E3dady Channel

قال رسول الله ﷺ: ‏"أكثروا الصلاة عليَّ يوم الجمعة وليلة الجمعة، فمن صلىٰ عليَّ صلاة صلىٰ اللّٰـه عليه عشرًا". اللَهُمَّ صَلِّ وَسَلِمْ وبارك عَلى نبِيِّنَا مُحَمَّـدْ ﷺ.🤍 متنسوش سورة الكهف ودعوة مستجابة عند المغيب .

الناس اللي منتظرة فيديو الاستاتيكا 👇 https://youtu.be/yNGbPNNuuxg?si=XS9i6i6coVbgOVt5

يبنات ارقامكم عشان متظهرش على التللي وحد يضايقكم اعملو الخاصية دي عشان اغلبكم ظاهر رقمه مهم ...

كل واحد فى المجموعة بتاعته يا شباب من اول الاسبوع الجاي إن شاء الله

السلام عليكم ورحمة الله وبركاته اخباركم يارب تكونوا بخير بالنسبه للوصفية 1-تشوف الكتاب والمسائل اللي محلوله فيه وتحاول تفهم اتحلت كدا ليه مش تحفظ علشان عمرك ما هتعرف تحفظ مسائل الوصفيه اصلا 🤝 ولو حاجه وقفت معاك شوف حد زميلك فاهمها او اسأل المعيد او ابعتلي وإن شاء الله اتذكر وافيدك 2-تشوف فديوهات الشرح سواء داتا او يوتيوب واحسن ناس انا سمعتلهم د اسامه عبدالله و د ايمن سمرة 3-تشوف الشيت وحله وتحله تاني بايدك والحل هتلاقيه على الداتا م محمد حاتم فديوهات وفي غيرة مذكرات (ولو الداتا موصلتكش لسه اتواصل معايا ) 4- تشوف امتحانات السنين اللي فاتت وتجرب تحل فيها بس كمان شويه مش دلوقت 5-متركنش المادة علشان لو اتراكمت عليك هتفرمتك 🤝😂 6- نصيحة متلجأش للكورس إلا لو لقيت الدنيا بايظه معاك خالص وكل اللي فات ده منفعش معاك ودا بإذن الله مش هيحصل ابدا ومتخفش من المادة المادة والله سهله لو فهمتها ومسبتهاش ومتسمعش اي كلام يخوفك منها دمتم موفقين 🤝🤍

https://youtu.be/VuO3TSEcb8o?si=HIdq105Yi6yjzsMw شرح محاضره جديده تحت عنوان الدالة الكسرية والدالة الجزرية بالتوفيق يا باشمهندسين/ات

السلام عليكم ورحمه الله وبركاته انا ف تانية نظم بعد اذنك طبعا بما انك كنتي مندوبة اعدادي السنة اللي فاتت لو ممكن تنبيهي الطالبات بتوع اعدادي اللي جايين جديد أنهم يشترو الادوات من مكتبة الجامعة اللي هي بتكون جنب مبني نظم بتاع البنين لانها بتوفر كتير عن المعرض وحاجاتها اصلية حتي لو مش هيشتروا هم يقرروا بس يكون قدامهم خيارين يسألوا وبعدين يشتروا بعدين أما يحكموا لان في طلبة كتير ما يعرفوش عن المكتبة دي بيروحوا ويجيبوا مثلا من المعرض اللي جوا الكلية بيكون غالي جدا

يا شباب مفيش اى أخبار عن اى تغيير فى الوصفية لو حصل اى تغيير إن شاء الله هحاول اعرفكوا

لينك قناة اليوتيوب https://youtube.com/@Eng.Mostafa.Marzouk?si=NPazV4Coy6rHHLq5 لينك قناة التليجرام https://t.me/+phaum0k0Wx8wM2Zk

السلام عليكم جميعاً دفعة اعدادي 2024🫡 حابة اقول كلمتين عن تجربة بخصوص الاستاتيكا🤍 الاستاتيكا كلها انجليزي ومن اكتر المواد اللي بيتخدع فيها ناس كتير وبيخافوا منها ومش بيذاكروها عشان مش فاهمين حاجة من المصطلحات اللي الدكتور بيقولها ولا عارفين يتأقلموا مع الوضع مع انها شبه استاتيكا تالتة ثانوي بالظبط وسهلة بس محتواها على اليوتيوب بيكون مش زي المنهج في الجامعة بتاعتنا بيكون في حاجات مشتركة بس مش بنلاقي كورس كامل شبه الكورس بتاعنا وهيا مش مستاهلة تاخدوا كورسات اوفلاين وكده المهم تذاكروها من اول يوم وتشوفوا شرح بالعربي عشان تفهموا اللي الدكتور شرحه في المحاضرة 🫶 ونصيحة مني تسمعوا لمهندس مصطفى مرزوق 🤍 لانه اولا بيشرح اللي الدكاترة بتقوله بس وبيركز على اللي الدكاترة بتركز عليه والامتحان مش بيخرج برة الشيت عشان كده هو بيركز على اسئلة الشيتات وبيلم افكار مساءل كتير غير أنه بيعمل امتحانات عشان تفضلوا متابعين ومحدش بكسل يذاكر وبالتوفيق للجميع🤍

