E3dady Channel

دي يا شباب قائمة تشغيل مكونة من 3 فيديوهات عبارة عن ساعتين مشروح ومحلول أمثلة فيهم ع التكامل بالاختزال مهم تسمعوهم علشان بيجي منه سؤال فى الامتحان https://youtube.com/playlist?list=PL5NR_WGge8t7Yvy5UJcIUwsEKfYDtM3l7&si=XqTxf7ItGCvnYYuR وبالتوفيق للجميع إن شاء الله

بشمهندس أيمن عبد الرحيم | ازاي تُرزق البركة في الوقت أيام الامتحانات ؟!

حل فاينل 2023 https://t.me/c/1902999132/71692 حل فاينل 2022 https://t.me/c/1902999132/71693 حل فاينل 2021 https://t.me/c/1902999132/71694

شباب استأذنكم لو حد معاه مسطرة حرف T عشان اللي معايا اتكسر و عندي امتحان كمان شوية... ضروري

🚀 دعم التدريب الصيفي من ITIDA 🚀 نداء إلى جميع طلاب الهندسة وعلوم الكمبيوتر وشركات تكنولوجيا المعلومات والاتصالات! انضم إلى برنامج دعم التدريب الصيفي من ITIDA واكتسب خبرة لا تقدر بثمن. للطلاب: 🔹 مسجل في كلية الهندسة أو علوم الكمبيوتر؟ 🔹 أتممت السنة الأولى أو الثانية أو الثالثة؟ 🔹 جاهز للتدريب الصيفي؟ املأ نموذج الطالب في الرابط أدناه وارفع سيرتك الذاتية. ستحصل على 500 جنيه مصري شهريًا لمدة تصل إلى شهرين. لشركات تكنولوجيا المعلومات والاتصالات: 🔹 مسجل في قاعدة بيانات ITIDA؟ 🔹 تبحث عن متدربين موهوبين؟ أكمل نموذج الشركة في الرابط أدناه. التواريخ الهامة: 📅 من 15 مايو حتى 25 يونيو 2024: فترة التقديم للطلاب والشركات. قدِّم الآن واستفد من صيفك! 👉🏼 لمزيد من المعلومات ونماذج التسجيل للطلاب والشركات: https://docs.google.com/forms/d/e/1FAIpQLSdIZhfQv8mk2Z1N6Z6ZTaQkOAc5PKoVnTxWf8LGAqVuOT3KuA/viewform 🚀 ITIDA Summer Internship Support 🚀 Calling all engineering and computer science students and ICT companies! Join ITIDA's Summer Internship Support program and gain invaluable experience. For Students: 🔹 Enrolled in engineering/computer science? 🔹 Completed 1st, 2nd, or 3rd year? 🔹 Ready for a summer internship? Fill in the Student Form and upload your resume. Receive EGP 500/month for up to 2 months. For ICT Companies: 🔹 Registered in the ITIDA database? 🔹 Looking for talented interns? Complete the Company Form on our website. Key Dates: 📅 May 15th - June 25th, 2024: Submission window for students and companies. Apply now and make the most of your summer! 👉🏼For more information and registration forms for both students and companies: https://docs.google.com/forms/d/e/1FAIpQLSdIZhfQv8mk2Z1N6Z6ZTaQkOAc5PKoVnTxWf8LGAqVuOT3KuA/viewform #ITIDA #SummerInternships #ICT #Engineering #ComputerScience #CareerGrowth

