحوه من مكان الأخبار عشان ما يحلم بيها، وقدر ما نقدر نطمنهم إنه كل حاجة حتكون بخير وإنه اي زول اتصاب جمبه ذكروه إنه في دكاترة حتبقيهم كويسين، وفهموه إنها كم يوم وكلها حاجات من ربنا وحتعدي وربنا حيجزينا عليها لو صبرنا.. حفظ الله السودان من شماله إلى جنوبه، ومن شرقه إلى غربه 💙. ساعدنا في عشان أطفالنا، اتصرفت كيف مع الشفع عشان تهديهم؟ #عشان_أطفالنا #لازم_تقيف #قوم_امشي_أقرا