تعالا نلخص جدول ل فيديوهات الاستاتيكا الل المطلوب منك تسمعها انهاردة 1/ هتسمع الفيديو التقديمي مدته 1 دقيقه و 01. ثانية https://youtu.be/DsO7TYtoBIU?si=8re6MmSlfci9y2QW 2/ هتسمع محاضره القوى في مستوى https://youtu.be/KonEE11ogvE?si=46UlGOsa-vTwgixW مدتها 22دقيقة 04. ثانيه 3/ هتسمع فيديو حل مسائل على القوى في مستوى الجزء الاول ( مهم جداً جداً ) https://youtu.be/q_eLyZ4fkuc?si=_2j5YilgC6tVyjj9 مدتها 39 دقيقه كومنت على الفيديو يشباب ♥️ متنسوش تدعولنا بالتوفيق ❤️ اشتراك في القناه لو مش مشترك ❤️ قائمة تشغيل فيها الفيديوهات دى بالترتيب ❤️ https://youtube.com/playlist?list=PLzT9aqhNOKIgq9khqOtfSqS-5nNPzyp0Y&si=6qolgZAkInv84lH0 # إعدادى هندسة 2024 #مهندس مصطفى مرزوق

*هندسة الانتاج* - مادة من المواد الممتدة - الانتاج بيتقسم لنظري وورش *الدرجات* - هندسة الانتاج 100 درجة - 50 فاينل - 50 ورش - درجات الورش على الحضور وتمارين الكتاب وامتحان الورش - لو في ميد تيرم ممكن تقسيمة الدرجات تختلف *دكتور المادة* - دكتور على ناصر *المذاكرة والملاحظات* -المنهج كله عربي ما عدا كام كلمة في النص انجليزي - حضور المحضرات مهم وتكتب ورا الدكتور او تسجله غير إن الدكتور بيقولكم على حجات مهمة وحجات تركزوا عليها وبتيجي فعلا - اي رسمة الدكتور يرسمها في المحاضرة مهمة حتى لو مش في الكتاب ارسمها وراه - حاول تلم منهج الترم الاول في اجازة نص السنة عشان المادة اغلبها معتمد على الحفظ وطويلة *الورش* - الورش بتكون في مبنى ميكانيكا في العباسية عند اشارة صلاح سالم وده اللوكيشن بتاعها https://maps.app.goo.gl/4SNSQ8sSobebhNn19 - في كتاب ورش لازم تشتروه وبيكون فيه التمارين - مهم جدا تحضر كل الورش وتهتم بيها اغلب الي بيجيبوا مجموع كويس في الانتاج بيكون بسبب اهتمامهم بالورش ودرجاتها - الورش بيشرحها فني او معيد وبيشتغل قدامكم عملي وسعات بيحل معاكم التمارين بتاعت الكتاب فركزوا جامد في الورشة ولو في اي ملاحظات اكتبها ولو عندك سؤال اسأله - حل التمارين كلها عشان عليها درجات كتير وذاكر حل التمارين عشان بيجي في الامتحان - امتحان الورش بيكون اخر السنة قبل امتحانات الفاينل باسبوين - ممكن تذاكر الورش من كتاب دكتور محمود حافظ واهم حاجة التمارين بتاعت كتاب الورش والورق الي متعلق في الورش واي رسمة تقابلها في الورش مهمة *الفاينل* - ذاكر من الكتاب ومحاضرات الدكتور والرسومات مهمة - ركز على الكلام اللى الدكتور بيقوله علشان الامتحان مش بيطلع من برا اللى بيقوله دا لو الدكتور متغيرش السنادى #بوستات_تعريف_لاعدادي #المواد

‏أحبُّ كثرة الصّلاة على النبي ﷺ في كلّ حالٍ وأنا في يوم الجمعة وليلتها أشد استحبابًا'! - الإمامُ الشافعيُّ رضي الله عنه..🤍 متنسوش سورة الكهف  ودعوة  مستجابة عند المغيب.

