ወልድ ዋሕድ ሚዲያ welid wahid media

✨✨✨✨✨✨ዛሬ✨✨✨✨✨ 💍💍💍💍💍💍💍💍💍💍💍💍💍💍 “ሚስትህ በቤትህ እልፍኝ ውስጥ እንደሚያፈራ ወይን ናት ልጆችህ በማዕድህ ዙሪያ እንደ ወይራ ቡቃያ ናቸው።” "መዝ 127፥3" 💍💍💍💍💍💍💍💍💍💍💍💍💍💍       🔔ሳምንታዊው የረቡዕ ጉባኤ🔔 ክፍል ፩ የወጣቶች ህይወት ከጋብቻ በፊት በመምህርና ጋዜጠኛ፦ ግሩም ንጉሤ             ⌚️ ከምሽቱ 12:00 ሰዓት ጀምሮ      ⛪️ በምዕራፈ ጻድቃን ሰንበቴ አዳራሽ ቃለ ምዕዳንና ቡራኬ ከሚሰጡን አባቶች፣ ትምህርተ ወንጌል ከሚያካፍሉን መምህራነ ወንጌል ቀድሞ መገኘት የጉባኤ ስርዓት ነው፤ ደግሞም የእለቱን መርሐግብር በሰዓቱ ጀምሮ በሰዓቱ ለማጠናቀቅም ያግዘናል። 📋ማስታወሻ ደብተር (ወረቀት) እና ብዕር መያዛችሁ አትርሱ።     ❤  "ረቡዕ የትምህርት ቀን"❤

“አንኳኩቼ አላገኘሁም” አትበል፡፡ ብቻ የለመንከው፣ ደጅ የጠናኸው አንተ የምትወደው ሳይሆን እግዚአብሔር የሚወድልህ ይሁን፡፡ ወደ እግዚአብሔር የተዘረጋ እጅ ፈጽሞ ባዶውን አይመለስም፡፡ ስለዚህ ራስህን፣ ልመናህን ምን ዓይነት እንደሆነ ፈትሽ እንጂ አንኳኩቼ አላገኘሁም አትበል፡፡ እንኳንስ ንጹሐ ባሕርይ የሆነው እግዚአብሔር ክፋት የሚስማማው ምድራዊ አባትም ለልጁ ጀሮውን አይደፍንም፡፡ አስቀድሞ ሕያዊት ነፍስን “እፍ” ብሎ እንዲሁ የሰጠን ጌታ፣ ኋላም ተቀዳሚ ተከታይ የሌለው አንድ ልጁን ሳይራራ ከሰጠን እንደምን በዚህ ይታማል? እንደምንስ አይሰጠንም እንላለን? /ሮሜ.8፥32/፡፡ ልጁን የሰጠው እኮ ጭራሽ “ስጠን” ብለው ላልለመኑ አሕዛብም ጭምር ነው፡፡ ታድያ እንዲህ የምንለምን እኛማ እንዴት አብልጦ አይሰጠንም? የሚበልጠውን ሰጥቶን ሳለስ እንደምን ትንሹን አይሰጠንም እንላለን? ስለዚህ ከእኛ የሚጠበቀውን ሳናደርግ “እግዚአብሔር ጸሎቴን አይሰማም” የሚል የሰነፎች አባባል የምንናገር አንሁን፡፡ ጀሮን የፈጠረ ይሰማል!” #ቅዱስ_ዮሐንስ_አፈወርቅ (ሰማዕትነት አያምልጣችሁ መጽሐፍ #በገብረ_እግዚአብሔር_ኪደ ገጽ 178)