السلام عليكم ورحمة الله وبركاته 👋 بالتوفيق ان شاء الله النهاردة وصفية الوصفية مادة تقيلة قصرت فيها او مقصرتش ففي شوية خطوات لازم تعملها: 1- ابعد عن التوتر واستعن بالله 2- جهز ادواتك ومتنسهاش وهي: ١-قلمين سنون قلم 0.5 / 0.7 او قلم واحد 0.7 وحاول تتحكم في حتة التخفيف والتتقيل ٢-استيكة ٣-ارسطو ٤-برجل ٥-فرينش كيرف عشان تقفيل الالبيسات ٦-اللزق ٧-وفوطة ٨-مسطرة T عشان تعرف تقسم اللوحة وتسطرها 3- تروح بدري شوية عشان تجهز البوردة وتنظفها لو عليها تراب واول متستلم اللوحة تبدأ تثبتها 4-تبدأ تقسم اللوحة زي الصورة اللي اتبعتت قبل كده 5- خلاص قسمت اللوحة تبدأ تحل *نصائح مهمة* 🔰ذاكر كويس لغاية معاد الامتحان وتذكر دايما: قولُهُ -ﷺ-: "إنْ قامَتِ السَّاعةُ وفي يدِ أحدِكمْ فَسِيلةٌ، فإنِ استطاعَ أن لا تقومَ حتىٰ يَغرِسَها، فلْيغرِسْها". فقم، واغرِس فسيلتَك! 🔰 خلاص دخلت الامتحان ابدأ تشوف المسائل السهلة الاول وتحلها عشان تضمن درجات الاول يعني لو مذاكر الكثيرات كويس ابدا بيهم وخلصهم وبعدين شوف الكرة والمخروط 🔰اهم حاجه في الوصفية متسبش سؤال فاضي السؤال اللي مش هتعرف تكمله ابدأ فيه مثل النقط واشتغل لغاية متقف فيها وبعدين ارجعله في الاخر الامتحان 4ساعات يعني فترة كويسة 🔰 اهم حاجه حاول تحافظ علي نظافة اللوحة اكبر مايمكن الجو هيبقي حر بكرة فجيب معاك ازازة ماية او عصير 🔰استعن بالله وشغل قرآن يطمن قلبك وادعي ربنا وصلي ركعتين قيام الليل وقبل الامتحان صلي ركعتين قضاء حاجه 🔰واعتبر دايما التصحيح مش بحسباتك ربنا كريم صفي نيتك لله ومتنساش تدعي لإخوتنا في فلسطين

تقسيمة ورقة فاينل الوصفية لازم لما تيجي تحل تعملها كده وتقسمها كده ومتنساش اداوتك زي البرجل والمسطرة التي واللزق والفوطة عشان النظافة واهم حاجه ارسطو

بمناسبة الامتحانات شوية نصائح جميله بقى : اول حاجة استعين بالله وانت بتذاكر وادعى ربنا يرزقك التوفيق. ثانياً مش فيها حاجة بين كل شوية وشوية اما تقول لاحول ولاقوة الا بالله العلي العظيم وتصلى على النبى وسبحان الله وبحمده وسبحان الله العظيم اى نوع من أنواع الاستغفار. ثالثاً وانت قاعد بدل ما تسمع اغاني اسمع قرآن وعيش مع الآيات ده هيفرق معاك اوى والله وهيخلك تركز جامد جدا. رابعاً طبعاً كلنا بنسهر لغاية نص الليل ركعتين كده بقى وادعى ربنا بكل اللى نفسك فيه وطبعاً الدنيا برد وده كله فى ميزان حسناتك انك تقوم تصلى لله فى الوقت ده . خامساً بقى دعوة حلوة ليه انى ربنا يوفقنى فى الامتحانات جميعاً يعنى مش ليه لوحدى وأنه يهدينا جميعا ولعل أحد أن يستفيد بما اقول إن شاء الله.

كورس الكيمياء لاعدادى هندسة بنات القاهره: الفيديو الأول https://youtu.be/7z8ZGbwxIrk الفيديو الثاني https://youtu.be/Cd-ICUTVdAU دول فيديوهات كيمياء ملكمش نصيب ان الكورس يتعمل كامل بالتوفيق للجميع إن شاء الله

بالنسبة لحاجة تانية بقى مهم جدا جدا دا سلايد فيه امتحانات رسم ل عين شمس الدكتور فتحى الوحش غالباً بيجيب منه السنة اللى فاتت الرسمة بتاعتنا انا بصيت عليها قبل ما ادخل الامتحان جاية منه بنفس الأرقام وكل حاجه الناس تحاول تبص على الرسومات اللى فيه لعل وعسى يجيب منه السنادى ربنا يوفقكم

السلام عليكم ورحمه الله وبركاته مساء الخير يا شباب يا رب تكونوا بخير طبعاً الامتحان النهارده كان صعب ودا كان متوقع جدا جدا فلعله خير إن شاء الله زعلك يا صديقي مش هغير حاجة مهم جداً انك تركز فى الجاى علشان تعرف تجيب تقدير فى المواد الجاية علشان تقديرك يبقى عالى وتعرف تدخل القسم اللى انت حابه الدكتور مش هيسقط الدفعة كلها لازم نسبة النجاح متقلش عن نسبة 60 فى المية على الأقل فالناس تنسى وتركز فى الجاى علشان لو لقدر الله حد نازل فى الميكانيكا ياخد الرأفة فى الميكانيكا بس ركزوا فى الجاى وربنا يوفقكم جميعا