بالنسبة للوصفية والمنظور هنبقى نتكلم عنهم بالتفصيل لانى فيهم شوية تغيير

*مقدمة الحاسب* - مادة من المواد الممتدة - مادة بترفع التقدير حاول تذاكرها ومتضيعش درجتها - مقدمة الحاسب فيها عملي - ملحوظة البنات مختلفين عن البنين في الكلام ده عشان منهجهم مختلف *الدرجات* - مقدمة الحاسب 100 درجة -70 فاينل - 30 اعمال سنة - اعمال السنة بتكون على حضور المحاضرات وسكاشن العملي وعلى امتحان العملي ولو في كويزات للعملي او لو الدكتور طلب شيتات *دكتور المادة* - الدكتور على حلاوة - الدكتور غالبا بيبدأ متأخر *المذاكرة والملاحظات* - المادة بالانجليزى - المحضارة الصراحة مش مفيدة اوي بس هتضطر تحضر المحاضرة عشان الدكتور بياخد غياب - حاول تلم منهج الترم الاول في اجازة نص السنة عشان بيبقى جزء كله نظري وحفظ -حاول تطبق على العملي لو معاك كومبيوتر او في سكاشن العملي *العملي* - لازم تحضر السكاشن وجرب بنفسك وخصوصا لو معندكش كومبيوتر تجرب عليه - امتحان العملي بيكون اخر السنة قبل الامتحانات باسبوع او اتنين - ذاكر كويس قبل امتحان العملي عشان إن شاء الله بيجي سهل ودرجته مضمونة - امتحان العملي بيكون في الغالب ورقي وغالبا mcq - استفيد من السكاشن وخصوصا لو اتشرحلكم وورد واكسيل *الفاينل* - ذاكر من الكتاب مش من ملخصات - امتحان الفاينل غالبا بيكون mcq - امتحان الفاينل معتمد على الحفظ وشوية فهم - مهم تحل امتحان اخر سنتين عشان الدكتور بيكرر الاسئلة - مهم جدا تحل شيتات كتاب العملي الي الدكتور هيديهولكم بيجي منه سعات في الامتحان حتى لو الاسئلة مش مفهومة او غريبة حل الي تعرفه واسأل الدكتور عن الي واقف معاك #بوستات_تعريف_لاعدادي #المواد

https://www.facebook.com/groups/e3dady/permalink/6778782295540805/?mibextid=Nif5oz 😂😂

*الرسم الهندسي* - مادة من المواد الممتدة - مش محتاج مهارة ولا ابداع اوي محتاج اكتر تتعود على الادوات وتتمرن على التخيل *الدرجات* - الرسم 200 درجة - 120 فاينل - 80 اعمال سنة - اعمال السنة بتتقسم على حضور السكاشن ولوح السكاشن ولوح الواجب وامتحان الميدتيرم وشيت اجازة نص السنة *دكاترة المادة* - دكتور فتحي الوحش - دكتور احمد النحاس - دكتور بيدي نص الدفعة ودكتور بيدي النص التاني *المذاكرة والملاحظات* - مهم جدا تحضر السكاشن ومتفوتش ولا سيكشن وترسم كل اللوح المطلوبة منك بمجهودك - لو في حاجة مش فاهمها اسأل المعيد او حد من صحابك وإن شاء الله هيساعدوك - في الاول ممكن تكون مش عارف ترسم او مش فاهم او مش عارف تستخدم الادوات بس مع الوقت إن شاء الله هتبدأ تتعود وفيديوهات اليوتيوب مهمة جدا هتساعدك كتير وافضل شرح على اليوتيوب م.مصطفى خميس و م.مصطفى قاشتينا - احضر المحضرات عشان سعات بتبقى فيها حجات مهمة الدكتور بيقول عليها وكده كده نص ساعة وبتطلع السيكشن - مرن نفسك كتير ومتبصش لقدام كله هيجي بالتدريج - في اجازة نص السنة بيبقى مطلوب منك شيت حله وحاول تدرب نفسك لو فاضي على اي رسومات تعجبك في الكتاب - الدكتور بيعملكم كتاب لازم تشتروه وبيعملكم لوح ارخص من برة وتقضيكم إن شاء الله طول السنة وحتى لو خلصت لو اشتريت لوح من برة محدش هيقولك لا *الميد تيرم* - بيكون في الترم التاني غالبا بعد ما تخلص اغلب المنهج - بيكون رسمة من رسومات الكتاب غالبا حاول قبليه تفهم رسومات الكتاب ولو عندك وقت ترسم كام واحدة منهم - مهم تكون سريع عشان الوقت بيبقى قليل *الفاينل* - حاول قبليه ترسم رسومات كاملة وخصوصا امتحانات اخر سنتين - وحاول برضو تبقى سريع عشان صحيح وقت الامتحان طويل بس في الغالب بتخلص على اخر الوقت وممكن لو كنت بطئ اوي متلحقش تفنش #بوستات_تعريف_لاعدادي #المواد