Дөрес сүзгә җавап юк!

Туган телем бабамнардан — Иң бай мирас, васыять. Әмир Мәхмудов

Шигырь ул – тылсым. Шигырь – күкләр догасы. Роберт Әхмәтҗанов

Бу дөньяда сүзем калыр, үзем — юк. Мәҗлиси

Ташны ташлыйсы җиңел, күтәрәсе авыр.

Игелек орлыклары чәчәгез, бәхет игеннәре игәрсез. Ризаэтдин Фәхретдин

Кем сабыр итәргә тырыша, Аллаһ аны сабыр итәргә өйрәтә. Сабырлыктан да яхшырак һәм киңрәк бирелгән бүләк юк. Хәдис

Ут белән сүз арасында охшашлык бар: Икесе дә яндыра һәм көйдерә ала. Фәнис Яруллин

Телсез ризык тәмен белә, сүз тәмен белми. Мөхәммәт Мирза

Киләреңдә язмыйм дисәң туган телдән, Сабыеңа бир син аны туган көннән. Резеда Вәлиева

Халык күтәргән кешене җиргә ташлау авыр ул. Вахит Имамов

Үрчү-тудыруның төп чыганагы булган хатын-кыз — милли байлык... Аның физик тазалыгы, әхлагы, җисеме һәм рухи сафлыгы дәүләт-милләт кайгыртуында, һәркемнең кайгыртуында булырга тиеш... Мөхәммәт Мирза

Яхшылыкның кадәрен белмәгән кешедән ерак булу яхшы.

Утыз тештән чыккан сүз утыз авылга тарала. Әхсән Баян

Кычкырган каргыштан көчле Пышылдап әйткән рәхмәт. Ренат Харис

Ана телен җуйган — башка күп телләр белүенә карамастан милләтсез... Мөхәммәт Мирза

«Алтын куллы», «алтын йөрәкле» дигән исем алучы милләттәшләребез арасында милләт үсеше өчен алты тиенлек өлеш кертмәүчеләр дә бар. Нурулла Гариф

Тормышта үз принцибы булмаган язучының әсәрендә нинди принципиальлек булсын? Шәүкәт Галиев

Халкыбызның җырларын тикшереп карасаң, искитәрлек фәлсәфә һәм табигать белән бердәмлек. Ата-бабаларыбыз беркайчан да үзләрен табигатьтән аерып куймаганнар. Бу инде — рухи тормышның бөтенлеге. Мөхәммәт Мәһдиев

Әй, килә соң тапкыр сүзләр бәхәс тынгач!.. Равил Фәйзуллин

Ир-ат... Ат-ир... Безнең телебезгә генә хас нинди бөек мәгънә. Рухи һәм җисми бергәлек. Марсель Галиев