السلام عليكم ياشباب👋🏻 اتمنى من حضراتكم اما تيجوا من امتحان بلاش تراجعوا مع بعض أو لو كان الآمتحان وحش بلاش تنشروا الطاقة السلبية دي لأن الكلام دا مفيش منه فايدة و هيحبط اللي حواليك و هيأخر مش هيقدم. وبالنسبة لإمتحان النهاردة لو كان صعب او كده ف هو صعب عالكل يعني لو انت ماحليتش فيه قد كده غالباً الباقي هيكون زيك و ربنا هيجازيك على قد تعبك و زيادة ماتقلقش. انسوا المادة اللي فاتت و ركزوا في المواد الجاية و ربنا يوفقكم فيما هو قادم♥

السلام عليكم يا شباب 👋 بالتوفيق إن شاء الله في ميكانيكا بكرة اولا : ابعد عن التوتر واستعن بالله ثانيا : جهز أدواتك ماتنساش🚫🙆 ١- بطاقتك أو أي اثبات شخصية عشان المراقب ٢- قلم جاف / قلم رصاص / أستيكة ٣- الآلة الحاسبة ٤- ساعة يد عشان الوقت مايسرقكش ☆نصائح مهمة وعن تجربة للامتحان ☆ ● حل بالقلم الرصاص او السنون عادي عشان لو غلطت في رقم تمسح وحدد ناتج نهائي في مربع او برواز . ● ابدأ شوف المسائل الي تعرف تحلها الأول وسهلة بالنسبالك وابدأ بيها وتضمن درجات الأول يعني لو مذاكر ديناميكا احسن من استاتيكا ابدأ بيها ● و ده يفضل عامة لأن مسائل الديناميكا أسهل الا لو فيها فكرة ف حل الأسهل ليك في الاستاتيكا ● لو سؤال وقف معاك ومفيش نتايج بتطلع معاك ماتسبش ليه أكتر من ربع ساعة وادخل على الي بعده ● ماتقلقش لو نتايج المطلوب بتطلع معاك غلط الدكتور بيحط درجات كبيرة على الخطوات ● نظّم كراسة إجابتك وسيب صفحة واحدة (وجه وظهر ) لكل سؤال بالترتيب حتى لو ماكتبتش فيها ● وارجع في آخر الوقت حاول فيها تاني استعن بالله وشغّل قرآن يطمن قلبك و ادعي ربنا وصلي ركعتين قضاء حاجة قبل الامتحان ودايما التصحيح مش بحسباتك ربنا كريم بس انت صفي نيتك لله عذراً على الإطالة ... والسلام

السلام عليكم ورحمه الله وبركاته مساء الخير يا شباب يا رب تكونوا جميعاً بخير طبعاً إن شاء الله هتبدأوا امتحانات يوم السبت وطبعاً الميكانيكا من المواد اللذيذة الميكانيكا من المواد اللى محتاجة تركيز اوى هيا سهله بس خلي بالك يمكن تخدعك خلى البداية بتركيز يعنى متوترش نفسك الموضوع إن شاء الله بسيط بالنسبة ل الناس اللى مش كويسه فى المادة لسه قدامك يوم تقدر تظبط فيه المادة المادة تتلم فى يوم عادى بلاي ليست احمد زكى وعلى 2× و المادة هتظبط معاك متخافش مهم جداً تبص على محاضرات الدكتور الدكتور حمدى بيجيب نفس افكار المحاضرات لازم تبص على اخر ثلاث امتحانات مثلا على الأقل علشان تشوف افكار الامتحانات ومتتصدمش من الأفكار فى الامتحان لو مخلصتش بكرا على بعد العشاء حاول تسيب المذاكرة وتحل امتحانات بقى علشان تشوف افكار الامتحانات زى ما قولت انا سمعت انكم مزعلين دكتور حمدى ف يا رب يجيب لكم امتحان كويس هو كان قالكوا انى اول مسألتين مش هتعرفوا تحليهم فلو كدا ابداوا من الثالثة علشان لو الدكتور عمل كدا فمش تبدأوا بأول مسألتين علشان لو الدكتور جابهم صعبين وبدأتوا بيهم هتتوتروا وهيضيع الامتحان كله استعن بالله ولا تعجز ❤️ ربنا يكرمكم جميعاً وبالتوفيق للجميع إن شاء الله ❤️

لعل احد منكم قريب الى الله فيدعو دعوة لي تكون سبب في جعلى من عباد الله الصالحين لا تنسونا من دعائكم بظهر الغيب https://youtube.com/playlist?list=PLzT9aqhNOKIgq9khqOtfSqS-5nNPzyp0Y&si=O5avaMGyF5paSFPB استاتيكا 🌸 https://youtube.com/playlist?list=PLzT9aqhNOKIgeqQXRv0jQ1wv5h7ZWQzcR&si=Z14QSF4rLMCUdyQm ديناميكا 🌸 Eng Mostafa