الشدائد عرفتنا بحمران العيون والمواقف درستنا فنون المرجله

انا الحزين اللي عليه ضــاقت الارض وانا الغريق اللي اهـدنته الــســـباحه وانا السجين اللي من الطول للـعرض مــترقب الســـجان يطــلق ســـراحه 🕊

‏الفسل .... لاضاقت عليه الوسيعــه وإحتاج يصبح عود من جيز حزمـه أنا أشهد إن بعض العلاقات ضيعــه لاوسّـعت خاطر .. ولا فكّـت أزمــه ‎ 🕊

مع مرور الوقت........ عشنا وشفنا بعض الرجال أزوال وقت المواقف و في مجلس الشيبان. حنا سمعنا المرجله مواقف . و لاهي سوالف 🕊

‏ما كل المشاكل تنحل بالمال ماتقدر بالمال تشتري السعاده الحمد لله للعافيه وستر الحال ناس غنيه مال وعايشه بالنكاده 🕊

يحز في خاطـري ويشيّن أخلاقي الصاحب اللي تغيّر واخلف النيّه وانا خويّه وواقف له على سـاقي وافزع ليااحتاجني بالمـال ويديّه وافي معـه والمكانه جوف الاعماقي وعلى يمينه بساعات(ن) ظروريّه 🕊

‏كم كم يا نصائح رضعنا لبنها وزدتنا عافيه وحنا صغيرين وللان معانا وما تخلينا عنها وصيه الاباء، وناس كبيرين الواحده الذهب يساوي وزنها مخوه الطيب والالتزام بالدين وابعد عن الزلات ..وعن عفنها الناس باخلاقها تساوي ملايين 🕊

الوقت دوار مايمشي على مانريد دوراته تمر ما ندري .. عن اسبابها مثل البعض كل يومٍ هو بوجهٍ جديد كم ناس والله عجزنا نعرف اسلوبها وأنا من اسلوبي أسايس ولاني شديد بعض الأمور التجاهل يقفل أبوابها 🕊️

سلام يافارس الميدان يامن سبق حكمتك صيتك ياليت .. لو كان ... بالإمكان للمشتكي يـــزين توقيتك شارط على خافقي سلطان ويقول انا اسقيك وا قيتك ومن يومها الجايع العطشان فــــي حال ولحلَّها جيتك 🕊️

لك التراحيب.. قدر وشان حـضّـرتهـا فــــي مـواقيتك واعطيك عن ما ورد تبيان حسب المعاني ... وتنعيتك اللي ترك خاطرك شفقان بارع ويـسـعى لتشـــتيتك مِـعطيك كلمه بلا بـرهان قـصده بها بس تسـكيتك 🕊️

يالله ياللي بك نعوذ ونستعين يارب لطفك من صدوف الأزمنه واعوذ بك يالله من ابليس اللعين واعوذ بك من شر ناس العن منه 🕊️

علم التجاهل له قوانين واسلوب ماكل واحد يستطيع .. ان يجيّده لاجاك قول الصدق مافيه عذروب أستقبله وأسّمعه واحفظ .. مفيده والي يجيك بهرج تلفيق مكذوب تجآهله ترى التجآهل .. يبيّييده 🕊️

بعض البشر في وقتنا تآه الطريق والبعض عنده نقص ولّد مشكله كم جاهلٍ يفرح إذا طاح الرفيق من صغر تفكيره .. وقِل المرجله لاشاف إبن عمه كفو صدره يضيق طيب الرفاقه عنده اكبر معضله 🕊️

ادقق أحيان ... وأغلب وقتي أتجاهل والقىَ التجاهل مريح أفضل من التدقيق ما كل موضوع .. في ها لكون يستاهل بعض القضايا تقَفّل ... ما تبي تحقيق 🕊️

اهل المكارم بالمكارم....... تباها وأهل الجمايل بالجمايل سجلها وأهل الوفاء والجود تكرم... عداها من حسن تربيتها ومن عز... اهلها والنفس يظهر طيبها في.... نقاها و الناس حسن أخلاقها هو. اصلها كلاً يحط الصورة اللي..... يباها وخير صورة بالتعامل. ... نقلها.. 🕊

يا.ما كافحت ومريت بانواع الألم كثر مشاكل من القربين والخذلان لكن بفضل الله حققت بعض الحلم وماكل شيء يتحقق دون حسبان 🕊

صدفت لي رَجلًْ عن الفين رجال وقت الشدايد . ينعرف في مقامه له هيبةٍ ...... ماحازها كل  خيال الله رفع .... قدره ومرفوع  هامه يحفظك ربي من صواديف الاهوال عسى ....... دروبك كلبوها سلامه 🕊

جزل الكلام اللي يغنى بالامثال حرفه على الامجاد مرفوع هامه قلته وانا اللي يحمي القول لاقال من مفردات الشعر يبني كلامه 🕊

ماكل من يبغى السعاده . لقاها ولاكل من يبغى المراجل وصلها الناس تعرف دايمٍ في .... وفاها وتجزى النفوس الطيبه في عملها ويابعد فرق الناس في.. مستواها والله على بعض الطبايع ... جبلها ناسٍ من الاخلاق ..... ربك عطاها وناسٍ بهالدنيا ....... كثيرٍ جهلها 🕊

‏لاتحسب ان قل اتصالي.... قطاعة تجبرني ظروفي على شي ما ابغيه القلب.... ماله في زعلك استطاعه يفداك قلبٍ مذهبٍ...... حال راعيه انا لا شفتك............ ولو ربع ساعة كني ملكت البيت الابيض وما فيه 🕊

شيبتنا يا وقت واوجعتنا فيك ولا لقينا بعد الاوجاع راحة ولا نفع من شدة الوضع تكتيك والكل مسوي صوب نحري سلاحه الفقر من جانب ومن شق الامريك وحصار يتحكم على كل ساحة قل لي ويش اعمل يا طموحي وانا اديك اطلق هموم القلب واطلق سراحه الوقت طال ولا قدرت اني اشريك ولا بقي داخل حياتي مساحة ما غير اسلي خاطري قبلما ابكيك وانا الذي بالصبر يكتم جراحه 🕊