"እንደ ጋኔን ቅናተኛ የለም፡፡ ቅናቱ ግን በሰው ልጆች ላይ እንጂ እርሱን በሚመስሉ አጋንንት ላይ አይደለም፡፡ ሰው ግን በገዛ ወንድሙ ላይ ይቀናል፤ በአጋንንት እንኳን በጭራሽ የማይደረግ በገዛ ቤተ ሰቡ ላይ ይቀናል፡፡ ታዲያ እንደዚህ ዓይነት ሰው እንዴት ይቅርታን ያገኛል? እንዴት ምሕረት ቸርነትን ያገኛል?" ~ ቅዱስ ዮሐንስ አፈወርቅ፥ ፩ኛ ቆሮ. ድርሳን ፴፩፥፯

"ጋብቻ በአግባቡ ሊኖሩበት ለሚፈቅዱ ሰዎች የንጽሕና ደሴት ነው፤ የአንድ ሰው ተፈጥሮ አውሬያዊ እንዳይኾንም ይጠብቀዋል፡፡ አንድ ግድብ የሚፈስሰውን ውኃ ገድቦ እንደሚይዘው ኹሉ፥ ጋብቻም ሩካቤ ሕጋዊና ሥርዓት ያለው እንዲኾን ዕድል ይሰጣል፤ በዚህ መንገድ የሩካቤ ወንዝ መሻትን ይቆጣጠራል፡፡ ጸጥተኛ በኾነ ባሕር ውስጥ እንድንኾን ያደርገናል፡፡ ስርግርግ በሚል የዝሙት ማዕበል ውስጥ እንዳንሰጥም ይጠብቀናል፡፡ ይህን ትድግና (ረዳትነት) የማይፈለጉና በባሕሩ ላይ እስከ መጨረሻው ዋኝተው መሔድ የሚሹ አንዳንድ ሰዎች ግን አሉ፡፡ ከዚህ ከጋብቻ ደሴት ይልቅ በፆም፣ በትግሃ ሌሊት፣ መሬት ላይ በመተኛትና የትሕርምት ሕይወትን በመኖር ራሳቸውን መግዛት የሚፈልጉ አሉ፡፡ ለእነዚህ ሰዎች እንዳያገቡ እመክራቸዋለሁ እንጂ የግድ ከጋብቻ አልከለክላቸውም፡፡" ~ በእንተ ድንግልና፥ 9፥1 ✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨ 🌹ሳምንታዊው የረቡዕ ጉባኤ🌹   " መጋባት በሁሉ ዘንድ ክቡር መኝታውም ንጹሕ ይሁን "  ዕብ  13÷4         "ጋብቻ ወይስ  ጋር ብቻ? "                       ልዩ             ተከታታይ ትምህርት 📆 ከረቡዕ ግንቦት 14 ቀን 2016 ዓ.ም  ጀምሮ ክፍል ፩ የወጣቶች ህይወት ከጋብቻ በፊት በመምህርና ጋዜጠኛ፦ ግሩም ንጉሤ             ⌚️ ከምሽቱ 12:00 ሰዓት ጀምሮ      ⛪️ በሰንበት ት/ቤቱ አዳራሽ 📋ማስታወሻ ደብተር (ወረቀት) እና ብዕር መያዛችሁ አትርሱ።                🔔🔔🔔🔔🔔              🔔  1 ቀን ቀረው🔔                 🔔🔔🔔🔔🔔

“ልጆቼ ፦ እግዚአብሄርን በእምነት በፀሎት እንሻው ከእኛ የጠፋ ገንዘባችንን ነቅተን ተግተን በብዙ ድካም እንድንሻው እንዲሁ ሃሳባችንን ወደ እግዚአብሄር ልናቀርብ ይገባናል ፤ ልጃችን ቢጠፋብን ፈልገን በቅርብ ያላገኘነው እንደሆነ ሃይላችንን በድካም ድካማችንን በሃይል የምንለውጥ አይደለንምን? የጠፋውን ልጃችንን ስለመፈለግስ እናገኘው ዘንድ የብሱን በእግር ባህሩን በመርከብ የምንዞር አይደለንምን? ፈልገንም ያገኘነው እንደሆነ ዳግመኛ እንዳይጠፋብን ለመጠበቅ እንተጋ የለምን? እንዲህ ከሆነ መሓሪ እግዚአብሄርን በእምነትና በፀሎት እንሻው ዘንድ ምን ያህል ይገባን ይሆን? እግዚአብሄርን ፈልጉት ነጋዴ ወርቅ ቢጠፋበት ወርቁን ያገኘው እንደሆነ ሁሉን ቦታ እንደሚፈልግ እንዲሁ እግዚአብሄርን ፈልጉት፤ እናት ልጇ ቢጠፋባት እስክታገኘው ድረስ አርፋ እንደማትቀመጥ እንዲሁ እግዚአብሄርን ፈልጉት እግዚአብሄርን እሹት ፈልጉት እስክታገኙት ድረስ በእምነት በፀሎት እሹት፡፡” (ቅዱስ ዮሃንስ አፈወርቅ)

🌿ሰላምና ደኅንነት 🌿 ሰላም ደኀንነት መንፈሳዊ ሕይወትን ያደላድላል ፦"ስለዚህ ፤ የተወደዳችሁ ወንድሞቼ ሆይ ፦ ሰው ሁሉ ለመስማት የፈጠነ ለመናገርም የዘገየ ለቁጣም የዘገየ ይሁን ፤ ..." ያዕ 1÷19። "ሳሙኤልም ፦ በውኑ የእግዚአብሔር ቃል በመስማት ደስ እንደሚለው እግዚአብሔር በሚቃጠልና በሚታረድ መሥዋዕት ደስ ይለዋልን? እነሆ ፦ መታዘዝ ከመሥዋዕት ማዳመጥም የአውራ በግ ስብ ከማቅረብ ይበልጣል ።" 1ኛ ሳሙ 15÷22

ኦርቶዶክሳዊ ትዳር፥ በክርስቶስ ወደ ክርስቶስ የሚያደርጉት ጉዞ ነው። ከኃጢአት እየነጹ በምግባርም እየጎለመሱ የሚሔዱት መዳረሻው ሱታፌ ክርስቶስ የኾነ ጉዞ ነው። ከኃጢአት ለመንጻትና በምግባር ለመጎልመስም ራሱን የቻለና የሚጠበቅ ተጋድሎ አለው። ብዙዎች ይህ የሚጠበቀውን ተጋድሎ "ለመፍታት" አስበው፥ ትዳራቸውን ከኦርቶዶክሳዊ ዐውዱ አስወጥተው ፈትተውታል። በዚህ ጉባኤ ላይ ከትዳር አጋርዎ፣ ከዕጮኛዎ፣ ለብቻዎም ቢኾን ቢገኙ፥ ስለዚህ የሕይወት ጉዞ መሬት የረገጡ ምሳሌዎችን እያነሣን እንዴት ጽናትን ተላብሰን መጓዝ እንደምንችል ለተከታታይ ሳምንታት እናወጋለን። አዘጋጅ፦ የወልድ ዋህድ ሰ/ት/ቤት ትምህርት ክፍል ቀን፦ ዘወትር ረቡዕ ሰዓት፦ ማታ 12:00-1:45 የሚጀምርበት ቀን፦ 14/09/2016 ዓ.ም                    ✨✨✨✨ ✨✨✨✨2 ቀን ቀረው✨✨✨✨                     ✨✨✨✨

አማላጃችን ሚካኤል ሆይ ፈጥኖ ደራሻችን ሚካኤል ሆይ የጌታን ዙፋን ከሚያጥኑ ሱራፌል ካህናት አንዱ ሰማያዊ ካህን አንተ ነህ ። የሰማያውያን ሊቃነ መላእክት ሁሉ አንተ አለቃቸው ነህ ። ይልቁንም የልዑላንም ልዑል አንተ ነህና በጠራሁህ ጊዜ ሁሉ በይቅርታና በቸርነት ድረስልኝ አትራቀኝ። (መልክአ ሚካኤል) ቅዱስ ሚካኤል ከክፉ ጠላት ይጠብቀን፤ ሀገራችንን ሰላም ያድርግልን።